نئی دلّی ،26 اگست / بھارت میں  آج صحت یاب ہونے   والوں کی تعداد   ، زیر ِ علاج مریضوں سے 3.5 گنا زیادہ ہو گئی ہے ۔

          ایک ہی دن میں  صحت یاب ہونے والوں  کی  تعداد کئی دن سے 60000 سے زیادہ  ہے ۔ پچھلے 24 گھنٹے  کے دوران   کووڈ – 19 کے  63173  مریض صحت یاب ہوئے ہیں  اور اس طرح  شفا یاب ہونے والے مریضوں کی کل تعداد   2467758 تک پہنچ گئی ہے ۔ اس سے صحت یاب ہونے والے مریضوں کی تعداد اور  زیر علاج مریضوں کی تعداد   کے درمیان   فرق  میں مزید  اضافہ ہوا ہے ۔ 

          1760489 افراد صحت یاب ہوئے ہیں  ، جب کہ زیر علاج مریضوں کی تعداد  707267 ہے ۔ اس کے ساتھ ہی  بھارت میں  کووڈ – 19 کے مریضوں کی  صحت  یابی کی شرح   آج 76 فی صد سے زیادہ  ( 76.30 فی صد ) ہو گئی ہے ۔

          ریکارڈ تعداد میں  صحت یابی    کی وجہ سے  ملک میں   زیر علاج مریضوں   کی تعداد میں مزید  کمی  آئی ہے ۔ اب  زیر علاج مریضوں کی تعداد کل متاثرہ  مریضوں کا صرف   21.87 فی صد ہے ۔

          تیزی  کے ساتھ ٹسٹ کرنے  اور موثر طبی  مینجمنٹ    کے لئے  مرکز اور   ریاست  / یو ٹی  حکومتوں کی  مربوط کوششوں کی وجہ سے   اسپتال میں داخل  مریضوں   کی تعداد میں مسلسل کمی آ رہی ہے اور  شرح اموات میں بھی کمی آئی ہے ۔  آج شرح اموات  مزید کم ہوکر  1.84 فی صد ہو گئی ہے ۔

کووڈ  - 19 سے متعلق تکنیکی  امور  ، رہنما خطوط اور  مشاورت   کے بارے میں  تمام مصدقہ جانکاری   اور تازہ معلومات کے لئے    https://www.mohfw.gov.in/  اور  @MoHFW_INDIA پر رجوع کریں ۔

کووڈ – 19 سے متعلق تکنیکی سوالوں  کو   ای میل   technicalquery.covid19[at]gov[dot]in اور دیگر سوالوں کو  ncov2019[at]gov[dot]in  اور   @CovidIndiaSeva پر بھیجا جا سکتا ہے ۔

کووڈ – 19 سے متعلق کسی بھی سوال کے لئے صحت اور خاندانی بہبود کی وزارت   کے ہیلپ لائن نمبر   +91-11-23978046  اور 1075 ( مفت ٹیلی فون نمبر ) پر رجو کریں ۔ 

ریاستوں / یو ٹی  کی کووڈ – 19 سے متعلق ہیلپ  لائن نمبروں کی فہرست   https://www.mohfw.gov.in/pdf/coronvavirushelplinenumber.pdf پر دستیاب ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) 

U. No.  4825