ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ

ਭਾਰਤ ਵਿੱਚ ਸਿਹਤਯਾਬੀਆਂ ਵਧਣ ਨਾਲ ਸਰਗਰਮ ਕੇਸਾਂ ਵਿਚਾਲੇ ਅੰਤਰ ਵਧਿਆ

ਸਿਹਤਯਾਬ ਹੋਏ ਮਰੀਜ਼ਾਂ ਦੀ ਗਿਣਤੀ ਸਰਗਰਮ ਕੇਸਾਂ ਤੋਂ 3.5 ਗੁਣਾ ਹੋਈ

प्रविष्टि तिथि: 26 AUG 2020 1:06PM by PIB Chandigarh

ਭਾਰਤ ਵਿੱਚ ਸਿਹਤਯਾਬੀਆਂ ਦੀ ਗਿਣਤੀ ਅੱਜ ਸਰਗਰਮ ਕੇਸਾਂ ਤੋਂ 3.5 ਗੁਣਾ ਤੋਂ ਪਾਰ ਹੋ ਗਈ ਹੈ ।
ਕਈ ਦਿਨਾਂ ਤੋਂ ਸਿਹਤਯਾਬੀਆਂ ਦੀ ਗਿਣਤੀ 60 ਹਜ਼ਾਰ ਤੋਂ ਵੱਧ ਦਰਜ ਕੀਤੀ ਜਾ ਰਹੀ ਹੈ । ਪਿਛਲੇ 24 ਘੰਟਿਆਂ ਦੌਰਾਨ 63,173 ਸਿਹਤਯਾਬੀਆਂ ਨਾਲ ਕੋਵਿਡ-19 ਤੋਂ ਸਿਹਤਯਾਬ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ 24,67,758 ਤੱਕ ਪਹੁੰਚ ਗਈ ਹੈ । ਇਸ ਸਦਕਾ ਸਿਹਤਯਾਬ ਹੋਏ ਮਰੀਜ਼ਾਂ ਦੀ ਪ੍ਰਤੀਸ਼ਤ ਅਤੇ ਐਕਟਿਵ ਕੇਸਾਂ ਦੀ ਪ੍ਰਤੀਸ਼ਤ ਵਿਚਾਲੇ ਪਾੜਾ ਹੋਰ ਚੌੜਾ ਹੋ ਗਿਆ ਹੈ ।




ਇਸ ਨਾਲ ਭਾਰਤ ਵਿੱਚ ਕੋਵਿਡ-19 ਤੋਂ ਸਿਹਤਯਾਬ ਹੋਣ ਵਾਲੇ ਮਰੀਜ਼ਾਂ ਦੀ ਦਰ 76 ਫੀਸਦ ਤੋਂ ਟੱਪ ਕੇ 76.30 ਦਰਜ ਕੀਤੀ ਗਈ ਹੈ । ਭਾਰਤ ਵਿੱਚ ਰਿਕਾਰਡ ਪੱਧਰ ਤੇ ਸਿਹਤਯਾਬੀਆਂ ਹੋਣ ਸਦਕਾ ਸਰਗਰਮ ਕੇਸਾਂ ਦਾ ਭਾਰ ਹੋਰ ਘਟ ਗਿਆ ਹੈ । ਇਹ ਭਾਰ ਕੁੱਲ ਪੌਜ਼ੀਟਿਵ ਕੇਸਾਂ ਦਾ ਸਿਰਫ਼ 21.87 ਫੀਸਦ ਰਹਿ ਗਿਆ ਹੈ । ਕੇਂਦਰ, ਸੂਬਾ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਵੱਲੋਂ ਕੀਤੀਆਂ ਜਾ ਰਹੀਆਂ ਜੋਰਦਾਰ ਕੋਸ਼ਿਸ਼ਾਂ ਦੀ ਬਦੌਲਤ ਕੋਵਿਡ-19 ਤੋਂ ਹੋਣ ਵਾਲੀ ਮੌਤ ਦਰ ਅੱਜ 1.84 ਦਰਜ ਕੀਤੀ ਗਈ ਹੈ ਅਤੇ ਇਹ ਲਗਾਤਾਰ ਘਟ ਰਹੀ ਹੈ ।

ਐਮ ਵੀ/ਐਸ ਜੇ


(रिलीज़ आईडी: 1648777) आगंतुक पटल : 208
इस विज्ञप्ति को इन भाषाओं में पढ़ें: English , Urdu , Marathi , हिन्दी , Manipuri , Assamese , Gujarati , Odia , Tamil , Telugu , Malayalam