(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারত্তা নাবা ফরবা মশিং ঙসি এক্তিব কেসকী মশিংদগী শরুক ৩.৫ হেল্লে।
• হৌখিবা পুং ২৪দা কোবিদ-১৯গী অনাবা ৬৩,১৭৩ নাবা ফখিবদগী অপুনবা নাবা ফবা মশিং ২৪,৬৭,৭৫৮ য়ৌখ্রে অমসুং নাবা ফবগী চাং অসি ঙসি ৭৬.৩% য়ৌখ্রে
• কেস ফেতেলিতী রেৎ ১.৮৪%দা হন্থরে
• অপুনবা তেস্ত তৌবা মশিং ৩,৭৬,৫১,৫১২ য়ৌবগা লোয়ননা হৌখিবা পুং ২৪দা তেস্ত ৮,২৩,৯৯২ পাংথোকখি
• সি.জি.ঐচ.এস.না দিল্লী/এন.সি.আর.দা ই-সঞ্জীবনিগী খুত্থাংদা তেলে-কন্সলতেসন সর্বিসশিং হৌদোক্লে
• দোক্তর হর্শ বর্ধন্না রাজস্থানদা অনৌবা মেদিকেল কোলেজ অনি অমসুং সুপর-স্পিসিএলিতি ব্লোক অহুম লৈবাক মীয়ামদা কৎথোকখ্রে
   

নাবা ফবগী চাং হেনগৎপগী মতুং ইন্না এক্তিব কেসকগী মশিংদা খেন্নবসু হেনগৎলক্লি; নাবা ফবা অনাবা মশিংনা এক্তিব কেসকী মশিন্দগী শরুক ৩.৫ হেল্লি

ভারতকী নাবা ফরবা মশিংনা এক্তিব কেস্কী মশিংদগী শরুক ৩.৫ হেল্লে। নুমিৎ কয়াদগী হৌনা নোঙমদা নাবা ফবগী মশিং অসি ৬০,০০০ হেন্দুনা লাক্লি। হৌখিবা পুং ২৪দা কোবিদ-১৯গী অনাবা ৬৩,১৭৩ নাবা ফখিবদগী অপুনবা নাবা ফবা মশিং ২৪,৬৭,৭৫৮ য়ৌখ্রে। মসিনা নাবা ফবা মশিং অমসুং এক্তিব কেসকী মশিংগী মরক্তা খেন্নবগী চাংসু য়াম্না হেনগৎহনবদা তেংবাংলে। এক্তিব কেস মশিং (৭,০৭,২৬৭)দগী ১৭,৬০,৪৮৯ হেন্না নাবা ফবগী মশিং ওইরে। মসিগা লোয়ননা ভারতকী কোবিদ-১৯গী অনাবশিংগী নাবা ফবগী চাং অসি ঙসি ৭৬.৩% হেনখ্রে। মশিং ৱাংবা নাবা ফবগী চাং ওইরক্লিবা অসিনা লৈবাক অসিগী তশেংবা কেসকী মশিং (এক্তিব কেস) অসি হন্থরে হায়বা তাক্লি। এক্তিব কেসনা হৌজিক অপুনবা কেসকী শরুক ২১.৮% খক্তমক ওইরি। কেন্দ্র সরকার অমসুং রাজ্য/য়ু.তি. সরকারশিংনা খুৎশম্নদুনা পাক শন্না তেস্ত তৌবা অমসুং হোস্পিতালদা লাক্লবা অনাবশিংবু নীংথিনা মেদিকেল কেয়র পীবগী খুত্থাংদগী কেস ফেতেলিতী নেম্বগী পান্দম অসি ফংবা ঙম্লিবনি। ঙসি ফাওবদি মসি ১.৮৪% ওইরি অমসুং লেপ্তনা হন্থরক্লি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648672

নুমিৎ খুদিংগী লাখ ৮ হেন্নবগী চাংদা তেস্ত তৌবগা লোয়ননা, ভারত্তা কোবিদ-১৯গী তেস্ত তৌবা হেনগৎলক্লি; হৌজিক্তি তেস্তস পর মিলিয়ন (তি.পি.এম.) ২৭,০০০ হেল্লে

মতম চানা অমসুং তেস্ত তৌবা কনশিনবা অসিগী খুত্থাংদা কোবিদ-১৯গী অনাবশিং ঙন্না খঙদোকপা ঙম্বদুনা ভারতনা লায়চৎ অসি থেংনবদা লৌখৎলিবা লালোংগী মরু ওইবা থৌদাং অদু লৌরি। নুমিৎ ৭নিদা নোংমদা তৌবা তেস্তকী মশিং হেনগৎলক্লিবা অসিনা মায়কৈ অসিদা কেন্দ্র অমসুং রাজ্য/য়ু.তি. সরকারশিংনা হনবা লৈতনা, লেপ্তনা অমসুং পুন্না হোৎন্দুনা চংশিল্লি হায়বা তাক্লি। ঙসি ফাওবদা পুন্না তেস্ত তৌখিবা অসি ৩,৭৬,৫১,৫১২ য়ৌখ্রে। হৌখিবা পুং ২৪দা তেস্ত ৮,২৩,৯৯২ তৌখ্রে। দাইগনোস্তিক লেবকী নেৎৱার্ক হেনগৎলকপা অমসুং লৈবাক শিনবা থুংনা তেস্ত লায়না তৌহনবা ফংহনবা অসিনা মায় পাকপা ঙমহল্লি। মায় পাকপা অসিগা লোয়ননা তেস্তস পর মিলিয়ন (তি.পি.এম.) অসি ২৭,২৮৪দা খঙহেন হেনগৎখ্রে। তেস্তিং লেবশিংগী নেৎৱার্ক চাউথোরকপা অসিনা লৈবাক শিনবা থুংনা লৈরিবা তেস্তিং ফেসিলিতীশিং মপাঙ্গল খনখৎপা হেনগৎনবা খুদোংচাবশিং ফংহল্লি। ঙসি পুন্না লেব ১৫৪০ লৈরে, মসিদা লৈঙাক্কী লেব ৯৯২ অমদি লন্নাইগী লেব ৫৪৮য়াওরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648683

সি.জি.ঐচ.এস.না দিল্লী/এন.সি.আর.দা ই.-সঞ্জিবনিগী খুত্থাংদা তেলি-কন্সলতেসন সর্বিস হৌখ্রে

হেলথকেয়র ফেসিলিতীশিংদা মশা চত্ত্রবসু বর্চুএলগী খুত্থাংদা সি.জি.ঐচ.এস.কী অখঙ-অহৈশিংগা ৱা তাথোক তাশিন তৌবা য়াহন্নবা হায়দুনা সি.জি.ঐচ.এস.না ২৫/৮/২০২০দগী হৌদুনা তেলি-কন্সলতেসন সর্বিস অমা হৌদোক্লগনি। অহানবগী ওইনা মসিগী সর্বিস অসি দিল্লী/এন.সি.আর.গী মফমশিং খক্তদা ফংখিগনি। ই.-সর্বিস অসি থবক তৌবা নুমিৎশিংগী অয়ুক্কী পুং ৯দগী নুংথিলগী পুং ১২ ফাওবগী মনুংদা ফংগনি। সি.জি.ঐচ.এস. তেলি-কন্সলতেসন সর্বিস অসিনা হকশেল মন্ত্রালয়গী হৌজিক লৈরিবা ই.-সঞ্জিবনি প্লেৎফোর্ম শিজিন্নগনি। শিজিন্নবদা লায়হন্নবা হায়দুনা প্লেৎফোর্ম অসি বেনিফিশরীশিংগী আই.দি.গা শম্নহল্লি। অহৈবা ও.পি.দি. সর্বিসকী কান্নবা ফংনবগীদমক্তা বেনিফিশরীশিংনা মখোয়গী মোবাইল নম্বর শিজিন্নদুনা প্লেৎফোর্ম অসিদা রেজিস্তর তৌগদবনি অমসুং মসিগী তুংদা মশক খঙদোক্নবা ও.তি.পি. অমা থারক্কনি। মশক খঙদোক্লবা তুংদা বেনিফিশরীশিংনা পথাপ অসিদা লোগ-ইন তৌবা য়াগনি, রেজিস্ত্রেসন ফোর্ম মেনবা য়াগনি অমসুং তোকন পীনবা হায়জবা য়াগনি। মখোয়না মখোয়গী হকশেলগী রেকোর্দসু অপ্লোদ তৌবা য়াগনি (তঙাই ফদ্রবদি)। কোবিদ-১৯গী মতম অসিনা মরম ওইদুনা চত্থোকপদি ঙমদবা অমসুং অখঙ-অহৈ অমগা ৱা তাননিংবা সি.জি.ঐচ.এস. বেনিফিশরীশিংগী ওইনদি মসিগী তেলি-কন্সলতেসন সর্বিস অসি য়াম্না কান্নবা অমা ওইরগনি। অহৌবগী ওইনা মখাগী হীরমশিং অসিদা অখঙ-অহৈশিংগা ৱা তানবা য়াগনি মদুদি মেদিসিন, ওর্থোপেদিক্স, মিৎ, ই.এন.তি.নি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648664

দোক্তর হর্শ বর্ধন্না রাজস্থানদা অনৌবা মেদিকেল কোলেজ অনি অমসুং সুপর-স্পিসিএলিতি ব্লোক অহুম লৈবাক মীয়ামদা কৎথোকখ্রে

হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্শ বর্ধন্না রাজস্থানগী চীফ মিনিস্তর অসোক গেলোতকা লোয়ন্না দিজিতেল ওইনা রাজস্থানদা অনৌবা মেদিকেল কোলেজ অনি অমসুং সুপর-স্পিসিএলিতি ব্লোক অহুম লৈবাক মীয়ামদা কৎথোকখ্রে। থৌরম অদুদা হেল্থ অমসুং ফেমিলি ৱেলফিয়ারগী রাজ্য মন্ত্রী অশ্বিনি কুমার চৌবেসু শরুক য়াখি। রাজমাতা বিজয়া রাজে সিন্দিয়া মেদিকেল কোলেজ,বিলৱারা অমসুং ভারতপুর মেদিকেল কোলেজ দিস্ত্রিক হোস্পিতালশিংদগী মেদিকেল কোলেজশিং ওন্থোকখি অমসুং গভর্নমেন্ত মেদিকেল কোলেজ,কোতা; সারদার পতেল মেদিকেল কোলেজ,বিকানর; অমসুং রাবিন্দ্র নাথ তেগোর মেদিকেল কোলেজ, উদয়পুরদা সুপর-স্পিসিএলিতি ব্লোকশিং হাপচিনখি। হায়রিবা প্রোজেক অসিদা পুন্না লুপা করোর ৮২৮ থাদখিবগী মনুংদা মেদিকেল কোলেজ অমমমদা লুপা করোর ১৫০ থাদখি। কোলেজশিংদা অন্দরগ্রেজুয়েতকী সিত ১৫০ লৈ। ভারতপুর মেদিকেল কোলেজদা আই.সি.য়ু ফমুং ৩৪ য়াওনা ফমুং ৫২৫ অমসুং রাজমাতা বিজয়া রাজে সিন্দিয়া মেদিকেল কোলেজদা আই.সি.য়ু ফমুং ১২ য়াওনা ফমুং ৪৫৮ লৈগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648708

চহি অসিগী এপ্রিল ২০দগী থাও অমসুং গ্যাসকী সেক্তরদা লুপা কোতি লাখ ৫.৮৮রোমগী চংগদবা প্রোজেক্ত ৮,৩৬৩কী থবক হৌখ্রে; ভারত সরকারনা প্রোজেক্তশিং অসিদগী মীওই অমগী নুমিৎ কোতি ৩৩.৮রোমগী থবক পীবা ঙম্লগনি হায়না পান্নরি
থাও অমসুং গ্যাস ইন্দস্ত্রীনা ২০.০৪.২০২০দগী হৌখিবা লুপা কোতি লাখ ৫.৮৮ ওইগদবা মশিং ৮,৩৬৩ শুবা শেন্মীৎলোনগী থবক থৌরমশিং/প্রোজেক্তশিং লায়চৎ অসিগা মরী লৈনবা এস.ও.পি. ঙাক্তুনা থবক শুবা অমুক হন্না হৌখ্রে। এন্দ গ্যাস সি.পি.এস.ই.শিং অমসুং জে.ভি./সবসিদিয়ারীশিং, ইন্তর-এলিয়াগী প্রোজেক্তশিং অসিদা রিফাইনরী প্রোজেক্তশিং, বাইও রিফাইনরীশিং, ই এন্দ পি প্রোজেক্তশিং, মার্কেতিং ইনফ্রাস্ত্রকচর প্রোজেক্তশিং, পাইপলাইনশিং, সি.জি.দি. প্রোজেক্তশিং, দ্রিলিং/সর্ভেগী থবক থৌরমশিং য়াওরি। এন্দ গ্যাস সি.পি.এস.ই.শিং/জে.ভি.শিংগী লৌখৎলিবা অচৌবা প্রোজেক্ত ২৫ অসিদা লুপা কোতি ১,৬৭,২৪৮ চংলবা য়াই অমসুং লুপা কোতি ৭৮৬১রোমগী কেপেক্স তৌদুনা মীওই অমগী নোংমগী থবক ৭৬,৫৬,৮২৫ পীবা ঙমহনখ্রে, মসি এনেকচরদা পীরি। পেত্রোলিয়ম অমসুং নেচরেল গ্যাস অমদি স্তীলগী মন্ত্রী শ্রী ধর্মেন্দ্রা প্রধাননা হৌজিক চত্থরিবা থাও এন্দ গ্যাস ইন্দস্ত্রীশিংগী প্রোজেক্ত পুম্নমক্কী মনুং কুপ্না য়েংশিল্লি, খ্বাইদগী নৌবা অসি ২৪.০৮.২০২০না ওইরি। মন্ত্রী অসিগী মীৎয়েং মখাদা পেত্রোলিয়ম ইন্দস্ত্রীনা ‘খুদোংথিবা অসি খুদোংচাবদা’ ওন্থোকখ্রে অমসুং থবক পীনবা অমসুং চাউখৎ থৌরাংগী থবক লৌখৎনবা মিসন মোদতা হোৎনরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648544

মীওই অমগী নোংমগী থবক কোতি ২৪রোম পীবা ঙমখ্রে অমসুং অভিয়ান অসিগী ৯শুবা চয়োল ফাওবদা লুপা কোতি ১৮.৮৬২ শীজিন্নখ্রে

গরীব কল্যান রোজগার অভিয়ান (জি.কে.আর.এ.) অসি কোবিদ-১৯ লায়চৎ থোক্লকপা অসিদা মশাগী খুঙ্গংশিংদা হল্লক্লিবা মাইগ্রেন্ত শিন্মীশিং অমসুং খুঙ্গংগী মফমশিংদা লৈরিবা শোকহল্লবা প্রজাশিংদা থবক পীনবা অমসুং হিংনবগী পাম্বৈগী খুদোংচাবশিং ফংহন্নবা হৌদোকখিবনি। অভিয়ান অসিগী চয়োল ৯শুরকপা অসিদা পুন্না মীওই অমগী নোংমগী থবক কোতি ২৪রোমগী থবক ফংহনখ্রে অমসুং অভিয়ান অসিগী পান্দমশিং ফংনবা হোৎনবদা লুপা কোতি ১৮,৮৬২ শীজিন্নখ্রে। হৌজিক ফাওবদা মশিং য়াম্লবা স্ত্রকচর কয়া শাখ্রে মসিদা ঈশিং তুংশিন্নবা স্ত্রকচর ৮৫,৭৮৯৬, খুঙ্গংগী য়ুম ২,৬৩,৮৪৬, শনগোন ১৯,৩৯৭, লৌবুক্কী পুখ্রি ১২,৭৯৮ অমসুং কম্ম্যুনিতী সেনিতরী কমপ্লেক্স ৪,২৬০ য়াওরি। অভিয়ান অসিগী মনুংদা দিস্ত্রিক্ত মিনরেল ফন্দশিংগী খুত্থাংদা থবক ৬৩৪২ পায়খৎখ্রে, গ্রাম পঞ্চায়ৎ ১০০২দা ইন্তর্নেৎকী খুদোংচাবা ফংহনবা, সোলিদ অমসুং লিক্বিদ ৱেস্ত মেনেজমেন্তগা মরী লৈনবা থবক পুন্না ১৩,০২২ পায়খৎখ্রে অমসুং ক্রিশি বিজ্ঞান কেন্দ্রশিং (কে.ভি.কে.শিং)গী খুত্থাংদা মীওই ৩১,৬৫৮তা স্কিল ত্রেনিং পীখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1648709

পি.আই.বি. ফিল্দ ওফিসশিংদগী ফংবা পাউ

• পঞ্জাব: পঞ্জাবনা ফিভম শোকচল্লক্লিবা কোবিদকী চিরবা তাঙ্কক্কী অসিগী মায়োক্তা লান্থেংননবা মখাতানা শেম-শাবগা লোইননা রাজ্যগী কেবিনেতনা খুদক্কী ওইবা মওংদা মেদিকেল ওফিসরশিং (স্পেসিয়েলিস্ত)গী রেগুলর ভেকেন্সী ৪২৮ মেনশিন্নবা অয়াবা পীখ্রে। মখোয়না স্পেসিয়েলিতী তরুক্কীদমক্তা হান্নদগী মেনশিল্লবা পোস্ত ১০৭দা এক্স-ফেক্তো অপ্রুভল পীখ্রে।
• হিমাচল প্রদেশ: মুখ্য মন্ত্রীনা প্রধান মন্ত্রী জন ধন য়োজনাগী মখাদা নুপী লাখ ৫.৯০দা মখোয়গী বেঙ্ক একাউন্তশিংগী খুত্থাংদা থা অমদা লুপা ৫০০গী দাইরেক্ত ফাইনেন্সিয়েল এসিস্তেন্স পীখ্রে অমসুং প্রধান মন্ত্রী কিসান সম্মান নিধি য়োজনাগী মখাদা লৌমী লাখ ৮.৭৪দা থা অমগী লুপা ২০০০ পীখ্রে।
• মহারাস্ত্র: ওক্সফোর্দ য়ুনিভর্সিতীদা রিসর্চরশিংনা পুথোকপা ওইথোক্কদবা কোরোনাভাইরস ভেক্সিনগী দোজশিং পুনেগী ভার্তি বিদ্যাপিথ মেদিকেল কোলেজতা ফেজ-২ ক্লিনিকেল হ্যুমেন ত্রায়লশিংগীদমক্তা য়ৌরকখ্রে। ত্রায়লশিং অদু ঙসিদগী হৌনবা লেপখ্রে। মহারাস্ত্রদা হৌজিক এক্তিব কেস ১,৬৫,৯২১ লৈরি অদুগা লৈবাকপোকপা নুমিত্তা রাজ্য অসিদা হোসপিতালশিংদগী মীওই ১২,৩০০ দিসচার্জ তৌখ্রে, মসিনা ফগৎখিবা কেসশিংগী মশিং অদু ৫,১৪,৭৯০ য়ৌহনখ্রে। মহারাস্ত্রনা হৌজিক ফাওবদা তেস্ত ৩৭,২৪,৯১১ তৌখ্রে।
• গুজরাত: গুজরাতকী কোবিদ-১৯গী মশিং অদু লৈবাকপোকপা নুমিত্তা অনৌবা কেস ১,০৯৬ থেংনখিবগা লোইননা ৮৮,৯৪২ য়ৌখ্রে অদুগা ইনফেক্সন তৌদুনা পেসেন্ত ২০ অমুক লৈখিদ্রে। সুরতনা অনৌবা কেস ২৫০ থেংনদুনা মশিং খ্বাইদগী য়ামখি, মথংদা এহমদাবাদতা মীওই ১৫৭ পোজিতিব ওইখি। হৌখিবা পুং ২৪ অসিদা রাজ্য অসিদা পুন্না তেস্ত ৭২,৫৭৭ তৌখি। রাজ্য অসিদা লৈরিবা এক্তিব কেসশিংগী মশিং অসি ১৪,৭৫১ নি। 
• ছত্তিসগর: রাজ্য অসিনা লৈবাকপোকপা নুমিত্তা নোংমদা মীওই ১,১৪৫ পোজিতিব ওইবা থেংনদুনা কোবিদ-১৯গী কেসশিং খ্বাইদগী য়াম্না হেনগৎপা থেংনখি, মসিনা রাজ্য অসিগী মশিং অদু ২৩,১৯৯ য়ৌহনখ্রে অদুগা ১২ অমুক শিখিবগা লোইননা শিবগী মশিং অদু ২১৮ য়ৌহনখ্রে। হকশেলগী মন্ত্রী তি.এস. সিংদেবনা ছত্তিসগরগী রায়পুর,দুর্গ, রাজনন্দন অমসুং বিলাশপুর জিলাশিংদা দিসচার্জ তৌবা পেসেন্তশিংগী ফোলো অপকীদমক্তা ইন্তরেক্তিব ভোইস রেসপোন্স সীস্তেম শঙ্গাখ্রে।
• গোৱা: ওল ইন্দিয়া ইন্সতিত্যুত ওফ মেদিকেল সাইন্সেস (এ.আই.আই.এম.এস.), দীল্লিদগী দোক্তরশিংগী তীম অমা ক্রিতিকেল পেসেন্তশিংগীদমক্তা থম্বা কোবিদ-১৯ ত্রীতমেন্ত ফেসিলিতী য়েংশিন্নবা লৈবাকপোকপা নুমিত্তা গোৱা মেদিকেল কোলেজ অমসুং হোসপিতাল (জি.এম.সি.ঐচ.)দা চৎখি। রাজ্য অসিদা কোবিদ পেসেন্ত ৩,১৪৯ লাইয়েংদুনা লৈরি।
• কেরলা: রাজ্য অসিদা কোবিদ-১৯না মরম ওইরগা মীওই মঙা লৈখিদ্রে, মসিনা শিখিবগী মশিং অদু ২৪৯ য়ৌহনখ্রে। কোবিদ-১৯গী প্রোতোকোলশিং ঙাক্না চত্তুনা দিভোতীশিংগীদমক্তা কেপিতলদা লৈবা স্রী পদমানভা স্বামী তেমপল হাংদোকখ্রে। রাজ্য অসিনা ঙরাং য়াম্লবা পোজিতিব কেস ২,৩৭৫ থেংনখি। ফখিবশিংগী মশিং অদু ৪০,০০০ হেনখ্রে। রাজ্য শিনবা থুংনা পুন্না মীওই ১,৮৩,৭৯৪ ওবজার্ভেশন তৌদুনা লৈরি।
• তামিল নাদু: চয়োল অনিগী মনুংদা, রাজ্য অসিদা লৈরিবা গোবর্নমেন্ত মেদিকেল কোলেজ হোসপিতালশিংনা পুং ২৪দগীনা ৩৬ ফাওবগী মনুংদা এস.এম.এস.কী খুত্থাংদা কোবিদ-১৯গী তেস্ত রিজল্তশিং খঙহল্লগনি। মদ্রাস হাই কোর্তনা লৈবাকপোকপা নুমিত্তা কোবিদ-১৯ শন্দোরকপা অসিনা মরম ওইরগা তোকখিবা পব্লিক একজামিনেশনগীদমক্তা হন্দক্কী চহি অসিগী ওইনা ক্লাস Xগী মহৈরোইশিংদা মার্কশিং পীনবগীদমক্তা স্কুল এজুকেশন দিপার্তমেন্তনা শিজিন্নখিবা মেথোদোলোজী অদুবু শিংনরদুনা ক্লাস Xগী মহৈরোইশিংনা থাংগৎলকখিবা রিত পেতিশনশিংগী বেচ অমা দিসমিস তৌখ্রে
• কর্নাতকা: লাখ ২গী মথক্তা দিসচার্জ তৌখিবা, ফগৎলকপগী চাং ৭০% ওইবা, আই.সি.য়ু.দা লাইয়েংলিবা এক্তিব কেস কেসশিং অদু ১%গী মখাদা লৈবা, শিবগী চাং অসি ১.৬৯% ওইবগা লোইননা কর্নাতকাদা লৈরিবা কোবিদকী ফিভম অসি লেপ্তনা ফগৎলক্লি। রাজ্য অসিদা নুমিৎ নিনিগী ওইনা নোংমদা কোবিদ-পোজিতিব কেস চাউরাক্না ৫,০০০ মুক থেংনরবা মতুংদা লৈবাকপোকপা নুমিত্তা পোজিতিব কেস ৮,১৬১ থেংনবগা লোইননা খঙহেন হেগৎলকপা থেংনখি, মসিনা কেস পুন্না ২,৯১,৮২৬ য়ৌহনখ্রে। কেসশিং অসিগী ২,২৯৪দি বেঙ্গলুরুদগীনি।
• অন্ধ্র প্রদেশ: লৈবাকপোকপা নুমিত্তা আনন্তাপুর গোবর্নমেন্ত হোসপিতালদা অহিং নোংয়াইগী মতুংদা মৈ চাকপনা মরম ওইরগা পেসেন্তশিংগী মরক্তা পাখৎপা নুংনাংবা পোক্নখি। হোসপিতাল অসিদা লৈবা কোবিদ-১৯গী পেসেন্ত কুনমরি, অতোপ্পা ৱার্দতা তেক্ত কাইদনা হোংদোকখ্রে।
• তেলঙ্গানা: তেলঙ্গানাদা হৌখিবা পুং ২৪দা অনৌবা কেস ৩০১৮ থেংনখি, ১০৬০ ফখি অমসুং ১০ শিখিবগী পাউ লৈখি। কেস ৩০১৮কী মনুংদা কেস ৪৭৫তি জি.ঐচ.এম.সি.দগী ওইখি। অপুনবা কেসশিং: ১,১১,৬৮৮; এক্তিব কেসশিং: ২৫,৬৮৫; শিখিবশিং: ৭৮০; দিসচার্জ তৌখিবশিং: ৮৫,২২৩। কোবিদ-১৯গী লাইচৎ অমসুং মসিনা মরম ওইরগা লোকদাউন তৌরবসু, তেলঙ্গানা রাজ্য, মরু ওইনা হাইদ্রবাদনা অখাংকনবা মখাতানা অদুমক উৎলি অমসুং ইনভেস্তমেন্তশিং চিংশিল্লি। জুলাই ২৫দগী রাজ্য অসিদা থা অমা ফাদনা পুন্না লুপা কোতি ৫,৯৫০গী ইনভেস্তমেন্ত তৌরকখি।
• অরুনাচল প্রদেশ: অরুনাচল প্রদেশতা, হৌখিবা পুং ২৪দা অনৌবা পোজিতিব কেস ১০০ থেংনখি। অদুবু ফগৎলকপগী চাং অসি হেগৎলক্লি অমসুং হৌজিক চাদা ৭৩.৫০দা লৈরি। হৌজিক ফাওবদা পুন্না মীওই ২,৫০৮ কোবিদ হোসপিতালশিংদগী দিসচার্জ তৌখ্রে।
• অসাম: অসামদা ঙরাং পেসেন্ত ১,৭৩৪ দিসচার্জ তৌখ্রে, হকশেল মন্ত্রী হিমন্তা বিস্বা সর্মানা মখোয়না হোৎনরিবশিং অদুগীদমক্তা দোক্তরশিং, নর্সশিং অমসুং মেদিকেল স্তাফপু থাগৎপা ফোংদোকখি। রাজ্য অসিদা পুন্না পেসেন্ত ৭৪,৮১৪ দিসচার্জ তৌখ্রে অমসুং এক্তিব পেসেন্ত ১৯,৫১৫ লৈরি।
• মনিপুর: রাজ্য সরকারনা অনলোক 3গী গাইদলাইনশিং থোকখ্রে। মখল খুদিংমক্কী ওইবা মীয়াম তিনবদা মখাতানা অথিংবা থমখ্রে অমসুং মসিবু কায়না চৎপদা অহেনবা পেনল্তীশিং থমখ্রে।
• মঘালয়া: মঘালয়াদা ঙসি মী্ই ৪২ কোরোনাভাইরসতগী ফখ্রে। পুন্না এক্তিব কেস ১,১৭৯ লৈরি, বি.এস.এফ. অমসুং আর্মদ ফোর্সেসতা ৪৪২ অমসুং অতোপ্পদা ৭৩৭ অমসুং ফখিবশিংগী মশিং অদু ৮৩১ শুখ্রে।
• মিজোরাম: মিজোরামদা ঙসি কোবিদ-১৯গী পেসেন্ত মরি ফদুনা দিসচার্জ তৌখ্রে। অপুনবা কেসশিং: ৯৬৭; এক্তিব কেসশিং: ৪৯৯।
• নাগালেন্দ: নাগালেন্দদা হৌজিক ফাওবদা আর.তি.-সি.পি.আর. অমসুং ত্রুনেত মেছিনশিংগী খুত্থাংদা তেস্ত তৌনবগীদমক্তা পুন্না সেমপল ৫৭,৭৯৯ থাখ্রে। হৌজিক চাউরাক্না মী্ই ১,১১৩ সরকারগী ক্বারন্তিনদা লৈরি। কোহিমা দিস্ত্রিক্ত এদমিনিস্ত্রেশন্না কোবিদ-১৯ পোজিতিব কেসশিং থেংনবনা মরম ওইরগা মফম ৮ সীল তৌনবা ওর্দর থোকখ্রে। ত্বেনসাং জিলাদা অতোপ্পা মফম ৯ অমুক সীল তৌখ্রে।

ফেক্ত চেক

******