কেন্দ্র সরকারনা লৌখৎলিবা অপুনবা অমসুং লালোংদা খুদোংচানবা খোঙথাংশিং অমসুং রাজ্যশিং/য়ু.তি.শিংনা ইমপ্লিমেন্ত তৌবনা অফবা ফলশিং উবা ফংলি।

ভারতনা নোংমদা খ্বাইদগী য়াম্না ফগৎলকপগী রেজিস্তর তৌবা ঙমখ্রে। হৌখিবা পুং ২৪দা কোবিদ-১৯ নাবা মীওই ৬৬,৫৫০ নাবা ফগৎখ্রে অমসুং দিসচার্জ তৌখ্রে। তেস্ত তৌবা কনশিনবা, পাক শন্না ত্রেকিং তৌবা অমসুং মপুং ফানা লায়েংনবগী সরকারগী পোলিসী অসিগী খুদম অমা ওইনা ফগৎখিবগী অপুনবা মশিং অসি লাখ ২৪ লানখ্রে (২৪,০৪,৫৮৫)।

মসিগা লোয়ননা ভারতকী কোবিদ-১৯গী অনাবা মীওইশিংগী মরক্তা ফগৎলকপগী চাং অসি ৭৫% য়ৌখ্রে (৭৫.৯২%)। নাবা ফ্গৎলকখিবা মীওইশিংগী মশিংনা এক্তিব কেসশিং (৭,০৪,৩৪৮)তগী লাখ ১৭ হেন্না হেনখ্রে। ঙসি ফাওবদা নাবা ফগৎখ্রবা মীওইশিংনা এক্তিব কেসশিংগী শরুক ৩.৪১ ওইরি।

হৌখিবা পুং ২দা ফগৎলকপশিংদা ১০০% হেন্না হেনগৎলক্লি।  

ফগৎলকপশিং ৱাংখৎলকপগী রেকোর্দ অসিনা লৈবাক অসিগী তশেংবা কেসলোদ হায়বদি এক্তিব কেসশিং অসি হন্থহনবা ঙমখ্রে অমসুং হৌজিক্কী ওইনা পোজিতিব ওইখিবা অপুনবা কেসকী ২২.২৪% খক্তা ওইরি।

কেন্দ্র সরকার অমসুং রাজ্যশিং/য়ু.তি.শিংনা পুন্না হোৎনরিবশিং অসিনা মরম ওইরগা তেস্ত তৌবদা মীয়েং চংলি অমসুং মপুং ফাবা খোঙথাং লৌখৎলি, সর্ভিলেন্স অমসুং কন্তেক্ত ত্রেসিংগী খুত্থাংদা কন্তেনমেন্ত তৌরি, য়ুমদা অমসুং লোয়শঙশিংদা আইসোলেসন তৌবা লোয়ননা কোবিদ ফেসিলিতী অহুমগী খুত্থাংদা অফবা মেদিকেল ইনফ্রাস্ত্রকচরদা মপুং ফানা লায়েংলি। মসিদা য়াওরিবশিং অদুদি দেদিকেতেদ কোবিদ ক্যের সেন্তরশিং, দেদিকেতেদ কোবিদ হেল্থ সেন্তরশিং অমসুং দেদিকেতেদ কোবিদ হোস্পিতালশিং অসিনি। খোঙথাংশিং অসি পুনশিন্দুনা অফবা ফলশিং পুরক্লি। তপ্না-তপ্না হন্থরক্লিবা কেস ফেতেলিতী রেস অসি ঙসি ১.৮৪%দা লৈরে।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*****