অনাবা মশিং অসুম হেনগৎলকপনা অমসুং ময়ুমদা হনখিবা অমদি য়ুমদা নাইতোম থম্বা (য়াম্না কন্না নাদবশিংগী) ইন্দিয়াগী ওইনা ঙসি কোভিদ-১৯দগী ফখিবসি লাখ ২৩ হেনখ্রে।

অনাবা মশিং ২৩,৩৮,০৩৫ ফহনখিবা অসি মতাং চানা তেস্তিং নম্ফুদা তৌবা, মিয়েং অমগী মখাদা ত্রেকিং তৌবা অমসুং মওং চানা ত্রিতিং তৌবা অসিননি। মওং চাবা চেকশিন থৌরাংদা পান্দম থম্দুনা নন-ইনভেসিব ওইবা ওক্সিজেন শিজিন্নবা, আই.সি.য়ু. অমসুং হোস্পিতালদা দোক্তরশিংগী হৈ-শিংবা, এম্বুলেন্সতা পীরিবা মথৌশিং অসিনা অনাবা ফগৎলকপদা অমসুং কোভিদকী অনাবশিং ফগৎপদা মতেং ওইরি। য়ুম্দা নাইতোম লৈরিবা অমদি হিদাক্না লায়েংলিবশিং অসিশু য়াম্না থুনা ফদৎপা হেনগৎলক্লি।

পুং ২৪ মনুংদা অনাবা ফবা হেনগৎলকপা ৫৭,৪৬৯ য়ৌখিবনা, থা খর অসিদা ইন্দিয়াগী ওইনা কোভিদ-১৯গী অনাবা অসি ৭৫% (৭৫.২৭%) য়ৌদুনা অনাব মশিং হেনগৎলক্লি।

ইন্দিয়ানা এক্তিব কেস (৭,১০,৭৭১ এক্তিব হিদাক পীদুনা লৈরিবা)  অনাবা ফগৎলকপা লাখ ১৬ (১৬,২৭,২৬৪) হেদন্দুনা লৈরি। হৌজিক ওইরিবা ফগৎলকপা অসিগী রেকোর্দ অসিনা লৈবাক অসিদা এক্তিব কেস মশিং হন্থদুনা ২২.৮৮%দা লৈরি। আই.সি.য়ু.দা লৈরিবা অনাবশিং অসিসু শিবদী চাং হন্থদুনা অনাবগী চাং হন্থরি। ঙসিগী ওইনা ১.৮৫% হন্থরি।

ইন্দিয়ানা লৌরিবা অনাবা ফগৎলকপা অমসুং শিবগী চাং নেম্থরকপা অসি ‘নেস্নেল ই-আই.সি.য়ু ওন কোভিদ-১৯ মেনেজমেন্ত’ অসি এ.আই.আই.এম.এস. নই দিল্লীগা হেলথ মিনিস্তরগা খুৎশম্নদুনা পাংথোকপদগীনি।  ‘নেস্নেল ই-আই.সি.য়ু অসি চয়োল অমদা হায়বদি লৈবাকপোকপা অমসুং ইরাইদা অমসুং আই.সি.য়ু.গী দোক্তরশিংদা কোভিদ-১৯গী মতাংদা ৱারোল হংবা য়ানবা থম্লি। হৌজিক ফাওবদা নেস্নেল ই-আই.সি.য়ু. ১৪ স্তোত ২২গী হোস্পিতাল ১১৭ লৈবাক অসিদা লৈরি।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

****