হকশেল অমসুং য়াইফ-য়ুম্বাল মন্ত্রালয়

ভারতনা কোবিদ-১৯গী মায়োক্তা থেংনরিবা লান্থেং অসিদা অচৌবা মায় পাকপা অমা ফংবা ঙমখ্রে


নোংমদা মীওই লাখ ১০ হেন্না তেস্ত তৌখ্রে

Posted On: 22 AUG 2020 12:31PM by PIB Imphal

নোংমদা কোবিদ-১৯গী তেস্ত তৌবা মশিং য়াম্না হেনগৎহন্দুনা লাখ ১০ য়ৌনবা থমখিবা ৱাশক অদু ঙাক্লদুনা ভারতনা ঙসি কোবিদকী লান্থেংদা অচৌবা মায় পাকপা অমা ফংবা ঙমখ্রে।

কেন্দ্র অমসুং রাজ্য/য়ু.তি. সরকারনা হনবা লৈতনা, লেপ্তনা অমসুং পুন্না হোৎন্দুনা ভারতনা হৌখিবা পুং ২৪দা মিলিয়ন ১ তেস্ত তৌবা ঙমখ্রে। ঙরাং তেস্ত ং০,২৩,৮৩৬ তৌখিবগা লোয়ননা, ভারতনা নোংমদা সেম্পল লাখ ১০ তৌনবগী থমখিবা ৱাশক অসি ঙাকপা ঙম্লে।

মায় পাকপা অসিগা লোয়ননা পুন্না তেস্ত তৌখিবা অসি কোতি ৩.৪ (৩,৪৪,৯১,০৭৩) হেনখ্রে।

http://static.pib.gov.in/WriteReadData/userfiles/image/image0011GQ3.jpg

নোংমদা তৌবা তেস্তকী মশিং অসি ৱাংখৎপা হেল্লক্লি। হৌখিবা চয়োল অহুমগী মনুংদা নোংমদা তৌরিবা তেস্তশিংগী চাংচৎ আসিনা লৈবাক শিনবা ধুংনা কোবিদ-১৯গী তেস্ত তৌবা হেনগৎহন্নবা হোৎনবদা চাউনা মতেং পাংলি হায়বা তাক্লি।

http://static.pib.gov.in/WriteReadData/userfiles/image/image002JHT3.jpg

রাজ্যশিং/য়ু.তি.শিংদগী লাকপা রিপোর্তকী মতুং ইন্না তেস্ত তৌবা কনশিনবগা লোয়ননা পোজিতিবিতীগী রেৎ অসি হন্থরক্লি।  তেস্ত তৌবগী মশিং ৱাংখৎলকপনা পোজিতিবিতী রেৎ অসিদা হেনগৎহল্লবসু, মসি খুদক্তা আইসোলেসন তৌবা মপুং ফানা ত্রেকিং তৌবা অমসুং মতম চানা মপুং ফাবা ক্লিনেকেল মেনেজমেন্ত তৌবা অসিগুম্বা অতোপ্পা খোঙথাংশিং অসি পুনশিন্দুনা হন্থহনবা ঙমগনি।

তেস্তিং তৌবা হেনগৎহনবগা লোয়ননা কেন্দ্র অমসুং রাজ্যশিং/য়ু.তি.শিংনা শেম্লিবা পোলিসী অসিগা পুনশিন্দুনা লৈবাক শিনবা থুংনা লায়না তেস্ত তৌবা ফংহল্লি। মসিনা নোংমদা তেস্ত তৌবগী চাং অসি হেনগৎহল্লক্লি।

দাইগনোস্তিক লেবকী নেৎৱার্ক হেনগৎলকপা অসিনা মায় পাকপা অসিদা মতেং পাংলি। ঙসি লৈবাক অসিদা লেব ১৫১১ লৈদুনা নেৎৱার্ক অসি চাউথোরক্লি মসিদা লৈঙাক্কী লেব ৯৮৩ অমদি লন্নাইগী লেব ৫২৮য়াওরি। মসিদা য়াওরিবশিং অদুদি:

  • রিএল-তাইম আর.তি. পি.সি.আর.দা বেজ ওইবা তেস্তিং লেব: ৭৭৮ (লৈঙাক্কী: ৪৫৮ + লন্নাইগী: ৩২০)
  • ত্রুনেতদা বেজ তেস্তিং লেব: ৬১৫ (লৈঙাক্কী: ৪৯১ + লন্নাইগী ১২৪)
  • সি.বি.এন.এ.এ.তি.দা বেজ তেস্তিং লেব: ১‌১৮ (লৈঙাক্কী ৩৪ + লন্নাইগী ৮৪)

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*********



(Release ID: 1647850) Visitor Counter : 244