PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 17 AUG 2020 6:26PM by PIB Imphal

Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • ভারত্তা মশিং খ্বাইদগী য়াম্বা ওইনা নোংমদা মীওই ৫৭,৫৮৪ অনাবা ফরে
  • অনাবা ফগৎলকপগী চাং চাদা ৭২গী ময়াদা চৎলি, অপুনবা অনাবা ফরবা মশিং য়াম্না থুনা মিল্লিয়ন ২ হেল্লগনি
  • হৌজিক লৈবাক অসিগী অপুনবা এক্তিব কেস মশিং ৬,৭৬,৯০০দা হন্থরে অমসুং অপুনবা পোজিতিপ কেসগী চাদা ২৫.৫৭ খক এক্তিব কেস ওইরি
  • ভারতনা অনৌবা মাইপাকপা অমা পুরক্লে, তেস্ত করোর ৩ হেল্লে, তেস্ত পর মিল্লিয়ন মখা তানা হেনগৎলক্লি, ঙসি ২১,৭৬৯ য়ৌরে
  • দা. হর্শ বর্ধন্না হায়রি মদুদি, লায়চৎ অসিনা ঐখোয়গী লৈবাক্কী অচৌবা পব্লিক হেল্থ ইনফ্রাস্ত্রকচর অমা অমুক হন্না য়েংশিন্নবা অমসুং অমুক হন্না স্ত্রকচর অসিগী মতাংদা খনহন্নবা খুদোংচাবা অমা পীরি
  • শ্রী নগবিনা হায়খ্রে মদুদি লৈবাক অসিগী হজ য়ুম ১৬ কোরোনানা শোকহল্লবা মীওইশিংগীদমক ক্বারেনতাইন অমসুং নাইতোম লৈননবগীদমক স্তেত সরকারদা শিন্নখ্রে

ভারত্তা মশিং খ্বাইদগী য়াম্বা ওইনা নোংমদা মীওই ৫৭,৫৮৪ অনাবা ফরে, অনাবা ফগৎলকপগী চাং চাদা ৭২গী ময়াদা চৎলি, অপুনবা অনাবা ফরবা মশিং য়াম্না থুনা মিল্লিয়ন ২ হেল্লগনি

 

ঙসি, লৈবাক অসিনা নোংমগী মনুংদা খ্বাইদগী য়াম্না অনাবা ফগৎলকপা ওইনা হৌখিবা পুং ২৪দা কোবিদ-১৯ অনাবা ৫৭,৫৮৪ অনাবা ফখি অমসুং দিসচার্জ তৌখ্রে। মসিনা ভারতকী অনাবা ফগৎলকপগী চাং চাদা ৭২ য়ৌরে। মসি মাইপাক্না অরুবা অনাবশিং লায়েংবা অমসুং অকনবা মওংদা তেস্ত তৌবগী থবক পায়খৎপদগী ওইরকপনি। হেল্থ অমসুং ফেমিলি ৱেলফিয়ার মিনিস্ত্রিনা শেম্বা লায়েংবগী প্রোতোগোল মতুংইন্না, ভারতনা কোবিদ-১৯ অনাবশিং অসি ফিবম য়াম্না ফবা, য়াইমরপ ওইবা অমসুং শাথিবা ওইনা মখল খাইদোক্লি। লায়েংনবগী অফবা লাল্লোংশিং পায়খৎলকপদগী অফবা ফলশিং উবা ফংলকপনি। ভারতকী কোবিদ-১৯ অনাবা ফরবা মীওই মশিং মিল্লিয়ন ২(১৯,১৯,৮৪২)য়ৌরে। অনাবা ফরবা অমসুং এক্তিব কেস মশিংগী মরক্ত লৈরিবা খেন্নবা মখা তানা হেনগৎলক্লি। খেন্নবা অসি ঙসি ১২,৪২,৯৪২দা লৈরি। হৌজিক লৈবাক অসিগী অপুনবা এক্তিব কেস মশিং ৬,৭৬,৯০০দা হন্থরে অমসুং অপুনবা পোজিতিপ কেসগী চাদা ২৫.৫৭ খক এক্তিব কেস ওইরি। শিবগী চাং হন্থরক্তুনা ঙসি চাদা ১.৯২দা লৈরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646380

 

ভারতনা অনৌবা মাইপাকপা অমা পুরক্লে, তেস্ত করোর ৩ হেল্লে, তেস্ত পর মিল্লিয়ন মখা তানা হেনগৎলক্লি, ঙসি ২১,৭৬৯ য়ৌরে

ভারতনা থবক পায়খৎপদগী, তেস্ত করোর ৩ পাংথোক্তুনা ভারতনা অনৌবা মাইপাকপা অমা পুরক্লে। লৈবাক শীনবা থুংনা লেবোরেতোরি মশিং য়ামখৎহনবা অমসুং লাইনা তেস্ত তৌনবা খুদোংচাবা পীবদগী তেস্ত তৌবা মশিং হেনগৎলকপনি। হৌখিবা পুং ২৪দা তেস্ত ৭,৩১,৬৯৭ পাংথোকতুনা লৈবাক অসিনা নোংমদা তেস্ত লাখ ১০ দা হেনগৎহনগনি হায়না ভারতনা ৱারেপ লৌখিবা অদু ফংবা ঙম্লে। মসিগী মাইপাকপা অসি পুরকপদগী, তেস্ত পর মিল্লিয়ন হেনগৎলক্তুনা হৌজিক ২১,৭৬৯দা লৈরে। ২০২০গী জুলাই ১৪দা অপুনবা তেস্ত মশিং করোর ১.২ ওইরম্বদগী ২০২০গী অগস্ত ১৬দা করোর ৩.০ য়ৌরে, হায়রিবা মতম অসিদা পোজিতিপ ওইবগী চাং চাদা ৭.৫দগী চাদা ৮.৮১দা হেনগৎলকখি। অকনবা মওংদা তেস্ত তৌবা অসিনা কোবিদ-১৯ পোজিতিব কেসশিং ঙন্না মশক খঙদোকপা অমসুং নাইতোম লৈহনবা ঙম্মি। মসিগা লোয়ন্না ফজনা লায়েংবদগী শিবগী চাং হন্থরকই। অসুম্না, মতম চানা তেস্ত তৌবা অসিনা পোজিতিপ ওইবগী রেত হন্থহনবদা নত্তনা শিবগী চাংসু হন্থহল্লি। অকনবা থবকশিং পায়খৎপদগী লৈবাক অসিদা তেস্ত তৌনবা লেবশিং মশিং হেনগৎলক্লি। ২০২০গী জনুৱারিদা পুনেদা লেব অমা খক লৈরম্বদগী ঙসিদি লেব ১৪৭০ লৈরে, মসিদা সরকারগী লেব ৯৬৯ অমসুং লনাইগী লেব ৫০১ য়াওরি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646408

 

সি.আই.আই.গী পব্লিক হেল্থ কনফরেন্সকী হৌদোকপগী সেসন্দা দা. হর্শ বর্ধন্না দিজিতেলগী খুত্থাংদা ৱা ঙাংখ্রে

হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না নুমিৎ নিনিগী সি.আই.আই. পব্লিক হেল্থ কনফরেন্সকী হোদোকপগী সেসন্দা ভর্চ্যুল ওইনা শরুক য়াখি। কোবিদ লায়চৎ মনুং অসিদা সি.আই.আই.না থৌরম অসি শিনখিবা অসিবু থাগৎপা ফোঙদোক্লদুনা, মহাক্না ভাবোকশিংদা হায়, “লায়চৎ অসিনা ঐখোয়গী লৈবাক্কী অচৌবা পব্লিক হেল্থ ইনফ্রাস্ত্রকচর অমা অমুক হন্না য়েংশিন্নবা অমসুং অমুক হন্না স্ত্রকচর অসিগী মতাংদা খনহন্নবা খুদোংচাবা অমা পীরি।” ভারতনা অচৌবা হকশেলগী খুদোংথিবা অসিবু লাকশিনবদা অমসুং লায়েংবদা মায় পাক্লবা ঙমখ্রবা পাম্বৈশিং অসি পল্লদুনা, মহাক্না লৈবাক অসিনা সরকারগী স্কিমশিংবু অচৌবা মীয়াম খোঙজং অমা ওন্থোক্তুনা “ভারতনা মালেমগী পোলিয়োগী কেসশিংগী ৬০% ওইখিবা মতম অমা লৈখি মদুগী মতুংদা হোলিয়োগী কেসশিংগী ৬০% ওইবা মতমদগ্লদুনা, মস্মোল-পোক্স অমসুং পোলিয়ো মপুং ফানা লায়েংখিবা” উবা ফংখিবা অদুবু মহাক্না থাগৎখি।

 

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646435

 

উপ রাস্ত্রপতিনা আই.আই.তি.শিং অমসুং হায়র এজুকেসন ইন্সতিত্যুৎশিংবু সোসাইতেল প্রোব্লেমশিংদা রিসর্স তৌনবা তকশিনখ্রে

 

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646383

 

ত্রাইবেল হেলথ অমসুং নুত্রিসন পোর্তেল ‘স্বাস্থ্যা’হৌদোকখ্রে অমসুং নেস্নেল ওভরসিজ পোর্তেল অমসুং নেস্নেল ত্রাইবেল ফেলোশিপ পোর্তেল হাংদোকপা

মিনিস্ত্রী ওফ ত্রাইবেল এফিয়র্সনা ঙসি ত্রাইবেল হেলথ অমসুং নুত্রিসন পোর্তেল ‘স্বাস্থ্যা’দা লৌখৎকদবা থৌরাং কয়া লাওথোকখ্রে অমসুং হেলথ অমসুং নুত্রিসন্দা ওইবা ই-ন্যুজলেতর এ.এল.ই.কে.ঐচ. ফোংখ্রে; নেস্নেল ওভরসিজ পোর্তেল অমসুং নেস্নেল ত্রাইবেল ফেলোশিপ পোর্তেল হাংদোকপা থৌরম্দা। য়ুনিয়ন মিনিস্তর ওফ ত্রাইবেল এফিয়র্স, শ্রী অর্জুন মুন্দা থৌরম অদুদা হায়খি মদুদি, “মীপুম খুদিংমক্কী হকশেলগী চেকশিন থৌরাং লৌবা হায়বসি ঐখোয়গী প্রধান মন্ত্রীগী অহানবা খোঙথাংনি। মীয়ামগী হকশেলগী চেকশিন থৌরাং অসি ফগৎলবসু, ত্রাইবেল অমসুং নন-ত্রাইবেলগী মরক্তা খেৎনবদি অদুম লৈরি। ঐখোয়, মিনিস্ত্রী ওফ ত্রাইবেল এফিয়র্সনা অহোবা অসিবু মেনশিন্নবা হোৎনগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1646440

 

মুখতার অব্বাজ নগবি : “খঙহৌদনা লাকখিবা লায়চৎ অসিনা ‘চেকশিনবা, থৱায় য়াওবা অমসুং ইশাবু থাজবা’ ইন্দিয়নগীদমক অফবা মতম অমা ওইরি, মসিনা মালেম পুম্বদা খুদম অমা ওইরগনি”

 

মাইনোরিতি এফিয়র্সগী য়ুনিয়ন মিনিস্তর শ্রী মুখতার অব্বাজ নগবিনা ঙসি হায়খ্রে মদুদি খঙহৌদনা লাকখিবা লায়চৎ অসিনা ‘চেকশিনবা, থৱায় য়াওবা অমসুং ইশাবু থাজবা’ ইন্দিয়নগীদমক অফবা মতম অমা ওইরি, মসিনা মালেম পুম্বদা খুদম অমা ওইরগনি ফিরাল হায়গৎতুনা হকশেলগী চেকশিন থৌরাং য়াওরবা মোবাইল ক্লিনিক অমা মাইনোরিতি এফিয়র্স মিনিস্ত্রীগী নেস্নেল মাইনোরিতিস দিবলপমেন্ত এন্দ ফাইনান্স কোর্পোরেসন্না নই দিল্লীগী হোলি ফেমিলি হোস্পিতালদা খুৎশিন্নখ্রে, শ্রী নগবিনা হায় মদুদি মীয়ামগী পুন্সি মহিং অসি ফজনা হোংলক্লে। মীয়াম্না হৌজিক্তি সমাজগী থবক থৌরম্দা থৱায় য়াওবা হেনগৎলক্লি।  শ্রী নগবিনা হায়খি মদুদি কোরোনাগী লায়চৎ মনুং অসিদা মীয়াম্না থৱায় য়াওনা হোৎনবা অমসুং সরকারগী অকনবা ফিরেপ্না ইন্দিয়ানা হকশেলগী লমদা মরোম্দোম লেপচবা ঙম্লগনি। ইন্দিয়ানা এন-৯৫ মাস্ক, পি.পি.ই.. ভেন্তিলেতরশিং অমসুং অতোপ্পা খুলায়শিং মরোম্দোম পুথোকচবতা নত্তনা অতোপ্পা লৈবাক কয়াদসু মতেং পাংলি। শ্রী নগবিনা হায়খি মদুদি মাইনোরিতি এফিয়র্স মিনিস্ত্রীগী স্কিল দিবলপমেন্ত প্রোগ্রামগী মখাদি ত্রেনিং ফংলবা, হেলথ কেয়র এসিস্তেম্স ১৫০০ কোরোনানা নারবা মীওইশিং লায়েংবদা মতেং পাংনবা লৈখ্রে। হেলথ কেয়র এসিস্তেন্তশিং অসি ৫০% অমদি নুপীমচানি অমসুং মখোয়না কোরোনাগী অনাবশিংবু মখল কয়াগী হোস্পিতালশিংদা মথৌ তৌরি। মিনিস্ত্রী অসিনা মমিং লৈরবা হোস্পিতালশিংদা হেলথ কেয়র এসিস্তেন্তশিংদা চহি অমগী ত্রেনিং পীরি। লৈবাক অসিগী হজ য়ুম ১৬ কোরোনানা শোকহল্লবা মীওইশিংগীদমক ক্বারেনতাইন অমসুং নাইতোম লৈননবগীদমক স্তেত সরকারদা শিন্নখ্রে। স্তেত সরকার কয়ানা মসিগী হজ য়ুম অসি দরকার লৈবগী মতুং ইন্না শিজিন্নরি।

অকুপ্পা ৱারোলগীদমক : https://pib.gov.in/PressReleseDetail.aspx?PRID=1646380

 

 

ফিল্দ ওফিসশিংদগী ফংবা পাউ

 

  • হরিয়ানা: হরিয়ানাগী মুখ্য মন্ত্রীনা হায়খি মদুদি রাজ্য সরকার অসিনা হরিয়ানাদা লৌউ-শিংউ রিস্ক ফ্রী ওইহন্নবা অমসুং পোত্থোকশিং অদু য়োনবদা লাইথোকহন্নবা ‘মেরি ফসাল মেরা ব্যোরা পোর্তল হৌদোকখ্রে। মহাক্না হায়খি মদুদি কোবিদ-১৯গী লাইচৎ অসিগী মনুংদা, লৌঞীশিংগী রবিগী মহৈ-মরোংশিংগী মরু খুদিংমক পোর্তল অসিগী খুত্থাংদা লৈখি। কাইনা কোবিদ-১৯গী লাইচৎ অসিবু মাইপাক্না মায়োক্নবা ঙম্নবা কোবিদ হোসপিতালশিং, তেস্তিং লেবশিং, আইসোলেশন ৱার্দশিং, প্লাস্মা বেঙ্কশিং অমসুং মেদিকেল ইক্যুইপমেন্তকী মশিং মরাং কাইনা থমখ্রে।  মসিনা মরম ওইরগা রাজ্য অসিদা কোবিদ পেসেন্তশিংগী চাদা ৮৩গী মথক্তা নাবা ফখ্রে।
  • অরুনাচল প্রদেশ: হৌখিবা পুং ২৪দা অরুনাচল প্রদেশতা অনৌবা কোবিদ-১৯গী কেস ৪৩ থেংনখ্রে, মীওই ৩৭ রিকোভর তৌক্রে। রাজ্য অসিদা হোজিক এক্তিব কেস ৮৮৮ লৈরি।
  • অসাম: অসামগী সরকারনা লাইরবা মুথৎনবা অনৌবা খোংথাং ‘ওরুনোদোইগী চৎন্ন্নবগীদমক্তা গাইদলাইনশিং থাদোকখ্রে। লাইরবা ইমুং লাখ ১৯গী মথক্তা, এসেম্বলী কন্সতিত্বেন্সী খুদিংদগী ইমুং ১৫,০০০ থা খুদিংগী মখোয় খুদিংমক্না লুপা ৮৩০গী দি.বি.তি. ফংগনি।
  • মনিপুর: মানিপুরদা অনৌবা কোবিদ-১৯গী কেস ১৭৯ কনফর্ম তৌখ্রে; মসিগী মনুংদা ১১১দি সেন্ত্রেল সেক্যুরিতী ফোর্স পার্সোনেলনি। ফগৎলকপগী চাং ৫৭% ওইবগা লোইননা মনিপুরদা এক্তিব কেস ১,৯২১ লৈরি।
  • মিজোরাম: ঙরাং মিজোরামদা কোবিদ-১৯গী কেস তরানিথোই অমুক থেংনখ্রে। অপুনবা কেস৭৮৯, এক্তিব কেস ৪১৮।
  • নাগালেন্দ: নাগালেন্দগী হেল্থ মিনিস্তরনা হায় মদুদি রাজ্য অসিদা মীওই ১৫,৮৪৩গী কেপাসিতী লৈবা ক্বারন্তিন সেন্তর পুন্না ২৬১ লিংখৎখ্রে। অসিগী মনুংদা ২০৬তি সরকারগী ক্বারন্তিন সেন্তরশিংনি অমসুং ৫৫ অমনা শেল থিরগা লৈবশিংনি। দিমাপুরদা অহকপা এস.ও.পি.শিংগী মখাদা দুকানশিং হাংদোকখ্রে।
  • সিক্কিম: সিক্কিমদা অনৌবা কেস ১৯ থেংনখ্রে, মসিনা সিক্কিমদা লৈরিবা এক্তিব কেসশিংগি মশিং অদু ৪৯৩ য়ৌহনখ্রে। রাজ্য অসিগী কনফর্ম কেসশিংগী আপুনবা মশিং অদু হৌজিক ১,১৬৭দা লৈ, মসিদা পেসেন্ত ২৭৩ মপুং ফানা ফখ্রে অমসুং হোসপিতালশিংদগী দিসচার্জ তৌখ্রে।
  • কেরলা: ঙসি নুমিৎ য়ুংবা ফাওবদা রাজ্য অসিদা কোবিদ-১৯গী মাপল শিখিবা থেংনখি, মসিনা শিবগী মশিং অদু ১৬৫ য়ৌহনখ্রে।  পুলিসমেন য়াওনা চাউরাক্না মীওই ২৫ তোঙান-তোঙানবা মফম কয়াদা তেস্ত তৌবদা পোজিতিব ওইবা থেংনখি। দিভোতীশিংদা ঙসিদগী, মল্যালম ন্যু য়িয়র অসিদগী  দেৱাস্বোম বোর্দকী মখাদা  লাইশঙশিংদা কোবিদ প্রোতোকোলশিং ঙাক্না চত্তুনা চংবগী অয়াবা পীখ্রে। ঙরাং রাজ্য অসিদা পোজিতিব কেস ১,৫৩০ ময়া নক্না থেংনখি। লায়েংদুনা লৈরিবা পেসেন্তশিংগী মশিং অদু ১৫,০০০ তাঙ্কক লান্থোকখ্রে। জিলা কয়া অমদা মীওই ১,৬২,২১৭ ওবজার্ভেশনগী মখাদা লৈরি।   
  • তামিল নাদু: পুদুচেরীদা কেসশিংগী মশিংনা ৮০০০এনখিবদা কোবিদ-১৯গী পেসেন্তশিংনা হোসপিতালশিংদগী হোম ‌আইসোলেশনদনা হেন্না লৈরেল কোবিদ-১৯গী পেসেন্ত ১৫৯৬ ওসপিতালদা এদমিত তৌখ্রে, অদুগা ১৬৯২না হোম আইসোলেশনদা লৈরি। কোইমবাতোরদা লৈবা সি.বি.সি.আই.দি.গী ওফিস অদু মীওই অনি কোবিদ-১৯ কননত্রেক্ত তৌবদগী ফভুমিগেশনগীদমক্তা লোনখ্রে। তি.এন. মনুংদা চৎনবগীদমক্তা ই-পাসশিং ওতো-জেনরেত তৌরগনি, মীয়ামদা মতিক চাবা অশেংবা মরমগীদমক এপ্লাই তৌনবা হায়খ্রে। তি.এন.দা ঙরাং অনৌবা কেস ৫৯৫০, ফগৎকিবশিং ৬০১৯ অমসুং ১২৫ শিখিবা লৈখি। অপুনবা কেসশিং: ৩,৩৮,০৫৫; এক্তিব কেসশিং: ৫৪,১০৯; শিখিবশিং: ৫৭৬৬; দিসচার্জ তৌখিবশিং: ২,৭৮,২৭০; চেন্নাইদা লৈরিবা এক্তিব কেসশিং: ১১,৪৯৮।
  • কর্নাতকা: রাজ্যগী কোবিদ-১৯ ৱার রুমদগী ফংবা দেতানা সিমতোমেতিক্কী মরক্তা পোজিতিব ওইবগী চাং অসি ৩৪.৮%নি, অদুগা ভাইরসকী অসিমতোমেতিক কেরিয়রশিংগী মরক্তনা ১৩.৪% উৎলি। নোংমাইজিং নুমিত্তা কর্নাতকাদা কোবিদ-১৯না মরম ওইরগা নৌনা ১২৪ শিখিবা থেংনখি, মমসিনা শিখিবগী অপুনবা মশিং অদু ৩,৯৪৭ য়ৌহনখ্রে। মসিগী মথক্তা অনৌবা কেস ৭,০৪০ থেংনখি, মসিনা কেসশিংগী অপুনবা মশিং অদু ২,২৬,৯৬৬ য়ৌহনখি। নোংমাইজিং নুমিত্তা থেংনখিবা কেস ৭,০৪০গী মনুংদা বেঙ্গলুরু অর্বানদগী পোজিতিব কেস ২,১৩১ ময়া নক্না ওইখি।
  • অন্ধ্র প্রদেশ: চ৭নহনগদবা এস.ও.পি.শিংগীদমক্তা রাজ্য অসিগী অপ্রুভল ঙাইদুনা লৈবনা, এ.পি. তুরিজম দিপার্তমেন্ত কোরপোরেশনগী মেনেজিং দাইরেক্তর অদুগী মতুং ইন্না কোরোনা ভাইরস কেসশিং ৱাংখৎলকপনা মরম ওইরগা পব্লিক্তা তুরিজম সাইৎশিং লোন্দুনা লৈগনি, জিলা অসিদা কোরোনা ভাইরস পোজিতিব কেসশিংগী মশিং অসি লিশিং ১৬ লানখ্রে। রাজ্য অসিদা ফগৎকিবশিংগী মশিং অদু ২,০১,২৩৪ লানখ্রে। রাজ্য অসিদা ঙরাং অনৌবা কেস ৮০১২ অমসুং ৮৮ শিখিবা থেংনখি। অপুনবা কেসশিং: ২,৮৯,৮২৯; এক্তিব কেসশিং: ৮৫,৯৪৫; শিখিবশিং: ২৬৫০।
  • তেলঙ্গানা: আইদ্রবাদতা ভেন্তিলেতরশিংগী মতাংদা ইন্নোভেশন কয়া অমা লৈবনা, সিতী অসিনা লাইচৎ অসি হৌরকপদা ভেন্তিলেতরশিং ইমপোর্ত তৌনবা হোৎনবগী ময়োক্তা অথুবা মতমদা ভেন্তিলেতরশিং এক্সপোর্ত তৌরবা য়াই হায়না আই.তি. অমসুং ইন্দস্ত্রিজ দিপার্তমেন্তকী প্রিন্সিপাল সেক্রেতরী, জায়েশ রঞ্জননা হায়খি। হৌখিবা পুং ২৪দা অনৌবা কেস ৮৯৪, ফগৎখিবশিং ১০০৬ অমসুং ১০ শিখিবা থেংনকি; কেস ৮৯৪গী মনুংদা, কেস ১৪৭দি জি.ঐচ.এম.সি.দগী থেংনখিবনি। অপুনবা কেসশিং: ৯২,২৫৫; এক্তিব কেসশিং: ২১,৪২০; শিখিবশিং: ৭০৩; দিসচার্জ  তৌখিবশিং: ৭০,১৩২। 
  • মহারাস্ত্র: মহারাস্ত্রগী মনুং থংবা জিলাশিংদা কোবিদকী কেসশিং হেনগৎলকপা থেংনবদগী, রাজ্য সরকারনা পেসেন্তশিং লায়েংনবগীদমক্তা মঙ্কাপুরদা ফমুং ১,০০০ অমা লৈবা জম্বো হোসপিতাল অমা লিংখৎনবা ৱারেপ লৌখ্রে। সরকারগী হোসপিতালশিংদা হৌজিক লৈরিবা ফমুংগী মশিং ৱাৎপনা, ফেসিলিতী অসিনা ৱিধর্ভা পুম্বদগী পেসেন্তশিং য়েংশিনগনি। থেংনখিবা অপুনবা কেস লাখ ৫.৯৫ অদুগী মনুংদা মীওই লাখ ৪.১৭ ফখ্রে অমসুং রাজ্য আসি পেসেন্ত লাখ ১.৫৮কী এক্তিব কেস লোদ লৈরি। 
  • রাজস্থান: রাজস্থান হাই কোর্তনা য়ুমশকৈশা ফাওবা নুমিৎ হুমনিগীদমক্তা থবক খুদিংমক সসপেন্দ তৌখ্রে। সসপেন্সন অসি চীফ জস্তিস, ইন্দ্রজিত মহন্তীগী অহানবা কোবিদ-১৯গী তেস্ততা পোজিতিব ওইবদগী লাকখিবনি। রাজস্থানদা কোবিদকী এক্তিব কেস ১৪,৪৫১ লৈরি।
  • মধ্য প্রদেশ: নোংমাইজিং নুমিত্তা রাজ্য অসিদা অনৌবা কেস ১,০২২ রেজিস্তর তৌখি, ফরবা মতুংদা হোসপিতালশিংদগী পুন্না পেসেন্ত ৬৮৫ দিসচার্জ তৌখ্রে। মধ্য প্রদেশতা লৈরিবা এক্তিব কেসশিংগী মশিং  অসি ১০,৩১২ শুখ্রে।
  • ছত্তিসগগর: নোংমাইজিং নুমিত্তা ছত্তিসগরদা কোবিদ-১৯গী অনৌবা কেস ৫৭৬ থেংনখি, মসিনা রাজ্য আসিদা লৈবা কেসশিংগী অপুনবা মশিং অদু ১৫,৬২১ য়ৌহনখি। নোংমাইজিং নুমিত্তা ইনফেক্সনদা পেসেন্ত নিপান লৈখিদ্রে, মসিনা শিখিবগী মশিং অদু ১৪২ য়ৌহনখ্রে।

*****



(Release ID: 1646544) Visitor Counter : 5