Press Release:Press Information Bureau

PIB Headquarters

पत्र सूचना कार्यालयाचे कोविड-19 संबंधित दैनंदिन बातमीपत्र

प्रविष्टि तिथि: 17 AUG 2020 7:12PM by PIB Mumbai

Coat of arms of India PNG images free download

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

दिल्ली-मुंबई, 17 ऑगस्ट 2020

पंतप्रधान नरेंद्र मोदी यांनी मल्याळम नववर्षानिमित्त जनतेला शुभेच्छा दिल्या आहेत. “चिंगम महिना सुरू झाला आहे, त्याच्या सर्वांनाच आणि विशेषत: माझ्या मल्याळी बंधू आणि भगिनींना हार्दिक शुभेच्छा. येणारे वर्ष हे सर्वांसाठी यश, चांगले आरोग्य आणि समृद्धी आणेल अशी मी प्रार्थना करतो”, असे पंतप्रधानांनी आपल्या शुभेच्छा संदेशात म्हटले आहे.

आरोग्य मंत्रालयाची कोविड-19 घडामोडींवरील माहिती :

लक्ष्यकेन्द्री, सातत्यपूर्ण आणि केंद्र, राज्य आणि केंद्रशासित प्रदेशांच्या समन्वित प्रयत्नातून भारताने 3 कोटी चाचण्या करत नवा टप्पा पार केला आहे. निदानासाठीच्या प्रयोगशाळांच्या जाळ्याचा विस्तार आणि देशभरात या चाचण्या सहज उपलब्ध होण्याची सुविधा यामुळे चाचण्यांची संख्या वाढण्यासाठी मोठी चालना मिळाली आहे. गेल्या 24 तासात 7,31,697 चाचण्या करत, दररोज दहा लाख चाचण्या करण्याची क्षमता प्राप्त करण्याच्या आपल्या निर्धाराच्या दिशेने भारत वाटचाल करत आहे. याच्या बळावर दहा लाख लोकांमध्ये 21,769 चाचण्या करण्यात येत आहेत.
भारतात कोविड-19चे रुग्ण बरे होण्याच्या दरात निरंतर वृद्धी होत आहे. आज, गेल्या 24 तासात देशात कोविड-19चे सर्वाधिक 57,584 रुग्ण बरे झाले असून त्यांना रुग्णालयातून सुट्टी देण्यात आली आहे. या कामगिरीमुळे देशातील कोविड-19 चे रुग्ण बरे होण्याचा दर 72% च्या पार पोहोचण्यासाठी प्रोत्साहन मिळाले.
केंद्रीय आरोग्य आणि कुटुंब कल्याण मंत्री डॉ हर्ष वर्धन यांनी आज सीआयआय सार्वजनिक आरोग्य परिषदेच्या उद्घाटन सत्राच्या अध्यक्षपदावरून आभासी पद्धतीने संबोधन केले. ही परिषद दोन दिवस चालणार आहे. केंद्रीय आरोग्य आणि कुटुंब कल्याण राज्य मंत्री अश्विनी कुमार चौबे आणि नीती आयोगाचे सदस्य (आरोग्य) डॉ विनोद कुमार पॉलही डिजिटल माध्यमातून यात सहभागी झाले. यावेळी आरोग्य विषयक आभासी प्रदर्शन आणि ‘सीआयआय क्षयरोगमुक्त कार्यस्थळे अभियान’याचे उद्घाटन करण्यात आले आणि ’सीआयआय सार्वजनिक आरोग्य अहवाल‘ जारी करण्यात आला.

इतर अपडेट्स:

महाराष्ट्र अपडेट्स :

राज्यातील अंतर्गत जिल्ह्यांमध्ये कोविड रुग्णांची वाढत असलेली संख्या लक्षात घेता, राज्य सरकारने 1,000 खाटांचे जम्बो रुग्णालय माणकपूर येथे उभारण्याचा निर्णय घेतला आहे. सध्या शासकीय रुग्णालयातील खाटा कमी पडत आहेत, त्यामुळे या सुविधेचा पूर्ण विदर्भाला लाभ होईल. राज्यातील 5.95 लाख रुग्णांपैकी, 4.17 लाख रुग्ण बरे झाले आहेत, तर सक्रीय रुग्णांची संख्या 1.58 लाख एवढी आहे.

* * *

M.Chopade/S.Thakur/D.Rane

सोशल मिडियावर आम्हाला फॉलो करा@PIBMumbai Image result for facebook icon /PIBMumbai /pibmumbai pibmumbai[at]gmail[dot]com

(रिलीज़ आईडी: 1646502) आगंतुक पटल : 311

इस विज्ञप्ति को इन भाषाओं में पढ़ें: English , Urdu , हिन्दी , Assamese , Manipuri , Bengali , Punjabi , Gujarati , Tamil , Telugu , Malayalam