(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• লাখ ১৬কী ময়া নক্না ফগৎখিবগা লোইননা ভারতকী রিকোভরী রেত চাউরাক্না ৭০%;
• কেস ফেতেলিতী রেত (সি.এফ.আর.) ২%গী মখাদা হন্থখ্রে
• এক্তিব কেসশিং (৬,৩৯,৯২৯) অসি অপুনবা পোজিতিভ কেসশিং অদুগী ২৮.২১% খক্তনি।
• পি.এম.না হৌজিক ওইরিবা লায়চৎ অসিগী ফীভম অমদি লাকশিন্নবা লৌখৎগদবা থৌরাংগী মতাংদা খন্ননবা সি.এম.শিংগা লোয়ননা ৱারী শাখ্রে

লাখ ১৬কী ময়া নক্না ফগৎখিবগা লোইননা ভারতকী রিকোভরী রেত চাউরাক্না ৭০%; কেস ফেতেলিতী রেত (সি.এফ.আর.) ২%গী মখাদা হন্থখ্রে

নাবা ফগৎলকপগী চাংদা য়াম্না য়াংনা হেনগৎলকপা অসিনা ঙসিদি ফগৎলকপগী চাং অসি চাউরাক্না ৭০% ওইখ্রে। পেসেন্ত ময়াম অমা ফগৎলকপগা লোইননা হোসপিতালশিং অমসুং হোম আইসোলেশন্দগী দিসচার্জ তৌখ্রে (মাইলদ অমসুং মোদেরেত ওইবা কেসশিং), পুন্না ফখিবগী মশিং অসি ১৫,৮৩,৪৮৯দা হেনগৎখ্রে লোইননা হৌখিবা পুং ২৪দা কোবিদ-১৯গী পেসেন্ত ৪৭,৭৪৬ দিসচার্জ তৌখ্রে। লৈবাক অসিগী লৈরিবা কেস লোদ অসি এক্তিব কেসশিং (৬,৩৯,৯২৯) অদুনি হায়রিবা অসি অপুনবা পোজিতিভ কেসশিং অদুগী ২৮.২১% খক্তনি। মখোয়শিং অদু এক্তিভ মেদিকেল সুপরভিজন মখাদা থম্লি। লৈপ্তনা অমসুং চাং নাইনা ফগৎলকপা হেনগৎলকপনা, ফখিবা পেসেন্তশিং অমসুং কোবিদ-১৯গী এক্তিভ কেসশিংগী মরক্তা লৈরিবা খেৎনবা অসি চাউরাক্না লাখ ৯.৫ য়ৌখ্রে। ভারতকী তেস্ত, ত্রেক, ত্রীত স্তরেতেজি অসিনা অপাম্বা ফল হায়বদি চাদা ফখিবা অমসুং চাদা এক্তিভ কেসশিংগী মরক্তা লৈরিবা খেৎনবা অসি নোংমা-নোংমগী অদুমক হেনগৎলক্লি। হোসপিতালশিংদা হেন্না ফগৎলবা অমসুং অফবা ক্লিনিকেল ত্রিতমেন্ত তৌবদা মিৎয়েং থম্বা, য়াম্না য়াংনা অমসুং মতম চানা ত্রিতমেন্ত তৌনবগীদমক্তা পেসেন্তশিং পুথোক-পুশিন তৌনবগীদমক্তা এম্বুলেন্সশিংগী নন-ইনভেসিব ওইবা, হেন্না ফগৎলবা অমসুং চুশিন্নবা সার্বিসশিং শিজিন্নবনা কোবিদ-১৯গী পেসেন্তশিংগী অথিংবা অপনবা লৈতনা খ্বাইদগী ফবা মওংদা পেসেন্ত মেনেজমেন্ত তৌবা ঙমখি। মসিনা মরম ওইরগা কেস ফেতেলিতী রেত (সি.এফ.আর.) অসি মালেমগী ওইবা চাংচত্তগী নেম্না লৈরিবনি।ঙসিদি ২%গী মখাদা হন্থখ্রে, হৌজিমক্কী ওইনা ১.৯৯%দা লৈরি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645009

পি.এম.না হৌজিক ওইরিবা লায়চৎ অসিগী ফীভম অমদি লাকশিন্নবা লৌখৎগদবা থৌরাংগী মতাংদা খন্ননবা সি.এম.শিংগা লোয়ননা ৱারী শাখ্রে

প্রধান মন্ত্রী শ্রী নরেন্দ্রা মোদীনা ঙসি অন্ধ্র প্রদেশ, কর্নাতকা, তামিল নাদু, ৱেস্ত বেঙ্গল, মহারাস্ত্র, পঞ্জাব, বিহার, গুজরাত, তেলঙ্গনা অমসুং উত্তর প্রদেশ য়াওনা রাজ্য ১০গী মুখ্য মন্ত্রীশিং অমসুং মীহুৎশিংগা লোয়ননা ভিদিও কনফরেন্সকী থোংদা হৌজিক ওইরিবা লায়চৎ অসিগী ফীভম অমদি লাকশিন্নবা লৌখৎগদবা থৌরাংগী মতাংদা খন্ননবা ঙসি ৱারী শাখ্রে। কর্নাতকাগী ওইনদি উপ মুখ্য মন্ত্রীনা মীহুৎ ওইখি। প্রধান মন্ত্রীনা হায় মীপুম খুদিংমক্না মতেং চাউনা পাংখিবা অমসুং তিম ইন্দিয়ানা উৎখিবা অপুনবগী পাঙ্গল অদু শীংথানিংঙাই ওইখি। মহাক্না হোস্পিতালশিং অমসুং হেল্থ ক্যের ৱার্করশিংনা থেংনরিবা খুদোংচাদবশিংগী মতাংদসু ৱা ঙাংখি। মহাক্না হায় এক্তিব কেসকী ৮০%দি শরুক য়ারিবা রাজ্য ১০ অসিদগী ওইরি অমসুং করিগুম্বা ভাইরস অসি রাজ্য ১০সিদা মায়থিবা পীবা ঙম্লবদি লৈবাক পুম্বনা কোবিদ-১৯গী লান অসিদা মায় পাকপা ঙমগনি। প্রধান মন্ত্রীনা হায় নোংমদা তৌবা তেস্তকী মশিং অসি লাখ ৭ য়ৌরে অমসুং লেপ্তনা হেনগৎলক্লি মসিনা ঙন্না খঙদোকপদা অমদি লাকশিনবদা মতেং পাংখ্রে। লৈবাক অসিগী ফেতেলিতী রেৎকী চাংচৎ অসি মালেমগী লৈবাকশিংগী মরক্তা খ্বাইদগী নেম্বা ওইরি অমসুং লেপ্তনা হন্থহল্লি। এক্তিব কেসশিংগী পর্সেন্তেজ অসি হন্থরক্লি অমরোমদা ফগৎলকপগী চাংনা হেনগৎলক্লি হায়না মহাক্না ফোঙদোকখি। মহাক্না হায় খোঙথাংশিং অসিনা মীয়াম্না থাজবা থম্বা ঙমহল্লিবনি অমসুং ফেতেলিতী রেৎ ১%গী মখাদা থম্না পান্দম অথুবদা মাব পাকপা ঙম্লগনি।  খন্ন-ন্নৈনবা অসিদা বিহার, গুজরাত, য়ু.পি., ৱেস্ত বেঙ্গল অমসুং তেলঙ্গনাদা তেস্ত তৌবা কনশিনবা অথুবদা মথৌ তারে হায়না ৱারেপনখিবা অদু প্রধান মন্ত্রীনা থমখি। মহাক্না হায় লান্থেংনবা অসিদা লাকশিনবা, কন্তেক্ত ত্রেসিং অমসুং সর্ভিলেন্স অসিনা খ্বাইদগী কান্নবা খুলাইশিং ওইরি। মীয়াম্না ৱাখল তাদুনা অমসুং হোৎনবা অসিদা মতেং পাংশিনবনা মরম ওইরগা ঐখোয়না হোম ক্বরেন্তিন মপুং ফানা তৌবদা মায় পাকপা ঙম্লিবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645011

পি.এম.না হৌজিক ওইরিবা লায়চৎ অসিগী ফীভম অমদি লাকশিন্নবা লৌখৎগদবা থৌরাংগী মতাংদা খন্ননবা সি.এম.শিংগা শান্নখিবা ৱারোল 

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645041

রাজ্যগী হকশেলগী মতাংদা মৈধ্য প্রদেশকী চীফ মিনিস্তরগা দোক্তর হর্শ বর্ধনগা দিজিতেল ওইনা ৱারি শানখ্রে

হকশেল অমসুং মেদিসিনগী লমদা মৈধ্য প্রদেশকী ফিবম ফগৎহন্নবগী মতাংদা ঙসি দিজিতেল ওইনা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর হর্শ বর্ধন্না মৈধ্য প্রদেশকী চীফ মিনিস্তর সিবরাজ সিংহ চৌহানগা ৱারি শানখ্রে। ২০২৩দা ‘অত্মানির্ভর’ মৈধ্য প্রদেশ অমা ওইহন্নবা মৈধ্য প্রদেশ সরকারগী ওফিসিএলশিংনা পায়খৎকদবা থবকশিং উৎখি। য়ুনিয়ন মিনিস্তরনা মখোয়দা মমল য়াম্লবা পাউতাকশিং পীখি। মিনিস্তরগী পাউতাকশিং থবক্তা মপুংফানা ওন্থোক্কনি হায়না চীফ মিনিস্তরনা মহাক্কী থাজবা পীখি। কোবিদ-১৯ লাইচৎ মনুংদা ৱাশক লৌরবসু মৈধ্য প্রদেশতা লাইচৎ অসি ফজনা লাকশিনবগীদমক অমসুং মহাক লায়না অসিগী ফরকপদা য়ুনিয়ন মিনিস্তরনা সিবরাজ চৌহান থাগৎখি। ওথোরিতিশিংনা মীয়ামগী হকশেলগী থবকশিং পায়খৎপা ঙম্নবা ই-সঞ্জিবানি তেলি-মেদিসিন প্লেতফোর্ম শীজিন্নগদবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644887

রিগুলার পেসেঞ্জর অমসুং সবঅর্বান ত্রেন সর্বিসশিং মখা তাবা নোতিস লাকত্রিবফাওবা অথিংবা থমখিগনি

মমাঙদা ৱারেপ লৌদুনা খঙহনখিবগী মতুং ইন্না রিগুলার পেসেঞ্জর অমসুং সবঅর্বান ত্রেন সর্বিসশিং মখা তানা নোতিস অমা থোক্ত্রিবফাওবা থবক লেপখিগনি। মসিমসু পনবা য়াই মদুদি হৌজিক হৌজিক চেল্লিবা স্পিসিএল ত্রেন ২৩০দি মখা তানা মথৌ পাংথোকখিগনি। হৌজিক হৌজিক অকক্নবা মশীংদা চেল্লিবা মুম্বাইগী লোকেল ত্রেনশিংদি রাজ্য সরকারনা হোৎনজবগী মতুং ইন্না মখা তানা মথৌ তৌখিগনি। সিপিসিএল ত্রেনশিং অসিদা মফম কনবগী মওং অসি চাং নাইনা পাঙথোক্লি। অহেনবা স্পিসিএল ত্রেনশিংসু তঙাইফদবা লাক্লবদি মখা তানা হাপচিনবা য়াই। অদুমওইনমক, অতোপ্পা লোকদাউন মমাংদা চেল্লম্বা রিগুলার ত্রেন অমসুং সবঅর্বান ত্রেনশিংদি মখা তানা থবক লেপখিগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645088

কেন্দ্রগী মন্ত্রী শ্রী প্রকাশ জাবদেকরনা ‘কনেক্তিং, কম্যুনিকেতিং, চেঞ্জিং’দা ভারতকী উপ-রাস্ত্রপতিগী ওফিসতা চহি অহুমগী ই-বুক ফোংখ্রে

ইনফোর্মেসন অমসুং ব্রোদকাস্তিংগী কেন্দ্রগী মন্ত্রী শ্রী প্রকাশ জাবদেকরনা ‘কনেক্তিং, কম্যুনিকেতিং, চেঞ্জিং’দা চহি অহুমসিদা ওফিসতা ভারতকী উপ-রাস্ত্রপতিদা ই-বুক ফোংখ্রে। মসিগী ই-বুক অসি দিফেন্সকী কেন্দ্র মন্ত্রী শ্রী রাজনাথ সিংহনা ফোংখিবা প্রীন্ত কোফী তেবলগী ভর্জনগা কোন্ননা হৌদোকখিবনি। থৌরম অসিদা ন্যু দিল্লীগী উপ-রাস্ত্রপতি ভবন্দা পাংথোকখিবনি। ই-বুক অসি ফোংলদুনা এস.ঐচ. জাবদেকরনা ই-পাও ফাওনদুনা ময়ামগী শম্ননা লৈননবা অমসুং ভারত অসি হোংদোক্নবগী মতাংদা হায়খি অমসুং মসিগী লাইরিক অসিগী ৩শুবা ইদিসন অসি উপ-রাস্ত্রপতিগী ৱারোলশিংবু তুংইঞ্জবা পাম্বা মহৈরোইশিংগী ওইনদি পামজবনা থল্লবা লন্নি। থৌরম অসিদা দিফেন্সকী মন্ত্র্রী শ্রী রাজনাথ সিংহনা ৱা ঙাংবা অসি কলা অমনি অমসুং উপ-রাস্ত্রপতিনা মাগী থম্মোয়দগী ৱা ঙাংঙি অমসুং মহাক্কী ৱাঙাংশিং অসি মহাক্কী ৱাখল্লোন অমদি পুক্নিংগী ৱাহৈগী থক্তোরকপা মমিনি হায়না হায়খি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1645007

ঙাকশেল মন্ত্রী শ্রী রাজনাথ সিংহনা ফেসিলিতীশিং মতম অসিগা চান্নবা ওন্থোকপা/ফগৎহনবা অমসুং দিফেন্স পি.এস.য়ু.শিং অমসুং ও.এফ.বি.গী অনৌবা ইনফ্রাস্ত্রকচর শেমগৎখিবা অদু লোঞ্চ তৌখ্রে

ঙাকশেল মন্ত্রী শ্রী রাজনাথ সিংহনা ঙাকশেল মন্ত্রালয়গী অত্মা নির্ভর ৱিক পালন তৌবগী শরুক ওইনা দিজিতেল লিঙ্ককী খুত্থাংদা ঙসি ফেসিলিতীশিংগী মতম অসিগা চান্নবা মওংদা শেমগৎনবা অমসুং ফগৎহন্নবা খোঙথাং মশিং কয়া লোয়ননা দিফেন্স পি.এস.য়ু.শিং অমসুং ও.এফ.দি.গী নৌনা শেমগৎপা ইনফ্রস্ত্রকচরসু হৌদোকখ্রে। মখোয়দা ৱা ঙাংবদা শ্রী রাজনাথ সিংহনা হায় প্রধান মন্ত্রী শ্রী নরেন্দ্রা মোদীনা অত্মা নির্ভর ভারত অভিয়ানগীদমক অপাম্বা ফোঙদোকখি অমসুং আই-৫গী ফোর্মুলা “ইন্তেন্ত, ইনক্লুজন, ইনবেসমেন্ত, ইনফ্রাস্ত্রকচর অমসুং ইন্নোবেসন”না শেন্মীৎলোনবু অৱাংবা গ্রোথ ত্রেজেক্তরীদা পুখৎপা ঙমগনি। মহাক্না হায় মাপলদগী পুশিল্লকপা পোৎশিংগী নেগেতিব লিস্ত থোকপা, এফ.দি.আই.দা লিমিৎ হেনগৎপা, দোমেস্তিক কেপিতেল প্রোক্যুর্মেন্তগী তোঙানবা বজেৎ অমসুং ইন্দিজিনাইজেসনদা মীৎয়েং থম্বা অসিগুম্বা কোবিদ -১৯গী মনুংদা মতম চানা অমদি লৌশিং লৈবা খোঙথাংশিং ঐখোয়গী সরকারনা লৌখৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644892

উত্তর প্রদেশকী সিদ্ধার্থনগরদা দিস্ত্রিক হোস্পিতালদা মোদুলার ওপরেসন থিয়েতরশিং শানবা পি.এফ.সিনা য়ানচে খুৎয়েক পীনখ্রে

দিস্ত্রিক হোস্পিতাল, সিদ্ধার্থনগরদা মোদুলার ওপরেসন থিয়েতর কা অনি শানবা উত্তর প্রদেশকী সিদ্ধার্থনগরগী দিস্ত্রিক এদমিনিস্ত্রেসন্না ভারতকী মাংজিল থারিবা এন.বি.এফ.সি, সরকারগী পৱার ফাইনান্স কোরপোরেসন লিমিতেৎ(পি এফ সি)গা ঙসি য়ানচে অমা খুৎয়েক পীনখ্রে। য়ানচে অসিগী মখাদা, পি.এফ.সিনা মসিগী সি.এস.আরগী থবকশিংগী মখাদা প্রোজেক অসি পায়খৎনবা সিদ্ধার্থনগরগী দিস্ত্রিক এদমিনিস্ত্রেসন্দা লুপা লাখ ৯৪গী শেনগী মতেং পীগনি। পি.এফ.সিগী সি.জি.এম(সি এস আর অমসুং এস দি) এম. প্রভাকর দাস অমসুং সিদ্ধার্থনগরগী দিপুতি সি.এম.ওনা য়ানচে অদু খুৎয়েক পীনখি। য়ানচে অসিগী পান্দমদি ইনফেন্ত মোর্তালিতী রেত(আই এম আর) অমসুং মেতরনেল মোর্তালিতী রেত(এম এম আর) হন্থহন্নবা দরকার লৈবা মচাক-মথুমশিং শেমগৎনবা সিদ্ধার্থনগরগী দিস্ত্রিক এদমিনিস্ত্রেসন্দা দরকার ওইবা মতেং পাংবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644827

দি.এস.তি. সেক্রেতরীনা কোভিদ-১৯গী চৈথেংদগী ওইরকপা দিজিতেলগী অওনবা খুদোংচাবশিং উৎখ্রে

দিপার্তমেন্ত ওফ সাইন্স অমসুং তেক্নোলোজিগী সেক্রেতরী, প্রোফেসর অশুতোশ শর্ম্মানা মরুওইবা উৎতুনা হায় মদুদি তুংগী ওইরক্কদবা কয়াদা দিজিতেল তেক্নোলোজিদী অওনবা অমা লাক্লগনি অমসুং কোভিদ ১৯ ভাইরসনা হেন্নদুম লৈবাক অসিদা খুদোংচাবা কয়া ফংহন্দুনা ফাজিন্দুনা লৈবগী মহুৎতা অওনবা কয়া পুরক্লি। প্রোফেসর শর্ম্মানা কোভিদ-১৯গী মনুংদা দিজিতেল ত্রন্সফোর্মেসন হায়বা ৱেবিনার অমদা ৱা ঙাংখি। “দিজিতেল তেক্নোলোজিশিং অমসুং মেচিন শিজিন্নবা অসিনা লৈবাক অনৌবা থাক অমদা য়ৌবা ঙম্লগনি অমসুং ঐখোয়গী প্রধান মন্ত্রীগী মংলান ‘আত্মানির্ভর ভারত’ থুংহনবা ঙম্লগনি,” প্রোফেসর শর্ম্মানা তাকখি। প্রোফেসর শর্ম্মানা শন্দোক্না তাক্লদুনা হায়খি মদুদি কোভিদ ১৯গী মমাংদা ঐখোয়গী তুংগী ওইগদবাশিং অসি য়াম্না য়াংনা চৎলম্বনি অদুবু ভাইরস অসিনা পুম্নমক তাইওন্নখ্রে। মফম খুদিংদা অয়েৎপা ওইদুনা পুন্সি অসি খল্লম্বদগী ৱাংমদা লৈখ্রে। মসিগী চৈথেং অসি মায়কৈ খুদিংদা পীরি – মদুদি থবক শুবা মী, সপ্লাই চেন নত্রগা অতৈ কাংলুপশিং। অদুম ওইনমক হেন্না অয়েৎপা পীরবা অমদি অৱাবা মায়োক্নরিবমখৈ হেন্না চাওনা ফংবা ওই অমসুং মতাং অসিদা ঐখোয় কদায়দা লৈরি অমদি ঐখোয়না কদায় য়ৌনা চৎকদগে হায়বদু খনবা মতমনি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1645020

 ফিল্দ ওফিসশিংদগী ফংবা পাউ

• পঞ্জাবঃ ভারত সরকারনা পঞ্জাবকী অৱাং থংবা শরুক্কীদমক নেসনেল ইন্সতিত্যুৎ ওব ভাইরোলোজী সেন্তর অমা হাংবদা অয়াবা পীখ্রে। কেন্দ্র সরকারদা চয়োল খরগী মমাংদা কোরোনা লাইচৎকী য়েংদুনা  পীবীনবা হায়জখিবা পঞ্জাবকী মুখ্য মন্ত্রীনা অয়াবা পীরক্লিবা অসিবু ভাইরোলোজী সেন্তর অসিনা ভাইরোলোজীগী মরমদা থিজিনবগী হীরমদা চাউখৎপা পুরক্লগনি, ভারতকী তুংগী লম্বীদা ভাইরসশিংবু ঙন্না খঙদোক্তুনা ঙাকথোক্নবগী খোংথাংশিং লৌখৎপা ঙম্লগনি হায়না হরাউবা ফোংদোকখি।
• হরিয়ানাঃ হরিয়ানাগী হকশেল মন্ত্রীনা সেরো সর্বেগী মীফম অমা ভিদিও কনফরেন্সকী খুথাংদা য়েংশিল্লদুনা হায়খি মদুদি হরিয়ানা সরকারনা সেরো-সর্বে অমা পাঙথোক্নবা লেপ্লে অমসুং মসিগী ব্লুপ্রিন্তসু শেম শাদুনা লৈরে হায়খ্রে। মহাক্না হায়খি মদুদি সেরো সর্বে অসি কোবিদফ-১৯ চঙলকপা থিংনবা অমসুং মসিনা শন্দোকপগী লম্বী থিজিন্নবগীদমক পাঙথোক্লিবনি।
• হিমাচল প্রদেশঃ মুখ্য মন্ত্রীনা প্রধান মন্ত্রী শ্রী নরেন্দ্র মোদীবু লুপা কোতি ১৭,০০০ হেন্না প্রধান মন্ত্রী কিসান সম্মান নিধি য়োজনাগী মখাদা লৈবাক অসিদা লৈরিবা লৌমী কোতি ৮.৫গী বেঙ্ক একাউন্তশিংদা হাপ্পীখিবগীদমক থাগৎপা ফোংদোকখ্রে। মসিনা লৌমীশিংগী খুনাইবু অৱাংবা থাক্তা চিংখৎপীরগনি। 
• অরুনাচল প্রদেশঃ অরুনাচল প্রদেশকী চীফ সেক্রেতরীনা হায়রি মদুদি রাজ্য অসিদা কোবিদ-১৯গা মরী লৈনবা হীরমশিংগীদমক মুখ্য মন্ত্রীগী অৱাবা তারবদা তেংবাং পীনবা ফন্দদগী লুপা কোতি ১৫ রোম কাইথোকখ্রে। 
• মনিপুরঃ মনিপুরগী জেনিমস্তা কোবিদ নাবা চহী ৬০ শুরবা অহল অমা ঙসি অয়ুক্তা লৈখিদ্রে। লৈখিদ্রবা অদু অতোপ্পা অনাবা কয়া অমা লৈখি। মসিগা লোইননা রাজ্য অসিদা কোবিদকা মরী লৈননা লৈখিদবা মশীং ১২ শুরে।
• মিজোরমঃ ঙরাং মিজোরমদা কোবিদ-১৯গী অনৌবা কেস অহুম অমগা লাকখ্রে। রাজ্য অসিদা লৈবা অপুনবা কোবিদ-১৯ কেস মশীং ৬২৩ শুখ্রে, মসিগী মনুংদগী ৩০০দি এক্তিব কেসনি। মিজোরম য়ুনিবর্সিতীনা কোবিদ-১৯ কেস হেনগৎলকপগা মরী লৈননা মহৈরোইশিংগী লুপশিংনা অমসুং প্রিন্সিপালগী কাউন্সিলনা আপিল তৌরকপদগী অন্দর গ্রেজুএৎকী পরিখাশিং য়ৈথোকখ্রে।
• কেরলাঃ রাজ্য অসিদা কোবিদ-১৯গা মরী লৈননা মীওই মঙা লৈখিদ্রে, মসিগা লোইননা অপুনবা মশীং ১২০ শুখ্রে। মলাপুরমদা অনাবা মশীং খ্বাইদগী য়াম্না লৈবগা লোইননা নোংমাইজিং নুমিত্তা কমপ্লিৎ লোকদাউন তৌরগনি। নুমিৎ য়ুংবা ফাওবদা মীওই ২০ অমগা পোজিতিব ওইরকপগা লোইননা রাজ্য অসিগী কোনুং ওইরিবা জিল্লাসিদা লাইনা মখা তানা শন্দোক্লক্লি। রাজ্যগী দি.জি.পি.গী মখাদা মী পুনবা থিংনবগীদমক পুলিস পার্সনেলশিং থাদনবা মীফম অমা পাঙথোকখ্রে। কোবিদকী চৎন-কাংলোনশিং ঙাকপগা লোইননা দেৱাসোম বোর্দকী মখাদা ওগস্ত ১৭তগী লাইনিংবশিংনা লাইশঙশিংদা চঙবা য়াহনগদৌরি। কেরলাদা ঙরাং কোবিদ-১৯গী অনৌবা কেস ১১৮৪ লাকখি। অনাবা ১২,৭৩৭না হৌজিক লাইয়েংদুনা লৈরি অমসুং মীওই লাখ ১.৪৯না ওবজর্বেসন তৌদুনা লৈরি।
• তমিল নাদুঃ পুদুচেরীদা অনৌবা কোবিদ-১৯ কেস ২৭৬ লাকখ্রে অমসুং মীওই অনী লৈখিদ্রে। অপুনবা মশীং ৫৯০০ শুখ্রে, এক্তিব কেস্না ২২৭৭ লৈরি অমসুং য়ু.তি. অসিদা লৈখিদ্রবা মশীংনা ৯১নি। পুদুচেরী লৈঙাক্না কোবিদ-১৯ থেংননবগীদমক কেন্দ্র সরকারদগী লুপা কোতি ২৫ নিরি। রাজ্য অসিগী কোবিদ-১৯দগী ফগৎলকপগী চাং অসি ৮০.৮% য়ৌরে হায়না তমিল নাদুগী মুখ্য মন্ত্রীনা পল্লদুনা প্রধান মন্ত্রীগা উন্নবদা অৱাবা অসি কোক্নবগী থেংবাং পীবীনবা হায়জখি। অনৌবা কেস ৫৯১৪, নাবা ফখ্রবা ৬০৩৭ অমসুং লৈখিদ্রবা ১১৪ ঙরাং রিপোর্ত তৌরকখ্রে। অপুনবা কেসঃ ৩০২৮১৫, এক্তিব কেসঃ ৫৩০৯৯, লৈখিদ্রবাঃ ৫০৪১; দিসচার্জঃ ২৪৪৬৭৫, চেন্নইদা লৈবা এক্তিব কেসঃ ১১৩২৮
• করনাতাকাঃ মুখ্য মন্ত্রীনা কোবিদ-১৯দগী ফরকপগা লোইননা য়ুমদা আইসোলেসন তৌদুনা লৈখিবনা প্রধান মন্ত্রীগা মুখ্য মন্ত্রীশিংগা উন্নদুনা ৱারী শানবগী থৌরমদা মেদিকেল এজুকেসন মন্ত্রী দা. কে. সুধাকরনা প্রধান মন্ত্রীদা রাজ্য অসিগী কোবিদ মেনেজমেন্তকী মতাংদা পাউদমখ্রে। মন্ত্রী সুধাকরনা মীদিয়াদা হায়খি মদুদি তেস্ত তৌবগী চাংসু নোংমদা ২০০০০ তৌরম্বদগী হৌজিক্তি ৫০০০০ য়ৌরে হায়খি। মসিসু আর.তি.পি.সি.আর. অমসুং রেপিদ এন্তিজেন তেস্তশিং পুনশিনলগা ৭৫০০০ ওইহন্নবগী পান্দম থম্লি হায়খি। অপুনবা কেস ১৮২৩৫৪গী মনুংদা ৭৯৯০৮না এক্তিব কেস ওইবগা লোইননা রাজ্য অসিদা কোবিদ কেয়র সেন্তর লাখ ১.১৪, জেনরেল বেদ ২০০০০, ওক্সিজেন য়াওবা ফমুং ৮০০০, আই.সি.য়ু. ৩০০০ অমসুং ভেন্তিলেতর য়াওবা আই.সি.য়ু. ১৫০০ শেম শাদুনা লৈবগা লোইননা থেংননবা শেম শাখ্রে। ঙরাং অনৌবা কেস ৪২৬৭, দিসচার্জ ৫২১৮ অমসুং ১১৪ লৈখিদ্রে।
• অন্ধ্র প্রদেশঃ সরকার অসিনা কোবিদ-১৯ কেস্তা তেস্ত অমসুং ত্রেসিং তৌবদা পান্দম থমদুনা মোর্তালিতী রেৎ হন্থহল্লে হায়রদুনা মুখ্য মন্ত্রী য়াই.এস. জগন মোহন রেদ্দীনা প্রধান মন্ত্রীগা পুন্দুনা ৱারী শানবদা রাজ্য অসিদা মেদিকেল ইনফ্রাস্ত্রকচর ফগৎহন্নবগী থৌরাং ওইনা কেন্দ্র সরকারনা মতেং পীবীনবগীদমক হায়জখ্রে। রাজ্য অসিনা খুঙ্গংগী লমদা মরু ওইবা অনা লাইয়েং পীরিবা প্রাইমরী হেলথ সেন্তরশিংনা পুং ২৪ মথৌ তৌহন্নবা ৱারেপ লৌখ্রে। ঙরাং অনৌবা কেস ৭৬৬৫, দিসচার্জ ৬৯২৪ অমসুং ৮০ লৈখিদ্রে। অপুনবা কেসঃ ২৩৫৫২৫, এক্তিব কেসঃ ৮৭৭৭৩, লৈখিদ্রবাঃ ২১১৬; দিসচার্জঃ ১৪৫৬৩৬
• তেলঙ্গানাঃ রাজ্য অসিগী হকশেল বিভাগনা থাদোক্লকপা চেরোল অমগী মতুং ইন্না সরকারগী হোস্পিতাল অমসুং প্রাইবেৎ তিচিং হোস্পিতাল পুনশিনলগা কোবিদ-১৯ অনাবশিংগীদমক ফমুং ১৭,৭৬৭ হাংলি। অনৌবা কেস ১৮৯৬, নাবা ফখ্রবা ১৭৮৮, অমসুং মীওই ৮ হৌখিবা পুং ২৪ অসিদা রিপোর্ত তৌরকখ্রে, অপুনবা কেস ১৮৯৬কী মনুংদগী ৩৩৮দি জি.ঐচ.এম.সি.দগী লাকখিবনি। অপুনবা কেসঃ ৮২,৬৪৭, এক্তিব কেসঃ ২২,৬২৮, লৈখিদ্রবাঃ ৬৪৫; দিসচার্জঃ ৫৯,৩৭৪

ফেক্ত চেক

***********