(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• ভারতকী অপুনবা নাবা ফবগী মশিং লাখ ১৪.২ হেনখ্রে
• নাবা ফবগী চাং হেনগৎলক্তুনা ঙসি ৬৮.৩২%দা লৈখ্রে
• লৈবাক্কী কেস ফেতেলিতী রেৎ অসি মখা তাথনা ২.০৪%দা লৈখ্রে
• মালেমগী ওইবা কেস পর মিলিয়নগী চাংচৎ ২৪২৫ অসিদগী হেন্না তাথবশিংগী মনুংদা ভারতনা ১৪৬৯ লৈরি
• কোবিদ-১৯ মোর্তেলিতীগী চাং ৱাংবা জিলাশিংগা হকশেল মন্ত্রীগা ৱারী শাখ্রে
• ভারতকী ওইবা তসেংবা কেস লোদ অসি ঙসি ফাওবদা ৬,১৯,০৮৮নি।

ভারতকী অপুনবা ফগৎখিবগী চাং অসি লাক্ষ ১৪.২ হেনখ্রে ; ফগৎখিবগী চাং হেনগৎলক্তুনা ঙসি চাদা ৬৮.৩২ ওইখ্রে; নেস্নেল কেস ফেতেলিতী রেত অসি মখা তানা চাদা ২.০৪দা তাথরে

কেন্দ্র অমসুং রাজ্য/য়ু.তি.শিংনা নিংথিনা মাই ওনশিন্দুনা অমদি কন্না হোৎনদুনা কন্তেন্মেন্ত, তেস্তিং, আইসোলেসন অমসুং লায়েংবগী মহৈনা ফগৎলকপগী চাং অসি হেনগৎলকখ্রে অমসুং কেস ফেতেলিতীগী চাং অসি তপ্না-তপ্না হন্থরক্লি। নিংথিনা সর্ভিলেন্স তৌদুনা অমসুং তেস্তিংগী নেতৱর্ক হেনগৎহন্দুনা কেসশিং থুনা খংদোকপা ঙমহনখ্রে অমসুং মতুং তাবা ওইনা শাথিবা অমসুং অরুবা কেসশিং মতম চানা লায়েং চত্থনবগী য়েংশিনবা ঙমহনখ্রে। মালেমগা চাংদম্নবদা ভারত অসিদা মালেমগী ওইবা চাংচৎ ২৪২৫কা য়েংনবদা মিলিয়ন্দা ১৪৬৯ ওইদুনা খ্বাইদগী হন্থবা কেসশিং লৈবশিংগী মনুংদা অমা ওইরি। কোবিদ-১৯গী ফগৎলকপগী চাং অসি চপ চাবা মাওংদা হেনগৎলকখ্রে। হৌখিবা পুং ২৪সিদা অনাবা ৪৮,৯০০ দিসচার্জ তৌখিদুনা ভারতকী অপুনবা ফগৎলকপগী চাং অসি ১৪,২৭,০০৫ য়ৌখ্রে। ফগৎলকপগী চাং অসি তপ্না-তপ্না কাখৎলক্তুনা চাদা ৬৮.৩২দা লৈরে। ভারতকী অশেংবা কেস লোদ অসি ৬,১৯,০৮৮ ওইরিবা এক্তিব কেসশিং অসি অপুনবা পোজিতিব কেসশিং অসি চাদা ২৯.৬৪নি। হৌখিবা পুং ২৪সিদা তেস্ত ৫,৯৮,৭৭৮ তৌখি। তেস্ত পর মিলিয়ন অসি চপ-চানা ঙসি ১৬৯৪৭দা হেনগৎনা উখ্রে। পাক-চাওনা তেস্ত তৌবা অসিদা মরুওইবা মরম অসি লেপ্তনা দাইগ্নোস্তিক লেবশিংগী নেতৱর্কশিং পাক-চাওথোরকপা অসিননি। সরকারগী সেক্তরদা লেব ৯৩৬ অমসুং লন্নাইগী লেব ৪৬০ লৈদুনা ভারত্তা কোবিদ-১৯ তেস্ত তৌনবা লেব ১৩৯৬ লৈরে।

অকুপ্পা মরোলগীদমক: https://pib.gov.in/PressReleseDetail.aspx?PRID=1644403

কেন্দ্র সরকারনা রাজ্যশিংদা কোবিদ-১৯গী মোর্তেলিতী হন্থহন্নবা অহেনবা মিৎয়েং চংনবা হায়খ্রে

কেন্দ্র অমসুং রাজ্য/য়ু.তি.শিংনা কোবিদ-১৯গী মতাংদা খুৎশম্নবা, থাক খায়বা অমসুং হকথেংননা শেন্নবগী থৌওং কয়া পাঙথোকপগী মরম ওইদুনা লৈবাক্কী কেস ফেতেলিতী রেৎ (সি.এফ.আর.) অসি তাথহনবা ঙম্লে। হৌজিক মসি ২.০৪%দা লৈরি। কোবিদ-১৯বু নীংথিনা শেন্ননবা রাজ্য/য়ু.তি.শিংদা পাউতাক পীবগী লেপ্তনা চত্থরকপা য়েংশিনবগী মীফমগী থৌশিল ওইনা ওগস্ত ৭ অমসুং ৮দা লৈবাক্কী চাংচত্তগী হেন্না ৱাংবা সি.এফ.আর. লৈবা রাজ্যশিংদা মসিগী চাং হন্থহনবদা তেংবাংনবা শ্রী রাজেশ ভুশন্না লুচিংদুনা মীফম অনি পাঙথোকখ্রে। ঙসিগী মীফম অদুদা রাজ্য/য়ু.তি. ৮দা লৈবা জিলা ১৩দা মিৎয়েং চংখি। মখোয়শিং অদুদি অসমগী কাম্রুপ মেত্রো, বিহারগী পত্না, ঝারখন্দগী রাঞ্চি, কেরলাগী তিরুবন্থাপুরম অমসুং অলাপুঝা, ওরিশাগী গঞ্জম, উত্তর প্রদেশকী লখনৌ, নোঙচুপ বেঙ্গালগী পরাগানা ২৪, হৌরা, কোলকতা অমসুং মালদহ অমসুং দিল্ললীনি। মসিগী জিলাশিং অসিনা ভারতকী এক্তিব কেসকী শরুক ৯% অমসুং কোবিদনা লৈখিদবগী ১৪%গী শরুক ওইরি। মখোয়না তেস্ত পর মিলিয়ন নেম্বা অমসুং লায়না অসিগী কনফেরমেসনগী চাং ৱাংবা ওইরি। জিলা মরিদা নোঙমদা কেস মশিং য়ামখৎলকপগী মতৌ উবা ফংলি। মীফম অসিদা ফেতেলিতী রেৎ হন্থহনবগী মরু ওইবা ৱাফম কয়া খন্নখি। রাজ্যশিং অসিদা লেবশিং মশিং নেম্না শিজিন্নবা, হায়বদি নোঙমদা আর.তি.-পি.সি.আর. তেস্ত ১০০দগী তাবা অমসুং অতোপ্পনা ১০দগী তাবগী হীরম; মীশিংগী মতুং ইন্না তেস্ত পর মিলিয়ন মশিং নেম্বা; মমাংগী চয়োলদগী এবসোল্যুত তেস্ত মশিং হন্থরকপা; তেস্ত রীজল্ৎ পীবদা থেঙবা; হকশেলগী থৌমীশিংগী মরক্তা পোজিতিব ওইবগী চাং ৱাংবনচিংবা হীরম কয়াগী মতাংদা য়েংশিন্নবা খঙহনখি।

অকুপ্পা মরোলগীদমক: https://pib.gov.in/PressReleseDetail.aspx?PRID=1644382

কোবিদ-১৯না মীওই মশিং য়াম্না শিবা জিলাশিংগা হেল্থ মিনিস্ত্রীগা পাউ ফাওনরে

লৈবাক্কী অমসুং রাজ্যশিংগী চাংচত্তগী মশিং হেন্না কোবিদ-১৯না মীওই কয়া শিহল্লিবা জিলাশিংগী ফিবম নুংনাংনিঙাই ওইরে। কোবিদ-১৯ লাকশিন্নবা অমসুং লায়েংনবা কেন্দ্র অমসুং রাজ্যশিংনা পু্ন্না পায়খৎলিবা থবকশিংগী শরুক অমা ওইনা, হায়রিবা জিলাশিং অসিদা কোবিদ-১৯না মী য়াম্না শিহনবগী মরমশিং নৈন্নবা অমসুং শিবগী চাং হন্থহন্নবা পাম্বৈশিং পুথোক্নবা হেল্থ সেক্রেতরি, রাজেস বুসান্না লুচিংদুনা জিলা অমসুং রাজ্যগী লৈঙাকশিংগা লোয়ননা অৱাংবা থাক্কী মীফম অমা ভর্চুএল ওইনা পাংথোকখ্রে। ফিবম শোক্লবা রাজ্য ৪গী জিলা ১৬ অদুদি; গুজরাতকী অহমেদবাদ অমসুং সুরত; কর্নাতাকাগী বেলাগাবি, বেঙ্গালুরু অরবান, কালাবুরাগি অমসুং উদুপী; তামিল নাদুগী চেন্নাই, কাঞ্চিপুরম, রানিপেত, থেনি, থিরুবাল্লুর, তিরুচিরাপালি, তুতিকোরিন অমসুং বিরুধনাগর; তেলাঙ্গানাগী হায়দ্রাবাদ অমসুং মেদচালমালকাজগিরিনি শিবগী চাং ৱাংবগী মথক্তা, হায়রিবা জিলাশিং অসিদা ভারতকী অপুনবা এক্তিব কেসকী চাদা ১৭ লৈরি, নোংমগী অনৌবা কেস মশিং য়াম্না হেনগৎলকপা, মিল্লিয়ন অমদা তেস্ত তৌবগী চাং নেম্বা অমসুং লায়না লৌনবগী চাং য়াম্না ৱাংবা থেংনরি। মতম চানা এম্বুলেন্সশিং ফংহন্নবা হোৎনবগী মথক্তা, তেস্ত তৌনবা লেবশিং ফজনা শীজিন্ননবা, অপুনবা মীশিং মিল্লিয়ন অমদা তেস্ত তৌবগী চাং হেনগৎহন্নবা অমসুং লায়না লৌনবগী চাং হন্থহন্নবা থবকশিং পায়খৎনবা হায়রিবা রাজ্যশিং অসিদা পাউতাকশিং পীখ্রে।

অকুপ্পা মরোলগীদমক: https://pib.gov.in/PressReleseDetail.aspx?PRID=1644226

থংনবা ৪সুবা নুমিৎকী ওইনা, পুং ২৪গী মনুংদা ভারতনা সেম্পল লাখ ৬ হেন্না তেস্ত তৌখি

কেন্দ্র অমসুং রাজ্য/য়ু.তি সরকারশিংনা মতেং পাংনদুনা পায়খৎলকপা থবকশিংগী মখাদা, ভারতনা নুমিৎ ৪ থংন-থংননা নোংমদা কোবিদ-১৯ সেম্পল লাখ ৬ হেন্না তেস্ত তৌবা ঙম্লে। লৈবাক শীনবা থুংনা লেবোরেতোরি মশিং হেনগৎলকপা অমসুং লাইনা তেস্ত তৌবগী খুদোংচাবা হেনগৎলকপদগী মশিং হেনগৎলকপনি অমসুং হৌখিবা পুং ২৪দা তেস্ত ৬,৩৯,০৪২ পাংথোক্তুনা, হৌজিক ফাওবদা ভারতনা তেস্ত ২,২৭,৮৮,৩৯৩ পাংথোকখ্র। তেস্ত পর মিল্লিয়ন(তি পি এম) মখা তানা হেনগৎলক্তুনা হৌজিক ১৬৫১৩ য়ৌরে। নুমিৎ খুদিংগী তেস্ত পাংথোক্লিবা অসি নুমিৎ ৭ চাংচত্তা পাবদা ২০২০গী জুলাই ১৪দা চাউরাক্না লাখ ২.৬৯ ওইরম্বা অদু ২০২০গী অগস্ত ৬দা চাউরাক্না লাখ ৫.৬৬দা হেনগৎলে। অপুনবা তেস্ত মশিং ২০২০গী জুলাই ১৪দা করোর ১.২ ওইরম্বদগী ২০২০গী অগস্ত ৬দা করোর ২.২দা হেনগৎলে,হায়রিবা মতম অসিদা পোজিতিপ ওইবগী রেত চাদা ৭.৫দগী চাদা ৮.৮৭দা হেনগৎখি। লৈবাক অসিদা তেস্ত তৌবগী থবকশিং পাকথোক-চাউথোকহনবদগী মদুগী ফল ফজনা ফংলে। হৌজিক লৈবাক অসিদা লেবোরেতোরি ১৩৮৩ লৈরি অমসুং মখা তানা তেস্তি তৌনবা লেবশিং শেমগৎলি; অপুনবা লেবশিং অসিগী মনুংদা সরকারগী লেব ৯৩১ অমসুং লনাইগী লেব ৪৫২ য়াওরি।

অকুপ্পা মরোলগীদমক: https://pib.gov.in/PressReleseDetail.aspx?PRID=1644170

প্রধান মন্ত্রী গরীব কল্যান পেকেজকী এক্সতেন্সনঃ হান্ননা লেপ্লম্বা মতমদগী নুমিৎ ৯০গা অমুক শাংথবা কোবিদ-১৯ লান্থেংনরিবা হেলথকী থৌমীশিংগী ইন্স্যুরেন্স

অকুপ্পা মরোলগীদমক: https://www.mohfw.gov.in/pdf/PMGKPInsuranceextensionletter.pdf

লৈবাক অসিদা লৈবা ই.এস.আই.সি. হোস্পিতাল ২১ অসি আইসোলেসন বেদ ২৪০০গী ফেসিলিতীগা লোয়ননা দেদিকেতেদ কোবিদ-১৯ হোস্পিতাল ওন্থোকখ্রেঃ সন্তোশ গাংৱার

লেবর অমসুং ইমপ্লোয়মেন্তকী রাজ্য মন্ত্রী (আই./সি.) শ্রী সন্তোশ গাংৱার অমসুং হরয়ানাগী মুখ্য মন্ত্রী শ্রী মনোহর লাল খত্তরনা ভিদিও কনফরেন্সকী খুত্থাংদা (হরয়ানা) ফরিদাবাদতা লৈবা ই.এস.আই.সি. মেদিকেল কোলেজ অমসুং হোস্পিতালদা প্লাস্মা বেঙ্ক অমা শঙ্গাখ্রে। শ্রী সন্তোশ গাংৱারনা হায়খিবদা হৌজিক ওইরিবা কোবিদকী ইরাং অসিদা ই.এস.আই.সি. হোস্পিতাল ২১ অসি দেদিকেতেদ কোবিদ হোস্পিতাল ওইনা ওন্থোকখ্রে। হোস্পিতালশিং অসিদা আইসোলেসন বেদ ২৪০০ হেনবা, বেন্তিলেতর ২০০গা লোয়নবা আই.সি.য়ু./ঐচ.দি.য়ু. বেদ ৫৫০সু হোস্পিতালশিং অসিদা লৈরে। কোবিদ-১৯গী শাথিবা অনাবশিং লায়েংনবা হায়দুনা ফরিদাবাদ অমসুং সনন্থনগরগী ই.এস.আই.সি. হোস্পিতালদা প্লাস্মা থেরাপীগী খুদোংচাবা লৈহনখ্রে।

অকুপ্পা মরোলগীদমক: https://pib.gov.in/PressReleseDetail.aspx?PRID=1644413

পি.এম.এ.ৱাই. (অর্বান)গী মখাদা চাউরাক্না য়ুম লাখ ১০.২৮ শাবগী অয়াবা পীখ্রে

প্রধান মন্ত্রী অৱাস য়োজনা(সহর)গী মখাদা ঙসি ওগস্ত ৭, ২০২০দা সেন্ত্রেল সেঙ্কসন্নিং এন্দ মোনিতরিং কমিতিগী ৫১সুবা মীফম পাংথোকখ্রে। মীফম অদুদা রাজ্য/য়ু.তি ১৯ শরুক য়াখি। মীফম অদুদা, য়ুম লাখ ১০.২৮ রোম শানবা শরুক য়ারিবা রাজশিংনা পুখৎলকপা প্রোপোজেল ১৫৮৯ অয়াবা পীখি। হায়রিবা য়ুমশিং অদু কান্নবা ফংগদৌরিবা মীওইশিং অদুনা মাংজিল থাদুনা শাগদবনি। মীফম অসি কোবিদ-১৯ লাইচৎ মনুংদা পাংথোকপা সেন্ত্রেল সেঙ্কসন্নিং এন্দ মোনিতরিং কমিতিগী অহানবা মীফমনি। ‘মী খুদিংমক য়ুম ফংহনবা’ হায়বা পান্দমগা লোয়ননা ২০২২ ফাওবগী মনুংদা ভারতকী সহরদা লৈবা ফংফম থোকপা ফংবা য়ারিবা মীওইশিংদা চেক্কী য়ুম ফংহন্নবা পান্দম অদু সরকারনা মরুওইনা লৌরি হায়বা মীফম অসিনা উৎলে।

অকুপ্পা মরোলগীদমক: https://pib.gov.in/PressReleseDetail.aspx?PRID=1644171

ঈশিং শেংদোক্নবা তেক্নোলোজিশিংদা মিৎয়েং থম্বা এম.এস.এম.ইশিংগী কোবিদ-১৯গা মরী লৈনবা তোঙান-তোঙানবা পোৎথোকশিংগী অনৌবা তেক্নোলোজিশিংগী ৱেবিনার পাংথোকখ্রে

২০২০গী ওগস্ত ৭দা পাংথোকপা ৱেবিনার অমদা সি.এস.আই.আর-সি.এম.ই.আর.ইগী দিরেক্তর, দোক্তর হারিস হিরানি অমসুং এম.এস.এম.ই-দি.আই, পাতনাগী দিরেক্তর, বিশ্বা মোহন ঝানা ঈশিং শেংদোক্নবা তেক্নোলোজিশিংগী মিৎয়েং থম্বা সি.এস.আই.আর-সি.এম.ই.আর.ইনা পুথোকপা কোবিদ-১৯গী তেক্নোলোজিশিং উৎখ্রে। ৱেবিনার অসিগী মরুওইবা পান্দমদি সি.এস.আই.আর-সি.এম.ই.আর.ইনা শেমগৎপা তেক্নোলোজিশিং হৌজিক সি.এস.আই.আর-সি.এম.ই.আর.ইদা ফংলিবা ইঞ্জিনিয়ারিংগী পাম্বৈশিং অমসুং কান্নবশিং এম.এস.এম.ইগী মখাদা লৈবা ইন্দস্ত্রিশিং অমসুং ওন্ত্রেপ্রেনিউয়রশিংদা খঙহনবনি।

অকুপ্পা মরোলগীদমক: https://pib.gov.in/PressReleseDetail.aspx?PRID=1644368

ফিল্দ ওফিসশিংদগী লাকপা ইনপুৎশিং

• অরুনাচল প্রদেশঃ রাজ্যগী হকশেল মন্ত্রীনা পাপুম্পারে জিলাগী মনুংদা লৈবা মিদপুদা দেদিকেতেদ কোবিদ হেলথ সেন্তর (দি.সি.ঐচ.সি.) শঙ্গাখ্রে। দি.সি.ঐচ.সি. অসিদা এয়র কন্দিসন তৌরবা কন্তেনরগা লোয়ননা ফমুং ৩৫ লৈ।
• মনিপুরঃ রাজ্যসিদা লৈমাপোকপম অই.ঐচ.সি.গী দাক্তর ৪ অমসুং নর্স অমা কোবিদ-১৯ পোজিতিব ওইরে। ওগস্ত ২দগী ৭ ফাওবগী মনুংদা সেন্তর অসিদা লাক্লম্বা মীওই খুদিংমক ওথোরিতীদা পাউ পীনবা খঙহনখ্রে।
• মিজোরমঃ ঙসি রাজ্যসিদা কোবিদ-১৯দগী নাবা ফরবা মীওই ৭ দিসচার্জ তৌখ্রে। হৌজিক ফাওবগী অপুনবা এক্তিব কেস মশিং ২৭০ লৈরি অমসুং মীওই ২৯৬না দিসচার্জ তৌখ্রে। রাজ্যসিগী অপুনবা কোবিদ-১৯গী কেস ৫৬৬ শুরে।
• নাগালেন্দঃ রাজ্যসিদা সেম্পল ৬০৭ তেস্ত তৌখিবদা অনৌবা কোবিদ-১৯ পোজিতিব কেস ৩১ লাকখি। মসিগী মনুংদগী কোহিমাদগী ১২, দিমাপুরদগী ১০, জুনহেবোত্তগী ৬ অমসুং ৱোখাদগী ৩নি।
• কেরলাঃ করিপুর এয়র ক্রাস্তা লৈখিদবা মীওই ১৮ য়ৌখ্রে। হৌজিক মীওই ১৪৯ তোঙান তোঙানবা হোস্পিতালশিংদা লাইকন্নরি অমসুং মসিগী মনুংদা মীওই ১৪দি অরুবা ফিভমদা লৈরি। সিবিল এবিএসন মন্ত্রী শ্রী হরদীপ সিংহ পুরিনা ঙসি ক্রাস তৌফম অমসুং হোস্পিতালদা চত্তুনা য়েংশিনখ্রে অমসুং লৈখিদবা মীওইশিংগী লুপা লাখ ১০, শাথিনা শোক্লবশিংদা লুপা লাখ ২ অমসুং খরা শোকপা মীওইশিংদা লুপা ৫০০০০ পীগনি হায়না লাউথোকখ্রে। রাজ্যসিদা থোকখিবা অতোপ্পা খুদোংথিবা থৌদোক অমা ওইনা ইদুক্কিদা লৈবাক নিংখায়রকপদা লৈখিদবা মীওই ২৪ শুখ্রে। মীওই ৫০ অমসু লৈবাক্না ফুমদুনা লৈরি হায়না থাজনরি। ঙরাং রাজ্যসিদা অনৌবা কোবিদ-১৯গী কেস ১২৫১ লাকখি অমসুং মসিদগী মীওই ৭৩দি মফম কদায়দগী লায়না লৌরকপগে হায়বা খঙবা ঙমদ্রি। হৌজিক অনাবা ১২৪১১ কন্না লায়েংলি মমসুং রাজ্য শিনবা থুংনা মীওই ১৪৯৬৮৪না কন্না য়েংশিন্দুনা থম্লি।
• তমিল নাদুঃ অনৌবা কেস ২৬৮ লাক্তুনা পুদুচেরীগী অপুনবা কেস মশিং ৫০০০ হেনখ্রে; লৈখিদবা মীওই ৮০ শুখ্রে অমসুং এক্তিব কেস মশিং ১৯৫৩ লৈদুনা য়ুনিয়ন তেরিতোরী অসিগী অপুনবা কেস মশিং ৫০৬৭ শুখ্রে। লোকদাউন খরা কোম্থোকপা ওইনা রাজ্য সরকারনা ম্যুনিসিপাল কোর্পোরেসনগী মনুংদা লৈবা মফমশিংগী অপিকপা লায়শঙশিংদা ওগস্ত ১০দগী মীয়াম্না লায় খুরুম্বা য়াহল্লগনি। কোবিদ-১৯ লায়চৎ থেংননবা রাজ্যনা এম্বুলেন্স ৫০০ লৈনবা লুপা কোতি ১০৩ খাক্তুনা থমখ্রে। ঙরাং অনৌবা কেস ৫৮৮০, নাবা ফবা ৬৪৮৮ অমসুং মীওই ১১৯ লৈখিদবগী পাউ লাকখি। অপুনবা কেস-২৮৫০২৪; এক্তিব কেস-৫২৭৫৯; লৈখিদবা-৪৬৯০ অমসুং চেন্নইগী এক্তিব কেস মশিং ১১৬০৬ শুরে।
• করনাতকাঃ সি.এম. বি.এস. য়েদিয়ুরপ্পানা চীফ সেক্রেতরীগা ফোন্দা ৱারী শাদুনা রাজ্যসিদা ওইরিবা ইচাউগী ফিভম হংখ্রে। মহাক্কী অয়াবা য়াওদনা চীফ সেক্রেতরীনা তেংবাংবগী থবক হৌবা য়ারগনি হায়খ্রে। পুলিস্কী মনুংদা কোবিদ কেস মশিং য়ামখৎলক্লিবা অসি য়েংলদুনা বেঙ্গালোর সিতী পুলিসনা দ্যুতী তৌরিঙৈদা ইনগদবা গাইদলাইন ফোঙখ্রে। রাজ্যগী হকশেল বিভাগনা ইন্তর্নেস্নেল পেসেঞ্জরশিংগী গাইদলাইন শেমদোকখ্রে অমসুং করিগুম্বা মখোয়না সিম্পতম উত্ত্রবদি মখোয় নুমিৎ ১৪নিগী ওইনা য়ুমদা ক্বারেন্তাইন তৌগদবনি। ঙরাং অনৌবা কেস ৬৬৭০, নাবা ফবা ৩৯৫১ অমসুং মীওই ১০১ লৈখিদবগী পাউ লাকখি। অপুনবা কেস-১৬৪৯২৪; এক্তিব কেস-৭৭৬৮৬; লৈখিদবা-২৯৯৮ অমসুং দিসচার্জ তৌখিবা ৮৪২৩২ শুরে।
• আন্ধ্র প্রদেশঃ রাজ্য সরকারনা লাইহৌ, নিংশা হোনবা নুংঙাইতবা অমসুং ওক্সিজেনগী থাক হন্থরকপা মীওই খুদিংমক তেস্তকী রীজল্ৎ ঙাইদনা হোস্পিতালদা এদ্মিৎ তৌহন্নবা ৱারেপ লৌখ্রে অমসুং তেস্তকী রীজল্ৎ ঙাইদুনা লৈবনা লায়েংবদা থেংথহল্লি হায়খ্রে। নেল্লোর শহরদা লোকদাউনগী মতম ওগস্ত ২৩ ফাওবা শাংদোকখ্রে। শহর অসিদা লৈরিবা দুকানশিং অয়ুক্কী পুং ৬তগী নুংথিলগী পুং ১ ফাওবা মনুংখক্তদা হাংবগী অয়াবা পীখ্রে। রাজ্যনা কম্ম্যুনিতী হেলথ সেন্তর খুদিংদা ওক্সিজেন সপ্লাই য়াওবা ফমুং ৫-১০ ফাওবা থম্লগনি। প্রকাসম পব্লিক এদমিনিস্ত্রেসন্না জিলাগী হেদক্বার্তর ওঙ্গোলেদা লায়চৎ অসি তপথরকপগী মমি উদবদগী অপুনবা লোকদাউন অমুক থম্নবা শেম শাখ্রে। ঙরাং অনৌবা কেস ১০১৭১, নাবা ফবা ৭৫৯৪ অমসুং মীওই ৮৯ লৈখিদবগী পাউ লাকখি। অপুনবা কেস-২০৬৯৬০; এক্তিব কেস-৮৪৬৫৪; লৈখিদবা-১৮৪২ শুরে।
• তেলঙ্গানাঃ রাজ্যসিদা সিম্পতম উত্তবা মীওইশিংনা কোরোনা ভাইরস পুদুনা চৎপা মশক খংদবা মীওই ওইরকপসিদা য়াম্না পাখৎনিংঙাই ওইরে। সিম্পতম উত্তবা মীওই অয়াম্বনা নাবা ফবগী চাং হেনগৎলকপা ওইবা অসি পুক্নিং থৌগৎনিংঙাই ওইরবসু মখোয়না মীশিং য়াম্বা মীয়ামদা লায়না শন্দোকহল্লিবা অসিনা রাজ্যগী হকশেলগী ওথোরিতীশিংদা য়াম্না ৱাহল্লে। হায়দ্রবাদতা কোবিদ-১৯না নাবগী চাং হন্থরক্লি অদুবু অতোপ্পা জিলাশিংদা কেস মশিং হেনগৎপগী পাউ লাক্তুনা রাজ্যসিদা অনৌবা কেস ২২৫৬ লাকখি। ঙরাং অনৌবা কেস ২২৫৬, নাবা ফবা ১০৯১ অমসুং মীওই ১৪ লৈখিদবগী পাউ লাকখি। অনৌবা কেস অসিগী মনুংদগী ৪৬৪দি জি.ঐচ.এম.সি.দগীনি। অপুনবা কেস-৭৭৫১৩; এক্তিব কেস-২২৫৬৮; লৈখিদবা-৬১৫ অমসুং দিসচার্জ তৌখিবা-৫৪৩৩০ শুরে।
• মহারাস্ত্রাঃ মুখ্য মন্ত্রী শ্রী উধব থাকেরাইনা লায়েংবগী মমল ৱাংনা লৌবা হোস্পিতালশিংগী মায়োক্তা অকনবা থবক পায়খৎনবা ওথোরিতীশিংদা হায়খ্রে অমসুং কোবিদ লায়চৎ অসিগী মনুংদা ফমুং অমসুং এম্বুলেন্স নীংথিনা শেন্ননবা হায়খ্রে। ইরাই নুমিত্তা রাজ্যসিদা অনৌবা কেস ১০৯০৬ লাক্তুনা অপুনবা কেস মশিং ৪৯০২৬২ য়ৌখ্রে। হৌজিক্কী ওইবা এক্তিব কেস মশিং অসি ১৪৫৫৮২নি।
• গুজরাতঃ লৈবাক্কী অমসুং মশাগী রাজ্যগী মোরতেলিতী রেত্তগী হেন্না লৈবা রাজ্য মরিগী জিলা ১৬কী মনুংদা অহমেদবাদ অমসুং সুরৎসু য়াওরি। কেন্দ্র সরকারনা তেস্ত পর মিলিয়নগী মশিং হেনগৎহন্নবা অমসুং মতম পুম্বদা শিজিন্নবা য়াগদবা এম্বুলেন্স ফংহন্নবা খঙহনখ্রে। ঙসি ফাওবদা অহমেদবাদ অমসুং সুরৎনা মথংশিৎনা কেস ২৭৫৮৭ অমসুং ১৪৭৭৭ লাকখিবগী পাউ লৈরি। রাজ্যসিগী অপুনবা কেস মশিং ৬৮৮৮৫ শুরে।
• রাজস্থানঃ রাজ্যসিগী কোবিদ-১৯গী অপুনবা মশিং অসি ইরাই নুমিত্তা  অনৌবা কেস ১১৬১ লাক্তুনা লিশিং ৫০ হেনখ্রে। এক্তিব কেসকী মশিং অসি ১৩১৯৫নি। তাল্লক অসিদা রাজ্যগী মুখ্য মন্ত্রী শ্রী অশোক গেহলোৎনা নেস্নেল হেলথ মিসনগী মখাদা কম্ম্যুনিতী হেলথ ওফিসার ৬৩১০ লৌবগী অয়াবা পীখ্রে।
• মধ্য প্রদেশঃ হৌখিবা পুং ২৪দা কোবিদ-১৯গী অনৌবা কেস ৭৩৪ লাক্তুনা অপুনবা মশিং ৩৭২৯৮ য়ৌখ্রে। মসিগী মনুংদা মীওই ২৭৬২১দি নাবা ফখ্রে। অপুনবা লৈখিদবা মশিং অসিনা ৯৬২নি।
• ছতিসগরঃ বিধান সভাগী হান্নগী স্পীকর ওইরম্বা শ্রী গৌরিশঙ্কর অগরৱাল কোবিদ-১৯ পোজিতিব ওইখিবগী নুমিৎ ২নিগী মতুংদা ওপোজিসনগী লুচিংবা শ্রী ধরম্লাল কৌশিক্সু কোবিদ-১৯ পোজিতিব ওইখ্রে। ইরাই নুমিত্তা রাজ্যসিদা অনৌবা কেস ৩৭৮ লাকখি অমসুং অপুনবা এক্তিব কেস মশিং ৩০০২ লৈরি।

ফেক্তচেক

*****