(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

दिल्ली-मुंबई, 8 ऑगस्ट 2020

• राष्ट्रपती भवन, अशोक हॉल येथे आयोजित एका समारंभात आज (8 ऑगस्ट 2020) सकाळी 10.30 वाजता गिरीशचंद्र मुर्मू यांनी भारताचे नियंत्रक आणि महालेखा परीक्षक म्हणून  शपथ घेतली. 

• पंतप्रधान नरेंद्र मोदी 9 ऑगस्ट 2020 ला सकाळी 11 वाजता व्हिडिओ कॉन्फरन्सच्या माध्यमातून कृषी पायाभूत निधी अंतर्गत 1 लाख कोटी रुपयांच्या आर्थिक सुविधांचा शुभारंभ करणार आहेत. पंतप्रधान पीएम-किसान योजनेंतर्गत 8.5 कोटी शेतकऱ्यांना 17,000 कोटी रुपयांचा सहावा हप्त्याच्या निधीचे वितरण देखील करणार आहेत. 

आरोग्य मंत्रालयाची कोविड-19 घडामोडींवरील माहिती :

• केंद्र आणि राज्य / केंद्रशासित प्रदेश सरकारांनी केलेल्या कोविड-19 च्या समन्वित, श्रेणीबद्ध आणि सक्रिय व्यवस्थापनामुळे राष्ट्रीय मृत्यु दर (सीएफआर) कमी होत आहे. सध्या हा दर  2.04% आहे. कोविड-19 च्या एकत्रित व्यवस्थापनासाठी राज्य / केंद्रशासित प्रदेशांच्या नियमित आढावा आणि मार्गदर्शन प्रक्रियेचा भाग म्हणून, 7 आणि 8  ऑगस्ट रोजी आरोग्य सचिव राजेश भूषण यांच्या अध्यक्षतेखाली दोन उच्च स्तरीय आभासी बैठका आयोजित करण्यात आल्या. ज्या राज्यांमध्ये कोविड रुग्ण आणि मृत्यूचे प्रमाण राष्ट्रीय सरासरीपेक्षा अधिक आहे अशा राज्यांना यात सहभागी करून घेण्यात आले आणि कोविड-19 मुळे होणाऱ्या मृत्यूचे प्रमाण रोखण्याच्या आणि कमी करण्याच्या प्रयत्नांबाबत त्यांना सल्ला आणि सूचना देण्यात आल्या.

• जागतिक स्तरावर तुलना केली तर भारतात प्रति दहा लाख लोकसंख्येमध्ये बाधित रुग्णांचे प्रमाण 1469 आहे तर जागतिक सरासरी 2425 इतकी आहे. केंद्र सरकार आणि राज्य / केंद्रशासित प्रदेश सरकारच्या “टेस्ट ट्रॅक ट्रीट” रणनीतीची समन्वित अंमलबजावणी केल्यामुळे जागतिक परिस्थितीच्या तुलनेत मृत्युदर कमी असल्याचे सुनिश्चित झाले आहे आणि त्यात सातत्याने घसरण होत आहे. मृत्युदर  आज 2.04% आहे. कोविड -19 मुळे मृत्यूचे प्रमाण कमी करण्याच्या केंद्रित प्रयत्नांमुळे प्रति दहा लाख लोकसंख्येमागे 91 या जागतिक सरासरीच्या तुलनेत भारताने 30 इतकी कमी मृत्यूची संख्या नोंदवली आहे.

• केंद्रीय श्रम आणि रोजगार राज्यमंत्री (स्वतंत्र प्रभार) संतोष गंगवार आणि हरियाणाचे मुख्यमंत्री मनोहर लाल खट्टर यांनी फरिदाबाद (हरियाणा) येथील ईएसआयसी वैद्यकीय महाविद्यालय आणि रुग्णालयात प्लाझमा बँक सुविधेचा व्हिडीओ कॉन्फरन्सच्या माध्यमातून शुभारंभ केला. कोविड संकटाच्या परिस्थितीत, देशभरातील 21 ईएसआयसी रुग्णालयांचे रुपांतर समर्पित कोविड-19 रुग्णालयांमध्ये करण्यात आले आहे. या रुग्णालयांमध्ये 2400 पेक्षा अधिक अलगीकरण खाटा, 550 आयसीयू/एचडीयू खाटा 200 व्हेंटीलेटर्ससह उपलब्ध करुन देण्यात आल्या आहेत. अलवार (राजस्थान), बिहता, पाटणा (बिहार), गुलबर्गा (कर्नाटक) आणि कोरबा (छत्तीसगड) या 04 ठिकाणी सुमारे 1300 खाटांची विलगीकरण सुविधा उपलब्ध करुन देण्यात आली आहे.

इतर अपडेट्स: 

• केंद्रीय रस्ते वाहतूक आणि महामार्ग मंत्री नितीन गडकरी यांनी कॉन्फेडरेशन ऑफ इंडियन इंडस्ट्रीजने आयोजित केलेल्या इंडिया@75 : मिशन 2022 परिषदेला संबोधित केले. देशातील 115 महत्वाकांक्षी जिल्ह्यांमध्ये एमएसएमईचे अस्तित्व सुधारण्याची तातडीची गरज आहे, असे गडकरी म्हणाले. सध्या जीडीपीमध्ये त्यांचे योगदान नगण्य आहे, मात्र त्यांच्याकडे व्यवस्थित लक्ष पुरवल्यास ते मोठ्या प्रमाणात रोजगार निर्मिती करु शकतात.    

• एनटीपीसी लिमिटेडने जाहीर केल्यानुसार, एनटीपीसी समुहाने चालू आर्थिक वर्षात 100 अब्ज युनिटपेक्षा अधिक संचयी वीज निर्मिती साध्य केली आहे.

महाराष्ट्र अपडेट्स : 

महाराष्ट्राचे मुख्यमंत्री उद्धव ठाकरे यांनी वाढती रुग्णसंख्या पाहता जास्त शुल्क आकारणाऱ्या रुग्णालयांविरोधात कडक कारवाई करण्याचे आणि प्रभावी खाट आणि रुग्णवाहिका नियोजन करण्याचे प्रशासनाला निर्देश दिले आहेत. राज्यात शुक्रवारी 10,906 रुग्णांची नोंद झाली, यामुळे एकूण रुग्णसंख्या 4,90,262 एवढी झाली.तर, सक्रीय रुग्णांची संख्या 1,45,582 एवढी आहे. 

FACT CHECK

* * *

B.Gokhale/S.Thakur/D.Rane

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com