প্রধান মন্ত্রী শ্রী নরেন্দ্র মোদীনা স্বছ ভারত মিসনগী ৱারী ৱাতাই শানবা সেন্তর অমা ওইরিবা রাস্ত্রিয়া স্বছতা কেন্দ্র ওগস্ত ৮, ২০২০দা শঙ্গারগনি। মহাত্মা গান্ধীদা ইকাই খুম্নবা উৎপা ওইনা, গান্ধীজিগী চম্পরন সত্যগ্রহাগী চহি চামা শুবগী পালন তৌবগী থৌরমদা রাস্ত্রিয়া স্বছতা কেন্দ্র (আর.এস.কে.) অসি প্রধান মন্ত্রীনা এপ্রিল ১০, ২০১৭দা অহানবা ওইনা লাউথোকখি।

আর.এস.কে. ইন্সতোল তৌবা অসিনা তুংদা লাক্কদবা চারোন শুরোনশিংবু মালেমগী ওইনা খ্বাইদগী চাউবা লমচৎ শাজৎতা অহোংবা পুরক্নবা কেম্পেন ওইরিবা স্বছ ভারত মিসনগী মায় পাকপগী লম্বী অসিদা পুগনি। আর.এস.কে.দা দিজিতেল অমসুং আউৎদোর ইন্সতোলেসন পুন্না তৌবা অসিনা স্বছতা অমসুং মরী লৈনবা হীরমশিংগী ই-পাউ, এৱের্নেস অমসুং এজুকেসন পীবা হেনগৎহল্লগনি। ৱারী ৱাতাই শাবগী মওংদা হান্ননা খঙলবা অদুদা হেন্না খঙনবা তমশিনবা, খ্বাইদগী ফবা খোঙথাং মালেমগী ওইবা মায় পাকপশিং, মায় পাকখিবগী ৱারীশিং অমসুং থেমেতিক মেসেজশিংগী খুত্থাংদা থবক থৌরমশিং চত্থবা অসি উৎকনি।

হোল ১দা, লাক্লিবা মীওইশিংনা তোপ তোপ্পা ৩৬০°গী ওদিও ভিজ্যুলকী শো অমা য়েংহনগনি। মসিনা ভারতকী স্বছতাগী ৱারী লিগনি—ালেমগী ইতিহাস্তা খ্বাইদগী চাউবা লমচৎ শাজৎতা অহোংবা পুক্নবা কেম্পেনগী ৱারী অমা। হোল ২ অসিদা বাপুগী স্বছ ভারত অমগী মঙলান অদু মায় পাক্নবা লৌখৎখিবা থবক্কী ৱারী লিরিবা কান্নরবা এল.ই.দি. পেনেলশিং, হোলোগ্রাম উপুশিং, কান্নরবা গেমশিং অমসুং মসিদগী হেনবা কয়া অমা য়াওরি। আর.এস.কে.গা থংনিবা অহাংবা মফম অসিদা ভারতনা সত্যগ্রহাদগী স্বছগ্রহা ফাওনগী খোঙচৎকী ৱারীগী মখল অহুম উৎকনি।মিসন অসি মায় পাকখিবগী মরু ওইবা নুংগী ৱারোল অদুসু কেন্দ্রগী কলাগী ওইবা ফকলাং অসিদা হাপলি।

আর.এস.কে. অসি কোয়না চৎলুরবা তুংদা সোসিএল দিস্তেন্সিং প্রোতকলশিংগী মতাংদা প্রধান মন্ত্রীনা আই.এস.কে.গী এমফিথিএতরদা রাজ্য অমসুং য়ুনিয়ন তেরিতরী ৩৬কী মহুৎ শিল্লিবা দিল্লীগী স্কুলগী মহৈরোয় ৩৬কা লোয়ননা ৱারী শাগনি। মসিগী মতুংদা প্রধান মন্ত্রীনা লৈবাক মীয়ামদা ৱা ঙাংগনি।

স্বছ ভারত মিসননা ভারতকী খুঙ্গংগী সেনিতেসনদা অওনবা পুরকখ্রে অমসুং মীওই কোতি ৫৫গী মথক্না লম হাংদা অমাং অশোই তৌরম্বদগী তোইলেৎ শীজিন্নহন্দুনা লমচৎ শাজৎতা অহোংবা পুরকখ্রে। মসিগীদমক মালেমগী মীয়ামনা ভারতপু থাগৎপা ফোঙদোকখি অমসুং মালেম পুম্বনা তমজহৌনবা লম্বী অমা য়াৎলমখ্রে। মিসন অসি অনিশুবা তাঙ্কক্তা হৌজিক লৈরি, মসিনা ও.দি.এফ.কী থাক অসি ফগৎনবা অমসুং মীপুম খুদিংমক্কী সোলিদ অমসুং লিক্বিদ ৱেস মেনেজমেন্তদা অহেনবা মীৎয়েং থমদুনা ভারতকী খুঙ্গংশিং অসি ওপন দেফিকেসন ফ্রী (ও.দি.এফ.) দগী ও.দি.এফ. প্লস ওইহন্নবা পান্দম থম্লি।

*******