অচৌবা মায় পাকপা অমা ওইনা, ভারত্তা ঙসি ফাওবদা কোবিদ-১৯গী সেম্পল ২,০২,০২,৮৫৮ তেস্ত তৌখ্রে। কেন্দ্রগী কোবিদ-১৯ লাকশিন্নবা “তেস্ত তৌবা কনশিনবা, মপুং ফানা থিদোকপা অমসুং খুদক্তা তেস্ত তৌবা”গী মীৎয়েং মখাদা রাজ্য/য়ু.তি. সরকারশিংনা লৌখৎবা মরু ওইবা লালোংনা মসি ঙমহনবনি। মসিগী পাম্বৈ অসি মপুং ফানা পায়খৎপনা মরম ওইরগা লৈবাক শিনবা থুংনা তেস্ত তৌবগী চাং অসি হেনগৎহনবা অমসুং মীয়ামবু কোবিদ-১৯গী তেস্ পাক শন্না তৌনবা খুদোংচাবা পীবা ঙম্লিবনি।

হৌখিবা পুং ২৪দা সেম্পল ৩,৮১,০২৭ তেস্ত তৌখিবগা লোয়ননা, তেস্ত পর মিলিয়ন (তি.পি.এম.)গী মশিং অসি ১৪৬৪০ য়ৌখ্রে। হৌজিক্কী ওইনা ভারতকী মিলিয়ন অমদা তৌবা তেস্ত অসি ১৪৬৪০ ওইরি। অমরোমদা লৈবাক অসিগী তি.পি.এম. তপ্না তপ্না হেনগৎলকপনা তেস্তিং নেৎৱার্ক হেনগৎলক্লি হায়বা তাক্লি, রাজ্য অমদি য়ু.তি. ২৪না লৈবাক্কী ওইরিবা চাংচৎ অসিদগী হেন্না ৱাংনা মিলিয়ন অমদা তেস্ত তৌখিবগী রিপোর্ত লাক্লি।

লৈবাক অসিদা লেব ১৩৪৮ লৈবগা লোয়ননা তেস্তিং লেবকী নেৎৱার্ক লেপ্পা লৈতনা হেনগৎলক্লি; লৈঙাক্কী লেব ৯১৪ অমদি লন্নাইগী লেব ৪৩৪গা লৈরে। মসিদা য়াওরিবশিং অদুদি:

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৬৮৬ (লৈঙাক্কী: ৪১৮ + লন্নাইগী: ২৬৮)
• ত্রুনেতদা বেজ তেস্তিং লেব: ৫৫৬ (লৈঙাক্কী: ৪৬৫ + লন্নাইগী ৯১)
• সি.বি.এন.এ.এ.তি.দা বেজ তেস্তিং লেব: ১০৬ (লৈঙাক্কী ৩১ + লন্নাইগী ৭৫)

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

******