(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

ভারত্তা মীওই ৫১,২২৫ নাবা ফখিবগা লোইননা নোংমদা মশিং খ্বাইদগী য়াম্না নাবা ফবগী রেকোর্দ তৌখ্রে; অপুনবা ফখ্রবগী মশিং লাখ ১১.৫ য়ৌশিল্লক্লে; নাবা ফবগী চাং ৬৫.৪৪% য়ৌদুনা হেন্না ৱাংখৎলক্লি; কেস ফেতালিতী রেৎ ২.১৩%দা হাইথখ্রে

হৌখিবা পুং ২৪ অসিদা মীওই ৫১,০০০হেন্না ভারত্তা মশিং য়াম্না নাবা ফগখি। অনাবা ৫১,২২৫ নাবা ফদুনা দিসচার্জ তৌখিবগা লোইননা ভারতকী কোবিদ-১৯দগী অপুনবা ওইনা নাবা ফখ্রবা মশিং অসি ১১,৪৫,৬২৯ য়ৌখ্রে। হৌখিবা পুং ২৪ অসিদা নোংমগী মনুংদা খ্বাইদগী য়াম্না নাবা ফখিবগা লোইননা নাবা ফবগী চাংসু ৬৫.৪৪% য়ৌরে। মসিনা তাক্লিবসি কোবিদ-১৯না নারবা মীওইশিং নোংম-নোংমগী ফগৎলক্লি অমসুং দিসচার্জ তৌবা লেপত্রি। নাবা ফখিবগা এক্তিব কেসকগী মরক্তা লৈবা খেন্নবসু তপ্না-তপ্না হেনগৎলক্লি। জুন ১০, ২০২০দা, ইহান-হানবা ওইনা নাবা ফখ্রবা মশিংনা এক্তিব কেস মশিংদগী ১,৫৭৩ হেনখিবদুদগী ঙসিফাওবদা ৫,৭৭,৮৯৯ ওইরে। এক্তিব কেসশিং অসি ভারতকী একচুএল কেস লোদনি অমসুং এক্তিব কেস মশিং (৫,৬৭,৭৩০)না অপুনবা কেস মশিংগী চাদা ৩২.৪৩ ওইরি অমসুং মখোয় পুম্নমক হোস্পিতালদা নত্ত্রগা য়ুমদা আইসোলেৎ তৌদুনা চেকশিন্না লাইয়েংলি। ভারত অসি মালেমগী চাংচৎকা চাংদম্নবা মতমদা কেস ফেতালিতী রেৎ ২.১৩% লৈদুনা খ্বাইদগী নেম্বা লৈবাকশিংগী মনুংদা চল্লি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642995

দাঃ হর্শ বর্ধন্না অহানবা ওইনা পান-ইন্দিয়াগী সার্স-কোভ-২গী জীনোম ১০০০ সিক্বেন্সিং তৌবদা মায় পাক্লে লাউথোকখ্রে

সাইন্স অমসুং তেক্নোলোজী, হকশেল অমসুং য়াইফ য়ুম্বাল অমসুং আর্থ সাইন্সকী মন্ত্রী দাঃ হর্শ বর্ধন্না ঙসি অহানবা ওইনা পেন-ইন্দিয়াগী সারস-কোভ-২গী জীনোম ১০০০ সিক্বেন্সিং তৌবদা মায় পাক্লে লাউথোকখ্রে। মহাক্না বাইওতেক্নোলোজী বিভাগ (দি.বি.তি.)কা লোয়ননা মীফম অমা ফমখি অমসুং দি.বি.তি., বাইওতেক্নোলোজী ইন্দস্ত্রী রিসর্চ এসিস্তেন্স কাউন্সিল (বি.আই.আর.এ.সি.) অমসুং দি.বি.তি.-ওতোনোমস ইন্সতিত্যুসন (এ.আই.)শিংনা পাংথোকপা কোবিদ-১৯গা মরী লৈনবা থবকশিং য়েংশিনখি। মীফম অদুদা দাঃ হর্শ বর্ধন্না হায়নখিবা মতমগী মনুংদা বাইওতেক্নোলোজী বিভাগনা শাখিবা দেদিকেতেদ কোবিদ-১৯ রিপোজিতরী মঙাগী খ্বাইদগী চাউবা চাউরবা নেৎৱর্ক অমসু লোঞ্চ তৌদুনা লৈবাক্কী ওইনা কত্থোকখি। হায়রিবশিং অসি ত্রান্সলেস্নেল হেলথ সাইন্স অমসুং তেক্নোলোজী ইন্সতিত্যুৎ (তি.ঐচ.এস.তি.আই.), ফরিদাবাদ; ইন্সতিত্যুৎ ওফ লাইফ সাইন্স (আই.এল.এস.), বুবনেশ্বর; ইন্সতিত্যুৎ ওফ লিভর অমসুং বিলিয়ারী সাইন্স (আই.এল.বি.এস.), নই-দিল্লী; নেস্নেল সেন্তর ফোর সেল সাইন্স (এন.সি.সি.এস.), পুনে অমসুং ইন্সতিত্যুৎ ফোর স্তেম সেল সাইন্স অমসুং রিজেনেরেতিব মেদিসিন (ইনস্তেম), বাঙ্গালোরদা লোই। মহাক্না দি.বি.তি.না “লায়চৎ অসিবু হন্থহন্নবা লেপ্তনা চত্থরিবা লান”গী থবক থৌরমশিং অসিবু থাগৎপা ফোংদোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642869

প্রধান মন্ত্রী শ্রী নরেন্দ্র মোদীনা ওনলাইন্দা ভিদিও কনফরেন্সিংগী খুত্থাংদা পাংথোকপা মালেমগী খ্বাইদগী চাউবা হেক্কাথোনদা শরুক য়ারিবা মীওইশিংদা ৱা ঙাংখ্রে

স্মার্ত ইন্দিয়া হেক্কাথোনগী গ্রান্দ ফিনালেগী থৌরমদা ৱা ঙাংবদা পি.এম.না মহৈরোয়শিংনা লৈবাক অসিনা থেংনরিবা খুদোংচাদবা কয়াগী হীরমদা থবক কয়া পাংথোক্লি হায়খি। খুদোংচাদবশিং অসিগী ৱারোয়শিন পীবতা নত্তনা মখোয়না দেতা, দিজিতাইজেসন অমসুং হাই-তেক ফ্যুচরগী হীরমদা ভারতপু মপাঙ্গল হাপ্পি। অনৌবা এজুকেসন পোলিসী অসিগী মতাংদা ৱা ঙাংলদুনা প্রধান মন্ত্রীনা হায়রিবা অসি ২১শুবা চহি-চাগী নহাশিংগী ৱাখল্লোন, তঙাই ফদবশিং, মংলান অমসুং থবক ওইনা পাংথোক্নিংবশিংবু য়েংদুনা শেমখিবনি হায়খি। মসিগী শুপ্নতগী চে অমা নত্তে তৌবতবু ভারত মচা কোতি ১৩০গী থবক ওইনা পাংথোকপা ইথিলগী মমিনি হায়না মহাক্না মখা তানা হায়খি।

হৌদোকপগী থৌরমদা, ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না হায়খি মদুদি হন্দক চহীগী চাংদম্নবগী অহানবা তাংকক্তা মহৈরোই লাখ ৪.৫ হেনবদগী পাক শন্না পাম্নবগী রেস্পোন্স লাকখি। মহাক্না হায়খি, প্রধান মন্ত্রী শ্রী নরেন্দ্র মোদীনা লৈবাক অসিদা লৈরিবা দিজিতেলগী ওইবা খাইবোক তারিবসিবু শমজিন্ননবা দিজিতেল ইন্দিয়া অমগী মংলান শাগৎখি অমসুং মখা তানা দিজিতেল লিতরেসীবু চাউখৎপগী খোংজেলদা মীয়াম পুম্বগী ইহৌ অমা ভারত্তা মীপুম খুদিংমক্তা য়ৌহন্নবগীদমক শাগৎনবা হোৎনখি। ঐখোয়না দিজিতেল ইন্দিয়াগী খোংথাং অসিগী কান্নবসি কোবিদ-১৯গী মনুংদা উবা ফংলে। প্রধান মন্ত্রীনা হায়খি, পোলিসী অসিনা লোকেলদা মীৎয়েং থম্না-থম্না, মালেমগা পুনশিন্নবা হোৎনবদসু মীৎয়েং থম্লি। মালেমগী খ্বাইদগী ৱাংবা ইন্সতিত্যুসনশিংবু ভারত্তা হাংদোকহন্নবা পুক্নিং থৌগৎলি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642938

জে.এন.সি.এ.এস.আর.গী বৈজ্ঞানিকশিংনা লায়চৎতা মথৌ তাবা ক্রিতিকেল রিসোর্সশিংগী চাওরাকপা অদু খঙদোকপা অমসুং হেনগৎহনবা এদাপ্তিব মোদেল শীজিন্নখ্রে

লৈবাক অমগী হেল্থক্যেরনা লায়চৎ অমগী অঙনবা তাঙ্কক্তা কেতচ-২২গী ফীভম অমা মায়োক্নৈ – লায়না শন্দোক্লিবা অসি খঙদোক্নবা অমদি তোঙান্না থম্নবা অককনবা অমসুং অচুম্বা তেস্তশিং তৌবা মথৌ তাই, অমসুং নোবেল তেস্ত তৌবগী চাং হেনগৎনবা কনাগুম্বনা লায়না অসিনা শন্দোরকপা য়াবা মশিং অদু চয়োল নত্রগা থাদা মাংজৌননা হোত্তোকপা মথৌ তাই। মসিগী মতুংদা, মশিং অদুগী মতুং ইন্না লৈবাক অসিদা লৈরিবা জিলা খুদিংমক্তা হেল্থক্যেরগী পুথোকপা মথৌ তারিবশিং অদু খঙদোকপদা শীজিন্নগনি। হায়রিবশিং অসি হোৎনবা মোদেলশিং অসিগী ইনপুৎশিং অদু খঙবা ঙমদবা পেরামিতরশিংনা হেনগৎহনবা য়ারবদা মোদেলশিং অসি কনাগুম্বনা করম্না শীজিন্নগনি?

ভারত সরকারগী সাইন্স অমসুং তেক্নোলোজী বিভাগ অমসুং ইন্দিয়ন ইন্সতিত্যুৎ ওফ সাইন্স (আই.আই.এসসি.)গী মখাদা লৈরিবা ওতোনোমস ইন্সতিত্যুৎ অমা ওইরিবা জৱাহর্লাল নেহরু সেন্তর ফোর এদভান্স সাইন্তিফিক রিসর্চ (জে.এন.সি.এ.এস.আর.)গী বৈজ্ঞানিকশিংনা এদাপ্তিব স্ত্রেতেজী অমা অমসুং কোবিদ-১৯গী অঙনবা তাঙ্কক্কী মতম অদু খুদম ওইনা শীজিন্নদুনা সমস্যা অসি কোকহন্নবা মোদেল অমা পুথোকখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642992

এম.এস.এম.ই. মন্ত্রী শ্রী নিতিন গদকরিনা ভারতপু ধুপ পুথোকপদা আত্মানির্ভর ওইহন্নবা অনৌবা স্কিম অমগী অয়াবা পীখ্রে

কেন্দ্রগী এম.এস.এম.ই. মন্ত্রী শ্রী নিতিন গদকরিনা খাদি অমসুং বিলেজ ইন্দস্ত্রীজ কম্মিসন (কে.ভি.আই.সি.)না হৌদোকখিবা থবক পীবগী অখন্নবা স্কিম অমা ভারতপু ধুপ পুত্থোকপদা আত্মানির্ভর ওইহন্নবা স্কিম অমগী অয়াবা পীখ্রে। “খাদি ধুপ আত্মানির্ভর মিসন” হায়না মিংথোনবা প্রোগ্রাম অসিনা লৈবাক অসিগী তোঙান তোঙানবা মফমদা লৈরিবা থবক ফংদবা অমসুং মাইগ্রেন্ত শিন্মীশিংদা থবক পীদুনা ভারতকী ওইনা ধুপ পুথোকপা অসি হেনগৎহনবদা পান্দম থম্লি। স্কিম অসি শ্রী গদকরিনা হৌদোকখিবগী মতুং ইন্না কম্মর্স মন্ত্রালয় অমসুং শেলথুম মন্ত্রালয়না মথংশিৎনা লৌখিবা অচৌবা ৱারেপ অনিগী মতুং ইন্না শেমখিবনি- শেম শাদ্রিবা ধুপ মীরমদগী পুশিল্লকপদা অথিংবা থম্বা অমসুং মীরমদগী ৱা পুশিল্লকপগী ইম্পোর্ত দ্যুতী হেনগৎপা।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1643012

অহানবা ওইনা রেলৱেজ মিনিস্ত্রীনা শীন্দুনা মতম লোইরবা ওফিসিএল ২৩২০ থবক্তগী পোথাবগী থৌরম ভর্চুএল ওইনা পাংথোকখ্রে

মখল অসিগী অহানবা থৌরম অমা ওইনা, ২০২০গী জুলাই ৩১দা মতম লোইরবা ভারত রেলৱেজগী ওফিসারশিং/স্তাফশিং থবক্তগী পোথাবগী থৌরম অমা রেলৱেজ মিনিস্ত্রীনা শীন্দুনা ভর্চুএল ওইনা পাংথোকখ্রে। থৌরম অদুদা জোনশিং/দিবিজনশিং/প্রদক্সন য়ুনিতশিংগী ওফিসারশিং অমসুং স্তাফশিং প্লেতফোর্ম অমদা পুনখি। থৌরম অদুদা ৱা ঙাংলদুনা শ্রী পিয়ুশ গোয়লনা হায়খি, মসি হরাওবা অমসুং নুংঙাইতবা নুমিৎ অমনি। স্তাফশিংনা হিরম, তৌবা ঙম্বা অমসুং থৌদাং কয়াদা মতম শাংনা থবক তৌরকপা মরম্না নুমিৎ অসি হরাওবা নুমিৎ অমনি। কোবিদ লাইচৎ মনুংদা পোৎ-চৈ পুবা ত্রেনশিং, পার্সেল ত্রেনশিং, শ্রামিক স্পিসিএল ত্রেনশিং চেল্লে। লাইচৎ মনুংদা লৈবাক্কী থবক তৌনবা রেলৱেজনা কন্না হোৎনরি। রেলৱেজগী স্তাফশিং ময়ামদগী হন্থবা কোরোনা লান্মীশিং নত্তে। কোবিদ থেংননবা শোক্নরিবা লান মনুংদা থবক ফজনা পাংথোকখিবগীদমক ঐনা স্তাফশিং থাগৎলি হায়না মিনিস্তরনা মখা তাখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642999

ফিল্দ ওফিসশিংদগী ফংবা পাউ

• • পঞ্জাব: পঞ্জাব সরকারগী দিপার্তমেন্ত ওফ মেদিকেল এজুকেসন এন্দ রিসর্চকী মিসন ফতেহ মখাদা পায়খৎলিবা কোরোনা ঙাকথোক্নবগী এৱের্নেস কেম্পেন অসিনা মেদিকেল কোলেজশিং দিস্ত্রিক্ত হোস্পিতালশিং অমসুং ফ্রন্তলাইনদা লৈরিবা ৱার্কশিংবু মখোঙদগী হৌনা ত্রেদিস্নেল মেথোদশিংগী মহুত্তা খ্বাইদগী নৌবা এপ্রোচকী অখন্নবা ত্রেনিং পীদুনা কোবিদ-১৯ লান্থেংনবদা খোঙথাংশিং লৌখৎলি।
  • কেরেলা:  রাজ্য অসিদা ঙসি থা ১১গী অঙাং অমা য়াওনা কোবিদনা শীহনখিবা তরুক ঙসি রিপোর্ত তৌরকখি। রাজ্য অসিগী কেপিতেলগী সমুদ্র তোর্বানদা লৈবা মফমশিংদা কলস্তরশিং শন্দোরকপগা লোয়ননা শোক্না শম্নদরুবদগী শন্দোরকোপা কেসশিং হেনগৎলক্লি। হৌখিবা নুমিৎ ৩নি অসিদা সহর অসিগী মরু ওইবা কোলোনিশিংগী মরক্তা অমদা মীওই ৫০ হেন্না লায়না অসিনা নাহনখ্রে। পুলিস হেদক্বাতরশিংদা দি.ৱাই.এস.পি. অমা অমসুং পুলিস পর্সনেল তরুক পোজিতিব ওইখ্রে। কোলম জেলগী ইনমেৎ ১৪সু লায়না অসিনা নাহনখ্রে। চৈরক অসিদা শিল্লি লাংলিবশিংগী মতুং ইন্না, কোচি-মুজিরিস বৈনালে অসি কোবিদ-১৯গী কাঙলোনশিং ঙাকপগা লোয়ননা পাঙথোক্লগনি। রাজ্য অসিদা ঙরাং অনৌবা কেস ১,১২৯ কনফর্ম তৌখি মসিগী মনুংদা ৮৮০দি অনাবা মীওইগা শোক্নরুবদগীনি লোয়ননা ৫৮না করম্না নারকপনো খঙবা ঙমদ্রি।  এক্তিব কেস ১০,৮৬২লৈরি অমসুং মীওই লাখ ১.৪৩না তোঙান তোঙানবা জিলাশিংদা সর্বিলেন্সকী মখাদা লৈরি।
  • তামিল নাদু:  স্কুল এজুকেসন দিপার্তমেন্তনা স্কুলশিংনা চহি অসিগী ইন্দিপেন্দেন্স দে পালন তৌবদা কোবি১৯দগী হিংহৌরবশিং অমসুং দোক্তরশিং, সেনিতরী ৱার্করশিং, পেরামেদিকেল স্তাফ অমসুং ভোলুন্তিয়রশিং য়াওনা ফ্রন্তলাইন ৱার্করশিংবু অথোইবা মিথুংলেন ওইনা কৌনবা খঙহনখ্রে। হোম ক্বারেন্তিন তৌদুনা লৈরিবা তি.এন.গী গভর্নর বনৱারিলাল পুরোহিৎনা ঙসি চেন্নাইগী লনাই হোস্পিতালদা চৎখ্রে। রাজ্য অসিদা ভাইরস অসিগী কেস লাক ২.৫ শুখ্রে, চেন্নাইদা লাখ ১ হেনখ্রে, থাংজ নুমিত্তা ৭,০১০ দিসচার্জ তৌখ্রবসু অনৌবা কেস ৫,৮৭৯ থেংনখি; মীওই ৯৯ শীখিবগা লোয়ননা রাজ্য অসিদা শীখিবগী মশিং ৪,০৩৪ য়ৌখ্রে।
  • কর্নতক: বেঙ্গলোর সিতীদা কন্তেনমেন্ত জোনশিংগী মশিং ২০,০০০ হেনখ্রে। চিত্রাদুর্গাদা চহি ১১০ শুরবী নুপী অমা পোজিতিব ওইখিবা অদু মায় পাক্না মায়েংদুনা ফগৎপা ঙমখ্রে। হান্না কোংগ্রেসকী মন্ত্রীনা থারকপা কমপ্লেন্ত অমগী মতুং ইন্না কোবিদ-১৯না নারবা মীওইশিং লায়েংবদা থৌশাদবগীদমক রাজ্য সরকারগী মায়োক্তা কর্নকত স্তেৎ হ্যুমেন রাইতস কম্মিসন্না কেস অমা বুক তৌখ্রে। ঙরাং অনৌবা কেস ৫১৭২, দিসচার্জ তৌখিবা ৩৮৬০ অমসুং শীখিবা ৯৮ রিপোর্ত তৌরকখি; বেঙ্গলোর সিতীদা কেস ১৮৫২ থেংনখি। অপুনবা কেস: ১,২৯,২৮৭; এক্তিব কেস: ৭৩,২১৯; শীখিবা: ২৪১২।
  • অন্ধ্র প্রদেশ:  স্তেৎ হেল্থ কম্মিসনরনা হায়রি অন্ধ্র প্রদেশতা কোবিদ-১৯গী ফীভম কীনিঙাই ওইদে অমদি রাজ্য অসিনা অনাবা মীওই খুদিংমক লায়েংনবা মপুং ফানা থৌরাং তৌদুনা লৈরি মরমদি ইনফ্রাস্ত্রকচর অমসুং হীদাং লাংথক্তা য়েংলুবদা বফরদা লৈরি। হৌজিক্কী ওইনা আই.সি.য়ু. বেদ ২,৮০০, ওক্সিজেন সপ্পোর্ত য়াওবা বেদ ১১,৩৫৩ অমসুং জেনরেল বেদ ১২,০০০ লৈরি; লনাই অমসুং সরকারগী হোস্পিতালদা পুন্না ফমুং ২৬,১৫৩ হাংদুনা লৈরি হায়না হেল্থ কম্মিসনরনা ফোঙদোকখি। ঙরাং অনৌবা কেস ৯২৭৬, দিসচার্জ তৌখিবা ১২,৭৫০ অমসুং শীখিবা ৫৮ রিপোর্ত তৌরকখি। অপুনবা কেস: ১,৫০,২০৯; এক্তিব কেস: ৭২,১৮৮; শীখিবা: ১৪০৭।
  • তেলঙ্গনা: আই.আর.দি.এ.না চেকশিল ৱা পীরকখ্রবসু হাইদ্রবাদকী লনাই হোস্পিতালশিংনা লেপ্তনা শেল লৌনবা হোৎনরি। রাজ্য সরকারগী পেনেলনা লনাই হোস্পিতালশিংনা কোবিদ-১৯ নারবা মীওইশিংদগী শেল য়াম্না লৌরিবা অসি তোকহন্নবা হোৎনরি। রাজ্যনা চল্লাইবা গান্ধী হোস্পিতালদগী কোবিদ-১৯না ফীভম লুনা নাহাল্লুরবা মীওই ৫,০০০গী মথক্তা – কয়া অমনা মল্তিপল কো-মোর্বিদিতীশিং লৈবা – মপুং ফনা লয়েংদুনা ফগৎহনবা ঙমখ্রে। হৌখিবা পুং ২৪ অসিদা অনৌবা কেস ১৮৯১, ফগৎখিবা ১০৮৮ অমসুং শীখিবা ১০ রিপোর্ত তৌরকখি; কেস ১৮৯১গী মনুংদা জি.ঐচ.এম.সি.দগী কেস ৫১৭ রিপোর্ত তৌরকখি। অপুনবা কেস: ৬৬,৬৭৭; এক্তিব কেস: ১৮,৫৪৭; শীখিবা: ৫৪০; দিসচার্জ তৌখিবা: ৪৭,৫৯০।
  • অরুনাচল প্রদেশ: অরুনাচল প্রদেশকী মুখ্য মন্ত্রী শ্রী পেমা খন্দুনা গভর্নর দা বি.দি. মিশ্রা উন্দুনা রাজ্য অসিদা থোক্লিবা সমস্যাশিং অমসুং কোবিদ-১৯ লাকশিনবগী ফীভমগী মতাংদা খন্নখ্রে।
  • অসাম: অসামদা কোবিদ-১৯গী শীবগী চাং অসি ০.২৪%, ফগৎপগী চাং ৭৫% ওইরি অমসুং মিলিয়ন অমদা তৌখিবা তেস্তনা ২৭,৫৪৪ ওইরি হায়না অসামগী হকশেল মন্ত্রী শ্রী হিমন্তা বিস্বা সর্মনা ত্বিৎ তৌরকখ্রে।
  • মনিপুর: হৌজিক ফাওবদা মনিপুরদা কোবিদ-১৯গী কেস ২৭৫৬ রেকোর্দ তৌরকখ্রে। ফগৎপগী চাং ৬১% ওইবগা লোয়ননা এক্তিব কেস ১০৫১ লৈরি।
  • মহারাস্ত্র: অনলোক ৩.০গী গাইদলাইনশিংগী মতুং ইন্না, মহারাস্ত্রদা মোলশিং থা মরি মখায়রোমগী মতুংদা ওগস্ত ৫দগী অমুক হন্না হাংনবা শেম শাখ্রে। অচৌবা মোল ৭৫ লৈবগী মনুংদা তঙখায় অমদি মুম্বাই মেত্রোপিলিতেন রিজনদা লৈরি। অদুম ওইনমক পুং ৯দগী ৭ ফাওবা হাংবা য়ারবসু কস্তমরশিংদি লাকপা ৱাৎকনি পান্নরি। ঙসি ফাওবদা মহারাস্ত্রদা এক্তিব কেস লাখ ১.৪৯ লৈরি অমসুং হৌজিক ফাওবদা শীখিবা ১৫,৩১৬ রিপোর্ত তৌরকখ্রে। রাজ্য অসিদা থাংজ নুমিৎতা ১০,৭২৫ ফগৎখ্রে লোয়ননা অনৌবা কেস ৯,৭৬১ হাপচিল্লক্লি।
  • গুজরাত: গুজরাত্তা কোবিদ-১০না ফগৎখিবগী অপুনবা মশিং ৪৫,০০০ হেনখ্রে লোয়ননা কোবিদ-১৯ নারিবা মীওই ৮৭৫ রাজ্য অসিগী তোঙান তোঙানবা হোস্পিতালশিংদগী থাংজ নুমিৎতা দিসচার্জ তৌখিদুনা এক্তিব কেস ১৪,৩২৭ লৈহৌরি। হৌখিবা পুং ২৪গী মনুংদা রাজ্য অসিদা অনৌবা কোবিদ কেস ১,১৩৬ রিপোর্ত তৌরকখি, লোয়ননা সুরৎকী কেস ২৬২ মথংদা এহমেদবাদতা ১৪৬ রিপোর্ত তৌরকখি।
  • রাজাস্থান: ঙসি অয়ুক্তা অনৌবা পোজিতিব কেস ৫৬১ রিপোর্ত তৌরকখি। অয়াম্বা কেসশিং অসি কোতা (১০০ কেস)দগীনি মতুংদা জাইপুর (৭৭ কেস) অমসুং পালি (৫৮ কেস)  ওইখি। এক্তিব কেসকী মশিং অসি ১২,৩৯১ নি।
  • মধ্য প্রদেশ: থাংজ নুমিৎতা মধ্য প্রদেশতা অনৌবা কেস ৮০৮ থেংনদুনা রাজ্য অসিগী কোবিদ-১৯গী অপুনবা কেস ৩২,৬১৪ শুখ্রে। থাংজ নুমিৎতা খ্বাইদগী মশিং য়াম্বা কেস ভোপালদগী (১৫৬ কেস) রিপোর্ত তৌখি মতুংদা জবলপুর (১২৫ কেস) অমসুং মতুংদা ইন্দোরদা (১২০ কেস)নি। থাংজ নুমিৎতা ৬৯৮ নাবা ফখ্রবা মতুংদা এক্তিব কেস মশিং অসি হৌজিক অসি ৮,৭৬৯ শুখ্রে।  
  • গোৱা: গোৱা সরকারনা হোতেলশিং নুমিৎ ২৫নি হেন্না হাংদোকপা য়াবগী অয়াবা পীখ্রবা মতুংদা হোতেল অয়াম্বনা হন্দক চহিগী ওক্তোবর-নোবেম্বর ফাওবা হাংদনবা ৱারেপ লৌখ্রে। হোতেল মপুশিং অয়াম্বনা হায় মী মশিং য়ামদনা লাক্লগা হোতেল চলাইবগী আর্থ লৈতে মরম অদুনা সেপ্তেম্বর ফাওবদা ৱারেপ অমা লৌনবা ঙাইনবা ৱারেপ লৌখ্রে। থাংজ নুমিৎতা অনৌবা কেস ২৮০ রিপোর্ত তৌখিবগা লোয়ননা গোৱাদা এক্তিব কেস ১৭০৭ শুখ্রে।  

ফেক্ত চেক

*************