ଗତ 24 ଘଣ୍ଟା ମଧ୍ୟରେ ଭାରତରେ 51,000ରୁ ଅଧିକ ରୋଗୀ ଆରୋଗ୍ୟ ହୋଇଛନ୍ତି । କୋଭିଡ-19ରୁ ସୁସ୍ଥ ହୋଇ ଘରକୁ ଫେରିଥିବା 51,225 ରୋଗୀଙ୍କୁ ମିଶାଇ ଭାରତର ମୋଟ ଆରୋଗ୍ୟ ସଂଖ୍ୟା 11,45,629ରେ ପହଞ୍ଚିଛି । ଗତ 24 ଘଣ୍ଟା ମଧ୍ୟରେ ଗୋଟିଏ ଦିନରେ ସର୍ବାଧିକ ରୋଗୀ ଆରୋଗ୍ୟ ହେବା ଫଳରେ ସୁସ୍ଥତା ହାର 65.44%କୁ ବୃଦ୍ଧି ପାଇଛି । ଏହା ଦର୍ଶାଉଛି ଯେ, ଅଧିକରୁ ଅଧିକ କୋଭିଡ-19 ରୋଗୀ ଆରୋଗ୍ୟ ହୋଇ ଘରକୁ ଫେରୁଛନ୍ତି ।

କେନ୍ଦ୍ର ଏବଂ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ସମନ୍ଵୟରେ କୋଭିଡ-19ର ପରିଚାଳନା ଏବଂ ସମସ୍ତ ସ୍ୱାସ୍ଥ୍ୟ ଓ ଅନ୍ୟାନ୍ୟ କର୍ମଚାରୀ ତଥା କୋଭିଡ-19 ଯୋଦ୍ଧାଙ୍କ ନିସ୍ୱାର୍ଥପର ଉତ୍ସର୍ଗୀକୃତ ସେବା କ୍ରମାଗତ ସୁସ୍ଥତା ହାର ବୃଦ୍ଧିକୁ ସୁନିଶ୍ଚିତ କରିପାରିଛି ।

ସକ୍ରିୟ ଏବଂ ଆରୋଗ୍ୟ ରୋଗୀଙ୍କ ମଧ୍ୟରେ ବ୍ୟବଧାନ ବୃଦ୍ଧି ପାଇଛି । ଜୁନ 10, 2020ରେ ପ୍ରଥମ ଥର ପାଇଁ ସକ୍ରିୟ ଏବଂ ସୁସ୍ଥ ରୋଗୀଙ୍କ ମଧ୍ୟରେ ବ୍ୟବଧାନ 1,573 ରହିଥିଲା ଯାହା କ୍ରମାଗତ ଭାବେ ବୃଦ୍ଧି ପାଇ ଆଜି ଏହି ବ୍ୟବଧାନ ସଂଖ୍ୟା 5,77,899ରେ ପହଞ୍ଚିଛି । ସକ୍ରିୟ ମାମଲାଗୁଡିକ ବର୍ତ୍ତମାନ ସଂଖ୍ୟା 5,67,730 ଯାହା ମୋଟ ମାମଲାର 32.43% । ସମସ୍ତ ସକ୍ରିୟ ରୋଗୀ ହସ୍ପିଟାଲ ଏବଂ ଘରୋଇ ଏକାନ୍ତବାସରେ ଡାକ୍ତରୀ ତତ୍ଵାବଧାନରେ ଅଛନ୍ତି ।  

ପ୍ରଭାବୀ ଆବଦ୍ଧାଞ୍ଚଳ କୌଶଳର ସଫଳ ପ୍ରୟୋଗ, ପରୀକ୍ଷଣ ଏବଂ ଗୁଣାତ୍ମକ ଚିକିତ୍ସା ପରିଚାଳନା ନିୟମାବଳୀ ଦ୍ଵାରା ସୁସ୍ଥତା ହାରରେ କ୍ରମାଗତ ବୃଦ୍ଧି ସହିତ ମୃତ୍ୟୁହାର ହ୍ରାସ ପାଇବାରେ ଲାଗିଛି । ଭାରତର ମୃତ୍ୟୁହାର 2.13% ଯାହା ବିଶ୍ଵର ହାରାହାରି ମୃତ୍ୟୁହାର ତୁଳନାରେ ସର୍ବନିମ୍ନ ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ସୂଚନା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********