রাজ্য/য়ুনিয়ন তেরিতোরী সরকারশিংনা পুন্না অমদি পান্দম অমদা কন্না হোৎনমিন্নদুনা ঙন্না কোবিদ-১৯ পোজিতিব ওইবা শোয়দবা মওংদা খংদোক্নবা অমসুং আইসোলেসন তৌনবগীদমক লৈবাক শিন-থুংনা তেস্ত তৌবগী রিজল্ত অসি খংকা কাখৎখ্রে।  আই.সি.এম.আর.না তেস্ত তৌবগী লাল্লোং অসিনা ভারত পুম্বদা তেস্ত তৌবগী নেতৱর্ক অসি পাকথোক-চাওথোকহনখ্রে।

হৌখিবা পুং ২৪দা সেম্পল ৪,৪৬,৬৪২ তেস্ত তৌখ্রে। নুতীগী তেস্ত তৌবগী চাংচৎ অসি(চয়োল-চয়োলগী ওইনা মথং-মথং ওল্লকপা মওং অমদা) জুলাইগী অহানবা চয়োলদা লাক্ষ ২.৪দগী জুলাইগী অরোইবা চয়োলদা লাক্ষ ৪.৬৮দা হেনগৎখ্রে। 

হৌজিক ফাওবদা লৈবাক অসিগী লেব ১৩২১ অসিদা তেস্ত তৌনবগী লেবকী নেতৱর্ক অসি লেপ্তনা মপাঙ্গল কনখৎহল্লি; সরকারগী সেক্তরদা লেব ৯০৭ অমসুং লনাইগী লেব ৪১৪ লৈরি।  মসিদা য়াওরিবশিং অসিঃ • রিএল তাইম আর.তি. পি.সি.আর.গী তেস্তিং লেবশিং: ৬৭৬  (সরকারগী: ৪১২ + লন্নাই: ২৬৪)

• ত্রুনেতকী তেস্তিং লেবশিং: ৫৪২  (সরকারগী: ৪৬৫ + লন্নাই: ৭৬)

• সি.বি.এন.এ.এ.তি.গী তেস্তিং লেবশিং: ১০৪ (সরকারগী: ৩০ + লন্নাই: ৭৪)

তেস্ত তৌবগী ইনফ্রাস্ত্রকচর অসি ফগৎহনবনা পুন্না-পুন্না তেস্ত তৌবগী চাং অসি  পুন্না লাক্ষ ৮৮(জুলাই ১, ২০২০)দগী চাওরাক্না করোর ১.৮২(জুলাই ৩০, ২০২০) তেস্ত তৌবা অসি চপ চাবা মওং অমদা হেনগৎখ্রে।  তেস্ত পর মিলিয়ন(তি.পি.এম.) অসি মথং-মথং ওইনা ১৩,১৮১দা হাইগৎখ্রে।

কেন্দ্র সরকারগী “তেস্ত, ত্রেক অমসুং ত্রিত”গী লাল্লোংনা লৈবাক অসিদা তেস্ত তৌবা অসি খংহেন হেনগৎহন্দুনা লৈবাক অসিদা পোজিতিব ওইবগী চাংগী ফংবা রিজল্ত অসি হন্থরক্লি।  হৌজিক-হৌজিক রাজ্য/য়ুনিয়ন তেরিতোরী ২১দগী রিপোর্ত তৌরকপদা পোজিতিব ওইবগী চাং অসি ১০দগী হন্থনা লৈরি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in অমসুং @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

*******