কেন্দ্র এনবাইরনমেন্তকী মন্ত্রীনা শ্রী প্রকাশ জাবাদেকরনা ঙসি মালেমগী কৈগী নুমিত্তা কৈগী মীকোক থিবগী মরিক চুম্বা রিপোর্ত ফোংবগী থৌরমদা হায়খি, “কৈ অসি মহৌশাগী তোপ-তোপ্পা শরুক অমনি অমসুং ভারত্তা হৌদোং অচৌবগী মশিং হেনগৎলকপা অসিনা খল অসিনা মহৌশাগী খল অসি চাং মান্ননা থম্বগী মওং উৎলি।”         

কৈ অমসুং অতৈ লমলক্কী জীবশিং অসি মেংলবা পাঙ্গল মখল অসিনা ভারত অসি অন্তর্রাস্ত্রীয়গী ওইবা থাক্তা উহনবা ঙম্মি হায়না শ্রী প্রকাশ জাবাদেকরনা হায়খি। ভারতকী ওইবা লমগী শরুক অসি য়ামদবনচিংবা  অপনবা কয়াশিং অসি লৈরগসু ভারত অসি জীব মখল কয়া শুনা চাদা নিপান লৈরি মরমদি মহৌশা, উ-ৱাশিং অমসুং অতোপ্পা উমংগী পুন্সি অসি কনবদা অমদি মখোয়শিং অদু ঙাক-শেনবগী নাৎ লৈ। উমংগী জীবশিং অসি ঐখোয়গী মহৌশাগী লন্নি হায়রদুনা শ্রী প্রকাশ জাবাদেকরনা হায়খি মদুদি মসি ভারত অসি মালেমদা লৈরিবা কৈশিংগী চাদা ৭০ লৈবা মফম্নি হায়বসি থাগৎনিংঙাইনি হায়না ফোংদোকখি। ভারত অসি কৈশিং ঙাক-শেন্দুনা য়োকশিন্দুনা থম্বগী মায়কৈদা লৈবাক ১৩গা লোয়ননা চোকথবা লৈতনা হোৎনমিন্নরি   হায়না মহাক্না ফোংদোকখি।  

মহাক্কী মন্ত্রালয়না অসিগুম্বা থৌরাং অসিদা মীওইবা অমসুং শাশিংগী মরক্তা লৈরিবা চয়েৎনবশিংগী শিংনবশিং অসি ফহন্নবগীদমক্তা উমংদা অদুম্মক থবক তৌদুনা শাশিংগী শজিক অমসুং ঈশিং ফংহন্নবা হোৎনরি হাযনা শ্রী প্রকাশ জাবাদেকরনা ফোংদোকখ্রে। মসিগী চয়েৎনবশিং অসি অসিদগী শা কয়া অমা শিরি। মসিগীদমক্তা  উমংগী মফমশিংদা শজিক অমসুং ঈশিং লৈবা হেনগৎহন্নবগীদমক্তা এল.আই.দি.এ.আর.(লিদার) সর্ভে তেক্নোলোজী অসি ইহান হানবা ওইনা শিজিন্নরগনি। লিদার অসি লেজরগী মঙালদগী তার্গেৎ থমদুনা অমসুং সেন্সক অমগা কোন্ননা থক্তোরকপা মঙাল অদু ওন্দুনা অরাপ্পা অদু ওন্ননবগী মেথদনি। 

কৈগী মরুওইবা মওং-মতৌদা মীৎয়েং থমদুনা এনবাইরনমেন্তকী মন্ত্রীনা অপীকপা হৌদোংশিং য়াওবা পোস্তর অমসু পুথোকখি। কৈ য়োক্তুনা থম্বশিংগী মপান্দা ভারতকী অপুনবা কৈশিংগী মশিংগী চাদা ৩০গী কৈ লৈ। মসি য়েংলদুনা ভারতনা মালেমগী ওইবা মওংদা চাওখৎহন্নবা কঞ্জর্বেসন এস্যুর্দ/তাইগর স্তেন্দর্দ(সি.এ./তি.এস.) ফ্রেমৱর্কতগী  মসিগী মেনেজমেন্ত অসিগী ওনবা হৌদোক্তুনা মসিদগী হৌজিক লৈবাক শিনবা থুংনা কৈ য়োক্লিবা মফম য়াঙখৈ ফাওবা য়ৌহল্লগনি।  

থৌরম অসিদা ৱা ঙাংলদুনা এনবাইরনমেন্তকী রাজ্য মন্ত্রী শ্রী বাবুল সুপ্রিয়োনা মীওইবা অমদি শাগী মরক্তা লৈরিবা চয়েৎনরিলৃবা অসি লৈহন্দবা য়াই অদুবু লৈবাক অসিদগী মসি চৎনহনখিদবদি য়ারোই হায়না হায়খি। মহাক্না হকথেংননা থবক তৌরিবা ওফিসিএলশিংদা লৈবাক অসিদা কৈশিংগী মশিং অসি হেনগৎহল্লিবা অসি থাগৎনিংঙাইনি হায়না ফোংদোকখি।

৪শুবা ভারত পুম্বগী কৈগী মশিংগী মরিক চুম্বা রিপোর্ত অসি তোপ-তোপ্পা মওং অসি মখাদা পীরি;

• শাদানমিন্নরিবশিং অমসুং অতোপ্পা কাংলুপশিংগী শাশিংগী মরাং কাইবা ইন্দেক্স অসি শেম শাখিদুনা মদুদগী হৌজিক ফাওবদং লৈহন্নবফাওবদংগী ওইহনখ্রে। 
• কেমেরানা ত্রেপ তৌবা মফমশিংদা কৈশিংগী সেক্স রেসিএ অসি অহানবা ওইনা পুথোকখ্রে।
• কৈশিংগী মশিংগী এন্থ্রোপোজেনিক ওইবা শাফু অদু মরিক চুম্বা মওংদা পাং চাওথোকখ্রে।
• কৈ য়োকপশিংগী মনুংদা লৈরিবা কৈশিং অদু অহানবা ওইনা উৎখ্রে।

রুসিয়াগী সেন্ত. পীতর্সবর্গতা লৈবা কৈ লৈবা লৈবাকশিংগী সরকারগী মকোক থোংবশিংনা কৈ য়োকপগী মতাংদা শেমখিবা সেন্ত. পীতর্সবর্গ লাওথোকপদা খুৎয়েক পীনদুনা ২০২২ ফাওবা মাগী-মাগী লৈবাকশিংদা কৈশিংগী মশিং অসি শরুক অনি হেনগৎহন্নবা ৱাশক লৌখি।  মীফম অদুদা মালেম পুম্বদা জুলাই ২৯দা মালেমগী কৈগী নুমীৎ ওইনা পাংথোক্নবা ৱারেপ লৌখি। মতম অদুদগী চহি খুদিংগী কৈ য়োক্তুনা থম্বদা মীয়ামদা হেন্না ৱাখল লৈহন্নবা অমসুং শন্দোক্নবগীদমক্তা কৈগী নুমিৎ অসি পাংথোক্নরি।

হৌখিবা চহিগী মালেমগী কৈগী নুমিৎ, ২০১৯গী মতমদা ভারতকী ওইনা চাওথোক্নিংঙাই ওইখি মরমদি প্রধানম্ন্ত্রীনা মালেম অসিগী মমাংদা কৈশিংগী মশিং অসি শরুক অনি হেনগৎহন্নবগী ভারতকী ৱাশক অদুগী পান্দম থম্লিবা চহি অদুগী চহি ৪গী মমাংদা মপুং ফাহন্নবা লাওথোকখি। ভারত্তা কৈগী মশিং অসি পুন্না ২৯৬৭ নি অদুগা মালেমগী ওইনা চাদা ৭০নি। ভারতকী খয়োমদা গিনিদ ৱর্ল্দ রেকোর্দ ফংলকখিদুনা মালেমদা কেমেরাশিংদা পাক-চাওরবা লাং থাক্তুনা উংগী জীবশিংবু সর্ভে তৌনবগী মওংদা লৈবাক অসিনা হোৎনরিবশিং অসি খংবিখি।

ঙসি পুথোকখিবা মরিক চুম্বা রিপোর্ত অসিদা ভারতকী মফমশিংগী য়োকপা অমসুং দেন্সিতীগা মরি লৈননা কৈশিংগী ফীভম ওনখি। ভারতকী প্রধানমন্ত্রীনা জুলাই ২০১৯দা ‘ভারত্তা কৈশিংগী ফীভম’দা শম্লপ্পা রিপোর্তা নত্তনা ঙসি পুথথোকখ্রিবা মরিক চুম্বা রিপোর্ত অসিদা হৌখিবা চহি অহুমগী সর্ভেশিং(২০০৬, ২০১০ অমসুং ২০১৪)দগী ফংবা ই-পাওশিংগা য়েংনবদা লৈবাক অসিগা কৈশিংগী মশিংগী অদুগা চাংদম্ননবগীদমক্তা ২০১৮-১৯দা তৌখিবা সর্ভেদগী ফংখিবা ই-পাওশিং অদুদগী পাংথোকখিদুনা মসিদা চাওরাক্না কিলোমিতর ১০০গী মনুংদা লৈবা কৈগী স্তেতসতা হোংলক্লিবসিগীদমক্তা ওইথোকপা য়াবা মরমশিং অদু ৱারোল অদুগা কোন্ননা লেন্দস্কেপ স্কেলশিং, পেতচ কোলোনাইজেসন অমসুং মুৎখিবগী চাংগী মতাংদসু ই-পাও পীখি। 

রিপোর্ত অসিনা কৈশিংগী মশিং য়াম্না লৈবা মরুওইবা মফমশিংগা শমজিন্ননবা হেবিতেত কোরিদোরশিংগী স্তেতস অদু ইভালুএত তৌখি অমসুং অসিগুম্বা লেন্দস্কেপ খুদিংমক্কী  হেক ঙমজবা মওংদা ঙাক-শেন্দুনা খুদোংথিনিংঙাই মফমশিংগী ওইরবা য়োক্নবগী মথৌ তাবা অসি মশক খংদোকখি।  রিপোর্ত অসিদা অচৌবা শাহিং চাবা শাশিংগী মতাংদা ই-পাও পীখি অমসুং মখোয়শিংনা চাইথোকখিবা অমদি মরি লৈননা মরাং কাইনা লৈবশিংগী মতাংদা ই-পাও পীখি।

******