ঙাকশেল মন্ত্রালয়

দিফেন্স এক্কুজিসন প্রোসিদ্যুর ২০২০গী অনিশুবা দ্রাফ পব্লিক দোমেনদা হাপতুনা পাউতাকশিং পীরক্নবা খঙহল্লি

Posted On: 28 JUL 2020 2:41PM by PIB Imphal

‘দিফেন্স এক্কুজিসন প্রোসিদ্যুর (দি.এ.পি.) ২০২০’ হায়না হৌজিক মিংথোল্লবা দিফেন্স প্রোক্যুর্মেন্ত প্রোসিদ্যুর (দি.পি.পি.) ২০২০গী অনিশুবা দ্রাফ অসি ঙাকশেল মন্ত্রালয় (এম.ও.দি.)গী ৱেবসাইৎতা অপলোদ তৌখ্রে লোয়ননা তোঙান তোঙানবা স্তেকহোল্দরশিং অমসুং লৈবাক মীয়ামদগী পাউতাকশিং/ৱাখল্লোনশিং ফোঙদোরক্নবা খঙহল্লি। (https://mod.gov.in/dod/sites/default/files/Amend270720_0.pdf).

নিংশিংবা য়াই দি.পি.পি. ২০২০গী অহানবা দ্রাফ অসি ৱেবতা হাপখি অমসুং এপ্রিল ১৭, ২০২০ ফাওবদা তোঙান তোঙানবা স্তেকহোল্দরশিংদগী ৱাখল্লোনশিং/পাউতাকশিং লৌখি; মতুং তারকপদা মে ০৮, ২০২০ ফাওবা শাদোকখি। মদুদগী হৌদুনা তোঙান তোঙানবা স্তেকহোল্দরশিং, সর্ভিসশিং, ইনজ্দস্ত্রীতগী পাওতাকশিং লাকখিবনা চেনা ১০,০০০ হেন্না শাংখি।

তোঙান তোঙানবা এজেন্সীশিংদগী ফংলকপা ৱাখল্লোনশিং অসি য়েংশিল্লবা মতুংদা, মখোয়গী ৱাখল্লোনশিং অদু মরিক চুম্না খঙদোক্নবা উন্নরগা অমসুং ৱেব কনফরেন্সকী থোংদা স্তেকহোল্দর পুম্নমক্কা অখন্ননা ৱারী ৱাতাই শাখি।

‘অত্মানির্ভর ভারত অভিয়ান’গী শরুক অমা ওইনা লাউথোকখিবা ঙাকশেলগী অহোংবশিংগী নীতিশিংগী মতুং ইন্না শেম্বা রিভ্যু কম্মিতিনা এমেন্দ তৌখ্রবা অনিশুবা দ্রাফ অসি অরোইবা ওইনা শেমখি অমসুং পব্লিক দোমেন্দা হাপখি। 

হায়রিবা এমেন্দ তৌখ্রবা দ্রাফ অসিদা অমকু হন্না অখন্নবা ৱাখল্লোনশিং ওগস্ত ১০, ২০২০গী মনুংদা ফোঙদোরক্নবা খঙহল্লি।

*****



(Release ID: 1641842) Visitor Counter : 95