ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟ
ଭାରତରେ ଗୋଟିଏ ଦିନରେ 4.2 ଲକ୍ଷରୁ ଅଧିକ ରେକର୍ଡ ସଂଖ୍ୟକ କୋଭିଡ ପରୀକ୍ଷା
• ବର୍ତ୍ତମାନ ପର୍ଯ୍ୟନ୍ତ ପରୀକ୍ଷା କରାଯାଇଛି ପାଖାପାଖି 1.6 କୋଟି ନମୁନା
• ମୃତ୍ୟୁ ହାର ହ୍ରାସ ପାଇ 2.35 ପ୍ରତିଶତରେ ପହଞ୍ଚିଛି
Posted On:
25 JUL 2020 2:25PM by PIB Bhubaneshwar
ପ୍ରଥମ ଥର ପାଇଁ ଗୋଟିଏ ଦିନରେ ରେକର୍ଡ ସଂଖ୍ୟକ 4,20,000ରୁ ଅଧିକ କୋଭିଡ ପରୀକ୍ଷା କରାଯାଇଛି । ଗତ ଏକ ସପ୍ତାହ ମଧ୍ୟରେ କ୍ରମାଗତ ଭାବରେ ପ୍ରତ୍ୟେକ ଦିନ 3,50,000 ସଂଖ୍ୟକ ନମୁନା ପରୀକ୍ଷଣ କରାଯିବା ଦ୍ଵାରା ଏହି ଉଚ୍ଚତର ସଂଖ୍ୟା ଆସିପାରିଛି । ଗତ 24 ଘଣ୍ଟା ମଧ୍ୟରେ 4,20,898 ନମୁନା ପରୀକ୍ଷା କରାଯିବା ସହିତ ମିଲିୟନ ପିଛା ନମୁନା ପରୀକ୍ଷଣ ଆହୁରି 11,485କୁ ବୃଦ୍ଧି ପାଇଛି ଏବଂ ସମୁଦାୟ ପରୀକ୍ଷଣ ସଂଖ୍ୟା 1,58,49,068ରେ ପହଞ୍ଚିଛି ।
ଜାନୁଆରୀ 2020ରେ କେବଳ ଗୋଟିଏରୁ ବୃଦ୍ଧି ପାଇ ଆଜି 1301ଟି ପରୀକ୍ଷାଗାର ରହିଛି, ଯାହାମଧ୍ୟରେ 902 ଟି ସରକାରୀ ଏବଂ 399ଟି ଘରୋଇ ପରୀକ୍ଷାଗାର ରହିଛି । ଆଇସିଏମଆରର ସରଳ ଓ ସଂଶୋଧିତ ନିୟମାବଳୀ ଓ ସରକାରଙ୍କ ଅନବରତ ପ୍ରୟାସ ଯୋଗୁଁ ବ୍ୟାପକ ପରୀକ୍ଷଣ ସମ୍ଭବ ହୋଇଛି ।
କେନ୍ଦ୍ର ସରକାର, ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ସମନ୍ଵିତ ଦ୍ରୁତ ପରୀକ୍ଷଣ ସହ “ପରୀକ୍ଷା, ଚିହ୍ନଟ, ଚିକିତ୍ସା”ର ରଣନୀତି ଯୋଗୁଁ ଦୈନିକ ସଂକ୍ରମିତ ମାମଲା ବୃଦ୍ଧି ପାଉଥିଲେ ମଧ୍ୟ କ୍ରମଶଃ ଏହା ହ୍ରାସ ପାଇବ । ଏହି ପଦ୍ଧତି ଅନୁସରଣ ଯୋଗୁଁ ଏନସିଟିରେ ମଧ୍ୟ ମାମଲା ହ୍ରାସ ପାଇବା ପରିଲକ୍ଷିତ ହୋଇଛି ।
ହୋଲିଷ୍ଟିକ ଷ୍ଟାଣ୍ଡାର୍ଡ ଅଫ କେୟାର ଆଭିମୁଖ୍ୟ ଉପରେ ଆଧାରିତ ପ୍ରଭାବଶାଳୀ ଏବଂ ଗୁଣାତ୍ମକ ଚିକିତ୍ସା ପରିଚାଳନା ନିୟମାବଳୀ ଯୋଗୁଁ ମୃତ୍ୟୁ ସଂଖ୍ୟା ହ୍ରାସ ପାଉଛି । ବିଶେଷତଃ କେନ୍ଦ୍ର, ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ସାମୂହିକ ପ୍ରୟାସ ଯୋଗୁ କୋଭିଡ ଜନିତ ମୃତ୍ୟୁହାର ରୋକାଯାଇ ପାରିଛି । ଆଜି ଏହା ଯଥେଷ୍ଟ ହ୍ରାସ ପାଇ 2.35%କୁ ଖସିଛି ଯାହାକି ବିଶ୍ଵରେ ସର୍ବନିମ୍ନ ।
ଗତ 24 ଘଣ୍ଟା ମଧ୍ୟରେ 32,223 କୋଭିଡ ରୋଗୀ ସୁସ୍ଥ ହୋଇଛନ୍ତି । ଆରୋଗ୍ୟ ସଂଖ୍ୟା ଆଜି 8,49,431ରେ ପହଞ୍ଚିଛି । ସୁସ୍ଥତା ହାର ସର୍ବୋଚ୍ଚ 63.54%ରେ ପହଞ୍ଚିଛି । ଆରୋଗ୍ୟ ଏବଂ ସକ୍ରିୟ ରୋଗୀଙ୍କ ବ୍ୟବଧାନ ମଧ୍ୟ 3,93,360କୁ ବୃଦ୍ଧି ପାଇଛି ।
କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।
ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।
କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।
https://www.mohfw.gov.in/pdf/coronvavirushelplinenumber.pdf
**********
(Release ID: 1641261)
Visitor Counter : 170
Read this release in:
Punjabi
,
English
,
Urdu
,
Hindi
,
Marathi
,
Assamese
,
Bengali
,
Manipuri
,
Gujarati
,
Tamil
,
Telugu
,
Malayalam