অহানবা ওইনা নোঙমখক্তদা ৪,২০,০০০ হেন্না কোবিদ তেস্ত তৌখ্রে। হৌখিবা চয়োল অমদগী নোঙমদা তেস্ত মশিং ৩,৫০,০০০ হেন্না পাংথোক্তুনা লাক্লিবা অসিগী মনুংদা হায়রিবা মশিং অসি য়ৌবা ঙমখিবনি। হৌখিবা পুং ২৪দা সেম্পল ৪,২০,৮৯৮ তেস্ত তৌদুনা তেস্ত পর মিলিয়ন (তি.পি.এম.) অসি মখা তানা ১১,৪৮৫দা অমসুং অপুনবা তেস্ত তৌবা মশিংনা ১,৫৮,৪৯,০৬৮দা হেনগত্তুনা তেস্ত তৌবা ঙমখি। অনিমক অসিনা মশিং হেনগৎপগী মওং চত্থরি।

মসিগী মায় পাকপা ফংবা ঙম্লিবসি জনুৱারি ২০২০দা তেস্ত তৌফম অমখক লৈরম্বদগী সরকারগী লেব ৯০২ অমসুং লন্নাইগী লেব ৩৯৯ য়াওদুনা ঙসিগী নুমিত্তা পুন্না ১৩০১ লৈদুনা লেবকী মশিং লেপ্তনা হেনগৎলকখিবা অসিননি। আই.সি.এম.আর.না পীখিবা তেস্তিং তৌবগী রিবাইজদ ফেসিলিতেতিব গাইদলাইন অমসুং সরকারনা কন্না হোৎনখিবা অদুনশু মসিগী মায় পাকপা অসি ফংহল্লিবনি।

কেন্দ্র সরকারনা রাজ্যশিং/য়ু.তি.শিংদা “তেস্ত, ত্রেক অমসুং ত্রীত” তৌবগী থৌরাংবু তেস্ত তৌবগী অকনবা থবক্কা লোয়নদুনা পাংথোক্নবা হায়খ্রে অমসুং মসিনা হৌরকপদদি নোংমদা পোজিতিব কেসকী মশিং য়ামখৎলকপা য়াই অদুবু কোন্নদি মশিং তাথরক্কনি। মসিগী থৌরাং অসি কেন্দ্র সরকারনা দিল্লীগী এন.সি.তি.দা মান্নবা পান্দম থমদুনা হান্ননা পাংথোক্তুনা ঊৎখ্রবনি।

কেয়র পীবগী হোলিস্তিক স্তেন্দর্দতা য়ুম্ফম ওইবা কান্নবা অমসুং কাংলোন চুম্বা ক্লিনিকেল মেনেজমেন্ত প্রোতোকোলগা লোয়ননা পাংথোকপা থৌওংশিং অসিদগী কেস ফেতেলিতী রেৎ অসি তাথরকপা হৌরে অমসুং মসিনা তাকপদি কোবিদ-১৯দগী লৈখিদবা মীওইশিংগী মশিং অসি থিংবা ঙম্নবা কেন্দ্র অমসুং রাজ্য/য়ু.তি. সরকারনা পুন্না হোৎনমিন্নরি হায়বনি। ঙসিদি মসি য়াম্না মশক থোকপা ওইনা ২.৩৫%দা হন্থরে। মালেমগী মনুংদা ভারত অসি ফেতেলিতী রেৎ খ্বাইদগী নেম্বা লৈবাক অমস ওইরি।

হৌখিবা পুং ২৪দা কোবিদনা নাবা মীওই ৩২,২২৩ নাবা ফখ্রে। নাবা ফরবা অপুনবা মশিং অসি ঙসি ৮,৪৯,৪৩১ য়ৌখ্রে। রিকবরী রেৎ অসিশু ৬৩.৫৪%দা হেনগৎলে। কোবিদ-১৯দগী নাবা ফরবা মশিং অমসুং এক্তিব কেসকী মশিংগী অহাংবা অসি ৩,৯৩,৩৬০দা অমুক্কা হেন্না হেনগৎখ্রে।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

****