PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
23 JUL 2020 6:37PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- নোংমদা খ্বাইদগী য়াম্না ৩০,০০০গী ময়া ফগৎখিবগা লোয়ননা, নাবা ফগৎখিবগী অপুনবা মশিং লাখ ৭.৮২ হেনখ্রে।
- নাবা ফগৎলকপগী চাং চাদা ৬৩.১৮দা হেঙ্গৎলে।
- কোবিদ-১৯ কেসকী অশেংবা কেস লোদ এক্তিব ওইরিবা মীওই অসি ৪,২৬,১৬৭ খক্তা ওইহল্লি।
- ঙসি ফাওবদা ২.৪১% ওইরি, অমসুং তপ্না-তপ্না হন্থরক্লি।
- ভারত্তা শেল থাদবগী খ্বাইদগী ফবা মতম অমা মসিদগী হেন্না লৈত্রে: পি.এম.
- কোবিদ-১৯গী মায়োক্তা লান্থেংনবদা ভারতকী দিজিতেল ইনোবেসনশিংনা তেংবাংলি: শ্রী রবি শঙ্কর প্রসাদ।
হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: নোংমদা খ্বাইদগী য়াম্না ৩০,০০০গী ময়া ফগৎখিবগা লোয়ননা নাবা ফগৎখিবগী অপুনবা মশিং লাখ ৭.৮২ হেনখ্রে
থংন থংননা নিনি শুবা ওইনা নোংমদা ফগৎলকখিবশিংগী মশিং লেপ্তনা হেনগৎলক্লি। হৌখিবা পুং ২৪ অসিদা নোংমদা লায়েংখিবা অমসুং দিচার্জ তৌখিবগী মশিং ২৯,৫৫৭ ওইদুনা খ্বাইদগী য়াম্লি। অমরোমদা ফগৎখিবা কেসকী অপুনবা মশিং অসি ৭,৮২,৬০৬তা খংহেন হেনগৎখ্রে, ফগৎলকপগী চাং অসি শীংথানিংঙাই ওইনা হেনগৎলক্তুনা ৬৩.১৮%দা লৈরি। অনাবা মীওইশিং লায়েংবা অমসুং দিচার্জ তৌবগী মশিং হেনগৎলকপনা মরম ওইরগা ফগৎলকখিবা অমসুং অপুনবা এক্তিব কেসশিংগী মরক্তা লৈবা খেৎনবা অসি হেনগৎহনবদা মতেং পাংলি। ঙসি ৩,৫৬,৪৩৯ য়ৌখ্রে। মসিনা অশেংবা কোবিদ-১৯ কেসকী কেস লোদ হন্থহনবদা মতেংসু পাংলি লোয়ননা এক্তিব ওইরিবা মীওই অসি ৪,২৬,১৬৭ খক্তা ওইহল্লি। অসুম্না পুন্না হোৎনবা অসিনা মরম ওইরগা কেস ফেতেলিতী রেৎ অসি অনেম্বা থাক্তা থম্বা ঙমলিবনি। ঙসি ফাওবদা ২.৪১% ওইরি অমসুং তপ্না-তপ্না হন্থরক্লি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640629
পি.এম.না ইন্দিয়া আইদিয়া সম্মিৎ ২০২০দা মরু ওইবা ৱারোল পীখ্রে
প্রধান মন্ত্রী শ্রী নরেন্দ্র মোদীনা ঙরাং ইন্দিয়া আইদিয়া সম্মিত্তা মরু ওইবা ৱারোল পীখ্রে। সম্মিৎ অসি য়ু.এস.-ইন্দিয়া ব্যুজিনেস কাউন্সিল (য়ু.এস.আই.বি.সি.)না পাংথোকপনি। চাউখৎপগী হীরমদা লায়রবা অমসুং শোত্থবশিংবু ময়ায় ওইবা মফমদা থম্বগী তঙাই ফদবগী মতাংদা প্রধান মন্ত্রীনা ৱা ঙাংখি। “নুংঙাইনা হিংবা” অসিগা “কারবার নুংঙাইনা তৌবা” অসিগা চপ মান্নৈ হায়না হায়খি। মপানগী খুদোংচাদবশিংগী মায়োক্তা লান্থেংনবা ঙম্নবা নিংহন্নবা লৈতবা মালেমগী শেন্মিৎলোন ওইহনবা অসি লৈবাক লৈবাক্কী শেন্মিৎলোনগী মতিক্না ওইহনবা ঙম্বগী মরু ওইবা ৱাফম অসি ঐখোয়দা লায়চৎ অসিনা নৌহৌননা নিংশিংহল্লে হায়খি। নুংঙাই য়াইফবা অমসুং নিংহন্নবা লৈতবা মালেম অমা ওইহন্নবা ভারতনা ‘আত্মানির্ভর ভারত’কী খোল্লাওগী খুত্থাংদা তেংবাংলি হায়বগী মতাংদা মহাক্না মীয়ামগী পুক্কনিং চিংশিনখি। মহাক্না হায়খি মদুদি হৌখিবা চহী তরুক্তা ঐখোয়গী শেন্মিৎলোন অসি তরাম্না ওকপগী মওং চেনবা অমসুং অফবগীদমক শেমদোকপদা পান্দম থম্বা অমা ওইহন্নবগীদমক্তা হোৎনদুনা লাক্লি অমসুং শেমদোকপা অসিনা চাংদম্নবা হেনগৎহনবা, ময়েক শেংবা হেলহনবা, দিজিতাইজেসন তৌবা হেলহনবা, অনৌবা থৌওং পাক শন্না পাংথোকপা অমসুং তং তাবা পোলিসী অমা ওইহনবদা তেংবাংলি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640501
ইন্দিয়া আইদিয়া সম্মিৎ ২০২০দা পি.এম.গী ৱারোল
প্রধান মন্ত্রীনা মনিপুরদা ৱাতর সপ্লাই প্রোজেক্তকী উরেপ-উয়ুং তমখ্রে
ঙসি ভিদিও কনফরেন্স অমগী খুৎথাংদা প্রধান মন্ত্রীনা মনিপুরদা ৱাতর সপ্লাই প্রোজেক্তকী উরেপ-উয়ুং তমখ্রে। থৌরম অদুদা প্রধান মন্ত্রীনা হায়খি লৈবাক অসিনা কোবিদ-১৯ থেংনরিঙৈদা, ভারতকী নোংপোক অমসুং অৱাং-নোংপোক থংবা শরুক্তা নোং কন্নবা চুবা অমসুং ঈশিং ইচাউ মায়োক্নরি অমসুং মীওই কয়া শিহনখ্রে অমসুং মীওই কয়া ময়ুম লৈতবা মীওইশিং ওইহল্লে। প্রধান মন্ত্রীনা হায়খি লোকদাউন মনুংদা মনিপুর সরকারনা দরকার ওইবশিং পায়খৎলে অমসুং মপান্দগী হল্লকপা শিন্মীশিংগীদমক অখন্নবা থৌরাংশিং পায়খৎলে। প্রধান মন্ত্রী গরীব কলয়ান অন্ন য়োজনাগী মখাদা মনিপুরদা লায়রবা মীওই লাখ ২৫ রোম লেম্না চেঙ ফংখ্রে। উজ্জ্বালা স্কিমগী মখাদা মনিপুরগী নুপী লাখ ১.৫ হেনবদা লেম্না গ্যাস সিলিন্দরশিং পীখ্রে। লুপা করোর ৩০০০ চঙনা পায়খৎকদৌরিবা ৱাতর সপ্লাই প্রোজেক্ত অদুগী মতাংদা প্রধান মন্ত্রীনা হায়খি মসিনা রাজ্য অসিদা ঈশিংগী অৱাবশিং হন্থহনগনি অমসুং মরুওইনা রাজ্য অসিগী নুপীশিংগী অৱাবা কোকহনগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640616
দি.আর.দি.ও.না দিহার, লেহদা কোবিদ-১৯ তেস্তিং ফেসিলিতী লিংখৎখ্রে
লদাখকী য়ুনিয়ন তেরিতরীদা কোরোনাগী কেসশিং খঙদোক্নবা তেস্ত তৌবগী চাং হেনগৎনবা দি.আর.দি.ও.না কোবিদ-১৯ তেস্তিং ফেসিলিতী অমা লেহদা লৈবা লেবোরেতরী দিফেন্স ইন্সতিত্যুৎ ওফ হায় অল্তিত্যুদ রিসর্চ (দিহার)দা লিংখৎখ্রে। তেস্তিং ফেসিলিতী অসিনা অনাবা মীওইশিং য়েংশিনবদসু মতেং পাংলগনি। ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)গী চেকশিল থৌরাংশিং অমসুং চৎনা কাঙলোনশিং ঙাক্না চৎলি। সেন্তর অসি লদখকী লপ্তনেন্ত গভর্নর শ্রী আর.কে. মাথুরনা ঙরাং শঙ্গাখি। দিহারগী তেস্তিং ফেসিলিতী অসিনা নোংমদা সেম্পল ৫০ তেস্ত তৌবা ঙম্লি। ফেসিলিতী অসি কোবিদ তেস্ত তৌবগী ত্রেনিং পীবদা শীজিন্নবা য়াগনি অমসুং তুংদা থোক্লকদবা অনবাশিং লাকশিনবদা অমসুং শা-ঙাগী ওইবা লায়নশিংগী আর. এন্দ দি.গী থবক থৌরমশিং পাঙথোকপদা চাওনা মতেং ওইরগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640600
শেল-থুম মন্ত্রীনা ২শুবা সি.পি.এস.ই.শিংগী কেপেক্সকী য়েংশিন মীফম পাঙথোকখ্রে
কেন্দ্রগী শেল-থুম অমসুং কোরপোরেৎ এফিয়র্স মন্ত্রী শ্রীমতি নির্মলা সিতারমন্না ঙসি সিবিল এবিএসন, অমসুং স্তীলগী সেক্রেতরীশিং অমসুং চেয়রমেন রেলৱে বোর্দ (সি.আর.বি.)গা লোইননা হায়রিবা মন্ত্রালয় অহুম অসিদা লৈরিবা সেন্ত্রেল পব্লিক সেক্তর ইনতর্প্রাইজ (সি.পি.এস.ই.শিং) ৭কী সি.এম.দি.শিংগা হন্দক্কী শেনবা চহী অসিগী কেপিতেল এক্সপেন্দিচর য়েংশিন্ননবা ভিদিও কনফরেন্স অমা পাঙথোকখ্রে। মসিনা শেল-থুম মন্ত্রীনা তোঙান-তোঙানবা স্তেকহোল্দরশিংগা লোইননা কোবিদ-১৯ লাইচৎকী মতুংদা শেলথুমদা চাউখৎপা লাক্নবগীদমক ফম্বা য়েংশিন মীফমশিংগী মনুংদা ২শুবনি। ভারতকী শেন্মিৎলোন চাউখৎনবা হোৎনবদা সি.পি.এস.ই.শিং অসিনা লৌরিবা থৌদাংশিংবু পল্লদুনা শেল-থুম মন্ত্রীনা সি.পি.এস.ই.শিংবু মখোয়গী পান্দম ফংনবগীদক কন্না হোৎননবা পুক্নিং থৌগৎখি, অমসুং মখোয়দা শেনবা চহী ২০২০-২১গী ওইনা পীরিবা কেপিতেল আউৎলে অসিবু চুম্না অমসুং অপীবা মতমদা শীজিন্ননবা পুক্নিং চিংশিনখি। শ্রীমতি সিতারমন্না হায়খি, সি.পি.এস.ই.শিংনা হেন্না ফগৎনা থবক পায়খৎপা হায়বসিনা কোবিদ-১৯না পীরিবা চৈথেং অসিদগী শেন্মিৎলোন্দা অচৌবা মওংদা মতেং পাংবা ঙমগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640694
উপ-রাস্ত্রপতিনা মেদিয়াগী ইন্দস্ত্রীদা কোবিদকী চৈথেংনা শেল-থুমগী অৱাবদা নুংঙাইতবা ফোংদোকখ্রে
ভারতকী উপ-রাস্ত্রপতি শ্রী এম.ভেঙ্কয়া নাইদুনা ঙসি মেদিয়াগী ইন্দস্ত্রীদা কোবিদকী চৈথেংনা শেল-থুমগী অৱাবদা নুংঙাইতবা ফোংদোক্তুনা মীপুম খুদিংমক্তা মাগী-মাগী এম্প্লোয়িশিংদা মীনুংশিং অমদি নিংথিজনা য়েংশিনবিনবা অমদি লুরবা তানফম অসিদা মখোয়গা পুন্না লেপমিন্ননবা হায়খ্রে। শেংলবা নিংশিংনিংঙাই ওইবা মীফম অমদা লৈখিদ্রবা শ্রী এম.পি. বীরেন্দ্র কুমারগী মফমদা শ্রদ্ধাঞ্জলী কৎলদুনা উপ-রাস্ত্রপতিনা মাতৃভুমী প্রিন্তিং অমসুং পব্লিশিং লিমিতেদকী এম্প্লোয়ীশিং হক অমসুং য়াইফনববু ঙাক-শেনবিবগীদুনা চেফোংশিং ফোংবগী রেঞ্জদা তেক্নোলোজীনা তৌহনবা হৌদোকখিবগীদমক মহাকপু থাগৎখি। শ্রী বীরেন্দ্র কুমারগী পুন্সিগী মরুওইবা থবকশিংগী মরক্তগী ই-পাও অমা ওইনা শন্দোক্তুনা মীয়ামদা থৌনা হাপ্পিরমখি হায়না উপ-রাস্ত্রপতিনা হায়রদুনা তমথিরবা লায়চৎ অসিগী মতমদা অচুম্বা অমসুং মরুওইবা ই-পাও ফংহন্নবদা মীৎয়েং থমখি। থবক অসিদা খুদোংথিনিংঙাই কয়া অমা লৈরগসু লায়চৎ অসিগী মতাংদা মীয়ামদা ই-পাও অমদি মতাংগা চান্নবা কয়া অমা ফংহন্দুনা থৌনা হাপ্পিবগীদমক মহাক্না মেদিয়াবু থাগৎখি। অদুম ওইমক কোবিদ-১৯গী লায়েং চত্থবগী মতাংদা অচুম-অরান খংদ্রিবা অমসুং চান্নবদা হিদাকশিংগী মায়োক্তা তৌরকপা ক্লেমশিংগী মতাংদা চেকশিন্নবা মেদিয়াদা হায়খি।
অকুপ্পা ৱারোলগীদমক: https://pib.gov.in/PressReleasePage.aspx?PRID=1640481
দিজিতেল প্লেৎফোর্মশিং অসি লৈবাক অমগী অফবা ওইনবগীদমক্তা অথুবা মতমদা থবক পাংথোকপা অমসুং থাজনিংঙাই ওইগদবনি: রবি শঙ্কর প্রসাদ
ঙরাং জি.২০ দিজিতেল ইকোনোমী মিনিস্তরশিংগী বর্চুএলগী মীফম অমা পাংথোকখ্রে। মীফম অসিদা ভারতকী ইলেক্ত্রোনিক্স অমসুং ইনফোর্মেসন তেক্নোলোজীগী মন্ত্রী শ্রী রবি শঙ্কর প্রসাদ ভারতকী মহুৎ শিনখি। কোবিদ-১৯গী লায়চৎ অসিগী মরকসিদা শ্রী প্রসাদনা নিংহন্নবা লৈতনা হল্লকপা ঙম্বা মালেমগী ওইবা সপ্লাই চেন অমা শেম্বগী তঙাই ফদবগী মরমদা পনখি অমসুং মসিগা লোয়ননা ভারতপু মালেমগী সপ্লাই চেনগা নক্না মরী লৈনবা শেল থাদবগী মফম অমা ওইহনবগী প্রধান মন্ত্রী শ্রী নরেন্দ্র মোদীগী মংলান অসিগী মরমদশু মহাক্না মীফম অসিদা পনখি। শ্রী প্রসাদনা মালেমগী মীওইশিংনা পুল্লিবা মীফম অসিদা ভারতনা প্রধান মন্ত্রী শ্রী নরেন্দ্র মোদীগী লুচিং মখাদা মতৌ করম্না মালেমগী অতোপ্পা লৈবাকশিংদগী হেন্না কোবিদ-১৯ নিংথিনা শেন্নখিবগে হায়বদুগী মতাংদা ৱাফম থমখি। প্রধান মন্ত্রীনা লৈবাক পুম্বদা অঙনবা মতমদা লোকদাউন থম্নবা থৌনা ফরবা ৱারেপ লৌখিবা অদুনা লায়না অসি শন্দোকপদা তপথহনবতা নত্তনা তুংদা লাক্কদৌরিবা খুদোংচাদবশিং খুদিংমকশু থেংননবা শেম শাবদা য়াম্না তেংবাংখি হায়না মহাক্না হায়খি। কেন্দ্রগী মন্ত্রীনা ভারতনা দিজিতেলগী হীরমদা অনৌবা থৌওং কয়া পুথোক্তুনা কোবিদ-১৯গা লেন্থেংনবদা তেংবাংখিবশিং অদুগী মরমদশু মীয়ামদা খংহনখি। আরোগ্য সেতু মোবাইল এপ, ক্বারেন্তাইন তৌদুনা লৈবা অনাবশিংবু য়েংশিন্নবা জিও ফেন্সিংগী পথাপ অমসুং কোবিদ-১৯ সাবধান বল্ক মেসেজিংগী পথাপকী মরমদশু মীফমসিদা মহাক্না পনখি। ইরাং অসিগী মনুংদা শেন্মিৎলোনগী হীরমদা শোত্থরবা খুন্নাইগী মীওই কাংলুপ কয়াদা তেংবাং পীবদা দিজিতেল তেক্নোলোজীনা মতৌ করম্না তেংবাংখিবগে হায়বগী মতাংদশু মহাক্না মীফমসিদা ফোংদোকখি। দাইরেক্ত বেনেফিৎ ত্রান্সফর অমসুং দিজিতেল পেমেন্তকুম্বা ভারতকী ওইবা দিজিতেলগী অনৌবা থৌওংশিং অসিনা লোকদাউন মনুংদা খুন্নাইগী খ্বাইদগী শোত্থরবা মীওইশিংদা তোঙান তোঙানবা শেলগী তেংবাং পীখিবগী মতাংদশু মহাক্না মীয়ামদা পাউদমখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640482
রাজ্য অমসুং য়ু.তি.শিংনা পি.এম.জি.কে.এ.ৱাই.-২গী মখাদা হৱাই চেঙৱাই পুন্না লাখ মেত্রিক তন ১৯.৩২ হোনখি
লোকদাউন হেক হৌবদগী চানবা হৱাই চেঙৱাই লাখ মেত্রিক তন ১৩৯.৯৭ হোনখ্রে অমসুং রেল রেক ৪৯৯৯দা পুখ্রে অমসুং অপুনবা চানবা হৱাই চেঙৱাই মেত্রিক তন লাখ ২৮৫.০৭না জুন ৩০, ২০২০ ফাওবদা পুথোকখ্রে। জুলাই ১, ২০২০দগী চানবা হৱাই চেঙৱাই মেত্রিক তন লাখ ২৬.৬৯ পুথোকখ্রে অমসুং রেল রেক ৯৫৩ শীজিন্নদুনা পুখ্রে। রেল লম্বী নত্তবদা পুথোক পুশিন তৌবগী থবক অসি কংফাল অমসুং ঈশিংগী লম্বীদসু পুখি। অপুনবা ওইনা চানবা হৱাই চেঙৱাই মেত্রিক তন লাখ ৫০.৯১ জুলাই ১, ২০২০দগী হৌদুনা পুখি। চানবা হৱাই চেঙৱাই অপুনবা মেত্রিক তন লাখ ১.৬৩না অৱাং নোনপোক লমদমশিংদা জুলাই ১, ২০২০দগী পুখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1640451
পি.আই.বি. ফিল্দ ওফিসশিংদগী ফংবা পাউ
• পঞ্জাব: রাজ্য অসিদা কোবিদ-১৯ তেস্ত তৌবগী কেপাসিতী মখাতানা হেনগৎহন্নবা, পঞ্জাব সরকারনা মোহালি, লুধিয়ানা অমসুং জলন্ধরদা লৈবা নৌনা শেমখিবা ভাইরেল তেস্তিং লেবশিংগীদমক্তা লৌখিবা ওতোমেতিক আর.এন.এ. এক্সত্রেক্সন মেছিন মরি অদুগী মথক্তা, পতিয়ালা, অমৃতসর অমসুং ফরিদকোত্তা লৈবা গোবর্নমেন্ত মেদিকেল কোলেজ অহুমদা লৈরিবা ভাইরেল তেস্তিং লেবশিংগীদমক্তা অহেনবা মেছিন তরেত লৌরগনি।
• হিমাচল প্রদেশ: এদিশনেল চীফ সেক্রতরী হেল্থ, আর.দি. ধিমাননা রাজ্য অসিদা কোরোনা লাইচৎ শন্দোরকপদগী লাকশিন্নবা তঙাইফদবা কান্নগদবা খোংথাংশিং লৌখৎখ্রে হায়না হায়খি। মহাক্না রাজ্য অসিগী কোরোনাগী পেরামিতরশিং অদু অতোপ্পা রাজ্যশিংদগী হেন্না ফৈ হায়না হায়খি। মহাক্না রাজ্য অসিদা চাং নাইনা কোবিদ-১৯গী তেস্তিং তৌরি হায়না হায়খি। লৈবাক অপুনবগী ওইবা মিলিয়ন অমদা সেম্পল ১১০০০ তেস্ত তৌবা অদুগা চাংদম্নবদা রাজ্য অসিদা মিলিয়ন অমদা সেম্পল ১৭০০০ লৌরি হায়না মহাক্না হায়খি।
• কেরলা: রাজ্য সরকারনা রাজ্য অসিদা কোবিদ-১৯ য়াম্না য়াংনা শন্দোরক্লিবা অসি য়েংলগা জুলাই ২৭তা পাংথোক্কদা এসেমব্লী সেসন অদু তোকখ্রে। রাজ্য অসিদা কোবিদনা মরম ওইরগা অহেনবা মীওই অহুম অমুক লৈখিদ্রে। শিখিবশিং অদু থিরুৱানন্থপুরম, কোঝিকোদে অমসুং মালাপুরমদগীনি, মসিনা শিবগী মশিং অদু ৪৮ য়ৌহনখ্রে। রাজ্য অসিদা নোংমদা লৈখিবা অনৌবা কেসকী মশিং অদু ঙরাং ১০৩৮ হেনখ্রে, মসিগী মনুংদা ৭৮৫তি লোকেল কন্তেক্তকী খুত্থাংদনি। হৌজিক্কী ওইনা পেসেন্ত ৮,৮১৮ লাইয়েংদুনা লৈরি অমসুং জিলা কয়ামরুম অমদা মীওই লাখ ১.৫৯ সর্ভিলেন্স তৌদুনা লৈরি।
• তামিল নাদু: পুদুচেরীদা অহুম শিখ্রে অমসুং কোবিদ-১৯গী অনৌবা কেস ১২৩ থেংনখি; শাগোলশেল নুমিত্তা লৈখিবা কেসকী মশিং ২,৪২০দা হেনগৎখ্রে লোইননা এক্তিব কেসশিংগী মশিং ৯৮৭দা হেনগৎখ্রে অমসুং অপুনবা শিখিবগী মশিং ৩৩ য়ৌখ্রে। তি.এন. হকশেলগী মন্ত্রী, সি. ৱিজায়াভাস্করনা রাজিব গান্ধি গোবর্নমেন্ত জেনরেল হোসপিতালদা লুপা কোতি ২.৩৪ চংনা শাখিবা প্লাস্মা বেঙ্ক অমা শঙ্গাখ্রে। তি.এন.গী মহৈরোইশিংনা মার্ক-শীতশিং লৌনবা জুলাই ২৪-৩০ ফাওবা স্কুলশিং চৎনবগী অয়াবা পীখ্রে। রাজ্যনা কোলেজগী ফাইনেল য়িয়রগী মহৈরোইশিংগীদমক নত্তনা অতোপ্পা পুম্নমক্কী সেমেস্তর একজামশিং ফাওবা কেন্সেল তৌখ্রে। ঙরাং অনৌবা কেস ৫,৮৪৯ অমসুং ৭৪ শিখিবগী পাউ লৈখি। অপুনবা কেসশিং: ১,৮৬,৪৯২; এক্তিব কেসশিং: ৫১,৭৬৫; শিখিবশিং: ৩১৪৪; চেন্নাইদা লৈরিবা এক্তিব কেসশিং: ১৩,৯৪১।
• কর্নাতকা: নোংমদা কোবিদ-১৯গী কেসশিং খঙৱাং ৱাংখৎলকপগা লোইননা কর্নাতকানা হৌজিক লাইনা আসিগী শরুক অনিগী চাংদা হেনগৎলকপদা মকোক থোংলিবা অন্ধ্র প্রদেশ অমসুং মেঘালায়াগী মরক্তা য়াওখ্রে। কর্নাতকাদা ঙরাং নোংমদা খ্বাইদগী ৱাংনা কোবিদ-১৯গী কেস ৪,৭৬৪ হেনগৎলকখি, মসিনা মশিং ৭৫,৮৩৩ য়ৌহনখি। বেঙ্গলোর সিতীদা কেস ২০৫০ থেংনখি। ঙরাং ফাংবদা অপুনবা কেসশিং: ৭৫,৮৩৪; এক্তিব কেসশিং: ৪৭,০৬৯; শিখিবশিং: ১৫১৯; দিসচার্জ তৌখিবশিং: ২৭,২৩৯।
• অরুনাচল প্রদেশ: অরুনাচল প্রদেশতা ইতানাগর কেপিতেল রিজনগী তোঙান-তোঙানবা মফমশিংদা কোবিদ-১৯গীদমক্তা ওইবা রেপিদ এন্তিজেন তেস্ত পাংথোকখি। মসিগী রেপিদ তেস্ত অসিগীদমক্তা তীম কুন থবক তৌখি অমসুং ঙরাং এন্তিজেন তেস্ত লিশিং অনিগী মথক্তা পাংথোকখি অমসুং পোজিতিব ওইবগী কেস ২৮ থেংনখি। রাজ্য অসিগী অমত্তা ঙাইরবা মেদিকেল কোলেজ হোসপিতাল তি.আর.আই.ঐচ.এম.এস. (তোমো রিবা ইন্সতিত্যুত ওফ হেল্থ এন্দ মেদিকেল সাইন্সে)না ইমরজেন্সী অমসুং কন্সর ত্রীতমেন্তকীদমক্তা মথৌ তৌদুনা লৈগনি।
• মনিপুর: মনিপুর চয়োল শাংনা তৌগদবা লোকদাউনগী গাইদলাইনশিং পীথোকখ্রে। তঙাইফদবা সার্বিসশিং, তঙাইফদবা পোৎলমশিংগী সপ্লাই, লৌউ-শিংউ অমসুং মসিগা মরী লৈনবা থবক থৌওংশিং অমসুং পব্লিক য়ুতিলিতীশিং হান্নগুম্না মথৌ তৌগনি।
• নাগালেন্দ: নাগালেন্দদা, কোবিদ-১৯গী পোজিতিব কেস ৯০ কনফর্ম তৌখ্রে। মখৌয়শিং অদুগী মরক্তা ৬১না কোহিমাদগী. ২৬না দিমাপুরদগী, ২না পেরেনদগী অমসুং ফেকতগী ১। নাগালেন্দদা পুন্না পোজিতিব কেস ১১৭৪দা হেগৎখি, মসিদা এক্তিব কেস ৬৮৮ অমসুং ৪৮৬ ফগৎখি।
• মিজোরাম: মিজোরামদা ঙসি কোবিদ-১৯গী পেসেন্ত মঙা ফদুনা দিসচার্জ তৌখ্রে। রাজ্য অসিদা লৈরিবা এক্তিব কেসশিং অদু ১৪২ য়ৌখ্রে অদুগা হৌজিক ফাওবদা ১৮৪ ফখ্রে।
• অন্ধ্র প্রদেশ: ভাইজাগকী কিং জোর্জ হোসপিতাল (কে.জি.ঐচ.)না হৌজিক ফাওবা কোভেক্সিনগী ক্লিনিকেল ত্রায়লশিং হৌনবা দাইরেক্তোরেত ওফ মেদিকেল এজুকেশনগী অয়াবা ঙাইদুনা লৈরি। কে.জি.ঐচ. অসি ক্লিনিকেল ত্রায়লশিং পাংথোক্নবগীদমক্তা আই.সি.এম.আর.না খনগৎখিবা হোসপিতাল ১২গী মনুংদা অমনি। রাজয় অসিদা লৈরিবা দিস্ত্রিক্ত কলেক্তরশিংনা রাজ্য অসিদা লৈরিবা দোক্তরশিং অমসুং মেদিকেল প্রোফেশনেল খঙদোক্নবা তাক্লকখ্রে। ঙরাং অনৌবা কেস ৬০৪৫ অমসুং ৬৫ শিখিবগী পাউ লৈখি। অপুনবা কেসশিং: ৬৪,৭১৩; এক্তিব কেসশিং: ৩১,৭৬৩; শিখিবশিং: ৮২৩।
• তেলঙ্গানা: রাজ্যনা নোংমদা সেম্পল ২৫,০০০ তেস্ত তোবা হেনগৎলগনি। হৌজিক্কী ওইনা, লনাইগী ওইবা লেবশিং, প্রাইমরী হেল্থ কেয়র ফেসিলিতীশিংদা রেপিদ তেস্তশিং অমসুং সরকারগী লেবোরেতরিশিংদা পি.সি.আর. তেস্তশিংনা নোংমদা স্বাব সেম্পল ১৫,০০০ ফাওবা তেস্ত তৌবা ঙম্লে। ঙরাং অনৌবা কেস ১৫৫৪ অমসুং ০৯ শিখিবগী পাউ লৈখি; কেস ১৫৫৪গী মনুংদা জি.ঐচ.এম.সি.দগী কেস ৮৪২ থেংনখি। অপুনবা কেসশিং: ৪৯,২৫৯; এক্তিব কেস মশিং: ১১,১৫৫; শিখিবশিং: ৪৩৮; দিসচার্জ তৌখিবশিং: ৩৭,৬৬৬।
• মহারাস্ত্র: রাজ্য অসিদা য়ুমশকৈশা নুমিত্তা নোংমদা খ্বাইদগী ৱাংনা হেনগৎলক্তুনা কেস ১০,৫৭৬ থেংনখি মসিনা অপুনবা কোবিদ কেসশিংগী মশিং অদু ৩,৩৭,৬০৭ য়ৌহনখি। অদুবু রাজ্য অসিদা মীওই ৫,৫৫২ ফকিবগা লোইননা এক্তিব কেসশিংগী মশিং অদু ১,৩৬,৯৮০দা লৈখি। শিবগী মশিং অসি ১২,৫৫৬ শুখ্রে। হকশেলগী মন্ত্রী, রাজশ তোপেনা রাজ্য অসিনা লাল্লোন-ইতিক্কী থবকশিং অমসুং জীমশিং অমসুং শোপ্পিং মিলশিং য়াওনা রাজ্য অসিদা লৈরিবা সার্বিসশিং অমুক হন্না মথৌ তৌবা হৌনবা এস.ও.পি.শিংদা থবক কন্না তৌরি।
• গুজরাত: হৌখিবা পুং ২৪ অনৌবা কেস ১,০২০ থেনখি্রবা মতুংদা কোবিদ-১৯ কেসশিংগী মশিং অদু ৫১,৪৮৫তা হেনগৎখ্রে। সুরত্তা কেসশিংগী মশিং হেনগৎলকপা অসি মীপাইনীংঙাইনি; জিলা অসিনা য়ুমশকৈশা নুমিত্তা খ্বাইদগী ৱাংবা কেস ২৫৬ থেংনখি। দাইমন্দ সিতীদা হৌজিক কেস ১১,১২৮ থেংনখি অদুগা জিলা অসিদা শিখিবগী মশিং অসি ৫০০ হেনখ্রে।
• রাজস্থান: রাজ্য অসিদা অনৌবা পোজিতিব কেস ৯৬১ থেংনখি, মসিনা অপুনবা মশিং অদু ৩২,৩৩৪ য়ৌহনখ্রে। ঙরাং অনৌবা কেসশিংগী খ্বাইদগী য়াম্বা মশিং অদু জোধপুর জিলাদগী ২১২, অলৱারদগী ১৮০ মথংদা জয়পুরদগী ৮৫। অদুবু এক্তিব কেসশিংগী মশিং অদু শুপ্নতগী ৮,৩৮৭ নি।
• মধ্য প্রদেশ: মধ্য প্রদেশ কোওপরেতিবসকী মন্ত্রী আর্বিন্দ সিং ভদোরিয়া কোবিদ-১৯গীদমক তেস্ত তৌবদা পোজিতিব ওইখ্রে। শগোলশেল নুমিত্তা রাজ্য অসিদা অনৌবা কেস ৭৪৭ থেংনখি, মসিনা অপুনবা মশিং অদু ২৪,৮৪৩ য়ৌহনখি। অদুবু, এক্তিব কেসশিংগী মশিং অদু ৭,২৩৬ নি।
• ছত্তিসগর: য়ুমশকৈশা নুমিত্তা ছত্তিসগরদা কোবিদ-১৯গী অনৌবা কেস ২৩০ থেংনখি। অনৌবা কেস অনম্বনা রায়পুরদগীনি (৭০), মথংদা শুখমা (৩৬) অমসুং দুর্গ (২৮)। মরক অসিদা পুলিসকী মিৎয়েং মখাদা রায়পুর অমসুং রাজ্য অসিগী অতোপ্পা অর্বান সেন্তর তরেত্তা অহকপা লোকদাউন থমজিনখ্রে।
******
(Release ID: 1640758)
Visitor Counter : 174