কেন্দ্র সরকার অমসুং রাজ্য/য়ু.তি. সরকারশিংনা লৌখৎপা মশীং য়াম্না তেস্ত তৌবা অমসুং মতম চানা লাইওং খঙদোক্নবা অকনবা খোংথাংশিংনা কেসশিংবু ঙন্না খঙদোকপদা মতেং পাংলি। মতীক চানা পাঙথোকপা কেয়র প্রোতোকোলগী মতুং ইন্না য়াইমরপ ওইবা অমসুং ফিবম লুরবা কেসশিংগী ক্লিনিকেল মেনেজমেন্তনা কোবিদনা নারবা অনাবশিং ফগৎলকপগী চাং ৱাংখৎলক্লি। হৌখিবা পুং ২৪ অসিদা কোবিদ অনাবা মীওই ২৩,৬৭২ না ফখ্রে। নাবা ফরবা অনাবা মশীংগা এক্তিব কোবিদ-১৯ কেস মশীংগগী খেন্নবসু ৩,০৪,০৪৩ ওইরে। অপুনবা নাবা ফরবা মশীংনা ৬,৭৭,৪২২নি। নাবা ফগৎলকপগী চাংনা ৬২.৮৬%নি।

এক্তিব কেস ৩,৭৩,৩৭৯দা মীৎকুপ নাহুমশিংনা হোস্পিতাল অমসুং হোম আইসোলেসন তৌদুনা লাইয়েং চত্থরি।

লৈবাক অসিগী তেস্ত তৌনবগী ইনফ্রাস্ত্রকচরসু মতীক চানা মশীং হেনগৎলে। আই.সি.এম.আর.গী তেস্ত তৌনবগী থৌরাংদা রেজিস্তর তৌরবা মেদিকেল প্রেক্তিসনর খুদিংমক্না তেস্ত তৌনবগীদমক পাউতাক পীবা য়ারগনি। রেপিদ এন্তিজেন পোইন্ত ওব কেয়র (পি.ও.সি.) তেস্তিংগা লোইননা রাজ্য/ য়ূ.তি.শিংনা স্তেন্দার্দ ৱাংবা আর.তি.-পি.সি.আর.তেস্ত পাক শন্না তৌবনা মরম ওইদুনা তেস্ত তৌবগী মশীং হেনগৎহল্লকপগী মরম অমা ওইরে।

হৌখিবা পুং ২৪ অসিদা সেম্পল ৩,৫৮,১২৭ তেস্ত তৌখি। অপুনবা ওইনা তেস্ত তৌখ্রবা সেমপল ১,৩৭,৯১,৮৬৯না ভারত্তা মিল্লিয়ন অমদা তেস্ত তৌবগী চাং অসি ৯৯৯৪.১ য়ৌরে।

লৈবাক অসিগী তেস্ত তৌনবগী লেবকী নেৎৱার্ক অসি লেব ১২৬২ লৈবগা লোইননা চাং নাইনা মশীং হেনগৎলক্লি, সরকারগী লেব ৮৮৯ অমসুং প্রাইবেৎ লেব ৩৭৩ শুরে। মসিগী মনুংদাঃ

• রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৬৪৮ (সরকারগী ৩৯৭+ প্রাইবেৎঃ ২৫১)
• ত্রুনাৎতা য়ুম্ফম ওইবা তেস্তিং লেবঃ ৫১০ (সরকারগী ৪৫৫+ প্রাইবেৎঃ ৫৫)
• সি.বি.এন.এ.এ.তি.দা য়ুম্ফম ওইবা তেস্তিং লেবঃ ১০৪ (সরকারগী ৩৭+ প্রাইবেৎঃ ৬৭)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

***