কেমিকল্স অমসুং ফর্তিলাইজর মন্ত্রালয়গী কেমিকেল্স অমসুং পেত্রোকেমিকেল বিভাগকী মখাদা লৈবা খ্বাইদগী থাক ৱাংনা মাংজিল থারিবা ইন্সতিত্যুত অমা ওইরিবা সেন্ত্রেল ইন্সতিত্যুত ওফ পেত্রোকেমিকেল্স ইঞ্জিনীয়রিং অমসুং তেক্নোলোজী(সিপেত)অসি  পি.পি.ই. কীৎ তেস্ত তৌনবা অমসুং শকখং চে পীনবগীদমক নেস্নেল এক্রিদেসন বোর্দ ফোর তেস্তিং এন্দ কেলিব্রেসন লেবোরেতরীজ(এন.এ.বি.এল.)না  এক্রিদেসন তৌখ্রে।

পি.পি.ই. কীৎশিং অসিদা গ্লোবশিং, কোভরওলশিং, ফেস শীলশিং অমদি গোগলশিং অমসুং    লৈরোল অহুম ওইবা মাস্কনচিংবশিং অসি ইন্তর্নেস্নেলগী থাক্তা পরিং নাইনা য়াওই।  মসি সিপেতনা কোবিদ-১৯ লান্থেংনবদা অমসুং ‘আত্মনির্ভর ভারত’কী মায়কৈরোমদা চংশিনবদা মায় পাক্না পাংথোকপা থবক অমনি।  

সিপেত: আই.পি.তি. সেন্তর ভুবনেশ্বরনা পি.পি.ই.কীৎশিং তেস্ত তৌনবগী খুদোংচাবা অসি শেমগৎখ্রবা মতুংদা এক্রিকেসনগীদমক এন.এ.বি.এল.দা এপ্লিকেসন অমা পীশিনখি। তেস্তিং তৌনবগী খুদোংচাবা অসি এন.এ.বি.এল.না ওনলাইন্দা ওদিৎ তৌরবা মতুংদা সিপেত-সেন্তর ভুবনেশ্বর অসি এক্রিদেসন পীখিবনি। সিপেত সেন্তর খরা অমসু এক্রিদেসনগীদমক এপ্লাই তৌখিবশিং অদুগীসু থবক চত্থরি।

কেমিকেল্স অমসুং ফর্তিলাইজরগী কেন্দ্র মন্ত্রী শ্রী দি.ভি. সদানন্দ গৌরানা সিপেত ভুবনেশ্বরনা মায় পাক্লকপা অসিগীদমক নুংঙাইবা ফোংদোক্তুনা লৈবাক অসিগী মীশিংগী থৌগল তৌবদা মাংজিল থানবা অমসুং মেক ইন ইন্দিয়াদা ৱাখল ওনশিন্দুনা  এম.এস.এম.ই.দা মতেং পাংনবা হায়খ্রে। 

সিপেতনা দব্লয়ু.ঐচ.ও./আই.এস.ও.গী লমজিং-লমতাক্কী মতুং ইন্না হেল্থ কেয়রগী লমদা আর. অমসুং দি.গী লমদা থবক কয়া পায়খৎখ্রে। তমথিরবা কোবিদ-১৯গী মতম অসিদা তঙাই ফদবা থবকশিংদা তেংবাংবা ওইনা সিপেতনা চেং-হৱাই অমসুং হার পেকেৎ শেম্বগী থবকসু পাকথোক-চাওথোকখ্রে।  

***