হকশেল অমসুং য়াইফ-য়ুম্বাল মন্ত্রালয়
লৈবাকসিদা লৈরিবা কোবিদ-১৯নাবা মীগী তশেংবা কেস লোদ শুপ্নতগী ৩,৩১,১৪৬ খক্তনি
তশেংবা কেস লোদ অসি অপুনবা কেসকী ১/৩ লোম্নি
ফখ্রবা কেস লাখ ৬.১ হেল্লে
Posted On:
16 JUL 2020 2:06PM by PIB Imphal
‘লৈঙাক্কী মপুং ওইবা’ লাল্লোং অমগী মখাদা ভারত লৈঙাক অমসুং স্তেত/য়ু.তি লৈঙাকশিংনা কোবিদ-১০ ঙাকথোক্নবা, লাকশিন্নবা অমদি শেন্ননবা থাক নাইবা, মাঙজৌনবা অমদি ইচঙ থৌবা থৌরাং লৌখৎখি । অপুনবা থৌরাং অসি খ্বাইদগী ৱাংবা থাক্তা চাং নাইনা য়েংশিল্লি অমদি শেন্নরি।
পান্দম নাইবা থৌরাংশিং অসিনা হৌজিক নারিবা কেস মশিং চাং নাইনা হন্থহনবদা মতেং ওইরি। ঙসি ফাওবদা লৈরিবা লৈবাকসিগী কোবিদ-১৯ নাবা তশেংবা কেস লোদ মশিং অসি শুপ্নতগী ৩,৩১,১৪৬ খক্তনি। মসি হৌজিকফাওবদা থেংনরিবা অপুনবা কেস মশিংগী শরুক অহুম থোকপগী অমদগী খজিক্তং হেনবগী (চাদা ৩৪.১৮) চাংনি। য়ুমথোংগী ওইবা সর্ভে, অকোয়বগী ফীভম লাকশিনবগী থৌওংশিং, মতম চানা কন্তেক্ত ত্রেসিং তৌবা অমসুং কন্তেনমেন্ত জোনশিং কুপ্না শেন্নবনচিংবা য়াওনা ইচঙ থৌবা লাকশিনবগী থৌরাং, অকনবা তেস্তিং অমসুং মতম চানা লায়ওং খঙদোকপনা লৈবাকসিদা তশেংবা কেস লোদ অসি অকক্নবা চাংদা শেন্নবা ঙমবা মওংদা লৈহল্লি, অমদি নীংথিনা পায়খৎলিবা লায়েংবগী প্রোতোকোলগী মতুং ইন্না ময়ায় ওইরপ অমসুং শাথিবা কেসশিং নীংথিনা ক্লিনিকেল মেনেজমেন্ত তৌবনা মখোয়গী ফগৎলকপগী চান্সসু হেনগৎহল্লি।
কেন্দ্র অমসুং স্তেত/য়ু.তি. লৈঙাকশিংগী তেস্তিং কেপাসিতী হেনগৎনবা, হকশেলগী মচাক মথুম ফগৎহন্নবা, এস.এ.আর.আই./আই.এল.আই. কেসশিং শেন্নবদা অহেনবা মীৎয়েং চঙবা অমদি অহল ওইরবা অমদি অতোপ্পা অনাবা লৈবা মীওইশিং খঙদোকপগী অপুনবা থৌরাং অসিনা ভারত শিনবা থুংনা লেপ্পা নাইদনা ফগৎলকপগী চাং হেনগৎলক্লি।
গ্রাফ অসিদা উৎলিবা অসুম্না, জুন-২০২০ ময়ায় চল্লকপদগী ফগৎলকপগী চাং চাদা ৫০ লাল্লকপা মতমদগী ফগৎলকপগী চাংদা তপ্না তপ্না হেনগৎলকপা অমদি হৌজিক নারিবা মশিং তপ্না তপ্না হন্থরকপগী ফীভম থেংনরি। হৌজিক ফাওবদা কোবিইদ-১৯ নারবা মীওইগী চাদা ৬৩.২৫দি ফখ্রে। মসিগা ইরোয়ননা, হৌজিক নারিবা মীগী চাংসু জুন-২০২০ ময়ায়ৱাইদা চাদা ৪৫গী ময়াদা লৈরমবদগী হৌজক্কী ওইনা চাদা ৩৪.১৮গী ময়াদা লৈরে।
হৌখিবা পুং ২৪সিদা কোবিদ নাবা ফখিবা অপুনবা মীশিং ২০,৭৮৩ অসিনা কোবিইদ-১৯ নারবা মীওইশিংগী মরক্তা ফখ্রবশিংগী অপুনবা মশিং ৬,১২,৮১৪ য়ৌহনখ্রে। অনাবা ফখ্রবা অমদি হৌজিক কোবিদ-১৯ নারিবা মীশিংগী মরক্তা লৈবা খেন্নবা ২,৮১,৬৬৮তা হেনগৎখ্রে।
কোবিইদ-১৯ নারবা মীওইশিং লায়েংনবা অনা লায়েংশঙগী ইন্ফ্রাস্ত্রিকচর অসিদা কেতগরী ১গী তোখায়বা কোবিদ হোস্পিতাল ১৩৮১, কেতগরী ২গী তোখায়বা কোবিদ হেল্থকেয়র সেন্তর ৩১০০, কেতগরী ৩গী কোবিদ কেয়র সেন্তর ১০,৩৬৭ য়াওরি। মখোয়শিংসিদা পুন্না আই.সি.য়ু. ফমুং ৪৬,৬৬৬গী কেপাসিতী লৈ।
কেন্দ্র অমসুং স্তেতশিংগী মরক্তা খুৎশম্নদুনা য়াৎমিন্নবা লাল্লোয় অসিনসু লৈবাকসিদা কোবিদ কেস হেনগৎলক্লিবসি মফম খরখক্তদা ওইহল্লি। শুপ্নতগী স্তেত অনি, মহারাস্ত্র অমসুং তামিল নাদুনা লৈবাকসিগী অপুনবা এক্তিব কেস লোদকী চাদা ৪৮.১৫ ওইরি। স্তেত অমসুং য়ু.তি. ৩৬গী মনুংদা শুপ্নতগী স্তেত ১০না অপুনবা এক্তিব কোস লোদকী চাদা ৮৪.৬২ ওইরি। হায়রিবা স্তেতশিং অসিদা কেন্দ্রনা লাকশিনবগী অমদি লায়নাসিনা নাহল্লবা মীওইশিংগী মওং চুমবা ক্লিনিকেল মেনেজমেন্তকী লমদা লমজিংবিরি।
তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA. কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি।
কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .
****
(Release ID: 1639044)
Visitor Counter : 162