কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী শ্ৰী কিৰেন ৰিজিজুয়ে আজি ভিডিঅ’ কনফাৰেন্সিংযোগে ১৮খন ৰাজ্য আৰু কেন্দ্ৰীয় শাসিত অঞ্চলৰ যুৱ পৰিক্ৰমা আৰু ক্ৰীড়া বিভাগৰ মন্ত্ৰীবৰ্গৰ লগতে জ্যেষ্ঠ বিষয়াবৰ্গক সম্বোধন কৰে৷ দুদিনীয়া বৈঠকৰ প্ৰথমদিনা আজি যিসমূহ ৰাজ্য আৰু কেন্দ্ৰীয় শাসিত অঞ্চলৰ প্ৰতিনিধিয়ে যোগ দিয়ে, তেওঁলোকে ক’ভিড-১৯ৰ পাছত সময়ছোৱাত খেলাধুলা আৰম্ভ কৰাৰ বিষয়ত তেওঁলোকৰ পৰিকল্পনাৰ কথা অৱগত কৰে৷ ৰাজ্যিক পৰ্যায়ত নেহৰু যুৱ কেন্দ্ৰ সংগঠন(এনৱাইকেএছ)আৰু ৰাষ্ট্ৰীয় সেৱা আঁচনি (এনএছএছ)ৰ স্বেচ্ছাসেৱকসকলক ৰাজ্যিক পৰ্যায়ত বিভিন্ন কাৰ্যসূচীত আৰু অধিক পৰিমাণে যোগদানৰ বিষয়ৰ সন্দৰ্ভতো বৈঠকত আলোচনা হয়৷

এই উপলক্ষে মন্ত্ৰী ৰিজিজুয়ে কয় যে ক’ভিড-১৯ মহামাৰীৰ সময়ত অসামৰিক প্ৰশাসনৰ সৈতে এনৱাইকেএছ আৰু এনএছএছে স্বেচ্ছাসেৱকসকলে যথেষ্ট ভাল কাম কৰিছে৷ বর্তমান দেশৰ ৭৫ লাখ স্বেচ্ছাসেৱক এই কামৰ সৈতে জড়িত৷ আনলক-২ত এই সংখ্যা ১ কোটিলৈ বৃদ্ধিৰ পৰিকল্পনা কৰা হৈছে৷ প্ৰধানমন্ত্রীয়ে ইতিমধ্যে ‘আত্মনির্ভৰ ভাৰত’ কাৰ্যসূচী ঘোষণা কৰিছে৷ দেশৰ বিভিন্ন খণ্ড মুক্ত কৰা হৈছে-আমাৰ স্বেচ্ছাসেৱকসকলে কৃষক, ক্ষুদ্ৰ ব্যৱসায়ীকে ধৰি সমাজৰ প্ৰতিগৰাকী ব্যক্তিক এই আঁচনিৰ সুবিধাৰ বিষয়ে সজাগ কৰি তোলাৰ কাম হাতত ল’ব লাগিব৷ মন্ত্রীগৰাকীয়ে সকলো ৰাজ্যক স্বেচ্ছাসেৱকসকলক এই সজাগতা গঢ়ি তোলাৰ কামত লগোৱাৰ প্ৰস্তাৱ আগবঢ়ায়৷ এইসকল স্বেচ্ছাসেৱকে জিলা প্ৰশাসনৰ অধীনত পোনপটীয়াভাৱে কাম কৰিব য’ত কেন্দ্ৰ হস্তক্ষেপ কম থাকিব৷

বৈঠকত তৃণমূল পৰ্যায়ৰ খেলাধুলা আৰু প্ৰতিখন ৰাজ্যত অলিম্পিকৰ বাবে প্ৰশিক্ষণক লৈ আলোচনা হয়৷ প্ৰতিখন ৰাজ্যত এটাকৈ খেলো ইণ্ডিয়া উকৰ্ষমূলক ৰাজ্যিক কেন্দ্ৰ (কেআইএছচিই) গঢ়ি তোলা আৰু এক ৰাজ্য এক ক্ৰীড়া নীতিক ৰাজ্যসমূহে শলাগ লৈছে৷ যিসমূহ ৰাজ্যই পৰম্পৰাগতভাৱে কোনো এক নির্দিষ্ট খেলত যথেষ্ট শক্তিশালী তাত সেই খেলবিধক লৈয়েই চর্চা কৰা হ’ব৷ কেআইএছচিয়ে সেই নির্দিষ্ট খেলবিধৰ বাবে সংশ্লিষ্ট ৰাজ্যখনৰ সমন্বয়ৰক্ষী কেন্দ্ৰ হিচাপে কাম কৰিব౼খেলুৱৈসকলে তাত বিশ্বমানৰ প্ৰশিক্ষণ লাভ কৰিব যাতে তেওঁলোকে অলিম্পিকৰ দৰে প্ৰতিযোগিতাত ভাল প্ৰদৰ্শন কৰিব পাৰে৷ ৰাজ্যসমূহে প্ৰচলিত ক্ৰীড়াৰ বাহিৰেও অন্যান্য খেলটো খেলুৱৈসকলক প্ৰশিক্ষণ দিব পাৰিব, কিন্তু এবিধ বা দুবিধ খেলৰ ওপৰতে অধিক জোৰ দিব লাগিব৷ ৰাজ্যসমূহৰ প্ৰতিনিধিৰাসকলে জনাইছে যে দেশত প্ৰতিখন জিলাত মুছ ১,০০০ খেলো ইণ্ডিয়া কেন্দ্ৰ 

নিৰ্মাণ কৰাৰ ফলত আঞ্চলিক পৰ্যায়ত প্ৰতিভাসম্পন্ন খেলুৱৈ বাছনি কৰাৰ ক্ষেত্রত যথেষ্ট সুবিধা হৈছে৷ ইয়াৰ ফলত দেশজুৰি খেলাধুলাৰ এক পৰিৱেশ সৃষ্টি হৈছে৷ বিভিন্ন ৰাজ্যত তৃণমূল পৰ্যায়ত লাভ কৰা সাফল্যৰ কথাও বৈঠকত দাঙি ধৰে৷ বৈঠকত মন্ত্রীকে ধৰি ৰাজ্যৰ প্ৰতিনিধিবৰ্গই কেতবোৰ মূল্যবান মতামত আগবঢ়ায়৷

প্ৰথম দিনাৰ ভাৰ্চুৱেল বৈঠকত অন্ধ্ৰপ্ৰদেশ, অসম, চত্তীশগড়, গুজৰাট, হাৰিয়ানা, হিমাচলপ্ৰদেশ, জম্মু-কাশ্মীৰ, কর্ণাটক, কেৰালা, লাদাখ, মহাৰাষ্ট্ৰ, ওড়িশা, পাঞ্জাৱ, ৰাজস্থান, তামিলনাড়ু, তেলেংগানা, উত্তৰাখণ্ড আৰু পশ্চিমবংগৰ প্ৰতিনিধিসকলে অংশগ্ৰহণ কৰে৷ বাকী ৰাজ্য আৰু কেন্দ্ৰীয় শাসিত অঞ্চলৰ প্ৰতিনিধিসকলৰ সৈতে কাইলৈ এই সম্পৰ্কীয় দ্বিতীয় বৈঠক অনুষ্ঠিত হ’ব৷

*******

NB/AKJ/OA/DB