শেল-থুম মন্ত্রালয়

পি.এম.জি.কে.পিগী মখাদা কোবিদ-১৯ থেংনরিবা হকশেলগী মীওইশিংগীদমক পায়খৎলিবা ইন্সুরেন্স স্কিম ফাইনান্স মিনিস্তরনা অমুক হন্না য়েংশিনখ্রে; নোমিনিশিংদা অথুবা মতমদা কান্নবা অমসুং ফংফম থোকপশিং ফংহন্নবা তকশিনখ্রে

Posted On: 13 JUL 2020 6:54PM by PIB Imphal

প্রধান মন্ত্রী গরিব কলয়ান পেকেজগী মখাদা কোবিদ-১৯ থেংনরিবা হকশেলগী মীওইশিংগী পায়খৎলিবা ইন্সুরেন্সকী ফিবম অমুক হন্না য়েংশিনবগী মীফম অমা ঙসি ভিদিও কনফরেন্সকী খুৎথাংদা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না লুচিংদুনা পাংথোকখ্রে । মীফম অদুদা ফাইনান্সিয়েল সর্বিসেস দিপার্তমেন্ত, হেল্থ অমসুং ফেমিলি ৱেলফিয়ার মিনিস্ত্রি অমসুং নিউ ইন্দিয়া এসুরেন্স কম্পেনি লিমিতেৎকী সেনিয়র ওফিসিয়েলশিং শরুক য়াখি।

নিউ ইন্দিয়া এসুরেন্সগী চেয়রমেন অমসুং মেনেজিং দিরেক্তরনা স্কিম অসিগী মতাংদা অমসুং হৌজিক ফাওবগী ওইনা থবক ওইনা পায়খৎখ্রবা স্কিম অসিগী ফিবমগী মতাংদা পাউদমখি।

ক্লেম লাকপশিং অথুবা ফংহন্নবা স্তেৎ নোদেল ওথোরিতিশিংগা লোয়ননা পায়খৎলিবা থবকশিংগী মতাংদা হেল্থ অমসুং ফেমিলি ৱেলফিয়ার মিনিস্ত্রিগী ওফিসিএলশিংনা পাউদমখি অমসুং লৈখিদ্রবা মীওইশিংগী ইমুং-মনুংগী মীওইশিং উননবা অমসুং লিগেল হিয়র সর্তিফিকেত লৌনবা হোৎনবদা মায়োক্নরিবা খুদোংচাদবশিংগী মতাংদা খঙহনখি।

হৌজিক ফাওবদা ইন্তিমেসন ১৪৭ ফংলে , ক্লেমগী চে-চাং ৮৭ পীশিনখ্রে, মসিগী মনুংদা ১৫ শেন ফংহনখ্রে, ৪না শেন পীনবা য়াবা পীরে অমসুং ১৩না মখা তানা য়েংশিল্লি। মখা তানা , ক্লেম ৫৫ ফংবা য়াদবনি হায়বা খঙলে, মসিগী মনুংদা ক্লেম ৩৫না ইন্সুরেন্স অসিনা কোনশিন্দবা পুলিসকী মীওইশিং, হোস্পিতালগা মরী লৈনদবা মিউনিসিপালগী শিন্মীশিং, ইজুকেসন অমসুং রেভিনিউ দিপার্তমেন্তশিংগী মীওইশিংনি। কোবিদ-১৯না শিহনবা নত্তবা থম্মোয়গী লায়নানা শিহনবা মীওশিংগী ক্লেম ২০ লাকখি।

মীফম মনুংদা, নোমিনিশিংদা অথুবা মতমদা কান্নবা অমসুং ফংফম থোকপশিং ফংহন্নবা থবক পায়খৎপগী মরুওইবা অদু ফাইনান্স মিনিস্তরনা থমখি।

***

 



(Release ID: 1638429) Visitor Counter : 151