অচৌবা মাই পাকপা অমদা কোবিদ-১৯ নাবদগী ফগৎলকপা মশিংনা এক্তিব কেসশিংদগী ২,০৬,৫৮৮ হেনগৎখ্রে। ফগৎলকপা কেসশিংগী মশিংনা এক্তিব কেসশিংগী মশিংগী শরুক ১.৭২ (শরুক অনিগী ময়া) ওইরি। হৌখিবা পুং ২৪দা কোবিদ-১৯ নারিবা মীওইগী অপুনবা ১৯,৫৪৭ লায়েংদুনা ফগৎহন্দুনা কোবিদ-১৯দগী ফগৎলকখিবা মীওইগী অপুনবা মশিং ঙসি ফাওবদা ৪,৭৬,৩৭৭ শুখ্রে। য়ুম খুদিং চত্তুনা সর্ভেশিং তৌবা, ঙন্না খঙদোকপা অমসুং আইসোলেসন লোয়ননা কোবিদ-১৯ কেসশিংগী ক্লিনিকেল মেনেজমেন্ত মতম চানা অমদি মপুং ফানা তৌনবা অকনবা মীৎয়েং চংখিবগী মহৈ অমনি।

হৌজিক্কী ওইনা এক্তিব কেস ২,৬৯,৭৮৯ লৈরি অমদি মখোয় পুম্নমক মেদিকেলগী মীৎয়েং মখাদা লৈরি‍।

ভারতকী কোবিদ-১৯দগী ফগৎলকপগী চাং লেপ্পা লৈতনসু হেনগৎলক্লি। ঙসি কোবিদ-১৯ নারিবা মীওইশিংগী মরক্তা ফগৎলকপগী চাং ৬২.০৯%দা হেনগৎখ্রে।

ভারত অসি অতোপ্পা লৈবাকশিংগা চাংদম্নদবা অসি লানগনি মরমদি মশিংদা য়েংলুবদা ভারতকী মিলিয়ন অমদা লৈবা কেস অসি ১৯৫.৫ ওইরি মসি মালেমগী ওইনা খ্বাইদগী নেম্বাশিংগী মরক্তা চল্লি। কন্তেনমেন্ত অমসুং বফর জোনশিং ফজনা খঙদোকপা, তেস্ত বাম্না তৌবা, ঙন্না অমসুং মতম চানা খঙদোকপা অমসুং ক্লিনিকেল প্রোতোকলশিং ঙাক্না চৎপা অমসুং অফবা আই.সি.য়./হোস্পিতাল মেনেজমেন্ত অসিনসু ভারত অসি মালেমদা শীবগী মশিং খ্বাইদগী নেম্বা অমা ওইহল্লি। ভারত্তা মীশিং মিলিয়ন অমদা শীখিবা ১৫.৩১নি মসি শীখিবগী চাংদা ওন্থোক্লবদি ২.৭৫% ওই। অমরোমদা মালেমগী ওইনা মীশিং মিলিয়ন অমদা শীখিবা অসি ৬৮.৭দা লৈরি।

ভারতনা নুমিৎ খুদিংগী তেস্ত তৌবা সেম্পল তপ্না-তপ্না হেনগৎলকপসু উবা ফংলি। হৌখিবা পুং ২৪গী মনুংদা সেম্পল ২,৬৭,০৬১ তেস্ত তৌখ্রে। মীয়ামগী মরক্তা কোবিদ-১৯ নাবা খঙদোক্নবা ঙসি ফাওবদা তেস্ত তৌখিবা সেম্পলগী অপুনবা মশিং ১,০৭,৪০,৮৩২ শুখ্রে।

এম.ও.ঐচ.এফ.দবল্যু. অমসুং আই.সি.এম.আর.না কন্না হোৎনবনা লৈবাক অসিদা তেস্তিং লেবশিংগী নেৎৱার্ক শীংথানিংঙাই ওইন্না চাওথোকপা ঙম্লিবনি। লৈঙাক্কী লেব ৮০৫ অমদি লন্নাইগী লেব ৩২৭ য়াওনা লৈবাক অসিদা লেব ১১৩২দা হেনগৎহনখ্রে‍। মসিদা য়াওরিবা অসি:

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৬০৩ (লৈঙাক্কী: ৩৭৩ + লন্নাইগী: ২৩০)
• ত্রুনেতদা বেজ তেস্তিং লেব: ৪৩৫ (লৈঙাক্কী: ৪০০ + লন্নাইগী ৩৫)
• সি.বি.এন.এ.এ.তি.দা বেজ তেস্তিং লেব: ৯৪ (লৈঙাক্কী ৩৩ + লন্নাইগী ৬১)

তেক্নিকেল ইসু, চৎন-কাংলোন অমদি পাউতাক্কী ৱারোলগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগদি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +৯১-১১-২৩৯৭৮০৪৬ নৎত্রগা ১০৭৫ (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

***