প্রধান মন্ত্রী শ্রী নরেন্দ্র মোদিনা লৈবাক অসিদা মধ্য প্রদেশকী রেৱাদা লিংখৎপা মেগাৱাৎ ৭৫০গী সোলর প্রোজেক্ত অমা জুলাই ১০, ২০২০দা খুদোল তমগদৌরি।

মসিগী প্রোজেক্ত অসি সোলর পার্ককী (অপুনবা হেক্তর ১৫০০গী লম) মনুংদা লৈবা হেক্তর ৫০০গী লমদা খিনবা মেগাৱাৎ ২৫০গী সোলর জেনেরেতিং য়ুনিৎ অহুম য়াওরি। সোলর পার্ক অসি রেৱা অলত্রা মেগা সোলর লিমিতেদ (আর.য়ু.এম.এস.এল.), মধ্য প্রদেশকী জোইন ভেঞ্চর কম্পেনী উর্জা বিকাস নিগম লিমিতেদ (এম.পি.য়ু.ভি.এন.), অমসুং সেন্ত্রেল পব্লিক সেক্তর অন্দর্তেকিং অমা ওইরিবা সোলর ইনর্জী কোর্পোরেসন ওব ইন্দিয়া (এস.ই.সি.আই.)না শেমগৎপনি। আর.য়ু.এম.এস.এল.দা পার্ক অসি শাগৎনবা কেন্দ্রদগী শেন্থং ওইনা লুপা কোতি ১৩৮ থাদখি। পার্ক অসি শেমগৎখ্রবা মতুংদা, মহিন্দ্র রিন্যুএবলস প্রাইবেৎ লিমিতেদ, এ.সি.এম.ই. জয়পুর সোলর পাৱর প্রাইবেৎ লিমিতেদ, অমসুং অরিনসন ক্লিন ইনর্জী প্রাইবেৎ লিমিতেদপু আর.য়ু.এম.এস.এল.না সোলর পার্ক অসিগী মনুংদা মেগাৱাৎ ২৫০গী সোলর জেনরেতিং য়ুনিৎ অহুম লিংখৎনবা রিভর্স ওক্সনগী মখাদা খনখি। কেন্দ্র অমসুং রাজ্য সরকার অনীগী পাঙ্গল পুনশিনলবদি মতিক চাবা ফল ফংবা ঙমই হায়বদু রেৱা সোলর প্রোজেক্ত অসিনা উৎলে।

রেৱা সোলর প্রোজেক্ত অসি গ্রিদ পেরিতীগী খুদোংচাদবা থুগাইবা ঙম্বা লৈবাক অসিগী অহানবা সোলর প্রোজেক্ত ওইখি। ২০১৭দা লৈখিবা সোলর প্রোজেক্তকী চাউরাক্না য়ুনিৎ অমদা লুপা ৪.৫০/- ওইবা তারিফকা চাংদম্নবা মতমদা, রেৱা প্রোজেক্ত অসিনা পুৱারীদা লৈহৌরগদবা ফল ফংবা ঙমখিঃ অহানবা চহীদা চহী ১৫ মুক্কী তারিফ য়ুনিৎ অমদা লুপা ০.০৫ হেনগৎপগা লোইননা য়ুনিৎ অমদা লুপা ২.৯৭গী তারিফ ফংখি অমসুং চহী ২৫গী ওইনা য়ুনিৎ অমদা লুপা ৩.৩০গী তেমথোক্লবা রেৎ ফংখি। মসিগী প্রোজেক্ত অসিনা চহী অমদা চাউরাক্না তন লাখ ১৫ রোমগী কার্বোন দাইওক্সাইদ থাদোকপা হন্থহল্লগনি।

রেৱা প্রোজেক্ত অসি ভারত্তা অমসুং মপান্দা মসিগী মপাঙ্গল লৈরবা স্ত্রকচরিং অমসুং ইনোবেসনগীদমক মমিং খঙনরিবনি। পাৱর পুথোক্লিবশিংদা শেল থিবদা খুদোংথিবা থোকপা হন্থহনবসি অতোপ্পা রাজ্যশিংদা শিজিন্নবা য়াবা মোদেল অমনি হায়না এম.এন.আর.ই.না হায়খ্রবনি। ইনোবেসন অমসুং এক্সিলেন্সকীদমক ৱার্ল্দ বেঙ্ক গ্রুপ প্রেসিদেন্তগী মনাসু ফংখ্রে অমসুং প্রধান মন্ত্রীগী "এ বুক ওব ইন্নোবেসনঃ ন্যু বিগিনিংস"তসু য়াওখ্রে। প্রোজেক্ত অসি রাজ্যগী মপান্দা লৈবা ইন্সতিত্যুসনেল কস্তমর হায়বদি দিল্লী মেত্রোদা পীদুনা ইনর্জীগী ২৪ ফংগদবা অমসুং লেমহৌরিবা চাদা ৭৬না মধ্য প্রদেশকী রাজ্যগী দিস্কোমদা পীবা অদুগুম্বা অহানবা রিন্যুএবল ইনর্জী প্রোজেক্ত ওইরে।

ভারতনা ২০২২ ফাওবদা রিন্যুএবল ইনর্জীগী কেপাসিতী গিগাৱাৎ ১৭৫ ইন্সতোল তৌবগা লোইননা গিগাৱাৎ ১০০গী সোলর কেপাসিতীগী পান্দম থম্লিবসি প্রোজেক্ত অসিনা খুদম ওইনা উৎলে।

***