প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সরকারগী জেনরেল ইন্সুরেন্স কম্পেনী অহুম হায়বদি - ওরিয়েন্তেল ইন্সুরেন্স কম্পেনী লিমিতেদ, নেস্নেল ইন্সুরেন্স কম্পেনী লিমিতেদ অমসুং য়ুনাইতেদ ইন্দিয়া ইন্সুরেন্স কম্পেনী লিমিতেদকীদমক লুপা ক্রোর ১২,৪৫০গী কেপিতেল(শেনবা চহি ২০১৯-১০দা থাদখিবা লুপা ক্রোর ২,৫০০ য়াওনা) থাদবদা অয়াবা পীখ্রে অদুবু লুপা ক্রোর ৩,৪৭৫ খুদক্তা থাদোক্কনি অমসুং লেমহৌরিবা লুপা ক্রোর ৬৪৭৫না কোন্না পীগনি। নেসনেল ইন্সুরেন্স কম্পেনী লিমিতেদকী ওথোরাইজ সিয়র কেপিতেল লুপা ক্রোর ৭,৫০০দা হেনগৎপা অমসুং য়ুনাইতেদ ইন্দিয়া ইন্সুরেন্স কম্পেনী লিমিতেদ অমসুং ওরিয়েন্তেল ইন্সুরেন্স কম্পেনী লিমিতেদকীদমক লুপা ক্রোর ৫০০০/৫০০০গী কেপিতেল পীবদা মন্ত্রীমন্দলনা অয়াবা পীখ্রে। হৌজিক ওইরিবা ফিবম অসি য়েংলগা পুনশিনবগী থবক লেপ্লে অমসুং মদুগী মহুৎতা কম্পেনীশিং হেন্না শেন্দোং লৈনবা মিৎয়েং চঙলগনি।

চৎলিবা শেনবা চহি অসিগী অহানবা তাঙ্কক্তা লুপা ক্রোর ৩,৪৭৫ অসি সরকারগী জেনরেল ইন্সুরেন্স কম্পেনী অহুম হায়বদি - ওরিয়েন্তেল ইন্সুরেন্স কম্পেনী লিমিতেদ, নেসনেল ইন্সুরেন্স কম্পেনী লিমিতেদ অমসুং য়ুনাইতেদ ইন্দিয়া ইন্সুরেন্স কম্পেনী লিমিতেদতা য়েন্থোক্কনি অমসুং লেমহৌরিবা শেনফম অদুনা তাঙ্কক অমা নৎত্রগা কয়ারক থোক্না পীগনি। নেসনেল ইন্সুরেন্স কম্পেনী লিমিতেদকী ওথোরাইজ সিয়র কেপিতেল লুপা ক্রোর ৭,৫০০দা হেনগৎলগনি অমসুং য়ুনাইতেদ ইন্দিয়া ইন্সুরেন্স কম্পেনী লিমিতেদ অমসুং ওরিয়েন্তেল ইন্সুরেন্স কম্পেনী লিমিতেদকীদমক লুপা ক্রোর ৫০০০/৫০০০ পীগনি।

কানবা :

কেপিতেল পীশিনবা অসিনা সরকারগী জেনরেল ইন্সুরেন্স কম্পেনী অহুম অসিগী শেন-থুম অমসুং সোলভেন্সিগী ফিবম ফগৎহনগনি , ইকোনোমিগী দরকার ওইবা ইন্সুরেন্স ফংগনি, অহোংবশিং থেংনবা ঙমগনি অমসুং শেন-থুম ফগৎহনবা ঙমগনি অমসুং খুদোংথিবা মায়োক্নবা ঙম্বা হেনগৎহনগনি।

চংগদবা শেনফম :

চৎলিবা শেনবা চহি অসিদা সরকারগী জেনরেল ইন্সুরেন্স কম্পেনী অহুম হায়বদি - ওরিয়েন্তেল ইন্সুরেন্স কম্পেনী লিমিতেদ, নেসনেল ইন্সুরেন্স কম্পেনী লিমিতেদ অমসুং য়ুনাইতেদ ইন্দিয়া ইন্সুরেন্স কম্পেনী লিমিতেদতা কেপিতেল পীগদবা মরম্না খুদক্কী ওইনা অহানবা তাঙ্কক্কী লুপা ক্রোর ৩.৪৭৫ দরকার ওইগনি অমসুং মতুং তারকপদা লুপা ক্রোর ৬,৪৭৫ দরকার ওইগনি।

মাঙলোমদা চঙশিনবা :

পীখ্রিবা কেপিতেল অসি ফজনা শীজিন্নবা ঙম্নবা, ললোন-ইতিক ফজনা পাংথোক্নবা অমসুং শেন্দোং লৈনবা পান্দমদা কে.পি.আইশিংগী মওংদা সরকারনা চৎন-পথাপশিং পীরে। চৈরক অসিদা, হৌজিক ওইরিবা ফিবম অসিনা মরম ওইদুনা, হৌজিক ফাওবগী ওইনা পুনশিনবগী থবক লেপ্লে অমসুং মসিগী মহুৎতা কেপিতেল পীখ্রবা মতুংদা মখোয়গী সোলভেন্সি অমসুং শেন্দোং তানবগী মতাংদা মিৎয়েং চঙগদবনি।

***