মালেমগী ওইনা মীওই মিলিয়ন খুদিংগী কোবিদ-১৯ নাবা মীশিং খ্বাইদগী নেম্বা লৈবাকশিংগী মনুংদা ভারতসু ওইরি হায়না জুলাই ৬, ২০২০গী দব্লিউ.ঐচ.ও.গী সিচুএসন রিপোর্তনা উৎলি‍। ভারতকী মীওই মিলিয়ন খুদিংদা নাবগী মীশিং ৫০৫.৩৭ ওইরি অদুগা মালেমগী চাংচৎনা ১৪৫৩.২৫ ওইরি‍।

চিলিদা মীওই মিলিয়ন খুদিংগী মীশিং ১৫,৪৫৯ নারি, অদুগা পেরু, য়ু.এস., ব্রাজিল অমদি স্পেনদনা মীওই মিলিয়ন খুদিংগী মীশিং মথংশিৎনা ৯০৭০.৯, ৮৫৬০.৫, ৭৪১৯.১ অমসুং ৫৩৫৮.৭ ওইরি‍।

দব্লিউ.ঐচ.ও. সিচুএসন রিপোর্ত অদুনা ভারততা মীওই মিলিয়ন খুদিংগী শিবা মীশিংগী চাংসু খ্বাইদগী নেম্বশিংগী মরক্তা লৈরি হায়বা উৎলি‍। ভারতকী মীওই মিলিয়ন খুদিংগী শিবা মীশিং ১৪.২৭ ওইরি অদুগা মালেমগী চাংচৎনা মসিগী শরুক মরি হেনগৎলগা ৬৮.২৯ ওইরি‍।

য়ু.কে.দা মীওই মিলিয়ন খুদিংগী মীশিং ৬৫১.৪ শিরি অদুগা স্পেন, ইতালী, ফ্রান্স অমসুং য়ু.এস.তনা মথংশিৎনা মীশিং ৬০৭.১, ৫৭৬.৬, ৪৫৬.৭, অমসুং ৩৯১.০ ওইরি‍।

ভারতনা কেসশিং অসিবু নীংথিনা য়েংশিন্নবা অমদি মায় পাক্না লাকশিন্নবা হোস্পিতালগী মচাক মথুম ফগৎহল্লে‍। শেম শারিবা অসিদা ওক্সিজেন সপ্পোর্ত, আই.সি.য়ু. অমসুং ভেন্তিলেতর ফেসিলিতীশিং য়াওরি‍। জুলাই ৭, ২০২০ ফাওবদা লায়ওং খজিক্তং লৈবদগী হৌরগা শাথিবা লায়ওং উৎলকপা ফাওবগী কোবিদ নারবা মীওইশিং য়েংশিন্ননবগীদমক্তা তোখায়বা কোবিদ হোস্পিতাল ১২০১, তোখায়বা কোবিদ হেল্থকেয়র সেন্তর ২৬১১ অমসুং কোবিদ কেয়র সেন্তর ৯৯০৯ লৈরে‍। থাক অসি য়ৌনা শেম শাবা অসিনা ফগৎলকপগী চাং লেপ্পা নাইদনা হেনগৎলকপা অমদি শিবগী চাং নেম্না থমবা ঙম্লি‍।

কোবিদ-১৯ কেসশিং ঙন্না খঙদোকহৌবা অমদি মতম চানা অফবা ক্লিনিকেল মেনেজমেন্ত পীবনা নুংতিগী ফবগী চাং হেনগৎলক্লি‍। হৌখিবু পুং ২৪ অসিদা কোবিদ-১৯ নারমবা মীওই পুন্না ১৫,৫১৫ নাবা ফদুনা ঙসিফাওবদা ফখ্রবা মশিং ৪,৩৯,৯৪৭ শুরে‍।

নেসনেল অমদি স্তেতশিংগী লৈঙাকশিংগী মরক্তা খুৎশম্নদুনা কোবিদ-১৯ থিংননবা, লাকশিন্ননবা অমদি য়েংশিন্নবা লৌখৎখিবা থৌরাংনা লেপ্পা নাইদনা ফখ্রবা অমদি হৌজিক লৈরিবা কেসশিংগী মরক্তা লৈরিবা খেন্নবা হেনগৎহন্দুনা পুক্নীং থৌগৎনিংঙাই ওইবা মহৈ ফংলি‍। ঙসি ফাওবদা হৌজিক নারিবা মশিংদগী ফখ্রবা মশিংনা ১,৮০,৩৯০ হেল্লে‍। কোবিদ-১৯ নাবশিংগী রিকভরী রেত ঙসি চাদা ৬১.১৩দা লৈরে‍।

হৌজিক হৌজিক নারিবা মীওই ২,৫৯,৫৫৭ মেদিইকেলগগী মীৎয়েং মখাদা লৈরি‍।

“তেস্ত, ত্রেস, ত্রীত” হায়বসিদা অহেনবা মীৎয়েং চঙবগা লোয়ননা তোঙান তোঙানবা থৌরাং লৌখৎপনা মরম ওইরগা স্তেত/য়ু.তি.শিংদা পাক্তক্ননা তেস্ত তৌবগী খুদোংচাবা ফংহল্লে‍। মসিনা মরম ওইরগা নোংমদা তেস্ত লাখ ২গী মথক্তা তৌবা ঙম্লে‍। হৌখিবা পুং ২৪ অসিদা সেম্পল ২,৪১,৪৩০ তেস্ত তৌখি‍। অসুম্না হেনগৎলকপসিনা হৌজিকফাওবদা লৈবাক পুম্বগী ওইনা তেস্ত তৌখরবা সেম্পল মশিং অসি ১,০২,১১,০৯২ ওইরি‍।

তেস্তিং লেবকী নেতৱর্ক অসি স্তেত/য়ু.তি.শিংদা অহেনবা লেবশিং হাপচিনবগা লোয়ননা অসুম অসুম চাউথোরক্লি‍। লৈঙাক্কী সেক্তরদা লেব ৭৯৩ অমদি লনাই লেব ৩২২ লৈদুনা লৈবাকসিগী ওইনা পুন্না লেব ১১১৫ লৈর ‍।

মখোয়শিং অদুদি:

• রিএল-তাইম আর.তি. পি.সি.আর.দা য়ুম্ফম ওইবা তেস্তিং লেব: ৫৯৮ (লৈঙাক্কী: ৩৭২ + লনাইগী: ২২৬)
• ত্রুনেততা য়ুম্ফম ওইবা তেস্তিং লেব: ৪২৩ (লৈঙাক্কী: ৩৮৮ + লনাইগী: ৩৫)
• সি.বি.এন.এ.এ.তি.দা য়ুম্ফম ওইবা তেস্তিং লেব: ৯৪ (লৈঙাক্কী: ৩৩ + লনাইগী: ৬১)

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

****