PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
06 JUL 2020 6:18PM by PIB Imphal
![](https://static.pib.gov.in/WriteReadData/userfiles/image/image002NZFB.png)
![](https://static.pib.gov.in/WriteReadData/userfiles/image/image001L7XC.jpg)
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- অপুনবা কোবিদ-১৯ লেব মশীং ১১০০ লানখ্রে
- কোবিদ তেস্তকী অপুনবা মশীং মিল্লিয়ন ১০ (কোতি ১) য়ৌরে।
- কোবিদ-১৯না নাবদগী ফগৎলকপগী চাং অসি ঙসিফাওবদা ৪,২৪,৪৩২ য়ৌরে। হৌখিবা পুং ২৪ অসিদা কোবিদ-১৯ অনাবা পুল্লপ্না ১৫,৩৫০ নাবা ফখ্রে।
- কোবিদ-১৯ এক্তিব কেসতগী নাবা ফরবা মশীংনা ১,৭১,১৪৫ হেল্লি। মসিনা লৈবাক অসিগী নাবা ফবগী চাংদা ৬০.৮৬% য়ৌহনখ্রে।
- চেকশিন্না লাইয়েংদুনা হৌজিক অপুনবা এক্তিব কেস ২,৫৩,২৮৭ লৈরি।
- লৈবাক অসিগী কোবিদ পোজিতিব ওইবগী চাং অসি চাদা ৬.৭৩নি, রাজ্য কয়াদা পোজিতিব ওইবগী চাং নেমথরকপগী পাউ লাক্লি
- ৱর্ল্দ বেঙ্ক অমসুং ভারত সরকারনা মাইক্রো, স্মোল অমসুং মীদিয়ম ইন্তর্প্রাইসশিংগী ইমর্জেন্সী রেস্পোন্স প্রোগ্রামগীদমক্তা মিলিয়ন $৭৫০গী য়ানচে অমগী খুৎয়েক পীনখ্রে
![](https://static.pib.gov.in/WriteReadData/userfiles/image/image005RCP6.jpg)
![](https://static.pib.gov.in/WriteReadData/userfiles/image/WhatsAppImage2020-07-06at7.18.07PMRJ4Q.jpeg)
হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ অপুনবা কোবিদ-১৯ লেব মশীং ১১০০ লানখ্রে; রিকোবর্দ কেসনা লাখ ৪.২৪ লানখ্রে, এক্তিব কেসতগী লাখ ১.৭ হেনখ্রে; লৈবাক অসিগী ওইবা রিকোবরী রেৎনা ৬০.৮৬% য়ৌরে।
কোবিদ তেস্তকী অপুনবা মশীং মিল্লিয়ন ১০ (কোতি ১) য়ৌরে। মসিনা তাক্লে মদুদি কেন্দ্র সরকার অমসুং রাজ্য/য়ূ.তি. অনী পুন্না চৎমিন্নদুনা "তেস্ত, ত্রেস, ত্রীত" হায়না পাক শন্না তেস্ত তৌবগী মরু ওইবদু উৎলে। হৌখবা পুং ২৪ অসিদা সেম্পল ৩,৪৬,৪৫৯ তেস্ত তৌখ্রে। হৌজিক্কী ওইনা অপুনবা তেস্ত তৌখ্রবা সেম্পল মশীং অসি ১,০১,৩৫,৫২৫নি। হৌজিক ফাওবগী ওইনা, লেব ১১০৫না মীয়ামদা তেস্ত তৌবগী খুদোংচাবা পীরি।
চাং নাইনা অমসুং ফোকস তৌদুনা কোবিদ-১৯ লাকশিন্নবগীদমক ভারত সরকার অমসুং রাজ্য সরকারনা লৌখৎলকপা থৌরাংগী মখা পোন্না কোবিদ-১৯না নাবদগী ফগৎলকপগী চাং অসি ঙসিফাওবদা ৪,২৪,৪৩২ য়ৌরে। হৌখিবা পুং ২৪ অসিদা কোবিদ-১৯ অনাবা পুল্লপ্না ১৫,৩৫০ নাবা ফখ্রে। কোবিদ-১৯ এক্তিব কেসতগী নাবা ফরবা মশীংনা ১,৭১,১৪৫ হেল্লি। মসিনা লৈবাক অসিগী নাবা ফবগী চাংদা ৬০.৮৬% য়ৌহনখ্রে। চেকশিন্না লাইয়েংদুনা হৌজিক অপুনবা এক্তিব কেস ২,৫৩,২৮৭ লৈরি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1636823
লৈবাক অসিগী কোবিদ পোজিতিব ওইবগী চাং অসি চাদা ৬.৭৩নি, রাজ্য কয়াদা পোজিতিব ওইবগী চাং নেমথরকপগী পাউ লাক্লি; কেন্দ্র সরকারনা হোৎনবদগী দিল্লীদা তেস্ত তৌবগী চাং মশক থোক্না ৱাংখৎলক্লি, পোজিতিব ওইবগী চাংসু হন্থরে
অপুনবা ওইনা হোৎনরিবা অসিগী শরুক অমা ওইনা, কেন্দ্র সরকারনা তেস্ত তৌবগী হেনগৎহনবা, শোক্ন-শম্নরুবশিং থিদোকপা অমসুং কেসশিং মতম চানা ক্লিনিকেল ওইনা য়েংশিলহৌনবা থৌরাং কয়া পায়খৎলি। মসিনা রাজ্য অসিদা তেস্ত তৌবগী চাংশু ৱাংখৎনবা হোৎনবদা মতেং কয়া পাংলি।মসিনা মরম ওইদুনা লৈবাক অসিদা পোজিতিব ওইরকপগী চাংসু হন্থরক্লে। হৌজিক্কী ওইনা লৈবাক অসিগী পোজিতিব ওইবগী চাং অসি চাদা ৬.৭৩দা লৈরে। দিল্লীদা, য়ু.তি. সরকার অসিনা হোৎনরিবা থৌরাং কয়াদা কেন্দ্র সরকারনা তেস্ত তৌবগী চাং ৱাংখৎনবগীদমক মতেং পাংখ্রে। মিনিৎ ৩০গী মনুংদা রিজল পীবা ঙম্বা অনৌবা রেপিদ এন্তিজেন পোইন্ত-ওব-কেয়র (পি.ও.সি.)গা লোইননা আর.তি.-পি.সি.আর. তেস্তিং হেনগৎহন্দুনা তেস্ত তৌবগী চাং ৱাংখৎহনখ্রে। হান্নদগী হোৎনদুনা লাক্লিবশিংবু হেন্না মপাঙ্গল হেনগৎনবগীদমক কেন্দ্র সরকারনা কন্না হোৎনদুনা নোংমদা তেস্ত তৌরম্বা সেম্পল মশীং অসি ৫৪৮১ (জুন১-৫, ২০২০) ওইরম্বদগী হৌজিক্তি কা হেন্না হেনগৎলদুনা জুলাই ১দগী ৫, ২০২০গী মনুংদা নোংমদা ১৮,৭৬৬ ওইরে। দিল্লীদা কা হেন্না তেস্ত তৌবগী চাং হেনগৎলিবসু, হৌজিক্তি পোজিতিব ওইবগী চাংসু হৌখিবা চয়োল অহুম্লোম অসিদা ৩০% ওইরম্বদগী ১০%দা হন্থরে।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1636768
কালেন লৌরোক মনুংদা লৈবাক শীনবা থুংনা হার ফংদবা লৈতে : শ্রী গৌরা
কেমিকেলস অমসুং ফর্তিলাইজরগী য়ুনিয়ন মিনিস্তর দি.ভি সাদানন্দা গৌরানা হায়খি হৌজিক কালেন লৌরোক মনুংদা লৈবাক শীনবা থুংনা হার ফংদবা লৈতে। রাজ্য সরকারশিংগা ৱা তান্নদুনা দরকার ওইবা চাংশিং মমাংদা পীখ্রে। হান্ননা পারম্বা নোংচুদগী ফিবম হেন্না ফগৎলকপদগী লৈবাক শীনবা থুংনা মে অমসুং জুন থাদা চৎলিবা কালেন লৌরোক অসিদা দি.বি.তিগী খুৎথাংদা হার য়োনবা ফজনা হেনগৎলকপা উরে।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1636792
ৱর্ল্দ বেঙ্ক অমসুং ভারত সরকারনা মাইক্রো, স্মোল অমসুং মীদিয়ম ইন্তর্প্রাইসশিংগী ইমর্জেন্সী রেস্পোন্স প্রোগ্রামগীদমক্তা মিলিয়ন $৭৫০গী য়ানচে অমগী খুৎয়েক পীনখ্রে
ঙসি ৱর্ল্দ বেঙ্ক অমসুং ভারত সরকারনা কোবিদ-১৯গী ইরাংসিনা শাথিনা শোকহল্লবা মাইক্রো, স্মোল অমসুং মীদিয়ম ইন্তর্প্রাইসশিং (এম.এস.এম.ই.)দা লেপ্তনা শেল থাদবদা ঙম্নবগীদমক্তা এম.এস.এম.ই. ইমর্জেন্সী রেস্পোন্স প্রোগ্রামগীদমক্তা মিলিয়ন $৭৫০গী য়ানচে অমগী খুৎয়েক পীনখ্রে। ৱর্ল্দ বেঙ্ককী এম.এস.এম.ই. ইমর্জেন্সী রেস্পোন্স প্রোগ্রাম অসিনা মতিক চাবা এম.এম.এস.ই. খরগী শেনফম মিলিয়ন ১.৫গী খুদক্কী ওইবা লিক্বিদিতী অমসুং ক্রেদিৎকী তঙাইফদবশিং পীগনি অমসুং হৌজিক লৈরিবা ইরাং অসিবু থেংনবা ঙমহন্দুনা থবক লাখ কয়া কয়াবু তেক্ত কায়দনা থম্বদা তেংবাংগনি। মসিনা মতমগী মতুং ইন্না এম.এস.এম.ই.গী সেক্তরবু চাউখৎহন্নবা পায়খৎকদবা পাক চাউরবা খোংথাং কয়াগী মনুংদা অহানবা খোংথাং অমনি।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1636790
এন.এ.তি.এম.ও.না মখোয়গী কোবিদ-১৯ দাশবোর্দকী অপদেৎ তৌরবা ৪শুবা ভর্জন ফোঙখ্রে
ভারত সরকারগী সাইন্স অমসুং তেক্নোলোজী মন্ত্রালয়গী সাইন্স অমসুং তেক্নোলোজী বিভাগকী মখাদা সবোর্দিনেৎ বিভাগ অমা ওইনা মথৌ তৌরিবা নেসনল এত্লাস এন্দ থেমেতিক মেপ্পিং ওর্গনাইজেসন (এন.এ.তি.এম.ও.)না মখোয়গী ওফিসিএল পোর্তেল http://geoportal.natmo.gov.in/Covid19/ দা জুন ১৯, ২০২০দা কোবিদ-১৯ দেশবোর্দকী ৪শুবা অপদেৎ তৌরবা ভর্জন ফোঙখ্রে।
অকুপ্পা ৱারোলগীদমক, https://pib.gov.in/PressReleseDetail.aspx?PRID=1636782
পি.আই.বি. ফিল্দ ওফিসশিংদগী ফংবা পাউ
- কেরলাঃ রাজ্য অসিগী কোনুং ওইরিবা শহর অসিদা ত্রিপল লোকদাউন্না চেৎনা ফাজিন্দুনা সিতী কোরপোরেসনগী লিমিৎসু পুলিস্না রাজ্য অসিগী কোনুং ওইরিবা শহর অসিদা তারকপা য়াবা ঙমখৈ খুদিংমক অমসুং ৱার্দ ১০০ রোমদা লৈবা লম্বী মচা-মচাশিং চেৎনা মরোল নাইনা ঙাক-শেন্দুনা থমখ্রে। দিস্ত্রিক্ত কল্লেক্তরনা বজেৎ তরাগী আউৎলেৎসু চানবা পেকেৎশিং য়োমদুনা পীনবা অথুবদা শেমগৎলগনি হায়খ্রে। হায়রিবসি য়ুম-য়ুমদা থিলহনবসু য়াগনি হায়রি। মন্ত্রী ভি.এস.সুনিল কুমারনা হায়রি, মদুদি অর্নাকুলম জিল্লাদদি হৌজিক ফাওবগী ওইনা ত্রিপল লোকদাউন চৎনখিরোই হায়রি। জিল্লা অসিদা অনৌবা কেন্তেন্মেন্ত জোন তরুক অমগা লাউথোকখ্রে। ঙরাং কেরলাদা অনৌবা মীওই ২২৫ পোজিতিব ওইরে। মীওই ২,২২৮ লাইনা অসিদগী লাইয়েংদুনা লৈরিবগা লোইননা অনাবা মীওই লাখ ১,৭৭,৯৯৫ রাজ্য অসিদা তোঙান-তোঙানবা জিল্লাশিংদা চেকশিন্না য়েংশিন্দুনা থম্লি।
- তমিল নাদুঃ পুদুচেরীগী কোরোনাভাইরস কেস ১,০০০ য়ৌখ্রে; মুখ্য মন্ত্রীনা প্রাইবেৎ হোস্পিতালশিংগা ৱারী শান্নখ্রে; অনৌবা কেস ৬২ লাকখ্রে তমিল নাদুদা লৈখিদবা মীওই ২৩৬ রাজ্য অসিগী লৈখিদবশিংগী মরক্তা য়াওরমদবা থিজিন্নবা শেমখিবা কম্মিতীনা হকশেলগী বিভাগতা মখোয়গী অকুপ্পা রিপোর্ত থাগৎখ্রে। জুলাই ৪দা সিবিক বোদীনা তেস্ত ১১,১১৪ তৌখিবগা লোইননা চেন্নইগী পোজিতিব ওইবগী চাং অসি চাদা ১৬.৫২দা হন্থরে মমাংদা চাদা ২০ লৈরম্বনি। ঙরাং অনৌবা কেস ৪১৫০, রিকোবরী ২১৮৬ অমসুং ৬০ লৈখিদ্রে। হৌজিক ফাওবদা লৈরিবা অপুনবা এক্তিব কেস মশীং অসি ১,১১,১৫১, এক্তিব কেসঃ ৪৬,৮৬০ লৈখিদ্রবাঃ ১৫১০, চেনইদা লৈবা এক্তিব কেস মশীং ২৪৮৯০
- করনাতাকাঃ রাজ্য অসিগী প্রাইবেৎ হোস্পিতালনা কোবিদ-১৯ অনাবশিংগী হোম আইসোলেসনগী পেকেজ পীখ্রে, নুমিৎ ৭নিগী পেকেজতা লুপা ২,৪৫০নি। মেদিকেল এজুকেসন মন্ত্রী দা. কে. সুধাকরনা কোবিদ-১৯ অনাবা লাইয়েংউ য়াদবা প্রাইবেৎ হোস্পিতালশিংগী মথক্তা ক্রিমিনেল কেস পান্নবা অকনবা চেকশিন ৱা থম্লক্লি। প্রাইবেৎ হোস্পিতালশিংদা লাইয়েংলিবা অনাবশিংদা সরকারনা সুবর্না আরোগ্যা সুরকশা ত্রস্তকী মখাদা ইন্সুরেন্স পীগনি হায়না হায়খ্রে। ঙরাং কোবিদ পোজিতিব কেস ১,৯২৫গী মনুংদগী চাদা ৬৯.৮দি ত্রাবেল হিস্তরী নত্ত্রগা কন্তেক্ত লৈতে হায়রি। ঙরাং ফাওবদা লৈখিবা অপুনবা পোজিতিব কেসঃ ২৩,৪৭৪, এক্তিব কেসঃ ১৩,২৫১, লৈখিদ্রবাঃ ৩৭২
- অন্ধ্র প্রদেশঃ তেস্ত তৌরবা মতুংদা রিজল লাউথোক্লকপগী মরক্তা কান্নরিবসি য়েংলদুনা স্পিসিএল চীফ সেক্রেতরী (হেলথ) কে.এস. জৱাহর রেদ্দীনা দিস্ত্রিক্ত এদমিনিস্ত্রেসন্দা তেস্ত তৌনবা লৌখৎখিবা সেম্পলশিংবু কলর কোদ তৌদুনা হান্না তেস্ত তৌগদবা অমসুং তেস্ত মখলশিং খঙদোক্নবা হায়খ্রে। রাজ্য অসিনা মহৈলোইশঙশিং জুলাই ১৩দগী হাংদোক্নবা ৱারেপ লৌখ্রে। প্রাইমরীগী ওইনা চয়োল অমদা অমুক্লক অমসুং অপ্পর প্রাইমরী অমসুং হাইয়র স্কুলশিংগী ওইনা চয়োল অমদা অনীরক ক্লাস লৌনবা খঙহনখ্রে। সেম্পল ১৬,৭১২ তেস্ত তৌরবা মতুংদা হৌখিবা পুং ২৪ অসিদা অনৌবা কেস ১৩২২, দিসচার্জ ৪২৪ অমসুং তরেৎ লৈখিদ্রে। অপুনবা কেসঃ ২০,০১৯, এক্তিব কেসঃ ১০,৮৬০, দিসচার্জঃ ৮৯২০, লৈখিদ্রবাঃ ২৩৯
- তেলঙ্গানাঃ কোলোনী অমসুং স্লমশিংদা হেন্না ফবা মওংদা লাইয়েংনবা অমসুং বস্তি দাৱাখানাশিংগী থবকশিং অনৌবা মফম হেন্না কোনশিন্ননবগীদমক গ্রেতর হায়দেরবাদ ম্যুনিসিপাল কাউন্সিল কোরপোরেসন্না শহর অসিদা অসিগুম্বা ক্লিনিক ৩৩ অমগা হাংদোক্লগনি। ঙরাং ফাওবদা লৈখিবা অপুনবা কেসঃ ২৩৯০২, এক্তিব কেসঃ ১০৯০৪, লৈখিদ্রবাঃ ২৯৫ অমসুং দিসচার্জঃ ১২৭০৩
- মহারাস্ত্রাঃ মহারাস্ত্রদা কোবিদ-১৯ কেস অপুনবা মশীং ২,০৬,৬১৯ য়ৌখ্রে। হৌখিবা পুং ২৪ অসিদা রাজ্য অসিদা অনৌবা কেস ৬,৫৫৫ লাকখ্রে। অনাবা লাখ ১.১১ নাবা ফখ্রে অমসুং রাজ্য অসিগী হোস্পিতালশিংদগী দিসচার্জ তৌখ্রে, অপুনবা এক্তিব কেস মশীংনা ৮৬,০৪০ ওইরি। রাজ্য অসিদা ভাইরস অসিনা মরম ওইদুনা মীওই ১৫১ লৈখিদ্রে, মসিগা লোইননা অপুনবা লৈখিদ্রবা মশীং ৮,৮২২ শুখ্রে। বি.এম.সি.না আই.সি.এম.আর.না অয়াবা পীরবা রেপিদ এন্তিজেন তেস্ত কিৎ লাখ অমা হেন্না লৈশিন্দুনা শহর অসিদা য়ুনিবর্সেল তেস্তিং তৌনবা শেম শাখ্রে। হায়রিবা তেস্ত অসি কোবিদ-১৯গী লাইওং লৈবা চিংনবশিংদা অমসুং শোক্ন-শম্নরুবগী চিংনবা লৈবশিংদা পাঙথোক্নবা অয়াবা পীরি।
- গুজরাৎঃ গুজরাত্তা পুং ২৪গী মনুংদা কেস ৭২৫ লাক্তুনা অপুনবা কেস ৩৬,১২৩ য়ৌরে। মসিগী মনুংদগী অয়াম্বা ২১৮না সুরত্তগী লাকখি। মরকসিদা অহেমদবাদতগী অনৌবা কেস ১৬২ লাকখ্রে। হৌখিবা পুং ২৪ অসিদা রাজ্য অসিগী তোঙান-তোঙানবা হোস্পিতালশিংদগী অনাবা ৪৮৬ দিসচার্জ তৌখ্রে। মসিগা লোইননা নাবা ফরবা মশীং ২৫,৯০০ য়ৌখ্রে। রাজ্য অসিদা কোবিদ-১৯ এক্তিব কেস ৮২৭৮ লৈরি।
- রাজস্থানঃ মীওই ৬৩২ কোবিদ-১৯ পোজিতিব ওইরকপগা লোইননা অপুনবা কেস মশীং ২০,১৬৪ য়ৌখ্রে। অয়াম্বা কেসতি প্রতাপগর জিল্লাদগী ৬৫ লাকখি, মসিগী মতুংদা জোধপুর অমসুং বিকানেরদগী কেস ৫৭-৫৭ লাকখ্রে। রাজস্থান্দা খ্বাইদগী ৱাংবা রিকোবরী রেৎ ওইনা ৭৯% য়ৌরে।
- মধ্য প্রদেশঃ নোংমাইজিং নুমিত্তা মীওই ১০ লোখিদবগা লোইননা অনৌবা কেস ৩২৬ লাক্তুনা অপুনবা কেস মশীং ১৪,৯৩০ য়ৌখ্রে। রাজ্য অসিদা হৌজিক ফাওবদা এক্তিব কেস মশীং ২,৯১১ য়ৌখ্রে, ১১,৪১১ রিকোবর তৌখ্রে, অমসুং ৬০৮না লৈখিদ্রে। নোংমাইজিং নুমিৎকী কেস ৩২৬ অসিগী মনুংদগী গ্বালিয়রদগী ৬৪, বোপালদগী ৬১ অমসুং মোরেনাদগী ৩৬ লাকখি। মাধ্য প্রদেশনা ভারতকী রাজ্যশিংগী মরক্তা খ্বাইদগী রিকোবরী রেৎ ৱাংবা রাজ্য অনীশুবা ওইরে।
- ছতিশগরঃ ছতিশগরদা অনৌবা পোজিতিব কেস ৪৬ লাকপগা লোইননা মসিনা অপুনবা কোবিদ-১৯ কেস মশীং ৩২০৭ শুখ্রে। রাজ্য অসিদা এক্তিব কেস মশীং ৬১৫ লৈরি।
- গোৱাঃ অনৌবা কেস ৭৭৮ কোবিদ-১৯না নারে হায়বা নোংমাইজিং নুমিত্তা খঙবা ঙমখ্রে। মসিগা লোইননা রাজ্য অসিদা লৈরিবা অপুনবা অনাবসি ১৭৬১ য়ৌরে। কোবিদতগী নাবা ফরবা মীওই ৯৩৬ ওইদুনা রাজ্য অসিদা এক্তিব কেস ৮১৮ লৈরি।
- অরুনাচল প্রদেশঃ অরুনাচল প্রদেশকী ইতানগর এদমিনিস্ত্রেসন্না মীয়ামদা ঙসিগী নুমিদাং ৱাইরম পুং ৫দগী হৌগদৌরিবা লোকদাউন অসিদা শরুক য়াবীদুনা চৎন-কাংলোনশিং ইনবীনবা হায়রক্লি। অরনাচল প্রদেশ হকশেল বিভাগনা হায়রি, অতোপ্পা রাজ্যশিংদগী লাকপা খুদিংমক কোবিদ-১৯ তেস্ত তৌখ্রে। অপুনবা সেম্পল ২৬,৮০৮ তৌখ্রে অমসুং পি.সি.আর. তেস্ত ১২,৯২৫ তেস্ত তৌখ্রে।
- অসমঃ কোবিদ-১৯ মাস তেস্তিং তৌবা ওইনা, রাজ্য অসিগী হকশেল বিভাগনা গৌহাতী ম্যুনিসিপালিতীগী পন্দু এরিয়াগী ৱার্দ নম্বর২দা জুলাই ৭তগী য়ুম্থোং খুদিংগী তেস্ত তৌনবা থবক লৌখৎখ্রে।
- মেঘালয়ঃ অসমদগী লাকপা মীওই অমগা তুরাদা কোবিদ-১৯ পোজিতিব ওইরে। অপুনবা এক্তিব কেস ২৯ অমসুং রিকোবর্দ ৪৩।
- মনিপুরঃ নেসনেল হেলথ মিসন, মনিপুরনা কোবিদ-১৯গা মরী লৈনবা ৱাখলগী ওইবা মতেং নিনিংবশিংনা তেলিফোনগী খুথাংদা হংনবগীদমক সাইকোলোজিস্তশিংগী কাংবু অমা মখাগী ফোন নম্বরশিং অসিদা পাউ ফাওননবা হাংদোকখ্রেঃ 8787457035, 9402751364.
- মিজোরমঃ মিজোরমদা মী ৫ কোবিদ-১৯ পোজিতিব ওইরে। অপুনবা কেস ১৯১ শুখিবগা লোইননা এক্তিব ৫৮ অমসুং রিকোবর্দ ১৩৩
- নাগালেন্দঃ মীওই ৩২ অমগা কোবিদ-১৯ পোজিতিব ওইদুনা অপুনবা পোজিতিব কেস মশীং ৬২২ য়ৌরে অমসুং এক্তিব কেস্না ৩৯১নি।
![](https://static.pib.gov.in/WriteReadData/userfiles/image/image007PLWZ.jpg)
******
(Release ID: 1636894)
Visitor Counter : 200
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam