દેશમાં કોવિડ-19 મહામારીના અસરકારક રીતે વ્યવસ્થાપન માટે કેન્દ્ર સરકાર અને રાજ્યો/ કેન્દ્ર શાસિત પ્રદેશોની સરકારો દ્વારા સંયુક્ત રીતે સંકલિત પ્રયાસો હાથ ધરવામાં આવ્યા છે.

સંકલિત પ્રયાસોના ભાગરૂપે, કેન્દ્ર સરકારે પરીક્ષણની સંખ્યામાં વધારો કરવા પર, તાત્કાલિક સંપર્ક ટ્રેસિંગ કરવા પર અને પોઝિટીવ નોંધાયેલા કેસોના સમયસર તબીબી વ્યવસ્થાપન પર વિશેષ ભાર મૂક્યો હતો. આના કારણે રાજ્યોમાં નોંધપાત્ર પ્રમાણમાં કોવિડના પરીક્ષણની ક્ષમતામાં વધારો કરવામાં મદદ મળી છે.

આ પ્રયાસોના પરિણામે દેશમાં કોવિડના કેસોની પોઝિટીવિટીમાં ઘટાડો થયો છે. હાલમાં દેશનો સરેરાશ પોઝિટીવિટી દર 6.73% છે.

5 જુલાઇ 2020ની સ્થિતિ અનુસાર રાષ્ટ્રીય સરેરાશ પોઝિટીવિટી દરની સરખામણીએ ઓછો પોઝિટીવિટી દર ધરાવતા અને રાષ્ટ્રીય સરેરાશની સરખામણીએ પ્રત્યેક એક મિલિયન વ્યક્તિએ વધુ પરીક્ષણો ધરાવતા ટોચના પાંચ રાજ્યો:

દિલ્હીમાં, કેન્દ્ર શાસિત પ્રદેશ દ્વારા હાથ ધરવામાં આવેલા પ્રયાસોમાં કેન્દ્ર સરકારની મદદથી નોંધપાત્ર વેગ મળ્યો છે અને પરીક્ષણોની સંખ્યામાં વધારો થઇ શક્યો છે. RT-PCR પરીક્ષણો અને માત્ર 30 મિનિટમાં થઇ શકે તેવા નવા રેપિડ એન્ટિજેન પોઇન્ટ-ઓફ-કેર (POC) પરીક્ષણોના કારણે અહીં પરીક્ષણોની સંખ્યામાં નોંધપાત્ર વધારો થઇ શક્યો છે.

ભારત સરકાર દ્વારા હાથ ધરવામાં આવેલા કેન્દ્રિત અને સઘન પ્રયાસોના પરિણામે, દરરોજ પરીક્ષણની સંખ્યા માત્ર 5481 (1થી 5 જૂન 2020) હતી તે હાલમાં ખૂબ જ મોટી સંખ્યામાં વધીને 1 થી 5 જુલાઇ 2020 દરમિયાન દરરોજ સરેરાશ 18,766 થઇ ગઇ છે. દિલ્હીમાં નોંધપાત્ર સંખ્યામાં પરીક્ષણો વધારવામાં આવ્યા હોવા છતાં, પોઝિટીવિટી દરમાં નોંધપાત્ર ઘટાડો થયો છે અને છેલ્લા ત્રણ અઠવાડિયામાં આ દર 30%થી ઘટીને અંદાજે 10% સુધી પહોંચી ગયો છે.

GP/DS