(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• হৌখিবা পুং ২৪ অসিদা, কোবিদ-১৯ অনাবা মীওই ১৪,৮৫৬ নাবা ফখ্রে, মসিনা অপুনবা কোবিদ-১৯দগী নাবা ফরবা মশীং ৪,০৯,০৮২ য়ৌরে।
• কোবিদ-১৯ কেস মশীংদগী নাবা ফখ্রবা মশীংনা ১,৬৪,২৬৮ হেনখ্রে, ;লৈবাক অসিগী রিকোবরী রেৎ ৬০.৭৭% য়ৌরে।
• লৈবাক অসিদা লৈরিবা তেস্তিং নেৎৱার্ক ১১০০ শুখ্রে।
• হৌখিবা পুং ২৪ অসিদা সেম্পল ২,৪৮,৯৩৪ তেস্ত তৌখ্রে, অপুনবা তেস্ত তৌখ্রবা মশীং ৯৭৮৯০৬৬ য়ৌখ্রে,
• ঙাকশেল মন্ত্রী, য়ুম্লৈ-কৈরৈ মন্ত্রী অমসুং হকশেল মন্ত্রীনা দিল্লীগী সর্দার ভল্লাবভাই পতেল কোবিদ হোস্পিতালদা য়েংশিনখ্রে

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ ফগৎখিবা কেস লাখ ৪ হেনখ্রে; এক্তিব কেসশিংদগী ফগৎখিবা কেসশিংনা লাখ ১.৬৫ ময়া হেনখ্রে

কোবিদ-১৯ নারিবা মীওইশিংগী মরক্তা ফগৎলকপা কেসকী মশিং অসি ঙসি ৪,০৯,০৮২দা হেনগৎখ্রে। হৌখিবা পুং ২৪দা কোবিদ-১৯ নারিবা মীওইগী অপুনবা ১৪,৮৫৬ লায়েংদুনা ফগৎহনখ্রে। হৌজিক ফাওবদা কোবিদ-১৯গী এক্তিব কেসশিংদগী ফগৎখিবা মীওইনা ১,৬৪,২৬৮ হেন্না লৈরে। মসিনা লৈবাক অসিগী কোবিদ-১৯ নাবশিংগী মরক্তা ফগৎলকপগী চাং ৬০.৭৭% ওইহনখ্রে। এক্তিব কেস ২,৪৪,৮১৪ লৈরি অমদি মখোয় পুম্নমক মেদিকেলগী মীৎয়েং মখাদা লৈরি‍। লৈবাক্কী ফগৎপগী চাংগী চাংচৎতগী হেন্না হেনবা স্তেৎ/য়ু.তি. ২১ লৈ। লৈবাক অসিদা তেস্তিং লেবশিংগী লেপ্পা লৈতনা চাওথোরক্লি। লৈঙাক্কী লেব ৭৮৬ অমদি লন্নাইগী লেব ৩১৪গা লোয়ননা লৈবাক অসিদা লেব ১১০০ লৈবা ঙমখ্রে‍। নুমিৎ খুদিংগী তেস্ত তৌবা সেম্পল তপ্না-তপ্না হেনগৎলক্লি; হৌখিবা পুং ২৪গী মনুংদা সেম্পল ২,৪৮,৯৩৪ তেস্ত তৌখ্রে। ঙসি ফাওবদা তেস্ত তৌখিবা সেম্পলগী অপুনবা মশিং ৯৭,৮৯,০৬৬ শুখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636605

ঙাকশেল মন্ত্রী, য়ুম্লৈ-কৈরৈ মন্ত্রী অমসুং হকশেল মন্ত্রীনা দিল্লীগী সর্দার ভল্লাবভাই পতেল কোবিদ হোস্পিতালদা য়েংশিনখ্রে

কেন্দ্রগী গৃহ মন্ত্রী শ্রী অমিৎ শাহ অমসুং ঙাকশেল মন্ত্রী শ্রী রাজনাথ সিংহনা দিল্লী কন্তোনমেন্ততা লৈবা আই.সি.য়ু. ফমুং ২৫০গা লোয়ননা ফমুং ১০০০ লৈবা সর্দার বলব ভাই পতেল কোবিদ-১৯ হোস্পিতালদা চত্তুনা য়েংশিনখ্রে। অসিগুম্লবা কোবিদ-১৯বু মায়থিবা পীনিংবগী অমসুং য়ারিবমখৈ পুন্সি য়াম্না লায়েংবা অমসুং কন্নিংবগী ইথিল উৎলদুনা হোস্পিতাল অসি দি.আর.দি.ও., গৃহ মন্ত্রালয়, হকশেল অমসুং য়াইফ য়ুম্বাল মন্ত্রালয়, আর্মদ ফোর্স অমসুং তাতা সন্সনা নিংশিংনিংঙাই ওইবা শুপ্নগী নুমিৎ ১২দা শাবা লোইশিনখি। থৌরম অসিদা কেন্দ্রগী হকশেল মন্ত্রী দাঃ হর্শবর্ধন, কেন্দ্রগী হোমগী স্তেৎ মন্ত্রী শ্রী জি. কিশন রেদ্দী, দিল্লীগী মুখ্য মন্ত্রী শ্রী অর্বিন্দ কেজ্রিৱাল অমসুং দি.আর.দি.ও.গী চেয়রমেন শ্রী জি. সতীশ রেদ্দীশু শরুক য়াখি। অখন্নবা ময়াইদগী হৌনা এয়র কন্দিসন ওইবা স্ক্বার মিতর ২৫,-০০ পাকপা মফম অসিদাঙ্গাই.সি.য়ু. ফমুং ২৫০ থারি। আই.সি.য়ু. ফমুং অমমমদা মোনিতরিং ইক্বিপমেন্ত অমসুং ভেন্তিলেতরশিং য়াওরি। হোস্পিতাল অসি আর্ম ফোর্সেসকী দোক্তর, নর্স অমসুং সপোর্ত স্তাফশিংনা চলাইগনি অমসুং দি.আর.দি.ওনা য়েংশিনগনি। মসিগী মথক্তা, অনাবশিংগী হকশেল য়েংশিনবগা লোইননা হোস্পিতাল অসিদা দি.আর.দি.ও.না চলাইবা সাইকোলোজিকেল কাউন্সেল্লিং সেন্তরশিংসু লৈরি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636657

রাজস্থানগী আশাশিং: কোবিদ-১৯গী মায়োক্তা শাংলবা লান্থেং অসিদা মীয়ামগীদমক ওইজবা থাদোক্লগা লেপ্লি

কোবিদ-১৯গী থবক থৌরমশিংদা আশাশিংগী থবক্না এলঙদ্রবা য়ুম্বী অমগুম্না লৈবা হৌরকখিবসি জয়পুরদা অহানবা কেস চহীসিগী মার্চ থাদা থেংনখিবদগীনি‍। স্তেত অদুগী ওকজিলিয়রী নর্স মিদৱাইব্স (এ.এন.এম.)শিংগা খুৎশম্নরগা আশাশিংনা লৌখিবা থৌদাংনা য়ুমথোঙ করোর নিমানলোমদা লৈবা মীওই করোর ৩৯গী ময়া কোনশিন্দুনা এক্তিব সর্ভিলেন্স তৌবা অমদি ঈ-পাউ য়ৌহনবা ঙমহনখি‍। পুম্নমক অসিগী মরকসিদা লায়ওং উত্থোরকপশিং য়েংশিন-য়েংশিন্না আশাশিংনা মীরোনবী নুপী, পোকপদা ঙায়রিবা অঙাঙশিং অমদি অঙাঙ কয়াগীসু কেয়র পীখি‍। করিগুম্বদা এম্বুলেন্স ফংদবা মতমদা মখোয়না হেল্থ ফেসিলিতীশিংদা চত্থোক চৎশিন তৌনবা গারীগী থৌরাংসু তৌরম্মী।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636616

“লোকেল” ভারতপু “জি.লোকেল” ভারত ওইহন্নবা ভারত মচা খুদিংনা এ.তি.এম.-নির্ভর ভারত কেম্পেন থবক ওইনা পাংথোক্লসি হায়না উপ রাস্ত্রপতিনা হায়খ্রে

ভারতকী উপ রাস্ত্রপতি শ্রী এম. ভেঙ্কয়া নাইদুনা ঙসি অনৌবা থৌওং পাংথোক্নবা ইকোসীস্তেম অমসুং ওন্তোপ্রনর্শিপশিং মরাং কায়গদবা ফিভমগী মতাংদা হায়রদুনা “লোকেল” ভারতপু “জি.লোকেল” ভারত ওইহন্নবা ভারত মচা খুদিংনা এ.তি.এম.-নির্ভর ভারত কেম্পেন অসি থবক ওইনা পাংথোক্লসি হায়না হায়খ্রে। ভিদিও কনফরেন্সিংগী খুত্থাংদা ইলীমেন্তস মোবাইল এপকী বর্চুএলদা পাংথোকপা লোঞ্চ তৌবগী থৌরমদা উপ-রাস্ত্রপতি নিৱাসতগী ৱা ঙাংবদা উপ রাস্ত্রপতিনা হায়খিবদা এ.তি.এম.-নির্ভর ভারত আভিয়ান্না লৈবাক অসিগী ইনফ্রাস্ত্রকচর ফগৎহনবা, মতমগা চান্নবা অনৌবা তেক্নোলোজী শিজিন্নবা, হ্যুমেন রিসোর্স হেনগৎহনবা অমসুং অচৌবা সপ্লাই চেন অমা শেমদুনা ভারতকী শেন্মিৎলোনগী তৌবা ঙম্বগী মতিক অসিবু অনৌবা ইনোৎ হাপ্তুনা খুমাং চাউশিনবদা পান্দম থম্মি হায়খি। লৈবাক অসিদা থেংনরিবা কোবিদ-১৯গী লায়চৎ য়াওনা মনুংগী অমসুং মপানগী খুদোংচান্দবা কয়া অসিগী মতাংদা পল্লদুনা শ্রী নাইদুনা ভারত অসি পুৱারীগী ওইবা মরু ওইবা তাঙ্কক অমগী মনুংদা চৎলিবনি হায়খি। অমসুং ঐখোয়গী মাংদা লাক্লিবা খুদোংচাদবশিং অসিবু থেংনবা ঙম্নবা চেকশিন্না অমসুং ৱাখল চেৎনা লৈগদবনি হায়না মখা তানা হায়খি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636604

গরীব কল্যান রোজগার অভিয়ানগী মখাদা ফঙ্কস্নেল হাউসহোল্দ তেপ কনেক্সনশিং ফংহন্দুনা হলক্লবা শিন্মীশিংদা হিংনগী পাম্বৈগী খুদোংচাবশিং ফংহনবা

মালেম পুম্বনা কোরোনা ভাইরসকা লান্থেংনরিঙৈ অসিদা প্রধান মন্ত্রী মোদীনা লুচিংবা কেন্দ্রগী সরকারনা অচৌবা শীংনবা অসি খুদোংচাবদা ওন্থোক্লি মরু ওইনা খুঙ্গংগী মফমশিংগী হিংনবগী পাম্বৈ লৈহন্নবা লোয়ননা খুঙ্গংগী শেন্মীৎলোন ফগৎহনবগী থৌরাং তৌরি। ২০.০৬.২০২০দা হীরম অসিদা রিতর্নী মাইগ্রেন্তশিং অমসুং মসিগা মান্নবা খুঙ্গংগী শোকহল্লবা প্রজাশিংগী হিংনবগী পাম্বৈশিংগী খুদোংচাবশিং পীনবা অমসুং মফম অদুদা থবক পীনবা পব্লিক ৱার্কসকী থবক হৌনবা গরীব কল্যান রোজগার অভিয়ান (জি.কে.আর.এ.) হৌদোকখ্রে। অককনবা মতমগী মনুংদা লোইশিনগদবা কেম্পেন অসি নুমিৎ ১২৫ চত্থগনি অমদি স্তেৎ ৬ মদুদি বিহার, ঝর্খন্দ, মধ্য প্রদেশ, ওরিশা, রাজাস্থান অমসুং উত্তর প্রদেশকী এস্পিরেস্নেল দিস্ত্রিক্ত ২৭ য়াওনা জিলা ১১৬তা অকনবা মীৎয়েং চংদুনা ইমপ্লিমেন্ত তৌগনি। অভিয়ান অসিগী শরুক অমা ওইনা, জল জীবম মিসননা খুঙ্গংগী য়ুমথোং খুদিংদা তোতি ঈশিং ফংহনবা অমসুং স্কিল্দ, সেমি-স্কিল্দ অমদি মাইগ্রেন্ত রিতর্নীশিংদা থক্নবা ঈশিং সপ্লাই তৌবগা মরী লৈনবা থবক-থৌরমশিংদা চাওনা খুদোংচাবা ফংহল্লি। থক্নবা ঈশিং মরাং কাইনা য়ুমথোংদা য়ৌহন্নবা মতেং পাংবদা নত্তনা মাইগ্রেন্ত রিতর্নীশিংদা থবক পীনবগী মতেংসু পাংনবা জিলাশিং অসিগী খুঙ্গংশিংদা থবক পাইখৎপা হৌনবা স্তেৎশিংদা খঙহনখ্রে।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636608

মালেমগী লায়চৎ অসিবু লোয়শিন্নবা লমজেলদা য়াওরিবা ভারতকী মরমদমদা পুথোকচবা কোবিদ-১৯গী বেক্সিন -দাঃ তি.ভি. বেঙ্কতেস্বরন

ভারত বাওইতেক্কী কোভেক্সিন অমসুং জাইদস কেদিলাগী জাইকোব-দি. বেক্সিন লাউথোরকপদা পাউরৌশিংদা হায়নবগুম্না কোবিদ-১৯গী অমম্বা মরক্তদগী আসাগী পরিং অমা উবা হৌরক্লি। ইন্দিয়া সি.দি.এস.সি.ও. (সেন্ত্রেল দ্রগস স্তেন্দর্দ কন্ত্রোল ওর্গনাইজেসন)গী দ্রগ কন্ত্রোল্লর জেনেরেল অফ ইন্দিয়ানা বেক্সিনশিং অসিগী হ্যুমেন ত্রাইএল হৌবগী অয়াবা পীরকপা অসিনা লোইশিল্লকপগী অহৌবা হায়বদু হৌজিক ওইরে। মমাংগী চহীশিংদা ভারত অসি বেক্সিন শাফমগী মরু ওইবা হব অমা ওইরক্লি। য়ুনিসেফতা পীবা বেক্সিন সপ্লাইগী ৬০%দি ভারতকী মেন্যুফেকচররশিংননি। নোবেল কোরোনাভাইরসকী বেক্সিন অসি মালেমগী মফম অমা হেক্তদা শাবা য়াই অদুবু ভারতকী মেন্যুফেকচররশিং য়াওদনদি তঙাই ফদবা মশিংশিং অসি শাবদা ওইথোক্লোই।

অকুপ্পা ৱারোলগীদমক, https://pib.gov.in/PressReleasePage.aspx?PRID=1636625

পি.আই.বি. ফিল্দ ওফিসশিংদগী ফংবা পাউ

• পঞ্জাবঃ কোবিদ-১৯ কেস হেনগৎলক্লিবসিগী ফিবম য়েংদুনা পঞ্জাব সরকারনা পঞ্জাবতা চঙলকপা মীওই খুদিংমক্তা এদবাইজরী অমা থোকখ্রে। মসিগী এদবাইজরী অসি জুলাই ১৭তগী চৎনবা হৌগনি। এদবাইজরী অসিগী মতুং ইন্না, অঙাং নত্ত্রগা অহল ওইরবসু পঞ্জাবতা উপাই অমা হেক্তা তৌদুনা হায়বদি মখা লম্বী, রেল নত্ত্রগা নোংথক্তা লাকপা খুদিংমক মখা তাবা ওর্দর থোক্ত্রিবফাওবা পঞ্জাব লানশিল্লকপা মতমদা মেদিকেল স্ক্রীন তৌগনি অমসুং মহাক্না পঞ্জাব মনুংদা চত্থোক-চৎশিন তৌদ্রিঙৈদা ই-রেজিস্তর তৌগদবনি। তোইনা চত্থোক-চৎশিন তৌবা মীওইশিং খক নত্তনা, পঞ্জাবতা চঙলকপা মীওই খুদিংমক মশানা নুমিৎ ১৪ ক্বারেন্তিন তৌজগদবনি অমসুং মসিগী মনুংদা মখোয়গী হকচাংগী ফিবম নুমিৎ খুদিংগী কোবা এপতা নত্ত্রগা ১১২দা কোল তৌদুনা তাক্কদবনি। করিগুম্বা মখোয় মশাদা কোবিদ-১৯গী লাইওং লাক্লে হায়বা চিংনবা তারবদি মখোয়না ১০৪দা খুদক্তা কোল তৌগদবনি। মপাল লমদগী লাকপা মীওইশিংগীদমক্তদি, ক্বারেন্তিন অসি অহানবা নুমিৎ ৭নিগীদি ইন্সতিত্যুসনেল তৌগনি অমসুং মথংগী নুমিৎ ৭নিনা হোম ক্বারেন্তিন তৌগনি।
• হরিয়ানাঃ মুখ্য মন্ত্রীনা হায়রি, কোবিদ-১৯গী নাথৈরগা রাজ্য অসিদা হৌজিক ইন্দস্ত্রিএল অমসুং কম্মরসিএলগী ওইবা থবক থৌরমশিং মহৌশাগী ফিবমদা হঞ্জিল্লক্লে। কোরোনাগী লোন্নবা মতম অসিদা অঙাংশিংগী লাইরিক লাইশুদা কাইদনবগীদমক মহৈ-মশিংগী থবকশিং ওনলাইনগী খুথাংদা পায়খৎলি। মহাক্না হায়খি, কোরোনা লাইচৎকী মনুংদা লৈশিনখিবা চানবা পোৎলমশিংসু পেন্নিংঙাই ওইখি। গেহু লৈশিনবগী থবক খোংজেল য়াংখৎহন্নবগীদমক, সরকারনা প্রক্যুরমেন্ত সেন্তর ১,৮০০ হেন্না শেমগৎখি অমসুং হন্দক্কী কুম অসিদা হঙ্গাম, গেহু অমসুং অতোপ্পা মহৈ-মরোংশিং মমাংদা ওইখিদ্রিবা মওংদা লৈশিনখি। মরক অসিদা লৌমীশিংদসু পুল একাউন্তকী খুথাংদা মখোয়গী একাউন্ততা হকথেংননা শেল পীবীখি।
• হিমাচল প্রদেশঃ মুখ্য মন্ত্রীনা, ভিদিও কনফরেন্সকী খুথাংদা দিপুতী কমিসনরশিং অমসুং ব্লোক দিবেলপমেন্ত ওফিসরশিংদা ৱা ঙাংলদুনা সরকারনা থাদবা থৌশিলশিংগী কান্নবা ফংগদবা মীওইশিংগী লিস্ত শেমদুনা রাজ্য সরকারনা মখোয়গা লোইননা থবক পায়খৎমিন্নবদা অমসুং ঈ পাউ ফাওদোক্নবদা নুংঙাইনবগীদমক পাউতাক পীখি। মহাক্না হায়খি মদুদি, বেনিফিসরীশিংগা সরকারগা চাং নাইনা পাউ ফাওনবা হায়বসি য়াম্নমক তঙাইফদে অমসুং মসিনা মখোয়দগী তোঙান-তঙানবা থৌশিলশিংগী মরমদা ফীদবেক লৌবগী মেকানিজম ওইরি। মহাক্না হায়খি, তেক্নোলোজী য়ারিবমখৈ শীজিন্নগদবনি। মহাক্না বি.দি.ও.শিংদা পঞ্চায়তকী থাক্তা বেনিফিসরীশিংগী অকুপ্পা দেতাবেজশিং থমদুনা বত্তন অমা নম্বদা মখোয়গী দেতাশিং ফংনবা হোৎনগদবনি হায়খি।
• কেরলাঃ হৌখিবা নুমিদাং ৱাইরমদা মালাপুরমগী মঞ্জরী মেদিকেল কোলেজদা লৈরকপা, গল্ফ লৈবাক্তগী হল্লকপা চহী ৮২ শুরবা অহল অমা লৈখিদবগা লোইননা ২৬ শুবা লৈখিদবা রেকোর্দ তৌখ্রে। মহাকী তেস্ত রিজল অদুদা মহাক কোবিদ পোজিতিব ওইরে হায়না ইরি। কোতায়ামদা কোবিদ-১৯গী ক্বারেন্তিন তৌরিবা নুপা অমা ৱান্থরক্তুনা লৈখিদ্রে; মহাক্কী স্বাব সেম্পল তেস্ত তৌরি। কোনুং ওইরিবা থিরুবনন্থপুরমদা শোক্নশম্নরুবা মীওইশিংদগী অমসুং মফম খঙদনা নারকপদগী মীৎকুপ নাহুমশিংনা য়েংশিনলি। অহেনবা ৱার্দ মরি অমগা কন্তেন্মেন্ত জোন্নি হায়না লাউথোকখ্রে। লাক্লিবা নুমিৎশিং অসিদা অহেনবা তেস্তশিং তৌরগনি। অর্নাকুলম জিল্লাগী ফিবম কা হেন্না লুশিল্লক্লি। রাজ্য অসিদা কোরোনানা মরম ওইদুনা মীওই ৮ অমগা লৈখিদ্রে। গল্ফ লৈবাক্তা মীওই তরুক অমগা লৈখিদ্রে, মুম্বাই অমসুং দিল্লীদা মীওই অমমম লৈখিদ্রে। ঙরাং কেরলাদা নোংমদা খ্বাইদগী য়াম্বা পোজিতিব মশীং ওইনা অনৌবা মীওই ২৪০ পোজিতিব ওইরে। মীওই ২,১২৯ লাইনা অসিদগী লাইয়েংদুনা লৈরিবগা লোইননা অনাবা মীওই লাখ ১.৭৭ রাজ্য অসিদা তোঙান-তোঙানবা জিল্লাশিংদা ক্বারেন্তিন তৌদুনা থম্লি।
• তমিল নাদুঃ পুদুচেরীদা অনৌবা কেস ৪৩ লাকখ্রে; ঙসি ৪৩ দিসচার্জ তৌখিবগা লোইননা অপুনবা অনাবা মীওই ৪৪৮ দিসচার্জ তৌখ্রে; হৌজিক ফাওবদা য়ু.তি. অসিদা অনাবা মীওই ১৪ লৈখিদ্রে। এ.আই.দি.এম.কে. কোইম্বেতোর সাউথকী এম.এল.এ. অম্মন কে. অর্জুনান (৫৮) ই.এস.আই. হোস্পিতালদা কোবিদ-১৯ লাইয়েংনবগীদমক পুখৎখ্রে। অপুনবা কোবিদ-১৯গী অনৌবা কেস ৪,২৮০গা লোইননা মীওই ৬৫ তমিল নাদুগী তোঙান-তোঙানবা জিল্লাশিংদগী থাংজ নুমিত্তা রিপোর্ত তৌরকখ্রে, মসিনা অপুনবা মশীংদা ১,০৭,০০১ শুহনখ্রে। ঙরাং ফাওবদা লৈখিবা অপুনবা এক্তিব কেস মশীং অসি ৪৪,৯৫৬, লৈখিদ্রবাঃ ১৪৫০, দিসচার্জঃ ৬০৫৯২, চেনইদা লৈবা এক্তিব কেস মশীং ২৪১৯৫
• করনাতাকাঃ রজায় অসিদা নোংমাইজিং খুদিংগী ওগস্ত ২ ফাওবা লোকদাউন মপুং ফানা তৌনবা লাউথোকখ্রে। হোম আইসোলেসন তৌনবগী অরোইবা চহী অসি ৬০ ফাওবা শাংদোকখ্রে; অনাবশিংদগী নুমিৎ খুদিংগী পাউ লৌনবগীদমক তেলি-মোনিতরিং লিঙ্ক অমা অথুবদা হৌদোক্লগনি। মুখ্য মন্ত্রীনা লাইচৎ অসি লান্থেংননবগীদমক অহেনবা মন্ত্রী অনীদা মথৌ পীখ্রে; উপ্প মুখ্য মন্ত্রী দা. সি. এন. অশ্বন্থনরায়ন্না কোবিদ-কেয়র সেন্তরশিং য়েংশিনলগনি অমসুং রেবিন্যু মন্ত্রী আর অশোকনা প্রাইবেৎ হোস্পিতালশিংগা লোইননা ফমুং মশীং য়েনশিনগনি। মেদিকেল এজুকেসন মন্ত্রী দা. কে. সুধাকরনা কোরোনাভাইরস পোলিসী মখা তানা য়েংশিনখিগনি অমসুং মীদিয়াদা নুমিৎ খুদিংগী পাউ পীনবগী থৌদাং লৌরগনি। ঙরাং অনৌবা কোবিদ কেস ১৮৩৯, দিসচার্জ ৪৩৯ অমসুং ৪২ লৈখিদ্রে। অপুনবা পোজিতিব কেসঃ ২১,৫৪৯, এক্তিব কেসঃ ১১,৯৬৬, লৈখিদ্রবাঃ ৩৩৫ অমসুং দিসচার্জঃ ৯২৪৪।
• অন্ধ্র প্রদেশঃ রাজ্য অসিদা হৌখিবা পুং ২৪ অসিদা নোংমদা খ্বাইদগী য়াম্বা ওইনা কেস ৯৯৮ লাকখ্রে, ১৪ লৈখিদবগা লোইননা অপুনবা মশীন ২৩২ য়ৌখ্রে। এক্তিব কেস মশীংসু লাখ ১০ (১০,০৪৩) য়ৌখ্রে, অপুনবা কেস মশীং ১৮,৬৯৭ য়ৌখ্রে। রাজ্য অসিদা অপুনবা সেম্পল ১০,১৭,১৪০ তেস্ত তৌখ্রে। তি.তি.দি.গী শিন্মী ১৭ পোজিতিব ওইরক্তুনা লাইয়েং চত্থরি, মরকসিদা মখোয়গী ইমুং মনুংশিংনা ক্বারেন্তিন তৌদুনা লৈরি। তি.তি.দি.না জুলাই অরোইবফাওবদা লাই খুরুম্নবগীদমক মী মশীং হেন্না লৌদনবা ৱারেপ লৌখ্রে। রাজ্য অসিনা য়ূনিসেফকা পুন্দনা ইমুং কোতি ১.৩দা রিস্ক কম্ম্যুনিকেসন এন্দ কম্ম্যুনিতী এঙ্গেজমেন্ত প্রোগ্রাম শিনখ্রে; মসিনা মী খুদিংমক্তা কোবিদকা মরী লৈনবা লমচৎ শেজৎ শেম্নবা পরা তম্বীনবা পান্দম থম্লি।
• তেলঙ্গানাঃ ওল্দ সিতী স্লমদা কোরোনাভারস লান্থেংননবগীদমক ধারাবীগী মোদেল চৎনবা হৌখ্রে। রাজ্যশিংগী মরক্তগী হেন্না শাফরিবা মফম অমা ওইবনা তেলঙ্গানাগী পোজিতিবিতী রেৎ নত্ত্রগা অপুনবা কনফার্ম্দ কেস অসি হৌখিবা চয়োল অনীসিদা তেস্ত চাম্মা তৌবা মতমদা ২৫% য়ৌরে – হৌখিবা নুমিৎ তরামরিনি অসিদা দবল পোজিতিবিতী রেত্তগী হেন্না রেকোর্দ তৌখ্রে – অমসুং রাজ্য অসিনা মহারাস্ত্রা অমসুং দিল্লীনা মতুং ইন্দুনা মকোক্তা লৈরি। ঙরাং ফাওবদা লৈখিবা অপুনবা কেসঃ ২২৩২১, এক্তিব কেসঃ ১০৪৮৭, লৈখিদ্রবাঃ ২৮৮ অমসুং দিসচার্জঃ ১১৫৩৭
• অরুনাচল প্রদেশঃ অরুনাচল প্রদেশকী চীফ সেক্রেতরীনা ফ্রন্তলাইন ৱারিয়রশিংদা , হকশেল, পুলিস নত্ত্রগা হোস্পিতালিতী সর্বিসপু ওইরো লোকদাউনগী নুমিৎ ৭নিগী মনুংদা তেস্ত তৌদুনা মখোয় পুম্নমক কোবিদ-১৯দগী ফ্রী ওইরে হায়বা খঙনবা হোৎনগনি।
• অসমঃ লাক্কদৌরিবা নুমিৎ খরনিসিদা অসমদা কোবিদ-১৯ তেস্ত লাখ ৫ হেন্না লোইশিনগনি হায়না হকশেল মন্ত্রীনা ত্বীৎ তৌখ্রে।
• মনিপুরঃ মনিপুর সরকারনা হেনগৎলক্লিবা কেস অসিবু লাকশিন্নবগীদমক জিরিবামদা কোবিদ কেয়র সেন্তর অমা হাংনবা ৱারেপ লৌখ্রে। ইনফেক্তেদ ওইরবা মীওইশিং খঙদোক্নবগীদমক পাক্তক্ননা তেস্ত তৌগদৌরি। আই.সি.এম.আর.গী অয়াবা ফংবদগী মনিপুর রাজ্য সরকারনা রেপিদ তেস্তিং কিৎ ৫০,০০০ ওর্দর তৌখ্রে।
• মেঘালয়ঃ বি.এস.এফ.কী সিফাই অমগা শিল্লোংদা কোবিদ-১৯ পোজিতিব ওইরে। মসিগা লোইননা অপুনবা এক্তিব কেস মশীং ২৭ শুখ্রে অমসুং ৪৩না হৌজিক ফাওবদা নাবা ফখ্রে।
• মিজোরমঃ মিজোরমগী খোজোল দিস্ত্রিক্ত হোস্পিতালদগী অনৌবা কোবিদ-১৯ অনাবা অনী দিসচার্জ তৌখ্রে। রাজ্য অসিদা এক্তিব কেস অমত্তা লৈতবা মঙাশুবদা খোজোলনা ওইরে। অতোপ্পা কেস অমত্তা লৈতবা জিল্লাশিংদি নাহথিয়াল, সাইতুয়াল, কোলাসিব, অমসুং সর্চিপ্নি।
• নাগালেন্দঃ নাগালেন্দ সরকারনা কোবিদ-১৯গী অথিংবনা মরম ওইদুনা অৱাবা তারবা মাইগ্রেন্ত শিন্মীশিংদা চানবা অমসুং লৈফম শীনবীগদৌরি।
• মহারাস্ত্রাঃ হৌখিবা পুং ২৪ অসিদা রাজ্য অসিদা অনৌবা কেস ৭,০৭৪ হেনগৎলক্তুনা মহারাস্ত্রদা কোবিদ-১৯ কেস অপুনবা মশীং লাখ ২ হেনখ্রে। সরকারগী হেলথ বুলেতিনগী মতুং ইন্না, রাজ্য অসিদা ভাইরস অসিনা মরম ওইদুনা মীওই ২৯৫ লৈখিদ্রে, মসিগা লোইননা অপুনবা লৈখিদ্রবা মশীং ৮,৬৭১ শুখ্রে। মহারাস্ত্রগী পুলিশিংগী মনুংদগী হৌখিবা পুং ২৪ অসিদা কোরোনা ভাইরস কেস ৩০ লাকপগা লোইননা মীওই মরি অমগা লৈখিদ্রে। মসিগা লোইননা, মহারাস্ত্রা পুলিশশিংগী মনুংদা অপুনবা কোবিদ-১৯ মশীং ৫,২০৫ য়ৌখ্রে, অমসুং এক্তিব কেস্না ১,০৭০ শুরে।
• গুজরাৎঃ গুজরাত্তা হৌজিক ফাওবদা অপুনবা কেস ৩৫৩৯৮ য়ৌরে। পুং ২৪গী মনুংদা সুরত্তা ২০৫ অমসুং অহেমদবাদতা ১৬৫ লাকপগা লোইননা অনৌবা কেস ৭১২ লাকখ্রে। রাজ্য অসিদা কোবিদ-১৯ এক্তিব কেস ৮০৫৭ লৈরি। হৌজিক ফাওবদা তেস্ত লাখ ৪.০৪ তৌখ্রে।
• রাজস্থানঃ ঙসি অঙনবা অয়ুক ফাওবদা অনৌবা কেস ২২৪ লাকপগা লোইননা মীওই ৬ লৈখিদ্রে, মসিনা রাজ্য অসিগী অপুনবা মশীং ১৯৭৫৬ য়ৌখ্রে। এক্তিব কেসনা ৩৬৪০নি,
• মধ্য প্রদেশঃ মীওই ৫ লোখিদবগা লোইননা অনৌবা কেস ৩০৭ লাক্তুনা অপুনবা কেস মশীং ১৪,৬০৪ য়ৌখ্রে। রাজ্য অসিদা এক্তিব কেস মশীং ২,৭৭২ য়ৌখ্রে। জুলাই ১দগী ১৫ ফাওবা চত্থগদবা 'কিল কোরোনা' কেম্পেনগী মখাদা মীওই লাখ ৬১,৫৪ সর্বে তৌখ্রে অমসুং তেস্ত তৌনবগীদমক সেম্পল লীশিং ১০ হেন্না খোমগৎখ্রে। শহরগী মফমদা তীম ১৭৭৬না অমসুং খুঙ্গংগী মফমদা সর্বে তীম ৮৯৭৫না থবক পায়খৎলি।
• ছতিশগরঃ অনৌবা পোজিতিব কেস ৯৬ লাকপগা লোইননা মসিনা অপুনবা কোবিদ-১৯ কেস মশীং ৩১৬১ শুখ্রে। রাজ্য অসিদা এক্তিব কেস মশীং ৬২১ লৈরি।
• গোৱাঃ অনৌবা কেস ১০৮ কোবিদ-১৯না নারে হায়বা খঙবা ঙমখ্রে। মসিগা লোইননা রাজ্য অসিদা লৈরিবা অপুনবা অনাবসি ১৬৮৪ য়ৌরে। কোবিদতগী নাবা ফরবা মীওই ৮২৫ য়ৌখ্রে। রাজ্য অসিদা এক্তিব কেস ৮৫৩ লৈরি। গোৱানা কোনভালেন্সেন্ত প্লাজমা থেরাপী পাঙথোক্নবগীদমক আই.সি.এম.আর.দগী অয়াবা ঙাইরি।

*****