স্তেৎশিং/য়ু.তি.শিংগা লোয়ননা ভারত সরকারনা কোবিদ-১৯ লাকশিন্নবা অমসুং য়েংশিন্নবা পুন্না অমসুং কন্না হোৎনবনা কোবিদ-১৯ নারিবা মীওইশিংগী মরক্তা ফগৎলকপা কেসকী মশিং অসি ঙসি ৪,০৯,০৮২দা হেনগৎখ্রে। হৌখিবা পুং ২৪দা কোবিদ-১৯ নারিবা মীওইগী অপুনবা ১৪,৮৫৬ লায়েংদুনা ফগৎহনখ্রে।

হৌজিক ফাওবদা কোবিদ-১৯গী এক্তিব কেসশিংদগী ফগৎখিবা মীওইনা ১,৬৪,২৬৮ হেন্না লৈরে। মসিনা লৈবাক অসিগী কোবিদ-১৯ নাবশিংগী মরক্তা ফগৎলকপগী চাং ৬০.৭৭% ওইহনখ্রে।

এক্তিব কেস ২,৪৪,৮১৪ লৈরি অমদি মখোয় পুম্নমক মেদিকেলগী মীৎয়েং মখাদা লৈরি‍।

লৈবাক্কী ফগৎপগী চাংগী চাংচৎতগী হেন্না হেনবা স্তেৎ/য়ু.তি. ২১ লৈ। মখোয় অদু মখাদা পীরি:

লৈবাক অসিদা তেস্তিং লেবশিংগী লেপ্পা লৈতনা চাওথোরক্লি। লৈঙাক্কী লেব ৭৮৬ অমদি লন্নাইগী লেব ৩১৪গা লোয়ননা লৈবাক অসিদা লেব ১১০০ লৈবা ঙমখ্রে‍। মসিদা য়াওরিবা অসি:

• রিএল-তাইম আর.তি. পি.সি.আর.দা বেজ ওইবা তেস্তিং লেব: ৫৯১ (লৈঙাক্কী: ৩৬৮ + লন্নাইগী: ২২৩)
• ত্রুনেতদা বেজ তেস্তিং লেব: ৪১৭ (লৈঙাক্কী: ৩৮৫ + লন্নাইগী ৩২)
• সি.বি.এন.এ.এ.তি.দা বেজ তেস্তিং লেব: ৯২ (লৈঙাক্কী ৩৩ + লন্নাইগী ৫৯)

“তেস্ত, ত্রেস, ত্রীৎ”কী ললোংগা লোয়ননা কোবিদ-১৯ তেস্ত তৌবদা লৈরম্বা অপনবা পুম্নমক হন্দক্তা লৌথোক্নবা তোঙান তোঙানবা পাম্বৈশিং লৌখৎখিবগা লোয়ননা, নুমিৎ খুদিংগী তেস্ত তৌবা সেম্পল তপ্না-তপ্না হেনগৎলক্লি; হৌখিবা পুং ২৪গী মনুংদা সেম্পল ২,৪৮,৯৩৪ তেস্ত তৌখ্রে। ঙসি ফাওবদা তেস্ত তৌখিবা সেম্পলগী অপুনবা মশিং ৯৭,৮৯,০৬৬ শুখ্রে।

হকশেল অমসুং য়াইফ য়ুম্বাল মন্ত্রালয়না ‘জেনরেল মেদিকেল অমসুং অখন্নবা মেন্তেল হেল্থ ক্যের সেত্তিংশিগী ওইবা দাইদেন্স দোক্যুমেন্ত অমা’ থোকখ্রে। মসি https://www.mohfw.gov.in/pdf/MentalHealthIssuesCOVID19NIMHANS.pdf দা ফংগনি।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf .

*****