സംസ്ഥാനങ്ങള്‍, കേന്ദ്ര ഭരണപ്രദേശങ്ങള്‍ എന്നിവയ്ക്കൊപ്പം കേന്ദ്രസര്‍ക്കാര്‍ നടത്തിയ സമയബന്ധിതപ്രവര്‍ത്തനങ്ങളുടെ ഫലമായി രാജ്യത്ത് രോഗമുക്തി നേടുന്നവരുടെ എണ്ണം വര്‍ധിച്ചു. ഇന്നത്തെ കണക്കനുസരിച്ച് രാജ്യത്തെ ആകെ രോഗമുക്തര്‍ 4,09,082 ആണ്.
കഴിഞ്ഞ 24 മണിക്കൂറിനിടെ 14,856 പേരാണ് രാജ്യത്ത് കോവിഡ്-19 രോഗമുക്തരായത്.

രാജ്യത്തെ കോവിഡ് മുക്തരുടെ എണ്ണം ചികിത്സയിലുള്ളവരേക്കാള്‍ 1,64,268  എണ്ണം അധികമായി. കോവിഡ് മുക്തി നിരക്ക് 60.77 ശതമാനമാണ്.

നിലവില്‍ 2,44,814 പേരാണ് ചികിത്സയിലുള്ളത്.

രോഗമുക്തി നിരക്ക് ദേശീയ ശരാശരിയേക്കാള്‍ കൂടുതലുള്ളത് 21 സംസ്ഥാനങ്ങളിലും കേന്ദ്രഭരണപ്രദേശങ്ങളിലുമാണ്. അവയുടെ പട്ടിക ഇനി പറയുന്നു:

ക്രമനമ്പര്‍, സംസ്ഥാനം/കേന്ദ്രഭരണപ്രദേശം, രോഗമുക്തി നിരക്ക് ക്രമത്തില്‍

1 ചണ്ഡീഗഢ് - 85.9%
2 ലഡാക് - 82.2%
3 ഉത്തരാഖണ്ഡ് - 80.9%
4 ഛത്തീസ്ഗഢ് - 80.6%
5 രാജസ്ഥാന്‍ - 80.1%
6 മിസോറം - 79.3%
7 ത്രിപുര - 77.7%
8 മധ്യപ്രദേശ് - 76.9%
9 ഝാര്‍ഖണ്ഡ് - 74.3%
10 ബിഹാര്‍ - 74.2%
11 ഹരിയാന - 74.1%
12 ഗുജറാത്ത് - 71.9%
13 പഞ്ചാബ് - 70.5%
14 ഡല്‍ഹി - 70.2%
15 മേഘാലയ - 69.4%
16 ഒഡിഷ - 69.0%
17 ഉത്തര്‍പ്രദേശ് - 68.4%
18 ഹിമാചല്‍ പ്രദേശ് - 67.3%
19 പശ്ചിമ ബംഗാള്‍ - 66.7%
20 അസം - 62.4%
21 ജമ്മു കശ്മീര്‍ - 62.4%

പരിശോധനാ സൗകര്യങ്ങള്‍ വികസിപ്പിക്കുന്നതിന്റെ ഭാഗമായി ലാബുകളുടെ എണ്ണം 1100 ആയി വര്‍ധിപ്പിച്ചു. ഗവണ്‍മെന്റ് ലാബുകളുടെ എണ്ണം 786 ഉം സ്വകാര്യ ലാബുകളുടെ എണ്ണം 314 ഉം ആണ്.

വിവിധ പരിശോധനാ ലാബുകളുടെ ക്രമം ഇനി പറയുന്നു:

തത്സമയ ആര്‍ടി പിസിആര്‍ അടിസ്ഥാനമാക്കിയുള്ള പരിശോധനാ ലാബുകള്‍: 591 (ഗവണ്‍മെന്റ്: 368 + സ്വകാര്യമേഖല: 223)

ട്രൂനാറ്റ് അടിസ്ഥാനമാക്കിയുള്ള പരിശോധനാ ലാബുകള്‍: 417 (ഗവണ്‍മെന്റ: 385 + സ്വകാര്യമേഖല: 32)

സി.ബി.എന്‍.എ.എ.ടി. അടിസ്ഥാനമാക്കിയുള്ള പരിശോധനാ ലാബുകള്‍: 92 (ഗവണ്‍മെന്റ: 33 + സ്വകാര്യം: 59)

'ടെസ്റ്റ്, ട്രെയ്സ്, ട്രീറ്റ്' നയത്തിന്റെ ഭാഗമായി പരിശോധനകളുടെ വേഗത ദിനംപ്രതി വര്‍ധിക്കുകയാണ്. കഴിഞ്ഞ 24 മണിക്കൂറിനിടെ രാജ്യത്ത് 2,48,934 സാമ്പിളാണ് പരിശോധിച്ചത്. ആകെ പരിശോധനകളുടെ എണ്ണം 97,89,066.

ആരോഗ്യ കുടുംബക്ഷേമ മന്ത്രാലയം 'പൊതുവായതും മാനസികാരോഗ്യപരിപാലനത്തിനു പ്രത്യേകിച്ചുമുള്ള മാര്‍ഗനിര്‍ദേശരേഖ' പുറത്തിറക്കി. ഇത് ഈ ലിങ്കില്‍ ലഭിക്കും: https://www.mohfw.gov.in/pdf/MentalHealthIssuesCOVID19NIMHANS.pdf

കോവിഡ് 19-മായി ബന്ധപ്പെട്ട സാങ്കേതിക പ്രശ്നങ്ങള്‍, മാര്‍ഗനിര്‍ദേശങ്ങള്‍, ഉപദേശങ്ങള്‍ എന്നിവയുടെ ആധികാരികവും പുതിയതുമായ വിവരങ്ങള്‍ക്ക് ഈ വെബ്സൈറ്റ് നിരന്തരം സന്ദര്‍ശിക്കുക: https://www.mohfw.gov.in/ @MoHFW_INDIA

കോവിഡ് -19 മായി ബന്ധപ്പെട്ട സാങ്കേതിക അന്വേഷണങ്ങള്‍ക്ക് technicalquery.covid19[at]gov[dot]in എന്ന ഇ-മെയിലില്‍ ബന്ധപ്പെടുക. മറ്റ് അന്വേഷണങ്ങള്‍ക്ക് ncov2019[at]gov[dot]in അല്ലെങ്കില്‍ @CovidIndiaSeva -യില്‍ ബന്ധപ്പെടുക.

കോവിഡ് -19 സംബന്ധിച്ച ഏത് അന്വേഷണങ്ങള്‍ക്കും ദയവായി കേന്ദ്ര ആരോഗ്യ- കുടുംബ ക്ഷേമ മന്ത്രാലയത്തിന്റെ ഹെല്‍പ്പ് ലൈന്‍ നമ്പരിരായ +91 11 23978046 ല്‍ വിളിക്കുക; അല്ലെങ്കില്‍ ടോള്‍ ഫ്രീ നമ്പറായ 1075 ല്‍ ബന്ധപ്പെടുക. കോവിഡ് 19 സംബന്ധിച്ച സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും ഹെല്‍പ് ലൈന്‍ നമ്പരുകള്‍ ഈ ലിങ്കില്‍ ലഭ്യമാണ്:
https://www.mohfw.gov.in/pdf/coronvavirushelplinenumber.pdf.
*