ପୋଷ୍ଟ କରାଯିବା ଦିନାଙ୍କ:
04 JUL 2020 5:10PM by PIB Bhubaneswar
କୋଭିଡ-19 ଆରୋଗ୍ୟଙ୍କ ସଂଖ୍ୟା କ୍ରମାଗତ ଭାବରେ ବୃଦ୍ଧି ପାଇବାରେ ଲାଗିଛି ।
ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳମାନଙ୍କ ସହିତ ଭାରତ ସରକାରଙ୍କ ଦ୍ଵାରା ନିଆଯାଇଥିବା କୋଭିଡ-19 ପ୍ରତିଷେଧ, ଧାରଣ ଏବଂ ପରିଚାଳନା କାର୍ଯ୍ୟର ଫଳ ସ୍ୱରୂପ ଆଜି ସକ୍ରିୟ ରୋଗୀଙ୍କ ସଂଖ୍ୟାଠାରୁ ଆରୋଗ୍ୟ ଲାଭ କରିଥିବା ରୋଗୀଙ୍କ ସଂଖ୍ୟା 1,58,793 ଅଧିକ ରହିଛି । ଏହାର ଫଳ ସ୍ୱରୂପ, ସୁସ୍ଥ ହାର 60.81 ପ୍ରତିଶତକୁ ବୃଦ୍ଧି ପାଇଛି ।
ଗତ 24 ଘଣ୍ଟା ମଧ୍ୟରେ ସମୁଦାୟ 14,335 କରୋନା ରୋଗୀ ସୁସ୍ଥ ହୋଇଛନ୍ତି, ଯାହା ସମୁଦାୟ ସୁସ୍ଥ ସଂଖ୍ୟାକୁ 3,94,226 ରେ ପହଂଚାଇଛି ।
ବର୍ତ୍ତମାନ ଦେଶରେ 2,35,433 ସକ୍ରିୟ ରୋଗୀ ଅଛନ୍ତି ଏବଂ ସମସ୍ତେ ଡାକ୍ତରୀ ତତ୍ତ୍ୱାବଧାନରେ ରହିଛନ୍ତି ।
ଦେଶରେ ଦିନକୁ ଦିନ ପରୀକ୍ଷାଗାରର ନେଟୱାର୍କକୁ ବୃଦ୍ଧି କରିବାର ପ୍ରୟାସ ଦ୍ଵାରା ସେଗୁଡିକର ସଂଖ୍ୟା ବଢିବାରେ ଲାଗିଛି । ବର୍ତ୍ତମାନ ଦେଶରେ ପ୍ରାୟ 1087 ପରୀକ୍ଷାଗାର ରହିଛି, ଯେଉଁଥିରେ 780ଟି ସରକାରୀ ଏବଂ 307ଟି ବେସରକାରୀ ଅନ୍ତର୍ଭୁକ୍ତ ।
- Real-Time RT PCR based testing labs: 584 (Govt: 366 + Private: 218)
- TrueNat based testing labs: 412 (Govt: 381 + Private: 31)
- CBNAAT based testing labs: 91 (Govt: 33 + Private: 58)
“ପରୀକ୍ଷା, ଚିହ୍ନଟ, ଚିକିତ୍ସା” ରଣନୀତିର ଏକ ଅଂଶ ଭାବରେ ନିଆଯାଇଥିବା ଅନେକ ପଦକ୍ଷେପ କୋଭିଡ-19 ପରୀକ୍ଷାର ଅସୁବିଧାକୁ ଦୂର କରିପାରିଛି । ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ଦ୍ୱାରା ବ୍ୟାପକ ପରୀକ୍ଷଣର ସୁବିଧା ପ୍ରତ୍ୟେକ ଦିନର ନମୁନା ପରୀକ୍ଷା ସଂଖ୍ୟାକୁ ତ୍ୱରାନ୍ୱିତ କରିଛି । ଗତ 24 ଘଣ୍ଟା ମଧ୍ୟରେ 2,42,383ଟି ନମୁନା ପରୀକ୍ଷା କରାଯାଇଛି, ଯାହା ସମୁଦାୟ ପରୀକ୍ଷଣ ସଂଖ୍ୟାକୁ 95,40,132ରେ ପହଞ୍ଚାଇଛି ।
ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ୱାରା କୋଭିଡ-19 ଚିକିତ୍ସା ପରିଚାଳନା ନିୟମାବଳୀର ସବିଶେଷ ସୂଚନା ପ୍ରଦାନ କରାଯାଇଛି ।
ଅପଡେଟ ହୋଇଥିବା ସଂସ୍କରଣ ଏଠାରେ ଦେଖାଯାଇପାରିବ:
https://www.mohfw.gov.in/pdf/UpdatedClinicalManagementProtocolforCOVID19dated03072020.pdf
କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।
ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।
କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।
https://www.mohfw.gov.in/pdf/coronvavirushelplinenumber.pdf
**********