কোবিদ-১০গী কেসশিং অসি মখা তানা তপ্না-তপ্না হেনগৎলক্লি।

ভারত সরকারগা রাজ্যশিং/য়ুনিয়ন তেরিতোরীশিংগা লোয়ননা কোবিদ-১৯ ঙাকথোক্নবা, কন্তেন্মেন্ত অমসুং মেনেজমেন্ত তৌনবা খুৎশম্ননা থবক পায়খৎমিন্নবগী মহৈনা হৌজিক ফাওবদা এক্তিব ওইবা মশিংদগী কেস ১,৫৮,৭৯৩ হেন্না ফগৎপা ঙমখ্রে। মসিগী ফল ওইনা ফগৎলকপগী কেস মশিং অসি চাদা ৬০.৮১ হেনখ্রে।

হৌখিবা পুং ২৪ অসিদা কোবিদ-১৯না নাবা অপুনবা মীওই ১৪,৩৩৫ ফগৎপা ঙমখিদুনা ফগৎখিবা অপুনবা মশিং অসি ৩,৯৪,২২৬ য়ৌখ্রে।

হৌজিক্কী ওইনা, এক্তিব ওইবা কেস মশিং অসি ২,৩৫,৪৩৩নি অমদি নিংথিজনা লাইয়েং চত্থরি।

লৈবাক অসিদা তেস্তিং তৌনবগী নেৎৱার্ক অসি পাক-শন্দোরক্নবা হোৎনবশিং অসিনা মখোয়গী মশিংশিং অসি নোংম-নোংমগী হেনগৎলক্লি। সরকারগী সেক্তরদা ৭৮০ অমসুং লন্নাইগী লেব ৩০৭ য়াওনা লৈবাক অসিদা তেস্ত তৌনবা লেব ১০৮৭ লৈ:

• রিএল-তাইম আর.তি., পি.সি.আর.দা য়ুম্ফম ওইবা তেস্তিং লেবশিং: ৫৮৪ (সরকারগী: ৩৬৬ + লন্নাইগী: ২১৮)
• ত্রুনেত্তা য়ুম্ফম ওইবা তেস্তিং লেবশিং: ৪১২(সরকারগী: ৩৪১ + লন্নাইগী: ৩১)
• সি.বি.এন.এ.এ.তি.দা য়ুম্ফম ওইবা তেস্তিং লেবশিং: ৯১ (সরকারগী: ৩৩+ লন্নাইগী: ৫৮)

“তেস্ত, ত্রেস, ত্রীত”কী লাল্লোংগী শরুক অমা ওইনা মীশিংদা য়ুম্ফম ওইবা পাম্বৈশিংনা কোবিদ-১৯ তেস্ত তৌবদা পন্থবা লৈহন্দ্রে। রাজ্যশিং/যুনিযন তেরিতোরীশিংদা পাক্তক্ননা তেস্ত তৌবগী খুদোংচাবা অসিনা নোংমদা তেস্ত তৌবগী মশিং অসি খংহেন হেনগৎহনখ্রে। হৌখিবা পুং ২৪সিদা সেম্পল ২,৪২,৩৮৩ তেস্ত তৌখ্রে তেস্ত তৌখিবা অপুনবা মশিং অসি ৯৫,৪০,১৩২দা ইনখৎখ্রে।

কোবিদ-১৯গী ওইনা ক্লিনিকেল প্রোতোকোল মেনেজমেন্ত অসিT হকশেল অমসুং য়াইফ-য়ুম্বাল মন্ত্রালয়না অপদেত তৌখ্রে। অপদেত তৌখ্রবা ভর্জন অদু মসিদা য়েংবা য়াগনিঃ

https://www.mohfw.gov.in/pdf/UpdatedClinicalManagementProtocolforCOVID19dated03072020.pdf

কোবিদ-১৯গা থাজনিংহাই ওইবা অমসুং অপদেত তৌরবা ই-পাওশিংগা মরী লৈনবা তেক্নিকেল ওইনা খুদোংচাদবশিং, গাইদলাইনশিং অমসুং এদভাইজরীশিংগীদমক্তা চাং নাইনাঃ https://www.mohfw.gov.in/ অমসুং @MoHFW_INDIA দা য়েংবিয়ু।

কোবিদ-১৯গা মরী লৈনবা তেক্নিকেল ওইবা ৱাহংশিং অদু technicalquery.covid19[at]gov[dot]in দা অমসুং অতোপ্পা ৱাহংশিংগী ওইনা ncov2019[at]gov[dot]in অমসুং @CovidIndiaSeva দা থাবা য়াগনি।

কোবিদ-১৯গা মরী লৈনবা ৱাহংশিংগীদমক্তা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর: +91-11-23978046 নত্রগা 1075 (তোল-ফ্রী)দা কোল তৌবিয়ু। কোবিদ-১৯গী মতাংদা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিং অসি https://www.mohfw.gov.in/pdf/coronvavirushelplinenumber.pdf দা ফংবিগনি।

*****