ভারত্তা লৌউ-শিংউগী লমদা থিজিল্লিবা অমসুং লৌমীশিংদা তাকপী-তম্বীবগী পায়খৎলিবা থবকশিং ভিদিও কনফরেন্সকী খুৎথাংদা ঙসি প্রধান মন্ত্রী নরেন্দ্র মোদীনা অমুক হন্না য়েংশিনখ্রে। থৌরম অদুদা এগ্রিকলচর, রুরেল দিবলপমেন্ত অমসুং পঞ্জায়াতি রাজগী মিনিস্তর অমসুং এগ্রিকলচরগী রাজ্য মন্ত্রী অনিমক শরুক য়াখি। প্রধান মন্ত্রী ওফিসকী সেনিয়র ওফিসিএলশিং শরুক য়াবগী মথক্তা, এগ্রিকলচর, এনিমেল হসবেন্দরি , দাইরি অমসুং ফিসরি দিপার্তেমেন্তশিংগী সেক্রেতরিশিংসু শরুক য়াখি।

ইন্দিয়ন কাউন্সিল ওফ এগ্রিকলচরেল রিসর্সকী দিরেক্তর জেনেরেল লোয়ননা এগ্রিকলচরেল রিসর্স এন্দ এক্সতেন্সন দিপার্তমেন্তগী সেক্রেতরি , দোক্তর ত্রিলোচান মোহাপত্রানা পায়খৎলিবা মরুওইবা থবকশিং, হৌজিক ওইরিবা ফিবম অমসুং শিংনবশিং থেংননবা থৌরাং তৌরিবগী মতাংদা পাউদমখি। ২০১৪দগী তোঙান-তোঙানবা আই.সি.এ.আর সেন্তরশিংদা রিসর্স তৌবদগী অনৌবা লৌবুক্কী মহৈ-মরোং মখলশিং(১৪৩৪), হোর্তিকলচরগী মহৈ-মরোংশিং(৪৬২) অমসুং অইং-অশা খাংবা ঙম্বা মহৈ-মরোং মখলশিং(১১২১) পুথোক্লে। তোঙান-তোঙানবা ফিবম কয়া মায়োক্নবা ঙম্বা মখলশিং পুথোক্নবা মোলিকুলার ব্রিদিং তেক্নিকশিং শীজিন্নখি। গেহু(ঐচ দি ৩২২৬) অসি লায়না ৭ ঙাকথোকপা ঙম্মি অমসুং খামেন অশিনবা (অরকাবেদ)না লায়না মখল ৪ ঙাকথোকপা ঙম্মি।

ললোন-ইতিক তৌনবা পাকশন্না থাবা য়াবা মখলশিং হায়বদি অরকবিসেস, অরকালেসা অমসুং অরকয়োজি পুথোক্লে। অকক্নবা অইং-অশা লৈবা মফমশিংগা চুনবা মখলশিং অমসুং লৌমীশিংদা শেন্দোং হেন্না ফংগদবা মখলশিং পুথোকপগীদমক প্রধান মন্ত্রীনা থাগৎখি।

কারন-ফোর অসি চিনি য়াম্না পুথোকপা ঙম্বা চু মখল অমনি অমসুং চু মখল অসিনা উত্তর প্রদেসতা মমাংঙৈদগী থারকপা চুশিংগী মহুৎশিনখ্রে। চু অমসুং অতৈ মহৈ-মরোংশিংদগী বাইও ইথানোল পুথোকপা হেনগৎহন্নবা লৈরিবা খুদোংচাবশিং প্রধান মন্ত্রীনা ফোংদোকখি।

‘কুপোস মুক্ত ভারত’(মচি ওইবা চিঞ্জাক চাবা ফংদবদগী মনিং তম্লবা ভারত) শেমগৎনবা থবক অমা ওইনা আইরন, জিঙ্ক অমসুং প্রোতিন হেননা য়াওরবা বাইও ফোর্তিফাইদ মহৈ-মরোং মখল ৭০ পুথোক্লে। বাগৱা হায়রিবা কফোই মখল অসিদা আইরন, পোতাসিয়ম, ভিতামিন-সি অমসুং এন্তি-ওক্সিদেন্তশিং মরাংকাইনা য়াওরি।

কৃষি বিগ্যান কেন্দ্রশিংগী খুৎথাংদা পোসান থালি অমসুং নুত্রিয়া-গার্দেনশিং শেমগৎলে। কৃষি বিগ্যান কেন্দ্র ৭৬ অমসুং মোদেল ফার্ম ৪৫০ শরুক য়াদুনা মৈধ্য প্রদেস অমসুং ছতিসগরদা চাংয়েং ওইনা পায়খৎলি। মচি ওইবা চিঞ্জাক চাবা ফংনবা অঙ্গনৱাদি ৱার্করশিং অমসুং খুঙ্গংগী নুপীশিংদা নুত্রিয়া-গার্দেনশিং শেমগৎনবা ত্রেনিং পীখ্রে। পোসান থালিদা চাক, হৱায়, উহৈ-ৱাহৈ, অশঙবা মনা-মশিং, শঙ্গোম, চিনি, জিগগেরি অমসুং থাও য়াওরি। ২০২২ ফাওবগী মনুংদা নুত্রি স্মার্দ ভিলেজ ১০০ শেমগৎকনি।

মফম অমদা পুন্না ওর্গনিক লৌউ মখল পায়খৎপগী তঙাইফদবা অদু প্রধান মন্ত্রীনা ফোংদোকখি। আই.সি.এ.আরনা ভারতকী জিও-রিফরেন্স ওর্গনিক কার্বোন মেপ পুথোক্লে , বাইও কন্ত্রোল এজেন্ত ৮৮ মশক খঙদোকলে অমসুং ওর্গনিক লৌউ-শিংউগী বাইও পেস্তিসাইদ ২২ পুথোক্লে।

লৌউ-শিংউ অমসুং মসিগা মরী লৈনবা থবকশিংদা তেক্নোলোজি শীজিন্নবা হেনগৎহন্নবা স্তার্দ-অপশিং অমসুং এগ্রি-ওন্ত্রেপ্রেনিউজ পুক্নিং থৌগৎনবা প্রধান মন্ত্রীনা য়াথং পীখি। লৌমীশিংনা দরকার ওইবা ই-পাউশিং ফংহন্নবা ইনফোরমেসন তেক্নোলোজি শীজিন্নবগী তঙাইফদবা অদু মহাক্না পনখি।

নুপীশিংনা মশিং য়াম্না লৌবুক্তা থবক শুবা মরম্না, লৌউ-শিংগী অৱাবা থবকশিং হন্থহন্নবা দরকার ওইবা খুৎলায়শিং পুথোক্নবা অমসুং খুদোংচাদবশিং কোকহন্নবা চহি অমদা হেক্কাথোন অনিরক পাংথোক্নবা প্রধান মন্ত্রীনা খঙহনখি।

হকচাং ফনা লৈনবা চাগদবা চিঞ্জাকশিংগী মনুংদা জোৱার, বাজরা, রাগি অমসুং মাইনর মিলেতশিং য়াওহন্নবা মহাক্না তকশিনখি।

অইং-অশাগী খল কাইরকপা হায়বদি অশাবা নুংশিৎ শিৎপা, ইকং থোকপা, কা হেন্না ইংবা, নোং কন্না চুবদগী ঈশিং থুমজিনবদগী অমাং-অতা কয়া চাউনা থোকহল্লি অমসুং লৌমীশিংগী হিংনবগী লম্বীদা শিংনবা অমা ওইহল্লি। অসিগুম্বা অইং-অশাগী খল কাইরকপা অসিদগী অমাং-অতা থোকপা হন্থহন্নবা লৌমীশিংনা অপুনবা লৌউ-পথাপ পায়খৎকদবনি।

ঈশিং লিক্না শীজিন্নবা হেনগৎহন্নবা মীয়াম ৱাখল তাহন্নবা থৌরমশিং পাংথোক্নবা প্রধান মন্ত্রীনা ফোংদোকখি।

লৈবাক অসিদা মহৌশাদগী লৈরক্লবা হুইশিং অমসুং শগোলশিং থিজিনবগী তঙাইফদবা অদু প্রধান মন্ত্রীনা পনখি। ফুদ এন্দ মাউথ দিজিজ ঙাকথোক্নবা মিসনগী মওংদা তিকা থাবগী থবকশিং পায়খৎনবা মহাক্না য়াথং পীখি।

প্রধান মন্ত্রীনা হায়খি নাপী অমসুং শজিক ওইনা শীজিন্নবা মহৈ-মরোশিংগী মতাংদা থিজিনবা দরকার ওই। মচি ওইবা চিঞ্জাকশিং শেম্বগী মথক্তা সি ৱিদশিং অসি লৈবাক-লৈহাও ফগৎহন্নবা শীজিন্নবগী মতাংদা থিজিনবা দরকার ওইরি।

ফৌ লৌকখ্রবা মতুংদা চরু মৈ থাবগী খুদোংচাদবা থেংনরিবা অসি কোকহন্নবা পঞ্জাব, হরিয়ানা অমসুং দিল্লিদা আই.সি.এ.আরনা মেজিক সিদর শীজিন্নবা হৌরে। ২০১৬গা চাংদম্নবদা ২০১৯দা চরু মৈ থাবা চাদা ৫২ হন্থখি।

লৌউ-শিংগী খুৎলায়শিং লাইনা ফংহন্নবা অমসুং লৌবুক্তগী কৈথেল ফাওবা পুথোক-পুশিন তৌবগী খুদোংচাবা লৈহন্নবা প্রধান মন্ত্রীনা খঙহনখি। মসিগী মতাংদা, এগ্রিকলচর, কোওপরেতিপস অমসুং ফার্মস ৱেলফিয়ার দিপার্তমেন্তনা কৃষানরথ কৌবা এপ্পা অমা পুথোকলে।

লৌমীশিংগী শেন্থোক হেনগৎহন্নবা মাইকৈদা লৌউ-শিংউগী রিসর্স অমসুং তাকপী-তম্বীবগী থবক পায়খৎনবা প্রধান মন্ত্রীনা খঙহনখি।

ভারতকী মীয়ামগী থায়নদগী লৈরক্লবা লৌশিং অদুগা তেক্নোলোজিগা পুন্না চৎমিন্নগদবনি অমসুং নহারোলশিং অমসুং এগ্রিকলচর গ্রেজুএদশিংগী লৌশিং অদুনা ভারতকী লৌউ-শিংউগী থবকশিংদা শীজিন্নদুনা খুঙ্গংগী লমশিং অহোংবা পুরক্কদবনি হায়না প্রধান মন্ত্রীনা তকশিনখি।

***