অন্নপুর্ন অসি কর্নাতকাগী শিবমোঙ্গা জীলাগী তুঙ্গানগরদা থবক তৌরিবা আশা অমনি। মহাক্না স্লমগী মফমশিংদা লৈবা মীকোক মশিং ৩০০০ থুংনা পাংথোকপা ঙম্মি অমসুং মফম অদুদা আশা অসি নেস্নেল হেল্থ মিশনগী শরুক অমা ওইরকখিবা নুমীৎ ২০১৫দগী থবক তৌদুনা লাক্লি। কোবিদ-১৯গী ওইনা পাংথোকপা থবকশিংগী শরুক অমা ওইনা মহাক্না মরু ওইনা তৌরিবা থবক অসি ইমুং-মনুংগী সর্ভে তৌবনি।

কর্নাতকাগী আশা ৪২,০০০না রাজ্য অসিনা কোবিদ-১০ অসি মায় পাক্না লান্থেংনরিবা অসিদা মরুওইবা য়ুম্বি অমা ওইনা চংশিল্লক্লি। মখোয়শিংনা কোবিদ-১৯গী ইমুং-মনুংশিং সর্ভে তৌবদা নিংথিজনা শরুক য়াখ্রে অমসুং রাজ্য অমদগী রাজ্য চত্থোক-চৎশিন তৌরিবা পেসেঞ্জরশিং, মাইগ্রেন্ত শিন্মীশিং অমসুং খুন্নাইদুগী অতৈ মীওইশিং অদু কোবিদ-১৯গী লাইওংশিংগী স্ক্রীনিং তৌখ্রে। কোবিদ-১৯ অসি মীওই কাংলুপ খরদা খুদোংথিনিংঙাই ওইবা মওংদা হেনগৎলকপা অসি খংদোক্লদুনা অনাবা, নারি-শারি তৌবা মীশিং অমসুং ইম্যুন ৱাৎনা লৈবা মীশিং লৈবা ইমুংশিংদা মতম অমুক্তংদা মসক খংদোক্তুনা ইমুং কোতী ১.৫৯ থুংনা পাংথোকপা ঙমখ্রে। আশাশিংনা কন্তেনমেন্ত জোনশিংদা নোংমদা অমুরক্তগী হৌরগা নুমীৎ ১৫গী মনুংদা অমুক চত্তুনা মখোয়গী মফম অদুদা য়াত্থোক্লবা মতমশিংদা চাং ৱাংনা খুদোংথিনিংঙাই ওইরবা কাংলুপশিংগুম্বশিং চাং নাইনা নিংথিনা য়েংশিল্লি। আই.এল.আর./এস.এ.আর.আই.গী লাইওংশিং লৈবা মীশিংগী ইমুংদা অমসুং স্তেত হেল্থ দিপার্তমেন্ত হেল্পলাইন নম্বরশিংদা কোল তৌরকপা চাং ৱাংনা খুদোংথিনিংঙাই ওইরবা মীশিংগী য়ুমশিংদসু চত্তুনা য়েংশিল্লি।

তোপ-তোপ্পা মওংদা আশাশিং অসি কোবিদ-১৯গা মরি লৈনবা অমসুং লৈনদবা অনিমক্কী থবকশিংগী মতাংদা মীয়ামগী ৱাাকৎশিং থম্নবগীদমক গ্রাম পঞ্চায়েৎ পঞ্চায়েৎকী থাক্তা পঞ্চায়েৎ দিভেলপমেন্ত ওফিসর (পি.দি.ও.)না লিচিং ওইবা রুরেল তাস্ক ফোর্সকী শরুক্নি। খুঙ্গংগী আশাশিং অসি খুঙ্গংগী মফমশিংদা লাইলৌগী ক্লিনিকশিং অমসুং নপ-তিন খোমজিনবগী সেন্তরশিংদা মখল-মখাগী চেকশিন থৌরাংশিংগী থবকশিং মমাং থানা পাংথোকখ্রে। মখোয়শিং অসি অন্তর্রাস্ত্রীয় অমসুং ইন্তরস্তেত চেক-পোস্তশিংগী স্ক্রীনিং তীমশিংগী শরুক অমসু ওইরি। কর্নাতকাদগী কুফেৎ-কাফেৎ ঙাল্লিবশিং: আশাশিংনা কোবিদ-১৯গী মায়োক্তা লান্থেংনবগী থবক তৌরি।

*****