(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• এক্তিব কেস মশীংদগী রিকোবর্দ কেস মশীংনা ১,০৬,৬৬১ হেনখ্রে।
• হৌখিবা পুং ২৪ অসিদা অনাবা ১৩,৮৩২ ফখিবগা লোইননা কোবিদ-১৯দগী হৌজিক ফাওবদা মীওই ৩,০৯,৭১২ নাবা ফখ্রে। কোবিদ-১৯ অনাবশিংগী মরক্তগী রিকোবরী রেৎনা ৫৮.৫৬% য়ৌরে।
• হৌখিবা পুং ২৪ অসিদা তেস্ত ২,৩১,০৯৫ তৌখ্রে, মসিনা সেম্পল তেস্ত তৌখিবগী অপুনবা মশীং হৌজিক ফাওবদা ৮২,২৭,৮০২ ওইরে।
• প্রধান মন্ত্রীনা হায়রি, ঐখোয়না ফনা য়াম্না ৱারবসু খুদোং থীরবসু ভারতকী চৎন-লোনচৎ ওইজবা থীদবা ৱাখল্লোন অসিনা কত্থোকপগা লোইননা মীয়ামগী মতেং পাংবগী ইথীল পীরে
• উপ্প রাস্ত্রপতিনা মীয়ামদা 'অকিবা'গী বত্তন নমদনবা অমসুং 'ঙাকথোকপা' অমসুং 'মাঙজৌননা শেন্নবা'গী বত্তন নম্বীনবা পাউতাক পীরক্লি।

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ নাবা ফগৎলকপগী কেসশিংনা এক্তিব কেসশিংদগী য়াম্না হেনগৎখ্রে; নাবা ফগৎলক পগী কেস অমদি এক্তিব কেস অনীগী খেৎনবা লাখ ১ লানখ্রে; নাবা ফগৎলকপগী চাং চাদা ৫৮.৫৬তা হেনগৎলে

ফগৎখ্রবা অমদি হৌজিক লৈরিবা অনাবশিংগী খেৎনবা ১,০০,০০০ লানখ্রে‍। ঙসি ফাওবগী ওইনা ফগৎখ্রবা কেসশিংনা হৌজিক লৈরিবা কেসশিংদগী ১০৬,৬৬১ হেল্লে‍। মরম অসিনা হৌজিক ফাওবগী ওইনা অনাবা মীওই ৩,০৯,৭১২ কোবিদ-১৯দগী ফখ্রে‍। কোবিদ-১৯ নারবশিংগী মরক্তগী ফগৎখিবগী চাং অসি চাদা ৫৮.৫৬নি‍। হৌখিবা পুং ২৪গী মনুংদা কোবিদ-১৯ নাবা মীওই ১৩,৮৩২ ফখ্রে‍। হৌজিক্কী ওইনা অনাবা মীওই ২,০৩,০৫১ লৈ অমদি মখোয় পুম্নমক মেদিকেলগী মীৎয়েং মখাদা লৈরি‍।ভারত্তা হৌজিক কোবিদ-১৯গীদমক্তা তোঙায়না লৈবা দাইগ্নোস্তিক লেব ১০৩৬ লৈ‍। মসিদা লৈঙাক্কী লেব ৭৪৯ অমদি লন্নাইগী লেব ২৮৭ য়াওরি‍। নুংতিগী ওইনা সেম্পল ২,০০,০০০ হেনবা তেস্ত তৌরি‍। হৌখিবা পুং ২৪ অসিদা তৌখিবা তেস্ত মশিং অসি ২,৩১,০৯৫তা হেনগৎলে‍। ঙসি ফাওবদা তেস্ত তৌখ্রবা অপুনবা মশীং ৮২,২৭,৮০২ য়ৌরে‍।

অকুপ্পা ৱারোলগীদমক, https://pib.gov.in/PressReleasePage.aspx?PRID=1634928

২৮.০৬.২০২০দা ‘মন কী বাত ২.০’গী ১৩শুবা তাঙ্কতা পি.এম.না থমখিবা ৱারোল

ঐগী নুংশিরবা ইরৈবাকচাশিং, ঐখোয়না ফনা য়াম্না ৱারবসু খুদোং থীরবসু ভারতকী চৎন-লোনচৎ ওইজবা থীদবা ৱাখল্লোন অসিনা মীয়ামগী মতেং পাংবগী ইথীল পীরে। অৱাবা তারবা মতম অসিদসু ভারতনা মালেমগী মতেং পীরি মসিনা ঙসি মারা তপ্পা অমসুং চাওখৎপগী খোংজেলদা ভারতনা লৌরিবা থৌদাংবু অমুকম হন্না কনখৎহল্লে। মরক অসিদা ভারতনা মালেম পুম্বগী মরুপ ওইবগী ৱাখল্লোন অসিবু মালেম্না শকখংলি মসিদা নত্তনা মনুং মপাল ফাওনা ৱাংনা খনবা ৱাখল্লোন অমদি মশাগী ঙমখৈ ঙাকপগী ভারতকী থৌনা অমসুং ভারতকী কত্থোকপগী শক্তম্বুসু উবা ফংলি। লদাখতা ভারতকী লমদা মীৎয়েং চংবশিংদা অকনবা পাউখুম পীখ্রে। ভারতনা মরুপকী থৌদাং পাংথোকপসু খংই লোয়ননা য়েংলকপা মীৎয়েংদা মুন্না য়েংদুনা পাউখুম পীবসু হৈ। ঐখোয়গী থৌনা ফরবা লান্মীশিংনং ঊৎখ্রে মখোয়না অমুক হন্না ভারত ইমাগী মীংৎ থীবা থবক তৌরক্লরোই।

অকুপ্পা ৱারোলগীদমক, https://pib.gov.in/PressReleasePage.aspx?PRID=1634917

ময়ামদা 'পেনিক' বত্তন নম্বীদনবা অমসুং 'প্রিবেন্সন' অমসুং 'প্রোতেক্সন' বত্তন্দা নম্বীনবা উপ্প রাস্ত্রপতিনা পাউতাক পীরক্লি

কোবিদ-১৯ লাইচৎকা লান্থেংনবা মতমদা লৈবাক মচা খুদিংমক্না অমত্তা ওইনা পুন্সি অমসুং হিংনবগী লম্বী ঙাক্নবগীদমক উপ রাস্ত্রপতি, শ্রী ভেনকৈয় নাইদুনা পুক্নিং চিংশিল্লক্লি। ঙসিগী ফেসবুক পোস্ত অমদা, উপ রাস্ত্রপতিনা হায়খি মদুদি লৈবাক কয়ানা লোকদাউন লোইশিন্নখ্রে অমসুং শেন্মিৎলোন্দা মায় ওনশিন্নখ্রে। মহাক্না হায়খি, সরকার অসিনা শেন্মিৎলোন্দা খুমাং চাউশিন্ননবা খোংথাং কয়া লেপ্পা লৈতনা লৌখৎলি অমসুং পুম্নমক্না তঙাইফদবা চেকশিল থৌরাংশিং লৌখৎনবা অমসুং চৎন-কাংলোনশিং ইন্নবা খঙহল্লি। তম্বা ঙমদবা হকশেলগী খুদোংথীবা অসিবু ঐখোয় অমত্তা ওইনা থেংনমিন্ননবা পুক্নিং চিংশিল্লদুনা, শ্রী নাইদুনা হায়খি মদুদি, ঐখোয়গী লৈবাক অসিগী মপাঙ্গল অসি ঐখোয়না স্পিরিচুএলিতী অমসুং সাইন্সতা থাজবা থম্বগী মখা পোল্লি। কোবিদ-১৯গী উপাইদি মাঙজৌননা চেকশিন থৌরাং লৌখৎপনি হায়না পল্লদুনা, উপ রাস্ত্রপতিনা ফেস মাস্ক, অথাপ্পা থম্বা অমসুং খুৎশা তোইনা হাম্বনচিংবগী অচম্বা খোংথাং খরা পল্লদুনা মখোয়সিনা অশোই অঙাম য়াওদনা লৈনবগী হৌজিক ফাওবদা ঐখোয়না খঙবা লম্বীনি হায়খি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634907

কেন্দ্রগী গৃহ মন্ত্রী শ্রী অমিৎ শাহনা ঙরং নই দিল্লীদা ফমুং ১০০০ লৈবা সরদার পতেল কোবিদ কেয়র সেন্তরগী থবক থৌরাংশিং য়েংশিনখ্রে

কেন্দ্রগী গৃহ মন্ত্রী শ্রী অমিৎ শাহনা ঙরং ন্যু দিল্লীগী রাধা স্বামী সতসঙ্গ বিজদা লৈবা ফমুং ১০০০ ‘সরদার পতেল কোবিদ কেয়র সেন্তর’গী থবক থৌরাংশিং য়েংশিনখ্রে। ফমুং ১০০০ লৈবা সরদার পতেল কোবিদ কেয়র সেন্তরদা অসিনা দিল্লীদা লৈরিবা মীশিংগী অৱাবা কোকহনবদা চাওনা মতেং ফংলগনি হায়না শ্রী অমিৎ শাহনা ফোংদোকখি। কেন্দ্রগী গৃহ মন্ত্রীনা মসিগী শিংনবনা থল্লবা মতম অসিদা সরদার পতেল কোবিদ কেয়র সেন্তর অসি থবকশিং পাংথোকহন্নবগীদমক ইন্দো তিবেতন বোর্দর পুলিশ (আই.তি.বি.পি.)গী থৌমীশিংনা থৌনা লৈনা থবক তৌরিবশিং অসিগীদমক থাগৎপা ফোংদোকখি; লৈবাক অসিগী অমসুং দিল্লীগী মীশিংগী সেবা তৌনবগীদমক মখোয়গী ৱাশক অসি অনিশুদে হায়না মহাক্না ফোংদোকখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634907

কেন্দ্রগী ঐচ.আর.দি. মন্ত্রীনা কোবিদ-১৯গী মনুং অসিদা মহৈ-মশিংগী হীরমদা শোন্থহৌদনবা হোৎনরিবশিং পুথোকখ্রে

কেন্দ্রগী ঐচ.আর.দি. মন্ত্রী শ্রী রমেশ পোখ্রিয়াল 'নিশঙ্ক'না জি.২০ এক্সত্রাওরদিনরী ভর্চুএল এজুকেসন মন্ত্রীশিংগী মীফমদা শরুক য়াখ্রে। অসিগুম্বা অখন্নবা সেসন অসি কোবিদ-১৯না মহৈ-মশিংগী হীরম পীরিবা অকাইবশিং খন্ন-নৈননবা, তোঙান-তোঙানবা লৈবাকশিংনা করম্না থেংনরিবগে অমসুং অসিগুম্বা খুদোংথীরবা মতম অসিদা মেম্বর স্তেৎশিংনা পুন্না হোৎনদুনা থেংনবা য়াগদগে হায়বা খন্ননবা ফমখিবনি। মহাক্কী ৱারোলদা, কেন্দ্রগী মন্ত্রীনা মেম্বর পুম্নমক্তা ভারতনা কোবিদ-১৯গী মনুংদা মহৈ-মশিংগী হীরম য়াওনা অতোপ্পা কয়াদা করম্না থেংনরিবগে হায়বদু থমখি। শ্রী পোখ্রিয়ালনা ঐচ.আর.দি. মন্ত্রালয়না কোবিদ-১৯গী মনুংদা দিজিতেল লর্নিং হৌদোক্তুনা হোৎনরিবশিং অসিগী মতাংদা পাউদমখি। মহাক্না হায়খি, চহী অসিগী মনুংদা ঐখোয়না দিজিতেল কন্তেন্ত কয়া শেমখ্রে। হায়রিবশিং অসি দিক্সা, স্বয়ম, ভর্চুএল লেবশিং, ই.পি.জি. পাথসলা অমসুং নেসনেল দিজিতেল লাইব্রেরী অমসুং অতোপ্পা তোঙান-তোঙানবা প্লেৎফোর্মশিংদা হাপ্লি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634853

শ্রী অর্জুন মুন্দানা জি.ই.এম.দা ত্রাইবস ইন্দিয়াগী পোত্থোকশিং অমসুং ত্রাইফেদকী অনৌবা ৱেবসাইৎ অমা ভিদিও কনফরেন্সকী খুথাংদা হৌদোকখ্রে

কোবিদ-১৯ লাইচৎনা ঐখোয়গী লৈবাক অসিদা পীরিবা খুদোংচাদবা ময়াম অমনা ঐখোয়গী সমাজ অসিদা লৈরিবা কাঙলুপ খুদিংদা অৱাবা মাইয়োক্নহল্লে। লাইরবা অমসুং খুদোংচাবা ফংজদ্রবা খুনাইগী পুন্সি মহীংদা শাথীনা শোকহল্লে অমসুং মখোয়শিং অসিগী মনুংদা ত্রাইবেলশিং অসিসু অসিগুম্বা ৱারবা মতম অসিদা খ্বাইদগী ফিবম চাদ্রবশিংগী মনুংদা অমনি। ত্রাইবেল আর্তিসানশিং অসিনা থেংনরিবা অৱাবা কয়া অসি মাইয়োক্নবদা লাইনবগীদমক্তা, ত্রাইবেল এজিয়র্স মন্ত্রালয়গী ত্রাইফেদনা ত্রাইবেলশিংগী শেন্মিৎলোন হিংগৎহনবা য়ানবগীদমক্তা অমসুং পুন্সি মহিংদা মতেং পাংনবগীদমক তোঙান-তোঙানবা খোংথাং কয়া অমা হৌদোক্লি। ত্রাইফেদ দিজিতেল প্লেৎফোর্ম হৌদোকপগী ভিদিও কনফরেন্স অমদা ৱা ঙাংলদুনা কেন্দ্রগী ত্রাইবেল এফিয়র্স মন্ত্রী শ্রী অর্জুন মুন্দানা হায়খি, "ত্রাইফেদ ৱারিয়র্স"কী কাংবুনা উমংগী পোত্থোকশিংদা য়ুম্ফম ওইদুনা ত্রাইবেলশিংগী কম্মর্স পায়রগনি। মহাক্না হায়খি, মী কয়ানা মখোয়গী তঙাইফদবশিং লৈনবগীদমক ওনলাইন লৈনরিবমখৈ খুঙ্গংদা য়ুম্ফম ওইবা ত্রাইবেল প্রদ্যুসরশিংবু জাতিগী অমসুং অন্তর্জাতিগী কৈথেলদা পুখৎপা য়ানবা অনৌবা ই-প্লেৎফোর্মশিং হৌদোক্তুনা মালেমগী কৈথেলদা য়ৌহন্নবা মরুওইবা লাল্লোং অমা পুথোকখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634811

পি.আই.বি. ফিল্দ ওফিসশিংদগী ফংবা পাউ

• কেরলাঃ রাজ্যগী তুরিজম মন্ত্রী কদাকম্পাল্লী সুরেন্দ্রন্না হায়রি, থিরুবনন্থপুরমদা ওইরিবা কোবিদকী ফিবম অসি খম থেংনা অরুবা ওইরে অমসুং মফম অসিদা লৈরিবা মীপুম খুদিংমক্না সরকারনা পীবা চৎন-কাঙলোনশিং নিংথীনা ইনবীনবা খঙহল্লক্লি। মরক অসিদা মালাপুরমগী ইদাপ্পলদা লৈবা প্রাইবেৎ হোস্পিতাল অমগী দোক্তর অনী, নর্স অমা অমসুং পেরামেদিকেল স্তাফ ৩ য়াওনা হকশেলগী মীওই মঙা কোবিদ-১৯ পোজিতিব ওইরে; কম্ম্যুনিতী ত্রান্সমিসনগী অকিবা লাকপদগী পঞ্চায়ৎ মরিদা স্তাফশিংনা থাংজ নুমিৎ ফাওবদা দ্যুতী চৎলম্বদগী কন্তেন্মেন্ত জোন ওইরে হায়না লাউথোকখ্রে। কে.এস.আর.তি.সি.না মখোয়গী গুরুবায়রদা লৈবা দিপোৎ অদু মসিদা থবক তৌদুনা লৈবা কন্দক্তর অমা কোবিদ-১৯ পোজিতিব ওইরকপদগী লোনশিনখ্রে। রাজ্য অসিগী মপান্দা কেরলা মচা মরি, গল্ফ লৈবাক্তা অহুম অমসুং মুম্বাইদা অমা কোবিদ-১৯না মরম ওইদুনা লৈখিদ্রে। ঙরাং কেরলাদা খ্বাইদগী য়াম্বা কেস ওইনা ১৯৫ লাকখ্রে মখোয়শিংসিগী মনুংদা মপান্দগী পুশিনলকপা কেসতা মীওই ১৮০নি। হৌজিক হৌজিক্কী ওইনা রাজ্য অসিদা অনাবা ১,৯৩৯ লাইয়েংলি অমসুং অপুনবা মীওই ১,৬৭,৯৭৮না রাজ্য অসিগী তোঙান-তোঙানবা মফমদা ক্বারেন্তিন তৌদুনা লৈরি।
• তমিল নাদুঃ পুদুচেরীদা থবক্তগী পোথারবা পুলিস অমা কোবিদ-১৯না মরম ওইদুনা লৈখিদ্রে; অনৌবা কেস ৪৯ লাকখ্রে; য়ু.তি. অসিদা লৈরিবা এক্তিব কেস মশীং ৩৮৫নি অনাবা ২৫২ দিসচার্জ তৌখ্রে অমসুং ১১না লৈখিদ্রে। তমিল নাদুগী কোবিদ-১৯না লৈখিদ্রবা মশীং ১০০০ লানখ্রে। রাজ্য অসিদা কেস ৭৮,৩৩৫, লৈরি মসিগী মনুংদগী মীওই ৪৪,০৯৪না ঙরাং নাবা ফবগী রিপোর্ত লাকখ্রে।
• করনাতাকাঃ মেদিকেল এজুকেসন মন্ত্রী দা. কে সুধাকরনা হায়খ্রে, নিংথৌকাবগী নুনিদাং ৱাইরম ফাওবদা ফমুং ১০০০ লৈগদবা ফেসিলিতী লোইশিনবগী থবক মখা চত্থরি; প্রাইবেৎ হোস্পিতালশিংদা কোবিদ-১৯ লাইয়েংনবগীদমক ফমুং ৫০% খাক্তুনা থম্নবা য়াথং পীখ্রে। করনাতাকাদা কোবিদ-১৯ কেস হেনগৎলকপগা লোইননা জুলাই ৫গী নোংমাইজিং নুমিত্তগী হৌদুনা লোকদাউন লাউথোকখ্রে। ঙরাং অনৌবা কেস ৯১৮ লাকপগা লোইননা রাজ্য অসিদা খ্বাইদগী ৱাংবা রিপোর্ত লাকখ্রে। অপুনবা পোজিতিব কেসঃ ১১৯২৩, এক্তিব কেসঃ ৪৪৪১, লৈখিদ্রবাঃ ১৯১, দিসচার্জঃ ৭২৮৭।
• অন্ধ্র প্রদেশঃ উপ্প মুখ্য মন্ত্রী কে নরায়ন স্বামীগী পুত্তুরদা লৈবা ময়ুমদা লৈবা সেক্যুরিতী গার্দ অনী কোবিদ-১৯না নারম্লে। এন.তি.আর. য়ুনিবর্সিতী ওব হেলথ সাইন্সেস (এন.তি.আর.য়ূ.ঐচ.এস.)কী ভাইস চান্সেলর শ্যাম প্রসাদনা পি.জি. মেদিকেল অমসুং দেন্তেল স্তুদেন্তশিংগী থিওরী পরিখা ওগস্তকী অহানবা চয়োলদগী হৌরগনি। অন্ধ্র প্রদেশকী কোবিদ-১৯ কেস মশীং ১৩,০০০ য়ৌখ্রে। সেম্পল ২৫,৭৭৮ তেস্ত তৌরবা মতুংদা হৌখিবা পুং ২৪ অসিদা অনৌবা কেস ৮১৩, দিসচার্জ ৪০১ অমসুং ১২ লৈখিদ্রে। কেস ৮১৩গী মনুংদগী ৫০দি ইন্তর স্তেত কেসনি অমসুং নিপালনা মপান লৈবাক্তগীনি। অপুনবা কেসঃ ১৩,০৯৮, এক্তিব কেসঃ ৭০২১, দিসচার্জঃ ৫৯০৮ অমসুং লৈখিদ্রবাঃ ১৬৯।
• তেলঙ্গানাঃ প্রাইবেৎ লেবশিংদা তৌবা কোবিদ-১৯ তেস্তশিংদা চিংনবা য়াবা কয়া লাকপবু লুম্না লৌরদুনা, হকশেল মন্ত্রী, ই রাজেন্দরনা তেস্তকী চৎন-কাংলোন ইন্দবা অমসুং মখোয়গী রিজলদা চয়েৎনবা লৈবা লেবোরেতরীশিংদা নোতিস থাখ্রে। ঙরাং রিপোর্ত তৌরকপা অপুনবা কেসঃ ১৩৪৩৬, এক্তিব কেসঃ ৮২৬৫, লৈখিদ্রবাঃ ২৪৩, রিকোবর্দঃ ৪৯২৮।
• মহারাস্ত্রাঃ অনৌবা কোবিদ পোজিতিব কেস ৫,৩১৮ লাকখ্রে। রাজ্য অসিদা হৌজিক ফাওবদা লৈরিবা অপুনবা কেস মশীং ১,৫৯,১৩৩নি। এক্তিব কেস মশীংনা ৬৭,৬০০। লৈখিদ্রবা মশীং ৭,২৭৩। হৌজিক ফাওবদা তেস্ত তৌখ্রবা মী মশীং লাখ ৮.৯৭নি। মহারাস্ত্রদা, জিম্নাজিয়ম, শম ককফম, সেলোন অমসুং ব্যুতী পার্লরশিং থা অহুম লোল্লুরবা মতুংদা হাংদোকখ্রে।
• গুজরাৎঃ অনৌবা কোবিদ -১৯ পোজিতিব কেস ৬১৫ লাকখ্রে। রাজ্য অসিদা পোজিতিব কেস মশীং ৩০,৭৩৩ রিপোর্ত তৌরকখ্রে। এক্তিব কেস মশীংনা ৮,৩১৬নি, লৈখিদ্রবা মশীং ১,৭৩৩নি। অমদাবাদা ম্যুনিসিপাল কোরপোরেসন্না শহর অসিদা লৈবা হোস্পিতাল অমদা লাখ ৭৭কী ফাইন থীনবা খঙহনখে। হায়রিবা ফাইন অসি জুন ১৮দা কোবিদ-১৯গী ইদবান্স স্তেত্তা লৈরবা অনাবা অমদা মিনিত ৪৫ চুপনা ভেন্তিলেতর য়াওবা ফমুং পীবীরমদবগী অনাবা অদু লোখিদবগা মরী লৈনননি।
• রাজস্থানঃ অনৌবা কেস ১৭৫ লাকখ্রে। রাজ্য অসিগী কোবিদ-১৯গী অপুনবা মশীং অসি ১৭,১১৯নি। এক্তিব কেস মশীংনা ৩,২৯৭নি। নাবা ফগৎলকপগী চাংনা ৭৮%নি, হায়রিবসি লৈবাক অসিদা খ্বাইদগী ৱাংবা ওইরি। বিকানেরদগী খ্বাইদগী ৱাংবা কেস তৌরকখ্রে (কেস ৪৪), মসিগী মতুংদা জয়পুর (২৬) অমসুং মথংদা ঝুনঝুনু জিল্লা (২৩)।
• মধ্য প্রদেশঃ রাজ্য অসিদা অনৌবা কেস ২০৩ লাক্তুনা অপুনবা কেস মশীং ১২,৯৬৫ য়ৌরে। এক্তিব কেস মশীংনা ২,৪৪৪ ওইরি। হৌজিক ফাওবদা লৈখিদ্রবা মশীং ৫৫০নি।
• ছতিশগরঃ রাজ্য অসিদা অনৌবা কেস ৪৪ লাকখ্রে। হৌজিক ফাওবদা অপুনবা কেস ৩,০০৬ লৈরি। এক্তিব কেস মশীংনা ৬৯৬নি।
• গোৱাঃ রাজ্য অসিদা অনৌবা কেস ৮৯ লাকখ্রে, রাজ্য অসিগী অপুনবা কেস মশীং ১,১২৮ য়ৌখ্রে। হৌজিক রাজ্য অসিদা এক্তিব কেস মশীং ৭০৬ লৈরি।
• অসমঃ কেন্দ্রগী য়ুম্লৈ-কৈরৈ মন্ত্রী অমিৎ শাহনা অসমগী মুখ্য মন্ত্রী সর্বানন্দ সোনোৱাল অমসুং রাজ্য অসিগী হকশেলগী মন্ত্রী হিমন্ত বিস্বা শর্মগা ঙসি ৱারী শান্নখ্রে অমসুং ব্রহমুপুত্র তুরেলগী ফিবম লুশিনলক্লিবা অমসুং গৌহাতী মনাক্তা চীং কিন্থখিবগী মতাংদা হংখ্রে; রাজ্য অসিদা অঙম্বা মতেং পাংগনি হায়না থাজবা পীখ্রে।
• মনিপুরঃ মনিপুরগী তমেংলোং দিস্ত্রিক হোস্পিতালদা ত্রুনেৎ তেস্তিং মেচিন অমা হাংদোকখ্রে। হায়রিবা জিল্লা অসিনা রাজ্য অসিগী খ্বাইদগী ফিবম শোকপা জিল্লা ওইরি। তোঙান-তোঙানবা ক্বারেন্তিন সেন্তরশিংদা লৈরিবা ইন্মেৎশিংগী মরক্তা কোবিদ লাইনা শন্দোকপা থিংনবগী মতাংদা খন্ননবা সোসিএল ৱেলফিয়র অমসুং কোওপরেসন মন্ত্রী ওইরিবী নেমচা কিপগেন্না য়েংশিন মীফম অমা কৌখ্রে।
• মিজোরমঃ মিজোরমদা লৈবা অসম রাইফলশিংনা সোসিএল দিস্তেন্সিংগী কাংলোন চৎনবা য়ানবা অনৌবা মওং অমা ওইনা শাতিন শীজিন্নবা হৌখ্রে, মসিনা কোবিদ-১৯ ঙাকথোক্নবগী কান্নরবা মেথদ অমা ওইরগনি। শাতিন কয়া অমা শেলথুমগী ফিবম ফত্ত্রবা, নাম্ম শোইরবা অমসুং ঙোপা, নিম্বুং, কোলবেম, ন্যু বাইখৌতলাং অমসুং নাহলান খুলগী অহলশিংদা য়েন্থোকখি।
• নাগালেন্দঃ নাগালেন্দদা অনৌবা কোবিদ-১৯ কেস ২৫ লাকখ্রে মসিনা অপুনবা মশীংদা ৪১২ শুহনখ্রে, মসিগা লোইননা এক্তিব কেস ২৪৮ লৈরি অমসুং ১৬৪ অমনা নাবা ফখ্রে।

*****