PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 26 JUN 2020 6:29PM by PIB Imphal

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • এক্তিব কেস্তগী রিকোবর্দ কেস মশীংনা ৯৬,১৭৩ হেনখ্রে
  • হৌখিবা পুং ২৪ অসিদা, কোবিদ-১৯ অনাবা মীওই ১৩,৯৪০ নাবা ফখ্রে, মসিনা অপুনবা ফিগরদা ২,৮৯,৪৬৩ য়ৌরে। রিকোবরী রেৎনা ৫৮.২৪% য়ৌরে।
  • হৌজিক-হৌজিক্কী ওইনা, কোবিদ-১৯ এক্তিব কেস মশীং ১,৮৯,৪৬৩ লৈরি।
  • প্রধান মন্ত্রীনা 'আত্মনির্ভর উত্তর প্রদেশ রোজগার অভিয়ান' হৌদোকখ্রে
  • কেন্দ্র সরকারনা অৱাং নোংপোক রাজ্যশিংনা কোবিদ-১৯ লান্থেংনবদা মতেং পাংলি
  • হোম সেক্রেতরীনা কেন্দ্রগী য়ুম্লৈ-কৈরৈ মন্ত্রীনা ময়াই তাংবল লৌদুনা জুন ২১দা পাঙথোকখিবা মীফম অমদা দিল্লীগী কোবিদ-১৯গী মতাংদা লৌখিবা ৱারেপশিং য়েংশিনখ্রে;নীংথীনা অমসুং মতম চানা থবক পায়খৎলি হায়খ্রে।
  • কোবিদ-১৯না মরম ওইদুনা ওইরক্লিবা ফিবম অসি য়েংলগা সি.বি.এস.ই.না জুলাই ১দগী পাঙথোক্কনি লেপলম্বা ক্লাস ১০ অমসুং ১২কী পরিখা পাঙথোক্লরোই

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ অনাবা মীওইদগী নাবা ফরবা মীওইনা মশিং ৯৬,০০০ হেল্লেঃ কোবিদ-১৯ নাবা ফরকপগী চাং চাদা ৫৮.২৪ য়ৌরে

অনাবা মীওইদগী নাবা ফরবা মীওইনা মশিং ৯৬,১৭৩ হেল্লে। হৌখিবা পুং ২৪দা কোবিদ-১৯ নাবা মীওই ১৩,৯৪০ নাবা ফরে, হৌজিক অপুনবা ওইনা অনাবা মীওই ২,৮৫,৬৩৬ কোবিদ-১৯দগী ফরে। কোবিদ-১৯ নারবা মীওইশিংগী মরক্তা নাবা ফবগী চাং হেনগৎলক্তুনা চাদা ৫৮.২৪ য়ৌরে। হৌজিক এক্তিব কেস ১,৮৯,৪৬৩ লৈরি অমসুং পুম্নমক মেদিকেলগী চেকশিন-থৌরাং মখাদা লায়েংলি। লৈবাক শীনবা থুংনা কোবিদ-১৯ তেস্তিং লেবশিং লিংখৎপা দরকার ওইরকপদগী, হৌখিবা পুং ২৪দা আই.সি.এম.আর.না অনৌবা লেব ১১ হাপচিল্লে। হৌজিক্কী ভারতকী কোবিদ-১৯ তেস্তিং লেব ১০১৬ লৈরে। মসিগী নুংদা সরকারগী লেব ৭৩৭ অমসুং লনাইগী লেব ২৭৯নি। হৌখিবা পুং ২৪দা সেম্পল ২,১৫,৪৪৬ চাংয়েং তৌখি। হৌজিক ফাওবদা অপুনবা সেম্পল ৭৭,৭৬,২২৮ চাংয়েং তৌখ্রে।

অকুপ্পা ৱারোলগীদমক, https://pib.gov.in/PressReleasePage.aspx?PRID=1634478

এন.ই. স্তেৎশিংনা কোবিদ-১৯ লান্থেংনবদা কেন্দ্রনা মতেং পাংলি

লৈবাক অসিদা লায়চৎ অসিগী মায়োক্তা লান্থেংনবা অসি চুংশিন্নদুনা অমসুং পুন্না হোৎনবা অমনি। কোবিদ-১৯ লান্থেংন্নবা এন.ই. স্তেৎশিংগী মেদিকেল কেয়র ইনফ্রাস্ত্রকচর অসি ফগৎহনবদা কেন্দ্রনা থৱায় য়াওনা অমসুং অঙম্বা মতেং পীরি।

লৈবাক অসিগী অতোপ্পা মফমশিংগা চাংদম্নবদা অৱাং নোংপোক (এন.ই.) স্তেৎশিং অসিদা কোবিদ-১৯গী কেসকী মশিং অসি য়াম্না নেম্মী। হৌজিক ফাওবগী ওইনা মখাগী তেবল অসিদা উৎলিবা অসিদা এক্তিব কেস ৩৭৩১ ওইরি অমরোমদা ফগৎখিবা অসিদগী হেন্দুনা ৫৭১৫ ওইরি। মনিপুর, মিজোরাম, নাগালেন্দ অমসুং সিক্কিমদা শীখিবা য়াওদবগা লোয়ননা শীখিবগী চাং অদুমক নেম্মী। হকশেল অমসুং য়াইফ য়ুম্বাল মন্ত্রালয়গী খুত্থাংদা কেন্দ্রনা মীৎয়েং চংলকপনা মরম ওইরগা এন.ই.দা পব্লিক সেক্তরদা তেস্তিং লেব ৩৯ অমসুং লনাই সেক্তরসা অহুম লৈদুনা পুন্না লেব ৪২ লৈরে। এন.ই. স্তেৎশিংগী আই.সি.য়ু. বেদশিং, আইসোলেসন বেদশিং, ওক্সিজেন য়াওবা বেদশিং অমসুং ভেন্তিলেতরশিংগী মশিং হেনগৎহনবদা ভারত সরকারনা মতেং পাংখি। মসিনা কোবিদ-১৯ কেসশিংগী ক্লিনিকেল মেনেজমেন্তদা মপুং ফাহনবদা মরু ওইবা থৌদাং অমা লৌখি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1634434

প্রধান মন্ত্রীনা 'আত্মনির্ভর উত্তর প্রদেশ রোজগার অভিয়ান' হৌদোকখ্রে

প্রধান মন্ত্রী শ্রী নরেন্দ্র মোদীনা ঙসি মফমসিদগী ভিদিও কনফরেন্সিংগী খুত্থাঙদা ‘আত্মনির্ভর উত্তর প্রদেশ রোজগার অভিয়ান’ হৌদোকখ্রে। মসিগী মখাদা মাইগ্রেন্ত শিন্মীশিংদা থবক পীননবগী খুদোংচাবশিং পীবগা লোয়ননা, লমদমদুগী ওইবা ওন্ত্রপ্রিনরসিপ য়োকখৎকনি।

থৌরমদুদা ৱা ঙাঙলদুনা, প্রধান মন্ত্রী শ্রী নরেন্দ্র মোদীনা হায়খি মীপুম খুদিংমক্না কোবিদ-১৯ লাইচৎসিগী খুদোংথিবা অসিদগী লান্থোকপা ঙমগনি। ভেক্সিন অমা ফংদ্রিফাওবদি মীতর অনিগী অরাপ্পা থমবা, মায়দা মায়খুম উপ্পা অসিনা খ্বাইদগী ফবা ঙাকথোক্নবগীদ পাম্বৈশিং ওইগনি হায়না মহাক্না হায়খি।

উত্তর প্রদেশনা অৱাবা তারবা ফিভমসিবু খুদোংচাবা ওন্থোক্লিবা মওং মতৌ, লাইচৎ মনুংসিদা মীয়ামগা চৎমিন্নরিবা অসিগীদমক্তা পি. এম.না অপেনবা ফোংদোকখি। মহাক্না হায়খি, অতোপ্পা স্তেৎশিংনা ‘আত্মনির্ভর উত্তর প্রদেশ রোজগার অভিয়ান’দগী মতৌ তম্নীংঙাই লৈগনি অমদি মসিনা পুক্নীং থৌগৎকনি। কোরোনানা মালেমগী অচৌবা ৱাথোক অমা ওইরিঙৈ তানফমসিদা উত্তর প্রদেশনা উৎলিবা থৌনা অমদি লৌশিং অদুবু পি. এম.না থাগৎখি। মহাক্না হায় স্তেৎ অসিনা মায় পাক্লিবা মওং অমদি মখোয়না ফিভম অসিবু হেন্দল তৌরিবা মওং অসি হান্না পানরমদবা মওংনি অমদি থাগৎনীংঙাইগী মশক্নি। পি. এম.না য়ু. পি.গী দোক্তরশিং, পেরেমেদশিং, সেনিতেসন স্তাফ, পুলিস, অশা, অঙ্গনৱারী থৌমীশিং, বেঙ্ক অমদি পোস্ত ওফিসশিং, ত্রান্সপোর্ত সর্ভিসশিং অমদি শিন্মীশিংবু মখোয়গী থৌদাংগীদমক থাগৎখি।

অকুপ্পা ৱারোলগীদমক,https://www.pib.gov.in/PressReleseDetail.aspx?PRID=1634472

প্রধান মন্ত্রীনা 'আত্মনির্ভর উত্তর প্রদেশ রোজগার অভিয়ান' ভিদিও কনফরেন্সিংগী খুথাংদা হৌদোকখিবগী ৱারোল

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634502

গরীব কল্যান রোজগার অভিয়ান ৱেব পোর্তেল হৌদোকখ্রে

কেন্দ্রগী খুঙ্গং চাউখৎ থৌরাং অমসুং লৌউ-শিংউ অমসুং লৌমীশিংগী য়াইফ-থৌরাং মন্ত্রী শ্রী নরেন্দ্র সিংহ তোমারনা ঙসি গরীব কল্যান রোজগার ৱেব পোর্তেল হৌদোকখ্রে। গরীব কল্যান রোজগার য়োজনা অসি প্রধান মন্ত্রী শ্রী নরেন্দ্র মোদীনা হৌদোকখিবা ভারত সরকারনা মীওই কয়া থবক পীবগা লোইননা খুঙ্গংগী ইনফ্রাস্ত্রকচর চাউখৎহন্নবা শেমখিবা অচৌবা থৌশিল অমনি। মসিগী পান্দমদি অতোপ্পা লমদা থবক শুরুবদগী কোবিদ-১৯না মরম ওইদুনা মাগী মাগী লমদা হন্নরক্লবা শিন্মীশিংদা মথংগী থা মরি ফাওবা থবক পীনবা হোৎনবনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634566

য়ুনিয়ন হোম মিনিস্তর অমিৎ শাহনা লুচিংদুনা জুন ২১দা দিল্লীদা কোবিদ-১৯গী মতাংদা লৌখিবা ৱারেপশিং থবক ওইনা পায়খৎনবা য়ুনিয়ন হোম সেক্রেতরীনা অমুক হন্না য়েংশিনবগী মীফম পাংথোকখ্রে

য়ুনিয়ন হোম সেক্রেতরীনা পাংথোকখিবা মীফম অদুদা ৱারেপশিং থবক ওইনা ফজনা অমসুং মতম চানা পায়খৎলে অমসুং দিল্লীগী কোবিদ-১৯ থেংননবা থৌরাং চপ চানা লৌখৎলে হায়বা ৱাফম মীফম অদুদা থমখি । কোবিদ-১৯গা মরী লৈনবা থবকশিং পায়খৎনবা জিলা থাক্কী কাংবুশিং শেমখি । য়ুনিয়ন হোম মিনিস্তর অমিৎ শাহনা মতম লেপখিবগী মতুংইন্না দিল্লীদা কোবিদ-১৯ শন্দোক্লিবা মফম পুম্নমক য়াওনা লাইচৎ শন্দোক্লিবা মফমশিং অমুক হন্না মশক খঙদোকপগী থবক জুন ২৬দা লোইশিল্লগনি হায়না মীফম অদুদা থমখি । জুন ৩০দগী য়ুমথোং-য়ুমথোং চংদুনা হকশেলগী সর্ভে তৌবগী থবক হৌরগনি ।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634499

কোবিদ-১৯না মরম ওইদুনা ওইরক্লিবা ফিবম অসি য়েংলগা সি.বি.এস.ই.না জুলাই ১দগী পাঙথোক্কনি লেপলম্বা ক্লাস ১০ অমসুং ১২কী পরিখা পাঙথোক্লরোই

রাজ্য সরকারশিংনা হায়জরকপা অমসুং হৌজিক ওইরিবা কোবিদ-১৯না থোকহল্লিবা অৱাবা ফিবম অসি য়েংদুনা সি.বি.এস.ই.না জুলাই ১দগী ১৫, ২০২০ ফাওবদা পাঙথোক্কনি হায়না লেপ্লম্বা ক্লাস ১০ অমসুং ১২কী পরিখাদু পাঙথোক্লরোই হায়খ্রে। সি.বি.এস.ই.না পরিখা পাঙথোক্তনবগীদমক হায়জখিবদুসু সুপ্রিম কোর্তনা অয়াবা পীখ্রে অমসুং ক্লাস ১০ অমসুং ১২কী পরফোর্মেন্স অদু স্কিম অমগী মখাদা লেপ্লগনি হায়রি। ঐচ.আর.দি. মন্ত্রী শ্রী রমেশ পোখ্রিয়াল 'নিশাঙ্ক'না হায়খ্রে মদুদি পাঙথোক্লরোইদবা পরিখাসিগী পরফোর্মেন্স অদু সি.বি.এস.ই.গী মতীক চাবা কম্মিতী অমনা লৌরকপা ৱারেপনা লেপ্পা এসেস্মেন্ত অমনা লেপকনি। করিগুম্বা ফিবম অসিনা হেক খরা শাফরকপগা সি.বি.এস.ই.না জুলাই ১দগীনা ১৫ ফাওবদা তৌগনি লেপ্লম্বা পরিখাদুগী ওপস্নেল পরিখা অমা পাঙথোক্কনি। স্কিম অমগী মখাদা পাঙথোকপা এসেস্মেন্তনা লাউথোক্লকপা রিজলকী মতুং ইন্না হায়রিবা ওপস্নেল পরিখা অসিদা ফমদুনা মখোয়গী পরফোর্মেন্স অদু ফগৎহনবা য়াগনি, করিগুম্বা মখোয়না পাম্লবদি। মহাক্না হায়খি, ক্লাস ১০গী মহৈরোইশিংগী ওইনদি মখা তাবা পরিখা অমত্তা পাঙথোক্লরোই। মথক্তা পনখিবা স্কিম অসিগী মতুং ইন্না হায়দোক্কদবা রিজল অদু মখোয়না হাইয়র এজুকেসন ইন্সতিত্যুৎশিংদা মিং চনবা য়ানবগীদমক জুলাই ১৫ ফাওবদা হায়দোক্কনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634520

ভারত্তা মেনুফেকচরিং সেক্তর চাওখৎহন্নবগীদমক লৌশিংবু লন ওন্থোকপা মরু ওই শ্রী নিতিন গারকরি

কেন্দ্র মন্ত্রী, শ্রী নিতিন গারকরিনা ঙরা ভিদিও কন্ফরেন্সিংগী খুত্থাঙদা ইঞ্জিনিয়রিং এক্সপোর্ত প্রমোসন কাউন্সিলগী মীহুৎশিংগা লাইচৎ অসিগী মতুংদা সেক্তর অসিদা চাউখৎপা পুরক্নবা ৱাফমশিং খন্ননবগীদমক মীফম পাঙথোকখ্রে‍। মহাক্না পেনেল অদুবু পূক্নীং থৌগৎলদুনা লোকদাউন মনুংসিদা শেন্মিৎলোনগী সেক্তর খুদিংমক্না অতেনবা মতমগী ওইবা খুদোংথিবা ফীভম কয়া থেংনরবসু, ‘পুক্নীং মাঙদবা অমদি ঈশাদা থাজবা থমবা’ অসিনা খুদক্কী ওইবা অপনবশিং অসিবু লান্থোকপদা মতেং ওইগনি‍ হায়না ফোঙদোকখি‍। মহাক্না হায়খিবদা এম. এস. এম. ই. সেক্তরনা লৈবাকসিগী এক্সপোর্তকী চাদা ৪৮গী শরুক ওইরি অমদি মসি তেক্নোলোজী হেনগৎহনবা অমদি পোত্থোক ফগৎহনবা হায়রিবশিংসিগী মতেংনা হেনগৎহনগদবনি‍। মসিগীসু মথক্তা লোজিস্তিক, ত্রান্সপোর্ত অমদি খুৎশুমল মশক থোক্না হন্থহনবনা লৈবাকসিগী মেনুফেকচরিং ইন্দস্ত্রী চাওখৎহনবদা মতেং ওইগনি হায়না মহাক্না মখা তাখি‍। মালেমসিনা তপ্না তপ্না কোবিদ-লাইচৎসিবু লাকশিনবা ঙম্লকপগা ইরোয়ননা – লৈকসিদগী মপান লমদা পোত্থোক থাদোকবদা মতেং ওইনবগীদমক হেন্না ফগৎহনবা মথৌ তারিবা অতোপ্পা ফেক্তর অমদি পেকেজিং অমদি স্তেন্দর্দাইজেসন ফেসিলিতীশিংসিনি‍ হায়নসু মহাক্না ফোঙদোকখি ।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634438

নীতি আয়োগনা লমচৎ শাজৎতা অহোংবা পুরক্নবা কেম্পেন নেবিগেতিং দি ন্যু নোর্মেলঅমসুং ৱেবসাইৎ হৌদোকখ্রে (মীয়াম্না মাস্ক-উপ্পাগী মতাংদা তঙাই ফদবা মীৎয়েং থম্বা)

নীতি আয়োগনা বিল এন্দ মেলিন্দা গেৎস ফাউন্দেসন (বি.এম.জি.এফ.), সেন্তর ফোর সোসিএল এন্দ বিহেবিয়রেল চেঞ্জ (সি.এস.বি.এস.), অশোকা য়ুনিভর্সিতি, অমসুং হকশেল মন্ত্রালয়শিং অমসুং দবল্যু.সি.দি.গা চুশিন্নদুনা ঙসি ‘নেবিগেতিং দি ন্যু নোর্মেল’ কৌবা লমচৎ শাজৎতা অহোংবা পুরক্নবা কেম্পেন অমা অমসুং মসিগী ৱেবসাইৎ হৌদোকখ্রে। ঙসি হৌজিক থোক্লিবা লায়চৎ অসিগী ‘অনলোক’ ফেজ মনুংগী ওইবা কোবিদকী শাফগদবা লমচৎ শাজৎ মরু ওইনা মাস্কশিং উপ্পাদা মীৎয়েং থমদুনা কেম্পেন অসি হৌদোকখি। নীতি আয়োগ, হকশেল অমসুং য়াইফ য়ুম্বাল মন্ত্রালব অমসুং বি.এম.জি.এফ.কী মকোক থোংবা ওফিসিএলশিংসু য়াওখি। ৱেনকাস্ত অমগী থংদা পাঙথোকখিবা ভর্চ্যুল ওইনা হৌদোকপা অসিদা নীতি আয়োগকা পুন্না থবক তৌরিআ এন.জি.ও. অমসুং সিবিল সোসাইতি ওর্গনাইজেসন (সি.এস.ও.) ৯২,০০০ রোমনা শরুক য়াখি। ভারত সরকারনা অমসুং নীতি আয়োগকী সি.ই.ও.না চিয়র তৌদুনা শেম্বা এম্পাৱর তৌখ্রবা গ্রুপ ৬গী লুচিং মখাদা কেম্পেন অসি শরুক অনি থোকই। অহানবা অসিনা হৌজিক চৎথরিবা অনলোক ফেজ অসিগী মনুংদা তৌগবা কোবিদকী শাফগদবা লমচৎ শাজৎকা মরী লৈনবা কাংলোনশিংগী বিহেবিয়রেল সাইন্স অমসুং ইঙ্কিৎ অমসুং খুন্নাইগী চৎনলোনচৎশিং শীজিন্নবগী থীওরিনা পীবা ৱারোমশিং য়াওবা ৱেব পোর্তেল http://www.covidthenewnormal.com/ অমসুং অনিশুবা অসিনা মাস্কশিং করম্না উপকনি হায়বদা মীৎয়েং থম্বা মীদিয়া কেম্পেন অমা।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634328

কেন্দ্রগী এফ.পি.আই. মন্ত্রীনা রাজ্য অমসুং ইনবেস্তর খুদিংদা ভারতকী ফুদ প্রোসেসিং সেক্তরগী খুদোংচাদবশিং অসি খুদোংচাবদা ওইনা ওন্থোকপদা শরুক য়ামিন্নসি হায়খ্রে

কেন্দগ্রী এফ.পি.আই. মন্ত্রী শ্রীমতি হরসিম্রত কোর বাদলনা লুচিংদুনা ঙসি ইনবেস্ত ইন্দিয়াগী এক্সক্লুসিব ইনবেস্তমেন্ত ফোরম অমসুং ভারত সরকারগী নেস্নেল ইনবেস্তমেন্ত প্রোমোসন অমসুং ফেসিলিতেসন এজেন্সীগী ফুদ প্রোসেসিং ইদিসনগী অনিশুবা সেরিজকী মীফম ফমখ্রে। কেন্দ্রগী মন্ত্রীনা হায়খিবদা লৈবাক শিনবা থুংনা পাংথোকখিবা লোকদাউন অসি মায় পাকপগী মরমদি হৌরকপদগী হৌনা সরকারনা চংদ্রবা য়াদ্রবা পোৎলমশিং, মরু ওইনা চানবা চিঞ্জাকশিং, অসি লৈবাক্কী কাচিন কোয়া য়ৌনা ফংহন্নবা হোৎনখিবা অদুগীনি হায়খি। কেন্দ্রগী মন্ত্রীনা মন্ত্রালয় অসিনা মাইক্রো এন্তরপ্রিনরশিংবু ওফিসিএল ওইনা শক খংনবা স্কিম অমা জুন ২৯, ২০২০দা হৌদোক্কদবা অদুগী মতাংদা হায়খি অমসুং মসিনা খ্বাইদগী অনৌবা খংফম থোকপশিং, এফোরদেবল ক্রেদিৎ অমসুং অনৌবা মার্কেৎ খংহনবদা তেংবাংগনি হায়খি। ফুদ প্রোসেসিংদা লৈরিবা থবক্কী ৭৪%দি অনওর্গানাইজদ সেগমেন্ততা লৈ হায়না মহাক্না হায়খি। ঐখোয়না খংবা লাখ ২৫গী ৬০%দি খুঙ্গংগী মফমশিংদা লৈ অমসুং মসিগী মনুংদা ৮০%দি ইমুং মনুংনা মপু ওইদুনা লৈবনি হায়খি। মসিগী সেগমেন্ত অসি খক্তনা ‘আত্মানির্ভর ভারত’কী হয়েং ওইরক্কদা ফিভম ওইগনি অমসুং মসিনা খোংথাং অসি মায় পাকহনবা ঙমগনি হায়খি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634533

ওপরেসন সমুদ্র সেতু আই. এন. এস. জলশ্বা ইরানগী বন্দর অব্বসতগী ভারত মচাশিং পুদুনা খোঙশাল্লক্লে

আই. এন. এস. জলশ্বা ইরানগী বন্দর অব্বস মপানদা জুন ২৪, ২০২০গী নুমিদাংৱাইরমদা য়ৌখ্রে অমদি ইন্দিয়ন নেভীগী ওপ সমুদ্র সেতুগী মখাদা অতোপ্পা মিসন অমগীদমক জুন ২৫, ২০২০দা হিথাংফম মনুংদা চঙশিনখ্রে‍। জহাজ অদুনা মথৌ তাবা মেদিকেল অমদি বেগ্গেজ স্কৃনিং তৌরবা মতুংদা ভারত মচা ৬৮৭ পুদুনা খোঙশাল্লকখ্রে‍। জহাজ অদুনা ইন্দিয়ন নেভীনা লমদমসিদা শাজবা এয়র ইভাকুএসন পোদ অনিসু ইরানিয়ন ওথোরিতীদা খুৎশিন্নখি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1634421

ইস্তর্ন রেলৱেগী ফ্রৈৎনা পুবা পোৎ তন মিল্লিয়ন ১২.৩০৪ য়ৌখ্রে

কোবিদ-১৯না মরম ওইদুনা লৈবাক পুম্বা লোকদাউন লৈদুনসু ইস্তর্ন রেলৱেনা মসিগী ফ্রৈৎ সর্বিস মখা তানা অদুমক চত্থদুনা লোকদাউনগী মনুংদা তঙাইফদবা পোৎলমশিং অমসুং অতোপ্পা পোৎলম কয়া তোঙান-তোঙানবা মফমশিংদা য়ৌহল্লি। ই.আর.গী লোদিং অসি এপ্রিল ১, ২০২০দগী হৌদুনা জুন ২৪, ২০২০ ফাওবদা তন মিল্লিয়ন ১২.৩০৪ য়ৌখ্রে মসিনা পান্দম থমখিবা তন মিল্লিয়ন ১১.৬১২দগী হেন্দোক্লে। মসিগী মনুংসিদা কোইলা পুখিবা খক্তদা তন মিল্লিয়ন ৭.৯৬৩ য়ৌখি অমসুং অতোপ্পা পোৎচৈ পুখিবনা তন মিল্লিয়ন ৪.৩৪১ য়ৌখি।

অকুপ্পা ৱারোলগীদমক, https://pib.gov.in/PressReleasePage.aspx?PRID=1634270

 

পি.আই.বি. ফিল্দ ওফিসশিংদগী ফংবা পাউ

 

  • চন্দিগরঃ য়ু.তি. চন্দিগরগী এদমিনিস্ত্রেতরনা ওফিসিএল খুদিংমক্তা মীৎকুপ নাহুম শিংনা য়েংশিন্নবা অমসুং সোসিএল দিস্তেনকী ওইবা চৎন-কাঙলোনশিং অমসুং হকশেলগী ওইবা তৌগদবশিং থুগাইবা অমসুং ইন্দবশিংবু শহর অসিগী তোঙান-তোঙানবা মফমশিংদা অখন্নবা কাংবু অমনা দ্রাইব চত্থদুনা দন্দি পীনবা খঙহনখ্রে।
  • পঞ্জাবঃ পঞ্জাব সোসিএল জস্তিস, এম্পাৱরমেন্ত অমসুং মাইনোরিতী মন্ত্রীনা মীয়ামগী মতেং অসি কোবিদ-১৯ লান্থেংনবদা য়াম্না তঙাইফদবনি হায়খ্রে, মখা তানা মীয়াম্না মতেং পাংলবখক্তদা মসিগী তৌঙমদ্রবা থবক অসি মায় পাক্কদৌরিবনি হায়খ্রে। মহাক্না মীয়ামদা হকশেলগী ওইবা চৎন-কাঙলোনশিং, করিগুম্বা পোৎ অমা পায়রুরবা মতুংদা খুৎশা সাপোন নত্ত্রগা সেনিতাইজরনা চাং নাইনা হাম্বা য়াওনা। সোসিএল দিস্তেন্সিংগী কাঙলোন ইনবগী মথক্তা মপান্দবু থোক্লবদি মাস্ক উপ্পীবনা কোবিদ লান্থেংনবগী অমত্তা ঙাইরবা খুৎলাইনি।
  • হিমাচল প্রদেশঃ ভন্দে ভারত মিসনগী মখাদা ঙসি ফাওবদা লৈবাক/শহর ৭১দগী হিমাচল প্রদেশতা মীওই ৪৪৪ হেন্না মপান্দগী উশল্লকখ্রে। হায়রিবা মীওইশিং অসি রাজ্য অসিগী ওফিসরশিংনা মরী লৈনবা এয়রপোর্তশিংদগী ওকখি অমসুং মখোয়বু রাজ্য অসিদা হেক য়ৌবগা ইন্সতিত্যুসনেল ক্বারেন্তিন তৌদুনা থমখ্রে।
  • কেরলাঃ রাজ্যগী মপান থৌরম পুবা মন্ত্রী ভি. মুরালেধরন্না হায়রি, কেরলানা রাজ্য অসিদা মপান লৈবাক্তগী পুরকপা মীশিংনা চৎকদবা চৎন-কাঙলোনশিং অমা রাজ্য অসিখক্তগী ওইনা পাম্লিবদু চৎনবা য়ারোই। মরক অসিদা, রাজ্য অসিদা হল্লক্লবা মপান্দগী লাকপা মীওইশিংদা এন্তিবোদী তেস্ত তৌনবগী শেম শাবা পুম্নমক লোইরে। ঙসি অপুনবা ফ্লাইৎ ২১ কোচিদা থুংলগনি। ফ্লাইৎ ২০ অমনা গল্ফ লৈবাক্তগীনি, অমসুং অমনা জিওর্জিয়াদগীনি। কোত্তায়ামদা মপান্দগী হল্লক্লবা মতুংদা নহা অমা লৈখিদবদু কোবিদ-১৯না মরম ওইদুনা শিবা নৎলমদ্রে। হৌখিবা থা খরদা নীংথীনা লাকশিল্লুরবা কেরলা হৌজিক্তি লোকদাউন খরা কোম্থোক্লকপগা লোইননা কেরলাদা লৈবা নত্তবা মীওইশিং হল্লকপদগী অনৌবা কেস চাং নাইনা রেকোর্দ তৌরক্লি। ঙরাং, কোবিদ-১৯গী অনৌবা কেস ১২৩ লাকখি, মসিনা রাজ্য অসিদা অপুনবা অনাবা ৩,৭২৬ য়ৌখ্রে। হৌজিক অনাবা মীওই ১,৭৬১ রাজ্য অসিদা লাইনা অসিদগী লাইয়েংলি।
  • তমিল নাদুঃ পুদুচেরীদা অনৌবা কোবিদ-১৯ কেস ৩০ লাকখ্রে, মাইল ওইবা কেসশিং আই.জি.এম.সি.আর.আই.দগী কেয়র সেন্তরদা হোংদোকখ্রে। ঙসিগী ১৬ য়াওনা অপুনবা ওইনা অনাবা ২০৩ পুগফ-ফরবা মতুংদা দিসচার্জ তৌখ্রে অমসুং হৌজিক ফাওবদা য়ু.তি. অসিদা মীওই মাপন লৈখিদ্রে। তমিল নাদুদা নোংমদা খ্বাইদগী য়াম্বা রেকোর্দ ওইনা ঙরাং কোবিদ-১৯ কেস ৩,৫০৯ লাকখি। মসিগা লোইননা রাজ্য অসিদা কনফার্ম কেস ৭০,৯৭৭ য়ৌখ্রে। চেন্নইদা লৈবা এক্তিব কেস অসি ১৮৯৬৯নি অমসুং রাজ্য অসিদা অপুনবা ওইনা লৈখিদ্রবা মশীংনা ৯১১নি।
  • করনাতাকাঃ বেঙ্গলোর শহরদা নোংম-নোংমগী কোবিদ কেস হেনগৎচরবসু রাজ্য সরকারনা অমুক হন্না লোকদাউন তৌদনবা লেপখ্রে। মুখ্য মন্ত্রীনা হায়, বেঙ্গলুরুদা লৈবা ফমুংগী মশীং ১০০০দা হেনগৎলগনি অমসুং হৌজিক লৈরিবা লোকদাউনগী কাঙলোনশিং অসি হান্নদগী হেন্না চেৎশিলহল্লগনি। করনাতাকাগী হায় কোর্তনা কন্তেন্মেন্ত জোন ৪০০দা লৈরিবা তঙাইফদবা পোৎলমশিং শোইদনা ফংহন্নবা বি.বি.এম.পি.দা খঙহনখ্রে। রাজ্য অসিগী চাইল্দ রাইৎস কম্মিসন্না রাজ্য অসিনা ক্লাস মঙাশুবা ফাওবগী অঙাংশিংদা ওনলাইন ক্লাস লৌবা য়ারোই হায়না লেপখিবা ৱারেপ্পু তরাম্না ওকখ্রে। মরকসিদা মেদিকেল এজুকেসন দিপার্তমেন্তনা কোবিদ লাইয়েংনবগীদমক প্রাইবেৎ মেদিজেল ১১দা অমসুং সরকারগী অমদা ফমুং ২৩০৪ খাক্নবা খঙহনখ্রে। হকশেলগী কম্মিসনরনা আই.এল.আই. অমসুং সারি কেস চেক তৌনবগীদমক কম্ম্যুনিতী হেলথ সেন্তরশিংদা ফেবর ক্লিনিক হাংদোক্নবা খঙহনখ্রে। রাজ্য অসিদা ঙরাং অনৌবা কেস ৪৪২ লাক্লে অমসুং ৬ লৈখিদ্রে। হৌজিক অপুনবা কেস মশীং ১০,৫৬০ অমসুং লৈখিদবা মশীং ১৭০ শুখ্রে।
  • অন্ধ্র প্রদেশঃ ৱাই.এস.আর. কংগ্রেস পার্তী কোদুমুরু (কুরনুল)গী এম.এল.এ. সুধাকর জুন ২৫দা লাইনা অসিনা পোজিতিব ওইরে। মহাক্না চয়োল অমগী মনুংদা পোজিতিব ওইবা অনীশুবা লেজিস্লেতর ওইরে। য়ু.কে.গী হায় কম্মিসনর এন্দ্রিয়ু ফ্লেমিংনা ইরাই নুমিত্তা ত্বীৎ অমদা অন্ধ্র প্রদেশনা রাজ্য অসিদা কোরোনাভাইরস লাইচৎ লাকশিন্নবা হোৎনবদা লৌখৎলিবা থৌরাংশিংবু শীংথাখ্রে। কুরনুল মেদিকেল কোলেজনা আই.সি.এম.আর.দগী প্লাজমা থেরাপী তৌনবগী অয়াবা ফংখ্রে। হৌখিবা পুং ২৪ অসিদা সেম্পল ২২,৩০৫ তেস্ত তৌরবা মতুংদা অনৌবা কেস ৬০৫, দিসচার্জ তৌখিবা ১৯১, অমসুং লৈখিদ্রবা ১০ রিপোর্ত তৌরকখ্রে। অপুনবা কেসঃ ১১,৪৮৯, এক্তিব কেসঃ ৬১৪৭, দিসচার্জঃ ৫১৯৬, লৈখিদ্রবাঃ ১৪৬।
  • তেলঙ্গানাঃ কোবিদ-১৯ অমসুং লোকদাউনগী ফিবম্না মরম ওইদুনা দোহাদা পন্দুনা লৈরুরবা তেলঙ্গানা মচা ১৫৩ হেনবনা চার্তর ফ্লাইৎ অমনা কাতারদগী হায়দেরবাদতা থুংলখ্রে। নোংমদা পোজিতিব কেস ৯২০ রিপোর্ত তৌরক্লদুনা তেলঙ্গানা সরকারনা তেস্তকী পাউদম চুম্বগী চাংদা ৱাহং হংখ্রে। রাজ্য অসিনা আই.সি.এম.আর.না অয়াবা পীরবা প্রাইবেৎ হোস্পিতাল তরেৎকী কোবিদ-১৯ তেস্ত রিজলদা চিংনবা পোক্লি। অপুনবা কেসঃ ১১৩৬৪, এক্তিব কেসঃ ৬৪৪৬, দিসচার্জঃ ৪৬৮৮।
  • মহারাস্ত্রাঃ মহারাস্ত্রদা নোংমদা খ্বাইদগী ৱাংবা কোবিদ-১৯ রাকোর্দ লাকপগা লোইননা রাজ্য অসিদা হেক শন্দোরকপদগী হৌজিক ফাওবদা লাখ ১.৪ য়ৌরে। হৌখিবা পুং ২৪ অসিদা মীওই ৪,৮৪১ পোজিতিব ওইরকপগা লোইননা অপুনবা কনফার্ম কেস মশীং অসি ১,৪৭,৭৪১ য়ৌরে। মসিগা লোইননা, লৈখিদবগী মশীংসু রাজ্য অসিদা অহেনবা মীওই ১৯২ লৈখিদবগা লোইননা পুন্না মীওই ৬৩,৩৪২ লৈখিদ্রে। লৈতবগী চাং অসি ৪.৬৯%নি। রাজ্য অসিদা লৈরিবা এক্তিব কেস মশীং ৬৩,৩৪২, হোস্পিতালশিংদগী নাবা ফরবা মতুংদা অপুনবা অনাবা ৭৭,৪৫৩ দিসচার্জ তৌখ্রে।
  • গুজরাৎঃ পুং ২৪গী মনুংদা অনৌবা কেস ৫৭৭ লাকপগা লোইননা হৌজিক ফাওবদা অপুনবা কেস ২৯৫৭৮ য়ৌরে। অহেমদবাদ শহরদগী খ্বাইদগী য়াম্বা মশীংদা অনাবা ২২৫ লাকখি। মসিগী মথক্তা, সুরত্তগী অনৌবা কেস ১৫২ রিপোর্ত তৌরকখি, অমরোমদনা বদোদরাদগী অনৌবা কেস ৪৪ লাকখি। শগোলশেল নুমিত্তা অনাবা ৪১০ থাদোকখ্রবা মতুংদা লাইনা অসিদগী নাবা ফখ্রবা অপুনবা মশীং অসি ২১,৫০৬ য়ৌখ্রে। রাজ্য অসিদা তেস্ত মশীং লাখ ৩.৪৫ হেন্না তৌখ্রে।
  • রাজস্থানঃ ঙসি অয়ুক্তা অনৌবা কেস ৯১ অমসুং মীওই লৈখিদবগী রিপোর্ত লাকখি। মসিগা লোইননা রাজ্য অসিদা অপুনবা পোজিতিব কেস মশীং ১৬,৩৮৭ শুখ্রে। এক্তিব কেস মশীংনা ৩,০৭২নি অমসুং হৌজিক ফাওবদা লৈখিদবা মশীংনা ৩৮০নি। কোতাদা খ্বাইদগী য়াম্বা মশীং ওইনা ২৩ রিপোর্ত তৌরকখি, মসিগী মতুংদা ভারতপুরদা অনাবা ১৭ অমসুং জয়পুরদা অনাবা ১৫ লাকখি।
  • মধ্য প্রদেশঃ অনৌবা কেস ১৪৭ লাক্তুনা রাজ্য অসিদা কোবিদ-১৯ অপুনবা কেস মশীং ১২,৫৯৫ শুখ্রে। মসিগী মনুংদগী ২,৪৩৪না এক্তিব কেসনি, অদুগা অনাবা ৯,৬০৯না নাবা ফখ্রে অমসুং হৌজিক ফাওবদা মীওই ৫৪২ লৈখিদ্রে। রাজ্য অসিদা কোরোনানা নাহনবগী চাং অসি ১.৪৬%নি, হায়রিবসি অতোপ্পা অচৌবা রাজ্যশিংগা চাংদম্নবদা খ্বাইদগী নেম্বা ওইরি। মধ্য প্রদেশনা রাজস্থানগী মতুংদা রিকোবরী রেৎ ৭৬.৪% য়ৌদুনা অনীশুবা রাজ্য ওইরি।
  • ছতিশগরঃ অনৌবা পোজিতিব কেস ৩৩ লাকপগা লোইননা অপুনবা কোবিদ-১৯ কেস মশীং ২,৪৫৬ শুখ্রে। রাজ্য অসিদা এক্তিব কেস মশীং ৭১৫ লৈরি অমসুং হৌজিক ফাওবদা অনাবা ১৭২৯ নাবা ফখ্রে। ছতিশগর সরকারনা ক্লবশিং, সোপিং মোল, রেস্তোরন্ত অমসুং হোতেলশিং হাংবগী অয়াবা পীখ্রে।
  • গোৱাঃ অনৌবা কেস ৪৪ কোবিদ-১৯না নারে হায়বা খঙবা ঙমখ্রে। মসিগা লোইননা রাজ্য অসিদা লৈরিবা অপুনবা অনাবসি ৯৯৫ য়ৌরে, মসিগী মনুংদগী ৬৫৮না এক্তিব কেস ওইরি।
  • অসমঃ কোবিদ-১৯ কেস ৱাংখৎলকপনা মরম ওইদুনা অসম সরকারনা জুন ২৮গী নুমিদাং পুং ৭তগী হৌদুনা নোংমাইজিং নুমিত্তগী জুলাই ১২, ২০২০ফাওবা গৌহাতীদা লোকদাউন লাউথোকখ্রে।
  • অরুনাচল প্রদেশঃ অরুনাচল প্রদেশতা, হৌজিক ফাওবদা কোবিদ-১৯ তেস্ত তৌনবগীদমক অপুনবা সেম্পল ২১,২৭৪ লৌখৎখ্রে। এক্তিব কেস ১২৯, রিকোবর্দঃ ৪২, অমসুং সেম্পল ১৪৪১গী সেম্পল লাকপা ঙাইরি।
  • মনিপুরঃ মনিপুরগী তমেংলোং জিল্লাদা কোবিদ-১৯ পোজিতিব কেস ১৬২ লাকপগা লোইননা খ্বাইদগী ৱাংবা কেস রিপোর্ত তৌরকখ্রে, মসিগী মতুংদা চুরাচান্দপুরনা ১১৬ অমসুং উখ্রুলদা ১১১ রিপোর্ত তৌরকখি। অপুনবা কেস ৭০২, অমসুং মীওই ৩৫৪ নাবা ফখ্রে।
  • মিজোরমঃ মিজোরমদা, নাবা ফরবা মীওই ১৭ দিসচার্জ তৌখ্রে, অপুনবা কোবিদ-১৯ কেস মশীং ১৪৭, এক্তিব কেস ১০০ অমসুং দিসচার্জ ৪৭।
  • নাগালেন্দঃ কোবিদ পোজিতিব কেস ১৬ নাগালেন্দদা লাকখ্রে। অপুনবা কেস ৩৭১, এক্তিব কেস ২১১ অমসুং রিকোবর্দ ১৬০।

*****



(Release ID: 1634653) Visitor Counter : 13