প্রধানমন্ত্রীগী লোইশঙ
প্রধান মন্ত্রীনা কোরিয়াগী লান থোকখিবগী চহী ৭০ মপুং ফারকপদা খা-কোরিয়াগী রাস্ত্রপতি অমসুং মীয়ামদা য়াইফ-পাউজেল পীখ্রে
Posted On:
25 JUN 2020 6:22PM by PIB Imphal
ইং কুমজা ১৯৫০দা কোরিয়াদা লান থোকখিবগী চহী ৭০ মপুং ফারকপগী পাংথোকপা থৌরমদা প্রধান মন্ত্রী শ্রী নরেন্দ্র মোদীনা কোরিয়া পেনিন্সুলাদা ইং-তপ্পা পুরক্নবা হোৎনখিবদা থৱাই কত্থোকখ্রবা অথৌবশিংগী মফমদা শ্রদ্ধাঞ্জলি কৎখ্রে। খা-কোরিয়াগী রাস্ত্রপতি অমসুং মীয়ামদা য়াইফ-পাউজেল পীখ্রে।
খা কোরিয়াগী কোনুং সিওলদা পাংথোকখিবা অথোইবা থৌরম অসি নীংশিংদুনা পাংথোকপা শিংথানীংঙাই ওইরবা থৌরম অসিগী মতমদা প্রধান মন্ত্রীনা ভিদিওদা পাউজেল থাখি। থৌরম অসি কোরিয়াগী লৈবাকনীংবা মীশিং অমসুং থবক্তগী পোত্থারবা লান্মীশিংবু নীংশিংবগী থৌরম মন্ত্রালয়না পাংথকখি অমসুং শ্রী মুন জে-ইন্না থৌরম মপু ওইখি। প্রধান মন্ত্রীনা মহাক্কী পাউজেলদা খা থংবা কোরিয়াগী লান্দা শরুক য়াখিবা ভারতকী লান্মীশিংনা ৬০শুবা পেরা ফিল্দ হোস্পিতালদা লৌখিবা থৌদাং অদু নীংশিংখি। হোস্পিতাল অদুনা লান শোক্নরিঙৈগী মতমদা লান্মীশিং অমসুং মীয়মশিংদা মরুওইবা থবকশিং অমসুং তঙাই ফদনা চংবা হকশেলগী তেংবাংশিং পীখি। প্রধান মন্ত্রীনা কোরিয়াগী মীশিংবু লানগী উত্তগী অথোইবা লৈবাক অমা শেম্বদা মখোয়গী হান্নগী ওইবা মওংদা পুরক্নবা মওংগী ওইবা, কন্না হোৎনখিবা অমসুং ৱাশক অদুগীদমক থাগৎখি অমসুং কোরিয়া পেনিন্সুলাদা ইং-তপ্না অমসুং মরা চেৎনা লৈরিবা অসিবু কায়হন্দনা থম্নবগীদমক খা কোরিয়াগী সরকারনা হোৎনরিবশিং অসিবু শিংথাখি। মহাক্না কোরিয়া পেনিন্সুলাগী মরা চেৎপা শান্তিগীদমক সরকার অমসুং ভারতকী মীয়ামদা য়াইফ-পাউজেল পীখি।
থৌরম অসি হৌদোকপদা রাস্ত্রপতি মুন্দা নত্তনা খা কোরিয়াগী রাস্ত্রীয় রক্ষা মন্ত্রী, অতৈ কেবিনেৎ মন্ত্রীশিং, লানগী মতমদা খা কোরিয়াবু তেংবাংখিবা লৈবাকশিংগী এম্বেসেদরশিং অমসুং কোরিয়াগী শক্নাইরবা মীওইশিং য়াওখি।
***
(Release ID: 1634386)
Visitor Counter : 168
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam