হকশেল মসুং য়াইফ-য়ুম্বাল মন্ত্রালয়গী জোইন্ত সেক্রেতরী শ্রী লব অগর্ৱালনা লুচিংবা তীম অমা জুন ২৬, ২০২০দা গুজরাত, মহারাস্ত্র অমসুং তেলঙ্গনাদা য়েংশিন খোংচৎ চৎকদৌরি। তীম অসিনা রাজ্যশিং অদুগী ওফিসিএলশিংগা ৱারী শান্নগনি অমসুং কোবিদ-১৯গী শিল্লি-লাংলিবশিং অদু হেন্না মপাঙ্গল কনখৎহন্নবগী থবক্তা মতেং পাংগনি।

লৈবাক অসিদা তেস্ত তৌবগী খুদোংচাবশিং অসি অখন্নবা মওং অমদা হেনগৎহনখিবদগী ভারত্তা হৌজিক দাইগ্নোস্তিক লেব ১০০৭ লৈরে। মসিদা সরকারগী সেক্তরগী ৭৩৪ অমসুং লন্নাইগী ২৭৩গী লেবশিং য়াওই। থোক্লকপশিং অসি মখাদা পীরিঃ

• রিএল-তাইম আর.তি., পি.সি.আর.দা য়ুম্ফম ওইবা তেস্তিং লেবশিং: ৫৫৯ (সরকারগী: ৩৫৯ + লন্নাইগী: ২০০)
• ত্রুনেত্তা য়ুম্ফম ওইবা তেস্তিং লেবশিং: ৩৬৩ (সরকারগী: ৩৪৩ + লন্নাইগী: ২১)
• সি.বি.এন.এ.এ.তি.দা য়ুম্ফম ওইবা তেস্তিং লেবশিং: ৮৪ (সরকারগী: ৩২+ লন্নাইগী: ৫২)
• জানুৱারী ২০২০দা অকক্নবা মওংদা কোবিদ-১৯গী তেস্ত তৌখি, হৌখিবা পুং ২৪সিদা তেস্ত ২,০৭, ৮৭১ পাংথোকখিদুনা কমুলেতিব তেস্ত অসি ৭৫,৬০,৭৮২ ওইদুনা লাক্ষ ৭৫ লানখ্রে।

কোবিদ-১৯না নাবদগী ফগৎলকপগী মশিং অসিসু অসুম হেনগৎলক্লি। হৌখিবা পুং ২৪সিদা কোবিদ-১৯না নাবা মীওই পুন্না ১৩,০১২ ফগৎপা ঙমখ্রে। অপুনবা ওইনা পুন্না মীওই ২,৭১,৬৯৬ ফগৎখ্রে। কোবিদ-১৯না নাবদগী ফগৎখিবগী চাং অসি চাদা ৫৭.৪৩ ওইরে।

হৌজিকক্কী ওইনা, এক্তিব ওইবা কেস মশিং অসি ১,৮৬,৫১৪নি অদুগা পুম্নমক নিংথিজনা লায়েং চত্থরি।

মালেমগী ওইনা কেস ১২০.২১/লাক্ষ ওইবা মতমদা ভারত্তা হৌজিক মী মশিং লাক্ষ অমদা ৩৩.৩৯ ওইরি। অশিবা/লাক্ষ অসিসু হৌজিক মালেমদা ১.০৬অশিবা/লাক্ষ ওইবদা ভারত্তা ১.০৬অশিবা/লাক্ষ ওইদুনা খ্বাইদগী চাং হন্থবশিংগী মরক্তা চল্লি।

মরী লৈনবা তেক্নিকেল ওইনা খুদোংচাদবশিং, গাইদলাইনশিং অমসুং এদভাইজরীশিংগীদমক্তা চাং নাইনাঃ https://www.mohfw.gov.in/ অমসুং @MoHFW_INDIA দা য়েংবিয়ু।

কোবিদ-১৯গা মরী লৈনবা তেক্নিকেল ওইবা ৱাহংশিং অদু technicalquery.covid19[at]gov[dot]in দা অমসুং অতোপ্পা ৱাহংশিংগী ওইনা ncov2019[at]gov[dot]in অমসুং @CovidIndiaSeva দা থাবা য়াগনি।

কোবিদ-১৯গা মরী লৈনবা ৱাহংশিংগীদমক্তা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর: +91-11-23978046 নত্রগা 1075 (তোল-ফ্রী)দা কোল তৌবিয়ু। কোবিদ-১৯গী মতাংদা রাজ্যশিং/য়ুনিয়ন তেরিতোরীশিংগী হেল্পলাইন নম্বরশিং অসি https://www.mohfw.gov.in/pdf/coronvavirushelplinenumber.pdf দা ফংবিগনি।

*****