লৈঙাক্না এম. এস. এম. ই.শিংগীদমক লৌখৎলিবা থৌরাংশিং খোঙজেল য়াঙনা চঙশিল্লি‍। লৈঙাক্কী গরেন্তীনা ঙাক্লৌ পীরিবা ইমর্জেন্সী ক্রেদিৎকী মখাদা পব্লি ক অমদি প্রাইভেত সেক্তরশিংগী বেঙ্কশিংনা জুন ২০, ২০২০ ফাওবদা লুপা করোর ৭৯,০০০ হেনবগী লোন অয়াবা পীখ্রে অদুগী মদুগী মনুংদা লুপরয়া করোর ৩৫,০০০ হেনবদি থাদোকখ্রে‍।

স্কিম অসিগী মখাদা খ্বাইদগী চাউনা শেন থাদরিবশিংদি এস. বি. আই., ঐচ. দি. এফ. সি. বেঙ্ক, বেঙ্ক ওফ বরোদা, পি. এন. বি. অমদি কনরা বেঙ্কনি‍। মসিনা এম. এস. এম. ই. অমদি অতৈ লল্লোন ইতিক লাখ ১৯দা লোকদাউনগী মতুংদা মখোয়গী বিজিনেস অমুক হৌদোকহনবদা মতেং পাংখ্রে‍। আত্মনিরভর পেকেজকী শরুক অমা ওইনা লৈঙাক্না এম. এস. এম. ই.শিং অমদি বিজিনেস মচাশিংগীদমক লুপা লাখ করোর ৩গী অহেনবা শেনফম লাউথোকখি‍। অসিগুম্বা এন্তরপ্রাইজশিংনা মখোয়গী লৈরিবা অপুবা শেনফমগী চাদা ২০গী চাংদা পিকথরবা শেন্দোয়দা অহেনবা লোন ফংবা য়ারে‍।

তোখায়বা থৌরাং অমা ওইনা, মার্চ-এপ্রিল ২০২০দা লাউথোকখিবা আর. বি. আই.গী অখন্নবা লিকুইদিতী ফেসিলিতীগী মখাদা এস. আই. দি. বি. আই.না এন. বি. এফ. সি.শিং, মাইক্রো ফাইনান্স ইনস্তিত্যুসনশিং অমদি বেঙ্কশিংদা লুপা করোর ১০,২২০ এম. এস. এম. ই.শিং অমদি অপিকপা বিজিনেসশিংদা থাদনবগীদমক পীথরকখ্রে ‍। নেসনেল হাউজিং বেঙ্ক (এন. ঐচ. বি.)না মখোয়গী লুপা করোর ১০,০০০গী অপুনবা ফেসিলি হাউজিং ফাইনান্স কম্পেনীশিংদা থাদখ্রে‍। এস. আই. দি. বি. আই. অমদি এন. ঐচ. বি.না রিফাইনান্স তৌরিবা অসি লুপা করোর ৩০,০০০ হেন্না থাদখ্রবা হান্ননা লৈজরবা স্কিমশিংগী মথক্তনি‍। এন. বি . এফ. সি.শিং অমদি এঢ়. এফ. আই.শিং অসি মখা তানা এক্সতেন্দেত পার্সিএল গরেন্তী স্কিমগী মখাদসু তেংবাং পীরি অদুগা মসিগী মখাদা অয়াবা পীখিবা শেনফম লুপা করোর ৫৫০০ লানখ্রে‍। অতোপ্পা লুপা করোর ৫০০০গী শেনফম অমগী ত্রাঞ্জেক্সনগী অয়াবা পীবগী থৌওংসু হৌজিক চত্থরি অদুগা অতোপ্পা দিল খরসু হৌজিক হৌগিক নেগোসিয়েএসন তৌনরি‍।

***************