হকশেল অমসুং য়াইফ-য়ুম্বাল মন্ত্রালয়
কোবিদ-১৯গী অপদেৎ
মালেমগী ওইনা মীওই লাখ খুদিংগী মী শিবগী চাং খ্বাইদগী নেম্বশিংগী মরক্তা ভারতসু ওইরি
Posted On:
23 JUN 2020 1:50PM by PIB Imphal
মীওই লাখ খুদিংগী মী শিবগী চাং খ্বাইদগী নেম্বশিংগী মরক্তা ভারত অমা ওইরি হায়না জুন ২২, ২০২০দা ফোঙখিবা দবল্যু.ঐচ.ও.গী সিচুএসন রিপোর্ত ১৫৪দা উৎলি। ভারতকী ওইনা মীওই লাখ খুদিংদা মী শিবগী চাং অসি ১.০০ ওইরি অদুগা মালেমগী ওইবা চাংদি মসিদগী শরুক তরুক ওইদুনা ৬.০৪দা লৈরি। য়ু. কে.দা মীওই লাখ খুদিংগী কোবিদ-১৯গা মরী লৈনননা শিবা মীশিং ৬৩.১৩নি অদুগা স্পেন, ইতালী অমদি য়ু. এস.কীনা মথংশিৎনা ৬০.৬০, ৫৭.১৯ অমদি ৩৬.৩০ ওইরি।
ভারত্তা কেসশিং ঙন্না খঙদোকহৌবা, মতম চানা তেস্ত তৌবা অমদি য়েংশিনবা, পাক শন্না কন্তেক্ত ত্রেসিং তৌবগা লোয়ননা মওং চুম্না ক্লিনিকেল মেনেজমেন্ত তৌবনা শিবগী চাং হন্থহনবদা মতেং ওইরি। মসি ভারত লৈঙাক্না স্তেত/য়ু. তি.শিংগা লোয়ননা কোবিদ-১৯ থিংহৌনবা, লাকশিন্নবা অমদি শেন্ননবা লৌখৎখিবা মচা খায়বা, মাঙজৌনবা অমদি ঈচং থৌবা থৌওংগী খুদম অমসুনি।
অনাবা ফগৎলকপগী চাংসু ফীভম অসুম অসুম ফগৎলক্লি। ঙসিফাওবদা কোবিদ-১৯ অনাবা মীশিংগী চাদা ৫৬.৩৮ ফখ্রে। হৌজিকফাওবদা অনাবা মীওই ২,৪৮,১৮৯ কোবিদ-১৯দগী ফখ্রে। হৌখিবা পুং ২৪সিদা পুন্না কোবিদ-১৯ নাবা মীওই ১০,৯৯৪ ফখ্রে।
হৌজিক্কী ওইনা এক্তিভ কেস ১,৭৮,০১৪ লৈরি অমদি মখোয় পুম্নমক চেকশিন্না লায়েংদুনা থম্লি ।
লৈঙাক্কী লেব মশীং ৭২৬ অমদি লনাইগী লেবনা ২৬৬ ওইদুনা পুন্না ৯৯২ লৈরে। তোঙান তোঙানবা মশক মওংশিং মখাদা পীরি:
- রিএল-তাই আর. তি. পি. সি. আর.দা য়ুম্ফম ওইবা তেস্তিং লেব: ৫৩৩ (লৈঙাক্কী: ৩৫৭ + লনাইগী: ১৯৬)
- ত্রুনেততা য়ুম্ফম ওইবা তেস্তিং লেব: ৩৬১ (লৈঙাক্কী: ৩৪১ + লনাইগী: ২০)
- সি. বি. এন. এ. এ. তি.দা য়ুম্ফম ওইবা তেস্তিং লেব: ৭৮ (লৈঙাক্কী: ২৮ + লনাইগী: ৫০)
হৌখিবা পুং ২৪দা তেস্ত তৌখিবা সেম্পল মশিং ১,৮৭,২২৩দা হেনগৎখ্রে। ঙসিফাওবদা তৌখ্রবা অদুনবে তেস্ত মশিং অসি ৭১,৩৭,৭১৬নি।
অচুম্বা অমদি অনৌবা কোবিদ-১৯গা মরী লৈনবা তেক্নিকেল ওইবা ৱাফমশিং, চৎন-পথাপশিং অমদি পাউতাক ৱারোলশিংগীদমক: https://www.mohfw.gov.in/ অমদি @MoHFW_INDIA দা চাং নাইনা চঙবিয়ু।
কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অদুগা অতোপ্পা ৱাহংশিংনা ncov2019[at]gov[dot]in অমদি CovidIndiaSeva দা থারকপা য়াগনি।
কোবিদ-১৯গী মরমদা ৱাহং হংবিনিংবা লৈরগদি হকশেল অমদি য়াইফ য়ুম্বাল মন্ত্রলালয়গী তেংবাং নম্বর +৯১-১১-২৩৯৭৮০৪৬ নৎত্রগা ১০৭৫ (তোল ফ্রী)দা কোল তৌবিইরকউ। কোবিদ-১৯গা মরী লৈননা স্তেত/য়ু. তি.শিংগী তেংবাং নম্বরশিংসু https://www.mohfw.gov.in/pdf/coronvavirushelplinenumber.pdf দা ফংবিগনি।
****
(Release ID: 1633613)
Visitor Counter : 149
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam