শেল-থুম মন্ত্রালয়

ইকোনোমিক এক্তিবিতী হেনগৎলকপা – ইকোনোমিক ইন্দিকেতরশিংগী ফিভম ফগৎলকপা

অমাঙ অতা য়াম্না থোকহন্দনা শেন্মিৎলোনবু মপাঙ্গল অমুক হন্না কনখৎহন্নবগীদমক লৈঙাক অমদি আর. বি. আই.না খোংথাং মান্ননা খুৎলৈ থুনা লৌখৎখিবা থৌরাংশিং লৌখৎলি

স্ত্রকচরেল রিফোর্ম অমদি খুন্নাই য়াইফনবগী ঙাক্লৌ ওইবা থৌওংশিংদা লৈঙাক্না লৌরিবা থৌদাংনা ‘অশঙবা ময়োল’ শেমগৎপদা মতেং ওইগনি

‘আত্মনির্ভর ভারত’কী ফীরেপ স্তেকহোল্দর খুদিংমক্কী অপুনবা থৌওংনা হেন্না মপাঙ্গল কলহনগনি অমদি অকনবা মশক থোকপা ভারতকী শেন্মিৎলোন অমা অমুক হন্না শাগৎপদা শরুক য়ারগনি

Posted On: 23 JUN 2020 12:00PM by PIB Imphal

থৱায় ময়াম কন্ননবগী তঙাইফদবা ফীভম্না লমজিংদুনা – ‘জান হে তো জহান হে’, ভারতনা লৈবাকসিদা কোবিদ-১৯ হৌগৎলকপা মতমদা লাইচৎ অসি শন্দোরকপা থিংননবগীদমক মার্চ ২৪, ২০২০দগী হৌরগা নুমিৎ ২১নিগী অকনবা লোকদাউন অমা থমখি‍। লোকদাউনগী মতমদুনা লৈবাকসিদা হকশেলগী অমদি তেস্তিংগী মচাক মথুমশিং ফগৎহন্নবগী তাঞ্জা অমা পীখি‍। মতম চানা থিদোকহৌবা, লায়েংবা অমদি পাউ তম্বনা মরম ওইরগা লৈবাকসিদা লায়নাসিদগী ফগৎলকপগী মশিং অসি লেপ্পা নাইদনা হেনগৎলক্লি অমদি ঙসিফাওবদা লৈরিবা এক্তিভ কেস অসি লৈবাকসিগী অপুনবা কেসকী চাদা ৪১দা লৈরি‍।

অদুম ওইনমক অকনবা লোকদাউন অমদি সোসিএল দিস্তেন্সিং থৌরাংশিং অসিনা শেন্মিৎলোনদা চৈথেং অমদি পীরি‍। পুন্সিসু কনবা হিংননবগী লম্বীসু কনবা হায়বা থৌশিলগী মায়কৈরোমদা তপ্না তপ্না ওনশিল্লক্তুনা – ‘জান ভি জহান ভি’, ভারতনা তাঙ্কক নাইনা সর্ভিসেস অমদি বিজিনেসশিং মখা চত্থহন্দুনা জুন ১দগী , ‘অনলোক ইন্দিয়া’ তাঙ্কক্তা চঙশিল্লক্লে‍। লৈঙাক অমসুং আর. বি. আই.না থৌশিল থৌরাংশিং খুৎলৈ থুনা – অতেনবা মতমগী অমদি অশাংবা মতমগী অনিমক য়াওনা – অমাঙ অতা য়াম্না থোকহন্দনা শেন্মিৎলোন ফিভম ফগৎহন্নবা খোঙথাং মান্না লৌখৎখি‍।

 

লৌউ শিংউ সেক্তর অসি ভারতকী শেন্মিৎলোনগী য়ুম্ফম ওইদুনা লাক্লি অমদি মহৌশাগী ওইবা নোংজু লৈগনি হায়না পাউজেল পীখিবগী মতুং ইন্না মসিনা ভারতকী শেন্মিৎলোনবু অমুক হৌগৎহনবদা ঙাক্লৌ ওইগনি‍। সেক্তর অসিগী জি. দি. পি.গী শরুক য়াম্না চাউজদ্রবসু (ইন্দস্ত্রী অমদি সর্ভিসেসকা য়েংনবদা), লৌউ শিংউদা তাংদুনা লৈরিবা মশিং য়াম্লবা মীয়ামগী মফমদদি মসিদা চাউখৎপা পুরকপা হায়বসি অফবা শাফু অমা ওইরি‍। অদুগা, ইকুই কুইদনা সেক্তর অসিদা পুরকখিবা শিংথানিংঙাই ওইরবা অহোংবা অসিনা অফবা ভেল্যু চেন শেমগৎপদা অমদি লৌমীশিংদা শেন্দোং হেন্না লৈহনবদা চাউনা মতেং ওইগনি‍।

ভারতকী মেনুফেকচরিংগী হান্নগী ফিভমদা হঞ্জিল্লকপা ঙম্বগী মঙম অসি থা ২গী মতমসিদা করিসু লৈরমদবা ফিভমদগী হৌগৎলক্লগা মালেমগী ওইনা পর্সোনেল প্রোতেক্তিভ ইকুইপমেন্ত (পি. পি. ই.) খ্বাইদগী মশীং য়াম্না পুথোকপা অনিশুবা লৈবাক ওইবা ঙম্লিবসিনা তাক্লি‍। ইলেক্ত্রিসিতী অমদি থাউ শীজিন্নবা, পোত্থোকশিং স্তেত মশেলগী মরক্তা অমদি স্তেত মনুংদা পুথোক পুশিন তৌবা, রিতেল ফাইনান্সিএল ত্রাঞ্জেক্সনদা ফিভম ফগৎলকপা উরক্লিবনচিংবা তশেং তশেংবা এক্তিবিতী ইন্দিকেতরশিংগা লোয়ননা মে অমদি জুন থাদা শেন্মিৎলোন হিঙ্গৎলক্নবগী অশঙবা ময়োলশিং উরক্লে‍।

শেন্মিৎলোনগী ইন্দিকেতরশিংগী ফিভম ফগৎলকপা

লৌউ শীংউ

  • লৌমীশিংদগী গেহু লৈঙাক্কী এজেন্সীশিংনা লৌশিনবগী চাং অসি ২০১২-‍১৩দা ফংবা ঙমখিবা এল. এম. তি. ৩৮১.৪৮কী রেকোর্দ অদুদগী হেন্দুনা জুন ১৬, ২০২০দা লাখ মেত্রিক তন (এল. এম. তি.) ৩৮২গী চাং য়ৌদুনা মতম পুম্নমক্কী ওইবা রেকোর্দ থম্বা ঙম্লে‍। মসি কোবিদ-১৯ লাইচৎ লৈরিঙৈ মরক্তা সোসিএল দিস্তেন্সিংগী অথিংবা লৈরিঙৈগী ফিভম চাদ্রবা মতমদা ফংবা ঙমখিবনি‍। লৌমী লাখ ৪২দা কান্নবা পীখ্রে অমদি মখোয়দা মিনিমম সপ্পোর্ত প্রাইস (এম. এস. পি.)গী মখাদা অপুনবা শেনফম লুপা লাখ করোর ৭৩,৫০০ গেহুগীদমক পীখ্রে‍।
  • মাইনর ফোরেস্ত প্রদ্যুসশিং (এম. এফ. পি.) এম. এস. পি. ফোর এম. এফ. পি. স্কিমগী মখাদা লৌশিনবগী থৌরাং অসি লুপা করোর ৭৯.৪২গী চাং য়ৌদুনা স্তেত ১৬দা রেকোর্দ থুগাইবগী চাং য়ৌবা ঙমখ্রে‍। মসিনা কোবিদ-১৯ লাইচৎনা পুন্সি কয়া শোকহল্লবা অমদি ত্রাইবেলশিংগী হিংনবগী পাম্বৈ শোকহল্লবা অৱাবা তারবা মতমসিদা শিদ-হিদাক অমা ওইররি‍।
  • জুন ১৯ ফাওবদা লৌমীশিংনা খারিফ মহৈ মরোং মিলিয়ন হেক্তর ১৩.১৩ হুন্দুনা থাউ মরু, কোর্স সিরিএল, হৱাই অমদি লশিংনা কোনশিনবা মফমশিং চাউনা হেনগৎহন্দুনা মমাঙ চহীগী মান্নবা মতমদা লৈখিবা ফিভমদগী চাদা ৩৯গী চাংদা হেনগৎলে‍।
  • হার য়োনবগী চাংসু চাদা ৯৮গী ময়া য়ৌনা চহী চহীগী ওইনা পাবদা মে ২০২০দা হেনগত্তুনা (লাখ তন ৪০.০২) অচৌবা লৌউ শীংউগী সেক্তর অমা লৈ হায়বা তাক্লি‍।

মেনুফেকচরিং

  • ভারতকী পি. এম. আই. মেনুফেকচরিং অমদি সর্ভিসেস অসি এপ্রিল (মথংশিৎনা ২৭.৪ অমদি ৫.৪) থাগা য়েংনবদা মে থাদা মথংশিৎনা ৩০.৮ অমদি ১২.৬ ওইদুনা হন্থবা কন্ত্রেক্সন উবা ফংখি‍।
  • মৈ শীজিন্নবগী চাং এপ্রিলদা চাদা (-) ২৪ ওইরমবদগী মে থাদা চাদা (-) ১৫.২ অদুগা জুন থাদা (জুন ২১ ফাওবদা) চাদা (-) ১২.৫ ওইদুনা গ্রোথ রেত্তা হন্থবা কন্ত্রেক্সন উবা ফংই‍। জুন থাদা মৈ শীজিন্নবগী চাং অসি অহানবা চয়োলদা চাদা (-) ১৯.৮ ওইরম্বদগী অনিশুবা চয়োলদা চাদা (-) ১১.২ অদুগা অহুমসুবা চয়োলদা চাদা (-) ৬.২ ওইদুনা লেপ্পা নাইদনা ফিভম ফগৎলক্লি‍।
  • ই-ৱে পিলশিংগী অপুনবা পাবা য়াবা ভেল্যু অসি মমাঙ চহী অমদি লোকদাউন লৈত্রিঙৈগী ফিভমগা য়েংনবদা হন্থজরবসু এপ্রিল ২০২০গা (লুপা লাখ করোর ৩.৯) চাংদম্নবদা মে ২০২০দা (লুপা লাখ করোর ৮.৯৮) চাদা ১৩০গী চাংদা চাউনা হেনগৎলকখি‍। থা লোয়গদবা নুমিৎ ১১নি ৱাৎচরবসু জুন ১দগী ১৯ ফাওবদা জেনেরেত তৌখ্রবা ই-ৱে বিলশিংগী ভেল্যু লুপা লাখ করোর ৭.৭ ওইরি‍।
  • লৈবাকসিগী পোত্থোক শীজিন্নবগী অমদি পুথোকপগী অচৌবা ইন্দিকেতর অমা ওইরিবা পেত্রোলসয়ম প্রদক্ত শীজিন্নবগী চাংসু এপ্রিল থাদা লৈরমবা মেত্রিক তন ৯৯,৩৭,০০০ ওইরমবদগী মে থাদা মেত্রিক তন ১,৪৬,৪৬,০০০ ওইদুনা চাদা ৪৭গী চাংদা হেনগৎলে‍। লোয়ননা চহী চহীগী ওইবা পোত্রোলিয়ম পোত্থোক শীজিন্না হেনগৎলকপদা লৈবা কন্ত্রেক্সন এপ্রিলদা চাদা (-) ৪৫.৭ ওইরম্বদগী মে থাদা চাদা (-) ২৩.২ ওইদুনা য়াম্না পীকথরে‍। জুন থাদা পোত্রোলিয়ম পোত্থোক শীজিন্নবগী চাং হেনগৎলকপা অসি অনলোক ১.০দগী থা অমগী মতুংদসু অদুমক হেনগৎলক্কনি হায়না পানরি‍।

সর্বিসেস

  • রেলৱে ফ্রৈত ত্রাফিক মমাঙ চহীগা য়েংনবদা হন্থজরবসু এপ্রিলদগী (তন করোর ৬.৫৪) মেদা (তন করোর ৮.২৬) চাদা ২৬কী চাংদা হেনগৎলে‍। ফিভম ফগৎলকপা অসি নেসনেল হায়ৱেশিংদা পোত্থোকশিং পুথোক পুশিন তৌবগী চাং হেনগৎলকপগা লোয়ননা জুন থা অসিদা মখা তানা হেনগৎলকপা য়ারি‍।
  • চাংচত্তা নুংতিগী খোমগৎপা ইলেক্ত্রোনিক তোল এপ্রিল, ২০২০দা লুপা করোর ৮.২৫ ওইরম্বদগী মে থাদা লুপা করোর ৩৬.৮৪ ওইদুনা শরুক মরি হেন্না ৱাংখৎলে‍। জুন থাগী অহানবা চয়োল অহুমদা লুপা করোর ৪৯.৮ খোমগত্তুনা হেন্না ফিভম ফগৎলক্লি‍।
  • অপুনবা দিজিতেল রিতেল ফাইনান্সিএল ত্রাঞ্জেক্সন এন. পি. সি. আই.গী খুত্থাঙদা পাঙথোক্লিবা অসি এপ্রিল ২০২০দা লুপা লাখ করোর ৬.৭১ ওইরম্বদগী মে থাদা লুপা লাখ করোর ৯.৬৫ ওইদুনা হেনগৎলক্লি‍। তশেং তশেংবা থৌওংশিংদা লেপ্তনা হেনগৎলকপা অসিনা ফিভম অসিমক জুন থা মনুংসিদসু লৈগন হায়না থাজরি‍।

শেনথুমগী ইন্দিকেতরশিং

  • আর. বি. আই.না শেনথুম মরাং কায়না লৈহন্নবগীদমক লৌখৎলিবা থৌরাংগা ইরোয়ননা কোর্পোরেত বোন্দশিংগী প্রাইভেত প্লেসমেন্ত এপ্রিল (লুপা লাখ করোর ০.৫৪) থাদা লৈখিবা চাদা ২২গী কন্ত্রেক্সনগা য়েংনবদা মে (লুপা লাখ করোর ০.৮৪) থাদা চাদা ৯৪.১গী চাং (চহী চহীগী গ্রোথ) হেনগৎলক্লি‍। সিস্তেমদা অহেনবা লিকুইদিতী লৈবা মরম্না জুন থাদা হেন্না চাউবা প্লেসমেন্ত লৈরবা য়ারি‍।
  • মুচুএল ফন্দশিংগী এভরেজ এসেত্স অন্দর মেনেজমেন্ত (এ. য়ু. এম.) এপ্রিল ২০২০দা লুপা লাখ করোর ২৩.৫ ওইরম্বদগী মে ২০২০দা লুপা লাখ করোর ২৪.২ ওইদুনা চাদা ৩.২গী চাংদা হেনগৎলে‍। ইন্দিকেতর অসিদা চহী চহীগী ওইবা গ্রোথকী কন্ত্রেক্সনসু এপ্রিলদা লৈরম্বা চাদা (-)৬.৯দগী মে থাদা চাদা (-) ৪.৫দা হন্থরক্লে‍।
  • জুন ১২দা লৈখিবা ভারতকী য়ু. এস. দোল্লর বিলিয়ন ৫০৭.৬গী ফোরেক্স রিজর্ব অসিনা হেন্না ৱাংবা এফ. দি. আই., পোর্তফোলিও ফ্লো অমদি থাউ মমল হন্থবগী তুংদা পীরকপা চৈথেংদগী ঙাকথোক্ননবা মরুওইবা অমোনবা মোম্পাক অমগী শক্লোন লৌরি‍। ভারত্তা এফ. দি. আই. চঙলকপগী চাং অসি শেনবা চহী ২০১৯-২০দা য়ু. এস. দোল্লর বিলিয়ন ৭৩.৪৫ ওইদুনা মমাঙ শেনবা চহীদগী চাদা ১৮.৫ হেনগৎখি‍।

স্ত্রকচরেল রিফোর্ম অমদি খুন্নাইগী য়াফনবগী ঙাক্লৌ ওইবা থৌরাংশিংদা লৈঙাকসিনা পায়খৎলিবা থৌশিলশিং অসিনা ‘অশঙবা ময়োল’ চোংখৎহনবদা মতেং ওইগনি‍। ‘আত্মনির্ভর ভারত’কী ফীরেপ স্তেকহোল্দর খুদিংমক্কী অপুনবা থৌওংনা হেন্না মপাঙ্গল কলহনগনি অমদি অকনবা মশক থোকপা ভারতকী শেন্মিৎলোন অমা অমুক হন্না শাগৎপদা শরুক য়ারগনি

****



(Release ID: 1633587) Visitor Counter : 12