২০২০গী জুনে ২১দা থোকখিবা দবল্যু.ঐচ.ও.গী সিচুৱেশন রিপোর্ত অদুনা উৎলি মদুদি ভারতকী পোপ্যুলেশন দেন্সিতী য়াম্না ৱাংজরবসু মীশিং লাখ অমদা কেস মশিং খ্বাইদগী নেমবশিংগী মরক্তা অমনি। ভারতকী মীশিং লাখ অমদা লৈবা কেস মশিং অসি ৩০.০৪ নি অদুগা মালেমগী চাংচত্তা লৈরিবা কেসশিংগী মশিং অদুনা শরুক অহুমগী মথক্তা হেন্দুনা ১১৪.৬৭ দা লৈরি। য়ু.এস.কী মীশিং লাখ অমদা কেস ৬৭১.২৪ লৈ অদুগা জর্মনী, স্পেন অমসুং ব্রাজিলগী মশিংনা মথংশিৎনা ৫৮৩.৮৮, ৫২৬.২২ অমসুং ৪৮৯.৪২ নি।

মশিং নেম্না লৈরিবা অসিনা কোবিদ-১৯ অসিবু ঙাকথোক্ননবা, নমথনবা অমসুং লাখশিন্ননবদমক্তা রাজ্যশিং/য়ু.তি.শিংগা লোইননা ভারত সরকারনা মচা খায়না, মখা তানা থোরক্তনবা অমসুং লৈরিবা ফিভম অসিদগী হেঞ্জিল্লক্তনবগী খোংথাং কয়া লৌখৎলি হায়বদু ময়েক শেংনা তাক্লি।

হৌজিক ফাওবদা পুন্না পেসেন্ত ২,৩৭,১৯৫, কোবিদ-১৯দগী নাবা ফখ্রে। হৌখিবা পুং ২৪দা কোবিদ-১৯গীপেসেন্ত পুন্না ৯,৪৪০ নাবা ফখ্রে। কোবিদ-১৯গী পেসেন্তশিংগী মরক্তা ফগৎলকপগী চাং অসি ৫৫.৭৭% নি।

হৌজিক্কী ওইনদি, এক্তিব কেস ১,৭৪,৩৮৭ লৈরি অমসুং মখোয়শিং অদু এক্তিব মদিকেল সুপর্ভিজন মখাদা থম্লি। ফখ্রবা পেসেন্তশিং অমসুং এক্তিব ওইরিবা কোবিদ-১৯গী কেসশিংগী মরক্তা লৈরিবা খেৎনবা অদু লেপতনা অদুমক হেগৎলক্লি, হায়রিবা অসি মখাগী গ্রাফ অসিদগী ঊবা ঙমগনি। ঙসি ফগৎখিবা পেসেন্তশিংগী মশিংনা এক্তিব ওইরিবা পেসেন্তশিংগী মশিংদগী ৬২,৮০৮ হেনগৎখ্রে।

কোবিদ-১৯গি তেস্ত তৌনবগী ইনফ্রাস্ত্রকচর অদু লেপ্তনা হেনগৎহনখি। সরকারগী লেবশিংগী মশিং অদু ৭২৩দা হেগৎখি অমসুং লনাইগী ওইবা লেবশিংনা ২৬২দা হেনগৎখি, মসিনা অপুনবা ওইনা ৯৮৫ হেনগৎহনখি। মখোয়শিং অদু মখাদা নীংথিজনা খায়দোক্তুনা উৎলি।

রিয়েল-তাইম আর.তি. পি.সি.আর. দা য়ুমফম ওইবা তেস্ত তৌনবগী লেবশিং: ৫৪৯ (সরকার: ৩৪৫ + লনাই: ১৯৫ )

ত্রুনেত্তা য়ুমফম ওইবা তেস্ত তৌনবগী লেবশিং : ৩৫৯ (সরকার: ৩৪১ + লনাই: ১৮ )

সি.বি.এন.এ.এ.তি. তা য়ুমফম ওইবা তেস্ত তৌনবগী লেবশিং : ৭৭ (সরকার: ২৮ + লনাই: ৪৯ )

নোংমদা তেস্ত তৌখিবা সেমপলশিংগী অপুনবা মশিং অদু লেপ্তনা য়াংনা হেনগৎলক্লি মসিগা লোইন-লোইননা তেস্ত তৌবগী অপুনবা মশিংসু হেনগৎলক্লি। হৌখিবা পুং ২৪দা সেমপল ১,৪৩,২৬৭ তেস্ত তৌখ্রে, অদুগা হৌজিক ফাওবদা তেস্ত তৌখিবা সেমপলশিংগি অপুনবা মশিং অদু ৬৯,৫০,৪৯৩ নি।

কোবিদ-১৯গা মরী লৈনবা ৱাকৎশিং, গাইদলাইনশিং অমসুং পাউতাকশিংগীদমক্তা তশেংবা অমসুং অনৌবা ই-পাউশিংগীদমক্তা চানবিদুনা https://www.mohfw.gov.in/ অমসুং @MoHFW_INDIA দা চংবিয়ু।

কোবিদ-১৯গা মরী লৈনবা তেক্নিকেল ওইবা ৱাহংশিংগীদমক্তা technicalquery.covid19[at]gov[dot]in দা অমসুং অতোপ্পা ৱাহংশিংগীদমক্তা ncov2019[at]gov[dot]in অমসুং @CovidIndiaSeva দগী খঙবিরবা য়াগনি।

কোবিদ-১০গী মরমদা করিগুম্বা অমা হেক্তা খংনীংবা লৈরগদি, হকশেল অমসুং য়াইফ য়ুম্বালগী মন্ত্রালয়গী হেলপলাইন নম্বর +91-11-23978046 নত্রগা 1075 (তোল-ফ্রী) অসিদা ফোন তৌবা য়াগনি। কোবিদ-১৯গী ওইবা রাজ্যশিং/ য়ু.তি.শিংগী হেলপলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবিরগনি।

*****