ভারত লৈঙাক অমদি এসিয়ন ইন্ফ্রাস্ত্রকচর ইনভেস্তমেন্ত বেঙ্ক (এ. আই. আই. বি.)গা ভারত্তা কোবিদ-১৯না মখোয়গী লায়রবা অমদি খুদোংথিনিংঙাই ওইরিবা য়ুমথোঙশিংদা পীরিবা শাফু মায়োক্নবগী থৌরাং কনখৎহনবদা মতেং ওইননবা দোল্লর মিলিয়ন ৭৫০গী “কোবিদ-১৯ এক্তিভ রেসপোন্স এন্দ এক্সপেন্দিচর সপ্পোর্ত প্রোগ্রাম” ঙসি মফমসিদা খুৎয়েক পীনখ্রে‍। মসি এ. আই. আই. বি.দগী ভারত্তা পীরকপা অহানবা শেনগী ঙাক্লৌ পীবগী থৌরাংনি‍।

য়ানচে অদি ভারত লৈঙাক্কী মায়কৈদগী শেনথুম মন্ত্রালয়গী দিপার্তমেন্ত ওফ ইকনমিক এফ্যার্সকী এদিসনেল সেক্রেতরী শ্রী সমীর কুমার খারে অমদি এ. আই. আই. বি.গী মহুৎ শিন্দুনা দাইরেক্তর জেনেরেল (এক্তিং) শ্রী রজত মিস্রানা খুৎয়োক পীনখি‍।

শ্রী খারেনা হায়খি, “নুপী য়াওনা খুদোংথিনিংঙাই ওইবা কাঙলূপ্তা লৈরিবা মীওইশিংগী শেনথুমগী অমাঙববু মেনখৎনবা অমদি ওর্গনাইজ অমদি ইন্ফোর্মেল সেক্তর অনিমক্তা শোকহল্লবা শিইন্মীশিংগীদমক সোসিএল সিক্যুরিতী হেনগৎহন্নবগীদমক কোরোনাভাইরস লাইচৎ অসি মায়োক্ননবগীদমক সোসিএল এসিস্তেন্স পীননবা ভারত লৈঙাক্কী থৌরাংদা পীরক্লিবা এ. আই. আই. বি.গী মতেং অসিবু ঐখোয়না থাগৎচরি‍। এ. আই. আই. বি.না মতম চানা পীরক্লিবা শেনথুমগী ঙাক্লৌ অসিনা লৈঙাক অসিগী কোবিদ-১৯ ইমর্জেন্সী রেসপোন্স প্রোগ্রাম মতিং লৈবা পায়খৎপদা চাউনা মতেং ওইরগনি‍।”

থৌরাং অসিনা ভারত লৈঙাকপু কোবিদ-১৯না খুন্নাইগী অমদি শেন্মিৎলোনগী শাথিবা শাফম অমা পীরিবসিদগী ফীভম ফগৎহন্নবগীদমক শেনথুমগী ঙাক্লৌ অমা পীরগনি‍। হন্দক্কী লোন অসি মমাঙদা অয়াবা পীখ্রবা কোবিদ-১৯ ইমর্জেন্সী রেসপোন্স এন্দ হেল্থ সিস্তেম প্রিপ্যার্দনেস প্রোজেক্তকী দোল্লর মিলিয়ন ৫০০গী লোন অদুগী মথক্তা এ. আই. আই. বি.না মখোয়গী কোবিদ-১৯ ক্রাইসিস রিকভরী ফেসিলিতীগী মখাদ ভারত্তা পীবা অনিশুবা লোন ওইগদৌরি‍।

মসিগী মরুওইবা প্রোগ্রাম বিনিফিসরীশিংদি লায়রবগী পনখৈ মখাদা লৈবা, লৌমী, হকশেলগী শিন্মী, নুপীশিং, নুপীশিংগী সেল্ফ-হেল্প গ্রুপশিং, লুখ্রাবীশিং, শোইনাইরবা মীওইশিং, সেনিয়র সিতিজনশিং, খুৎশুমল পীক্না ফংবা মীওইশিং, কন্সত্রক্সন ৱর্করশিং অমদি অতৈ খুদোংচাদবা কাঙবুশিংগী ঈমুংশিং ওইগনি‍।

এ. আই. আই. বি. ভাইস-প্রেসিদেন্ত (ইনভেস্তমেন্ত ওপরেসন) মিস্তর দি. জে. পান্দিয়ননা হায়খিবদা ভারত্তা পীরিবা এ. আই. আই. বি.গী ঙাক্লৌ অসি ভারতকী শেন্মিৎলোনগী হ্যুমেন কেপিতেল য়াওনা প্রদক্তিভ কেপাসিতীদা মতম শাংথনা অমাঙ অতা থোক্তনবা হান্নগী ফীভমদা হঞ্জিল্লকপা ঙমগদবা শেন্মিৎলোন অমা লৈহন্নবা পান্দমদনি‍।

প্রোজেক্ত অসি এসিয়ন ইনফ্রাস্ত্রকচর ইনভেস্তমেন্ত বেঙ্ক (এ. আই. আই. বি.) অমদি এসিয়ন দেভেলপমেন্ত বেঙ্ক (এ. দি. বি.)না দোল্লর বিলিয়ন ২.২৫০গী শেনফম, এ. আই. আই. বি.না দোল্লর মিলিয়ন ৭৫০ অমদি এ. দি. বি.না দোল্লর বিলিয়ন ১.৫ পুথোক্লগা, থাদগদবনি‍। প্রোজেক্ত অসি শেনথুম মন্ত্রালয়গী দিপার্তমেন্ত ওফ ইকনমিক এফ্যার্সনা তোঙান তোঙানবা মরী লৈনবা মন্ত্রালয়শিংগী খুত্থাঙদা পায়খৎকদবনি‍।

এসিয়ন ইন্ফ্রাস্ত্রকচর ইনভেস্তমেন্ত বেঙ্ক (এ. আই. আই. বি.) অসি এসিয়াগী খুন্নাইগী অমদি শেন্মিৎলোনগী আউতকম ফগৎহন্নবগী পান্দমদা লিংখৎখিবা মল্তিলেতরেল দেভেলপমেন্ত বেঙ্ক অমদি অমদি জনুৱারী ২০১৬দগী থবক হৌখিবনি‍। এ. আই. আই. বি.গী হৌজিক মালেম পুম্বগী ওইনা এপ্রুভ তৌরবা মেম্বর ১০২ লৈরে‍।

****