প্রলহাদজীবু থাগৎচরি, ময়াম্বু খুরুমজরি

ইরৈবাক অমদি মীরৈবাক্তগী থৌরমসিদা শরুক য়াবিরিবা মরুপশিংবু তরাম্না ওকচরি।

শিংনবনা থল্লবসিদা থৌরম য়াওবিরিবা অসিনা আশা লৈহল্লে, থাজবগী য়াম্না অচৌবা পাওজেল পুদুনা লাক্লি।

ভারতনা কোরোনাগসু লান্থেংনগনি অদুগা মায়সু পাক্কনি অদুগা মাংজিল থানসু চংশিনগনি। ভারতনা মসিগী চাওরবা খুদোংথিবা অসিবু খুদোংথিবনি হায়না খন্দুনা ফম্মগা লৈথোক্কদবা নত্তে।

ভারতনা খুদোংথিবা অদু চাওনিংবা চাওজসনু মদু খুদোংচাবদা ওন্থোক্নবগীদমক্তা লেপ্লবনি অমসুং ময়াম পুল্লগা খুদোংথিবা অসি খুদোংচাবদা ওন্থোক্কনি।

কোরোনা থোক্লিঙৈসিদা ভারতনা আত্মানির্ভর ভারত-মরোমদোম লেপচবা ভারত ওইনবগী পারা তম্বিরি।

আত্মানির্ভর ভারত হায়বদি ভারত্তা ইম্পোর্তকী তেংবাং লৌবা হন্থহল্লগনি।

আত্মানির্ভর ভারত হায়বদি ভারত্তা ইম্পোর্তা তিংলিবা চাদিংশিং লুপা লাক্ষ কোতী কয়াসিনা মীরৈবাক্কী শেল অদু খামহৌগনি অমসুং লৈবাক অসিগী লায়রবশিংগী য়াইফনবগী থবক পুরক্কনি।

আত্মানির্ভর ভারত হায়বদি ভারত্তা ইম্পোর্ত তৌদনবগীদমক্তা ইরৈবাক্তা পাম্বৈশিং অমদি ফংফমশিং শেমগৎনবা লেপ্তনা কন্না হোৎনগনি, মাংজিল থানা চংশিনগনি। ঐনা অদোমদা লৈরিবা থাজবা অসিগীদমক ঐনা হায়রি মদুদি ঙসি ঐকয়না ইম্পোর্ত তৌরিবা অসি হয়েং মসি ঐখোয়না এক্সপোর্তা ওন্থোক্কনি।

মরূপশিং, মসিগী পান্দম অসি ফংননবগীদমক সেক্তর খুদিং অমমম ওইনা পায়রগা প্রদক্ত খুদিং অমমম পায়রগা সর্ভিস অসিগী খল্লগা য়াম্না শেংনা থবক তৌসি। হীরম খুদিং অমমমতা ওইনা খন্দুনা লম অদুদা ভারত অসিবু আত্মানির্ভর ওইনবা তৌগদবনি। ঙসিগী থৌরম অসি মসিবু মপুং ফাহন্নবগী মায়কৈদা চংশিনবা থৌরাং অমনি, অকনবা খোংথাং অমনি।

ঙসি ইনর্জীগী সেক্তরদা ভারতসি আত্মানির্ভর ওইহন্নবগীদমক মরোমদোম লেপচনবা অচৌবা খোংথাং অমা থাঙ্গদৌরি। মসিগী থৌরম অসি শুপ্নতগী কোয়লাগী মাইনিংগা মরি লৈনবখক্ত নত্তনা সেক্তর অমগা শম্নবা নৌনা শেমগৎপা থবকশিং পাংথোকপা ঙম্নবদুমক্নি, মসিদসু নত্তনা কোতী ১৩০না ঙাইদুনা লৈরিবশিং অসিবু পাংথোক্নবদগী ৱাশক্নি। মসি ঐখোয়গী নহারোলশিংবু থবক ফংহন্নবগী খোংথাং অমনি।

মরুপশিং, ইরোমদোম লেপচনবগী ৱাশক অসি মপুং ফাহন্নবগীদমক মমাংগী থাদা আত্মানির্ভর ভারতকী অভিয়ান অসি হৌদোকখিবা মতমদা মীয়াম্না মসি সরকারগী থবক-থৌওংনি হায়না খন্নখি। অদুবু থা অমগী মনুংদা এগ্রীকলচরগী, এম.এস.এম.ই.শিংগী নত্রগা কোয়লা অমসুং মাইনিংগী সেক্তরদা কন্না হোৎনরি। ওইরো লম খুদিংমক্তা পুন্না থৌরাংশিং লৌখৎলি, ৱারেপ লৌরি অমসুং ৱারেপশিং অদু থুনা থবক্তা ওন্থোক্নবা কন্না হোৎনরি।

ভারতনা খুদোংচাদবসি তাঞ্জাদা ওন্থোক্নবগীদমক কয়াদা হকচিন্না অমদি চেৎনা লৌবগে হায়বসি উৎলি।

ঙসি ঐখোয়সি কম্মর্সিএল কোয়লা মাইনিংগীদমক্তা ওক্সন লাওদনা কোয়লা সেক্তরবু চহী কয়াদগী লৈরক্লিবা লোকধাউনসিদগী নান্থোহল্লক্কদৌরি।

লোকদাউন্না কোয়লাগী সেক্তরদা চৈথেং কয়া পীরি। ।

মসি অদোম্না ঐহোন্দগী হেন্না খংলবা ৱাফম অমনি মদুদি কোয়লা লৈবদা মালেমদা মরীশুবা খ্বাইদগী অচৌবা লৈবাক ওইরিবা, পুথোকপদনা অনীশুবা ওইরিবা লৈবাকসিদা এক্সপোর্ত তৌদনা ইম্পোর্ত তৌবদা খ্বাইদগী চাওবা অনীশুবা কোয়লাগী ইম্পোর্তর ওইরি, কোয়লা ইম্পোর্ত তৌরি। খ্বাইদগী চাওবা ৱাহেদি মালেমসিদা খ্বাইদগী চাওনা পুথোকপা অমা ওইরিবা মরুওইবা কাংলুপ ওইরিবসিগী মনুংদা ঐখোয়সু অমনি।

মসি অচুম্বা ওইরবদি করিগী ঐখোয় অসি খ্বাইদগী চাওবা এক্সপোর্তর ওইবা ঙম্মোইদৌরিবনো? অদুগা মসি ঐনা নখোয় খুদিংমক্তা ঙংবা পাম্মী। অমসুং মসিগী ঐগী ৱাহং অসি অদোম পু্ম্নমক্তা অমদি ভারত্তা লৈরিবা মীওই খুদিংগী থম্মোইদা মতম পুম্নমক্তা হংদুনা লাক্লিবা ৱাফম্নি।

চহী কয়াদগী ঐখোয়গীসিদা অসিগুম্বা ফীভমদা লৈরি।

কোয়লাগী সেক্তরসি কেপ্তিব অমদি নন-কোপ্তিব সেক্তরগী লাংদা থুহন্দুনা থম্লম্লি।

মসিবু হীদান্নবগী ৱাংমদা থম্লম্লি, শেংনা উহন্দবগী খ্বাইদগী চাওনা নুংঙাইতবা অমসু হন্না-হন্না মায়োক্নদুনা লাক্লি। পুকচেল শেংনা ওক্সনশিং অসি থাদোকপিয়ু, কোয়লাগী মইনশিং ফংহনবগী মতাংদা অচৌ-অচৌবা স্কেম কয়া থোকপগী মীপুম খুদিংমক্না তানরি, মতম খুদিংমক্তা থোক্লি, কাচিন খুদিংদা থোক্লি। মসিগী মরম অসিদগী কোয়লাগী সেক্তরদা ইনভেস্তমেন্ত তৌবা হন্থরম্মী অমসুং মসিগী মপুং ফানা থবক পাংবগী মঙম অসি মতম পুম্নমক্তা ৱাহংনা কোইদুনা লৈরম্মী।

কোয়লা অসি রাজ্য অমদগী পুথোরক্তুনা কিলোমিতর কয়া লাপ্না অতোপ্পা রাজ্যগী পাৱর প্লান্তশিংগীদমক্তা পুদুনা চৎলম্মীছ মতমদুদা রাজ্য অদুনা কোয়লা অদু ঙাইদুনা লৈরম্মী। হায়বদি নিংথিজনা শিন্দোক-শিঞ্জিন তৌদবা কয়া লৈরম্মী, মফম-মরাং খংলমদে।

মরূপশিং, ইং-কুমজা ২০১৪গী মতুংদা ফীভমসিদী হোংহন্নবা অচৌবা খোংথাং কয়া অমা অমগী মথংদা অমা মথং-মথং লৌখৎখ্রে। কোল লিঙ্কেজগী ৱাফমসি কনামত্তনা খনবা ঙমদবদু ঐখোয়না পাংথোকপা ঙম্লে হায়বা তাক্লে। অসিগুম্বা খোংথাংশিংসিনা কোয়লাগী সেক্তরবু হেন্নসু কনখৎহল্লে।

ঙসি অচৌ-অচৌবা নৌনা শেমগৎপশিং অসি চিংশিন্নবগী পাঙ্গল অদু মাগী মখাদা লৈরক্লি।

চহী কয়াদগী নৈনদুনা লাকপা নৌনা শেমগৎপা অদু হন্দক্তা পাংথোকপা ঙমখ্রে। অদোম্নসু খন্নখিবা অদুনি। মশানা মশাবু এক্সপোর্ত তৌবা ঙম্বা ওইনা খঞ্জবশিংনসু তৌদুনা লাকখি।

অমসুং তেক্নোলজীগীদমক হাংদোক্নবা য়াম্না অচৌবা ৱারেপ অমা লৌখ্রে। অনৌবা শান্নরোইশিং, লন্নাইগী, इसका भी লন্নাইগী শান্নরোইশিংনা মাইনিংগী লমদা লাক্নরি, মখোয়শিং অদু পুক্নিং থৌগৎনবা শেলনা মরম ওইদুনা অকাইবা করিসু লৈহন্দনবসু হোৎনখ্রে।

মরূপশিং, অকনবা মাইনিং অমসুং মিনরেল সেক্তর অমা য়াওদনা মরোমদোম লেপচবা হায়বসি ওইথোক্তবনি। মরমদি মিনরেল অমসুং মাইনিংনা ঐখোয়গী শেন্মীৎলোনগী মরুওইবা য়ুম্বীনি।

নৌনা শেমগৎপশিংসিগী মতুংদা কোয়লা পুথোকপদা, কোয়লা সেক্তর পুম্নমক অসিসু আত্মানির্ভর ওইবা ঙম্লগনি। হৌজিক কোয়লাগী কৈথেল হাংখ্রে, কনাগুম্বা সেক্তরনা লৈনিংবমখৈ লৈরগনি।

মরূপশিং, ঐখোয়না কোয়লা পুথোকপা হেনগৎপদা পাৱর জেনরেসন হেনগৎহনবদা নত্তনা স্তীল, এলুমিনিয়ম, হার, সিমেন্তনচিংবশিংগী অতোপ্পা সেক্তরদা পুথোকপা অমসুং প্রোসেসিং তৌবদা পোজিতিব ইম্পেক্ত ওই। লাইবক ফবনা ঐখোয়গীসিদা কোয়লা, য়োৎ, বৌসাইতনচিংবা মিনরেলশিং তুংদুনা লৈবা অসি অমগা-অমগা য়াম্না নক্নৈ, য়াম্না মনাক নক্না লৈ, কনাগুম্বা লাই অমনা নপশিন্নবা অসি শেম্মগা থম্বগী মওংদা ঐখোয়গীদমক্তা শেমদুনা থম্বিরম্বগুম্বনি। মতাং অসিদা হন্দক্তা মিনরেলগী ওইনা নৌনা শেমগৎখ্রে, কোইলাগী মাইনিং নৌনা শেমগৎপগা শমজিন্নবদগী অতৈ সেক্তরশিংসু য়াম্না কনখৎখ্রে। কম্মর্সিএল কোয়লা মাইনিংগী ওইনা স্তেকহোলদরশিংনা থোইনবগী ফীভমদা লৈবা ওক্সন তৌবা হৌরগনি। ইন্দস্ত্রীশিংনা অদোম, অদোমগী কারবার, অদোমগী ইনভেস্কমেন্তকীদমক অনৌবা রিসোর্সশিং, অনৌবা কৈথেলশিং ফংলগনি। মসিগা লোয়ননা রাজ্য সরকারনা রেভিন্যু ফংলগনি, লৈবাক অসিগী য়াম্লবা মীয়াম অমা থবক ফংহল্লগনি।

মখল অমদা লায়রবশিংগী সেবা অসি কোয়লানসু তৌবা ঙম্লগনি, মসিগী থাজবা অসি লৈবিগদবনি। হায়বদি সেক্তর খুদিংমক্তা ফগৎলকপগী মওংদা উবা ফংগনি হায়বা ঐনা ফাওরিবা অসিগী মরমদি ঐখোয়গী লৈবাক অসিদা লৈরিবা লায়রবশিংদগী খ্বাইদগী য়াম্না য়াইফ মঙ্গোল ঐখোয়না ফংলগনি।

মরূপশিং, কোয়লা নৌনা থবক হৌবদা অকোয়বগী ফীভমশিং শোকহন্দনবগী ভারতকী ৱাশক অদু মফম অমত্তদা শোন্থহন্দনবা তৌখি।

কোয়লাদগী গ্যাস শেম্ননবা হৌজিক হেন্না অফবা অমসুং অনৌবা তেক্নোলোজী লাকপা ঙম্লগনি, কোয়লা গ্যাসিফিকেসনগুম্বা তৌবগী খোংথাংশিংদগী অকোয়বগী ফীভমসু শোকহল্লোই। কোয়লাদগী শেম্লকপা গ্যাস অসি চত্থোক-চৎশিন অমসুং চাক থোংবদা শিজিন্নবা য়ারগনি, য়ুরিয়া অমসুং স্তীল শাবগা মরি লৈনবা ফেক্তরীশিং শৌগৎকনি। ২০৩০ ফাওবদা কোয়না মিলিয়ন তোন ১০০ অসি গ্যসিফাই তৌনবা পান্দম থম্লি। মসিগীদমক্তা প্রোজেক ৪ খংদোকখ্রে অমসুং মসিগীশিংসিদা চাওরাক্না কোতী লিশিং ২০ ইনভেস্ত তৌগনি।

মরূপশিং, কোয়লা সেক্তরগা মরি লৈনবা নৌনা শেমগৎপশিং অসিনা নোংপোকথংবা ভারত, ঐখোয়গী ত্রাইবেলশিংগী মফমশিংবু চাওখৎনবগী য়ুম্বী ওইহন্নবগীদমক শেম্নবা মফম ওইরি। ঐখোয়গীসিদা কোয়লা লৈরি, মিনরেলশিং লৈরি অদুবু লৈবাক অসিগী চাওখৎকদবা অমসুং খুঞ্জাও লৈচাওগদবা থাক অদুদি য়ৌবা ঙমদ্রি। লৈবাক অসিদা শরুক খরদা ঙাইদুনা লাংতক্ননা লৈরিবা জীলা মশিং য়াম্নসু লৈরি। মফমদুদা লৈরিবা মীশিংনা চাউখৎনবগীদমক্তা লাংতক্নহল্লিবা, কল্লকহল্লি, করিগুম্বা অমা হেক্তা পাংথোকপা ঙম্বগী ৱাখল্লোন লৈ, মপাঙ্গল লৈ, থৌনা লৈ, পুম্নমক লৈ অদুবু হায়রিবা জীলা অসি চাউখৎপদা য়াম্না থিন্থরি। কোয়লাগী অচৌ-অচৌবা তুংফম ওইরিবা লৈবাকসিদা এসপিরেস্নেল জীলা ১৬ লৈ। অদুবু মসিদগী মীয়ামদা কান্নবা অসি ফংহনগদবা মওংদা ফংহনবা ঙমদ্রি। মফমসিদগী মীওই কয়ানা য়াম্না লাপ্না অহল ওইরবা মপা-মমা থাদোক্তুনা, মরৌ-মশিং থাদোক্তুনা, মরূপ-মপাংশিং থাদোক্তুনা অচৌবা লৈবাকশিংদা থবক্কীদমক মাইগ্রেসন তৌরি।

খুদোংচাদবশিং অসি হন্থহন্নবা অমসুং ময়ায়থংবা অমসুং নোংপোকথংবা ভারতকী য়াম্লবা মীয়াম্না মাগী ময়ুম মনাক্তা হেন্না অফবা থবক ফংহন্নবা কম্মর্সিএল মাইনিংগী মায়কৈরোমদা ঐখোয়না থৌরাংশিং পায়খৎলিবা অসি অফবা মহৈ ফংলক্কনি অদুগা অফবা মহৈগী মতাংদা হায়বা মতমদা ঐনা হায়রিবা মফমশিং অসিদা চাওখৎহনগদবনি। ঐখোয়না মফমদুদা লৈরিবা লাইরবশিং ফননবা তৌবিগদবনি। ঐখোয়না মফম অদু হান্না আত্মানির্ভর ওইহনগদবনি, মফমদুগী ইমুং খুদিং আত্মানির্ভর ওইহনগদবনি, লায়রবগী পুন্সি মহিং অদু হোংদোক্কদবনি। ঙসি কোয়লাগী ব্লোকশিংগী ওক্সন তৌরিবা অসিদগী ঐখোয়না থবক লাক্ষ কয়া লৈহল্লক্নবগী খনবা য়াই। মসিদা নত্তনা কোয়লা লৌথোকপদগী হৌরগা পুথোক-পুশিন তৌবা হেন্না ফগৎহন্নবগীদমক অনৌবা ইনফ্রাস্ত্রকচরশিং শেমদুনা থবক ফংহনগনি, মফমদুদা লৈরিবশিংদা হেন্না খুদোংচাবা ফংহনগনি। হন্দক্তা সরকারনা অসিগুম্বা ইনফ্রাস্ত্রকচর কোতী লিশিং ৫০ চাদি তৌনবা ৱারেপ লৌখ্রে।

মরূপশিং, কোয়লা সেক্তর তৌরিবা অনৌবা শেমগৎপশিংসিনা সেক্তরসিদা ইনভেস্ত তৌরিবসিনা মীয়ামগী পুন্সিদা মরুওইনা লায়রবশিং অমসুং ত্রাইব ইচিন-ইনাওশিংগী পুন্সিনা লায়না হিংবদা চাওনা তেংবাংগনি। কোয়লা পুথোকপদগী রাঝ্যশিংদা অহেনবা রেভিন্যু ফংলগনি, মফমদুগী য়াইফনবগীদমক মদু শিজিন্নরগনি, রাজ্য অদুগী চাওখৎলগনি। মসিগা লোয়ননা দিস্ত্রিক্ত মিনরেল ফন্দদগী মতেং ফংগনি অমসুং মখা তানা তেংবাং ফংগনি। মসিগী ফন্দ অসিগী অচৌবা শরুক অমা কোয়লা মাইনিংগী মফমদা মরুওইবা খুদোংচানবশিং শেমগৎলি। মপমদুগী মীশিংনা লায়না হিংনবা, মখোয়না হিংবদা অৱাবশিং মায়োক্নদনবা, মখোয়শিংবু সরকারগা থবক কয়াগীদমক হোৎনবগী মথৌ তাদনবা। ওইনবা। মখোয় মশাগী ইকাই খুম্নবা ঙাক্না হিংনবা, মখোয় আত্মীনির্ভর ওইনা হিংসনু হায়বদি লন-থুম লৈবা মফমদা লৈবা মীশিং ফাবসু ওইনবা, মসিগী পান্দম অসিগা লোয়ননা মমাংলোমদা চংশিল্লি। ঙসি লৌখৎলিবা থৌরাং অসিনা পান্দম অসিবু ফংনবা হোৎনবদা মতেং ওইগনি।

মরূপশিং, ওক্সন অসি ভারতপুম্বগী কারবারগী থবক অসি থুনা হান্নগী মওংদা লাক্লবা মতমসিদা পাংথোক্কদৌরি। কঞ্জুম্পসন অমসুং দিমান্দ অসি য়াংখৎলক্তুনা কোবিদ-১৯গী মায়কৈরোমদা চংশিল্লক্লি।

মতাংসিদা নৌনা হৌদোক্নবগীদমক হেন্না ফবা মতম লাক্লরোই। পাৱর জেনেরেসন তৌবদা ওিরো, কঞ্জুমসন্দা ওইরো, পেত্রোলিয়মগী প্রদকশিংগী দিমান্দ ওইরো মসি মে থাগী অরোইবদা অমসুং জুনগী অহানবা চয়োলদা য়াম্না য়াংনা হেনগৎলক্লি। মতৌ অসিগুম্না এপ্রীলগা চাংদম্নবদা ই-ৱে বীলশিং, মদুদা চাওরাক্না চাদা ২০০ চোংখৎলকপা উখ্রে। জুন্দা তোল খোমজিনবগীসু, ফেব্রুৱারীগী খোমজিনবা চাদা ৭০ ফাওবা য়ৌখৎপা ঙমখ্রে। মেগী তাদা রেলৱে ফ্রাইৎ ত্রাফিক্তসু এপ্রীলগা য়েংনবদা চাদা ২৬ ফগৎলে হায়না হায়খ্রে। অদুবু অপুনাবদিজিতেল রিতেল ত্রাঞ্জেক্সনগী মতাংদা হায়রবদা মাগী ভোল্যুম অমসুং ভেল্যু অনিমক্তা হেনগৎপা হৌখ্রে।

মরূপশিং, খুঙ্গংগী শেন্মীৎলোনসু হেন্না হেনগৎলকপা হৌখ্রে। হন্দক্কী অসিদা মহৈ-মরোংশিং লোকপগী মফম অসি মমাংগী চহীদগী চাদা ১৩ হেল্লে। হন্দক্কী চহীসিদা গেহুগী পোত্থোক পুথোকখিবা অমসুং লৈবা অনীমক হেনগৎখ্রে। হৌখিবা চহীগা য়েংনবদা হৌজিক ফাওবদা গেহু অসি চাদা ১১দগী হেন্না লৈখ্রে। হায়বদি লৌমীশিংগী ফুরীৎখাউদা শেল হেন্না য়াওখ্রে হায়বনি। মসিদা তাক্লিবশিং অসি মতম য়াম্নসু চংবা অদু উত্তে, মসিনা উৎলিবা অসি ভারতকী শেন্মীৎলোন্দা য়াংনা অমুকলহল্লকহন্নবগীদমক শেম শাখ্রে, মমাংলোমদা চংশিল্লি। মরূপশিং, ভারত্তগী অরু-অরুবা খুদোংথিবা কয়াদগী নান্থোরকরা ঙমখ্রে, মসিদগীসু নান্থোরক্কনি। ঐখোয় ভারত্তা লৈরিবা মীশিং অসি কঞ্জুমর কোতী-কোতী ওইবা ঙম্লবদি প্রদ্যুসর কোতী-কোতীসু ওইরিবনি হায়বসি কাউরোইদবনি। ভারতকী মায় পাকপা, ভারতকী চাওখৎপা অসি অরেপ্পনি। চয়োল খরগী মমাংফাওবা এন.ঐচ.৯৫, মাস্ক,কোরোনা তেস্তিং কীৎ, পর্সোনেল প্রোতেক্তিব ইক্বীপ্মেন্ত-পি.পি.ই. অসি ঐখোয়না মপান্দগী লৌরম্মী। হৌজিক ভারত অসি মেক-ইন-ইন্দিয়াদগী মপুং ফাহল্লি। অদুগী মথক্তা য়াম্না থুনা অথোইবা মওংগী মেদিকেল প্রদকশিংগী এক্সপোর্তরসু ওইরগনি। অদোম্না অদোমগী থাজবা, অদোমগী থৌনা অদু হেনগৎহল্লবদি ঐখোয় খুদিংমক ঐখোয়গী মংলান অসি মপুং ফাহনবা ঙমগনি।

ঐখোয় আত্মানির্ভর ওইবা য়াই অমসুং মসি ঐখোয় খুদিংমক্কী ৱাশক্নি, ইরৈচা কোতী ১৩০গী ৱাশক্নি। ঐখোয়না ঐখোয় আত্মানির্ভর ভারত ওইবা ঙমগনি। ঐখোয় আত্মানির্ভর ভারত ওইহনবা ঙমগনি। ইরোমদোম লেপচবা ভারতকী খোংচৎ অসি ভারত্তা লৈরিবা মীওই কোতী ১৩০রোম্না হৌদোকখিবনি, মসিদা অদোম খুদিংমক্কী য়াম্না চাওবা থৌদাং য়াওরি। অদোম্না লমজিংনবগীদমক মমাং থানা থোকপীরকউ। করিগুম্বা খরা তৌদুনা পুৱারী শেম্নবগী তোঞ্জা অসি পুন্সিদা অসিগুম্বা তাঞ্জা অসি য়াম্না তাংনা লাকই। ঙসি ভারতকী ইন্দস্ত্রীশিং, ভারতকী কারবারশিং, ভারতকী সর্ভিস সেক্তরগী মীওইশিংবু ৱাখলদা ইনোৎ হাপ্তুনা পুৱারী অসি হোংনবা তাঞ্জা অদু লাক্লে। । পুৱারীবু মমায় লৈনবগী তাঞ্জা লাক্লে। ঐখোয়না মসিগী তাঞ্জা অসি নান্থোকহল্লোইদবনি। ঐখোয়না মসিগী তাঞ্জা অসি থাদোক্লোইদবনি। লাক্লো ভারত অসি খুমাং চাওশিলহল্লসি, ভারত অসি আত্মানির্ভর ওইহল্লসি।

মরূপশিং, ঙসি ঐনা অদোম পুম্নমক্কী মরক্তা লাক্নবগী তাঞ্জা ফংলে। মতাংদি কোয়লাগীনি, মনীগী মংলান মংদুনা চৎকদবনি। অমুক হন্না ময়াম পুম্নমকপু মসিগী য়াম্না মপুওিবা থৌরাং অসিগীদমক , কোয়লা সেক্তরগী অথোইবা পল্লেপফম অসিগীদমক্তা ঐগী মায়কৈদগী য়াইফ পাওজেল পীজরি! মরুওইনা মন্ত্রী পরিশদকী ঐগী মরুপ প্রল্হাদ জোশীজী অমসুং মাগী তীম্বু লোকদাউনগী মতম অসি নিংথিজবা মওংদা শিজিন্নবগীদমক মখোয়বু তাগৎপা ফোংদোকচনিংই। বিভাগ পুম্নমক্কী য়াম্না কুপ্না নৈনখি। লৈবাক অসিগীদমক্তা করিগুম্বা অনৌবা অমা পাংথোকপা, অনৌবা মওংদা করি তৌবা য়াবগে, মখোয়শিংনা য়াম্না চাওনা মকোক থানা পাংথোক্লি। ঐনা প্রল্হাদজীবু, মাগী সেক্রতরী অমসুং মাগী তীম্বু ঙসি য়াম্না থাগৎচরি।

অদোম্না অপীকপা থৌরম অমা শিনবনি হায়না খনবিরমগনি। প্রল্হাদ ঐগী ৱাখলদা অদোম্না আত্মানির্ভর ভারত অমা ওইনবগীদমক অকনবা য়ুম্বী অমা হাপ্পীরিবনি হায়না খল্লি। অমসুং মরম অসিনা অদোমগী তীম পুম্নমক অসি য়াম্না তাগৎনিংঙাইগী মশক্নি।

ঐ অদোমগা লোয়ননা লৈ হায়বসি ঐনা ইন্দস্ত্রীগী লমদগী মফমসিদা লৈবিরিবশিংবু অমুক হন্না থাজহনবা পামজৈ। লৈবাক অসিগী ফননবা অদোম্না খোংকাপ অনী থাংদুনা চৎপা ওইরো, খোংকাপ মরি থাংদুনা চৎপা ওইরো ঐ অদোমগা লোয়ননা লৈ। লাক্লো ঐখোয় পুল্লগা তাঞ্জা অসি চত্তনবা তৌমিন্নরসি। অমুক হন্না অদোম পুম্নমকপু য়াইফ পাওজেল পীজরি।

হন্না-হন্না থাগৎচরী।

অদোম্বু থাগৎচরি!

*****