প্রধানমন্ত্রীগী লোইশঙ

ভারতকী খুঙ্গংদা হিংনবা লম্বীশিং হেন্না ফংহন্নবা জুন ২০দা প্রধান মন্ত্রী মোদীনা গরীব কল্যান রোজগার অভিয়ান হৌদোক্কনি


শিন্মীশিং মতেং পাংনবা মিসনগী মওংদা থবক তৌদুনা রাজ্য ৬কী জিলা ১১৬ শীনবা থুংনা নুমিৎ ১২৫ কেম্পেন পাংথোক্নবা পান্দম থম্লি

কেম্পেন অদুনা থবক ফংবগী খুদোংচাবশিং পীবগা লোয়ননা তুংকোইনা লৈহৌগদবা মচাক-মথুম শেমগৎকনি

গরীব কল্যান রোজগার অভিয়ানগী মখাদা লুপা ক্রোর ৫০,০০০ রোমগী মীয়ামগী থবকশিং পায়খৎকনি

Posted On: 18 JUN 2020 9:24AM by PIB Imphal

অতোপ্পা রাজ্যশিংদগী হল্লকপা শিন্মীশিং অমসুং খুঙ্গংগী মীয়ামদা হিংনবা খুদোংচাবশিং পীনবা য়াম্না চাউবা খুঙ্গংগী মীয়াম থবক শুনবা স্কিম “গরীব কল্যান রোজগার অভিয়ান” হৌদোক্নবা ভারত সরকারনা ৱারেপ লৌরে। বিহারগী চীফ মিনিস্তর অমসুং দিপুতি চীফ মিনিস্তর য়াওনা ভিদিও কনফরেন্সকী খুৎথাংদা জুন ২০, ২০২০গী অয়ুক পুং ১১দা অভিয়ান অসি প্রধান মন্ত্রী মোদীনা হৌদোক্কনি। অভিয়ান অসি বিহারগী খাগারিয়া জিলাগী বেলদৌর ব্লোক্কী মনুংদা লৈবা তেলিহার খুঙ্গংদা হৌদোক্কনি। থৌরম অদুদা অতোপ্পা রাজ্য মঙাগী চীফ মিনিস্তরশিং অমসুং মরী লৈনবা মিনিস্ত্রিশিংগী য়ুনিয়ন মিনিস্তরশিং ভর্চুয়েল ওইনা শরুক য়াগনি। কোবিদ-১৯ লাইচৎ শন্দোরকপা অসিদা থাপ্নবা লৈনবা কাংলোনশিং ঙাক্নবা কম্মন সর্বিস সেন্তরশিং অমসুং কৃসি বিগ্যান কেন্দ্রশিংগী খুৎথাংদা রাজ্য ৬কী জিলা ১১৬কী খুঙ্গংশিং থৌরম অসি শরুক য়াগনি।

নুমিঃ ১২৫ চৎথগদৌরিবা কেম্পেন অসিদা অতোপ্পা রাজ্যশিংদগী হল্লকপা শিন্মীশিং থবক ফংহন্নবা থবক মখল ২৫ পায়খৎনবা মিৎয়েং চংগনি অমসুং লৈবাক অসিগী খুঙ্গংশিংদা লুপা ক্রোর ৫০,০০০ চঙনা মচাক-মথুমশিং শেমগৎনবা হোৎনগনি।

বিহার, উত্তর প্রদেশ, মৈধ্য প্রদেশ, রাজাস্থান, ঝারখন্দ অমসুং ওরিসা রাজ্যশিংগী অপুনবা জিলা ১১৬গী অতোপ্পা রাজ্যশিংগী হল্লকপা শিন্মীশিং কেম্পেন অসিদা শরুক য়াহনগনি অমসুং মসিদা শোত্থরবা দিস্ত্রিক ২৭ য়াওরি। হায়রিবা শোত্থরবা দিস্ত্রিকশিং অসিদা অতোপ্পা রাজ্যশিংগী হল্লকপা শিন্মীশিংগী শরুক অহুম থোকপগী শরুক অনি কোনশিনগনি হায়না পানরি।

তোঙান-তোঙানবা মিনিস্ত্রী/দিপার্তমেন্ত ১২ হায়বদি; রুরেল দিবেলপমেন্ত, পঞ্চায়তী রাজ, রোদ ত্রান্সপোর্ত অমসুং হায়ৱেজ, মাইন্স, দ্রিকিং ৱাতর অমসুং সেনিতেসন, ইনবাইরনমেন্ত, রেলৱেজ, পেত্রোলিয়ম অমসুং নেচরেল গ্যাস, ন্যু অমসুং রিন্যুএবল ইনর্জী, বোর্দর রোদস, তেলিকোম অমসুং এগ্রিকলচরগী মরক্তা মতেং পীনদুনা অভিয়ান অসি পায়খৎকনি।

*****



(Release ID: 1632258) Visitor Counter : 235